సన్నీలియోన్‌

పోర్న్‌ స్టార్‌గా ఓ వెలుగు వెలిగి బిగ్‌బాస్‌ షో పాపులారిటితో బాలీవుడ్‌లో అడుగు పెట్టిన శృంగార తార సన్నీలియోన్‌ బయోపిక్‌ త్వరలో తెరకెక్కనుంది. అయితే ఇది సినిమాలా కాకుండా వెబ్‌సిరీస్‌ రూపంలో ప్రేక్షకుల ముందుకు రానుంది. ఆమె అసలు పేరైన ‘కరణ్‌జీత్‌’ పేరుతోనే ఈ వెబ్‌సిరీస్‌ను జీ5 వెబ్‌ఫ్లాట్‌ఫాం రిలీజ్‌ చేయనుంది. ఈ విషయాన్ని సన్నీనే ట్విటర్‌ ద్వారా పంచుకున్నారు.

‘నేను కెనడా నుంచి ఎందుకు తిరిగొచ్చాను? సన్నీ లియోన్‌గా  పేరు ఎందుకు మార్చుకున్నాను?   కరణ్‌జీత్‌ నుంచి సన్నీగా మారే క్రమంలో నా జీవితం ఎలాంటి మలుపులు తిరిగింది? ఇలాంటి ఎన్నో ఆసక్తి కరమైన విషయాలను ఈ వెబ్‌ సిరీస్‌లో తెలుసుకోవచ్చని’ సన్నీ ట్వీట్‌ చేశారు. అయితే సన్నీ పాత్రలో తనే నటిస్తుందా లేదా అన్న విషయం వెల్లడించలేదు. తెలుగు చిత్రాల్లో ప్రత్యేక సాంగ్స్‌తో సన్నీ తెలుగు ప్రేక్షకులను ఆకట్టుకుంటున్న విషయం తెలిసిందే. సన్నీ చేసిన ఈ ట్వీట్‌ తెగ వైరల్‌ అయింది.

Why did I move from Canada?
Why did I pick “#Sunny” as my name?
What was my life like?

Find out more about the woman behind Sunny and my life from #KarenjitToSunny, in my biopic, coming soon to @ZEE5India#SunnyLeone #ZEE5Originals pic.twitter.com/cfPxADGNp7

— Sunny Leone (@SunnyLeone) 6 March 2018