TV
ప్రియదర్శన్‌
పెద్ద పెద్ద పడవలను రెడీ చేస్తున్నారు మలయాళ దర్శకుడు ప్రియదర్శన్‌. ఆల్రెడీ కొన్ని పడవలను సిద్ధం చేశారు కూడా. ఆయన కొత్త వ్యాపారం ఏం మొదలుపెట్టలేదు. ‘మరాక్కర్‌–అరబ్బికడలింటే సింహం’ అనే సినిమా కోసమే ఇదంతా. మోహన్లాల్ టైటిల్‌ రోల్‌ చేయనున్న ఈ సినిమాలో అర్జున్, సునీల్‌ శెట్టి, ప్రణవ్‌ మోహన్లాల్, కీర్తీ సురేశ్, కల్యాణి ప్రియదర్శన్‌ కీలక పాత్రలు పోషించనున్నారు. ప్రస్తుతం ఈ సినిమా ప్రీ–ప్రొడక్షన్‌ వర్క్స్‌ శరవేగంగా జరుగుతున్నాయి. ‘బాహుబలి’ ఫేమ్‌ సాబు శిరిల్‌ ఆధ్వర్యంలో సెట్‌ వర్క్‌ జరుగుతోంది. ఈ సెట్‌ ఫొటోలను సోషల్‌æమీడియాలో షేర్‌ చేశారు కల్యాణి ప్రియదర్శన్‌. అలాగే ఈ సినిమా షూటింగ్‌ అతి త్వరలో ప్రారంభం కానుందని పేర్కొన్నారామె. సముద్రపు దొంగల నేపథ్యంలో ఈ సినిమా కథనం ఉంటుందట. ఇప్పుడు అర్థం అయ్యింది కదా... దర్శకుడు ప్రియదర్శన్‌ పడవలను ఎందుకు తయారు చేస్తున్నారో!
Comments
Please login to add a commentAdd a comment