నానీతో అనుపమ?

నానీతో అనుపమ?

‘అ ఆ’, ‘ప్రేమమ్‌’లో కీలక పాత్రల్లో అలరించి, ‘శతమానం భవతి’తో కథానాయికగానూ ఆకట్టుకున్నారు  . ఆచి తూచి సినిమాలు ఎంపిక చేసుకుంటోన్న ఈ మలయాళీ బ్యూటీ ప్రస్తుతం రామ్‌ సరసన ‘ఉన్నది ఒకటే జిందగీ’లో కథానాయికగా నటిస్తున్నారు. తాజాగా నాని సరసన ఓ చిత్రంలో నటించడానికి అంగీకరించారని టాక్‌.

మేర్లపాక గాంధీ దర్శకత్వంలో ‘కృష్ణార్జున యుద్ధం’ పేరుతో నాని ఓ సిన్మా చేయనున్న విషయం తెలిసిందే. ఇందులో అనుపమను హీరోయిన్‌గా తీసుకున్నారట. ఈ చిత్రంలో ఆమె మోడ్రన్‌గా కనిపించనున్నారని సమాచారం. చూడబోతుంటే అనుపమ నెమ్మదిగా తెలుగులో బిజీ అవుతున్నట్లనిపిస్తోంది. అసిన్, మీరా జాస్మిన్, నిత్యామీనన్, నయనతార తదితర మలయాళ కుట్టీలు తెలుగులో స్టార్‌ హీరోయిన్స్‌ కాగలిగారు. అనుపమ కూడా ఆ లిస్టులో చేరతారని ఊహించవచ్చు.