ఒకే కుటుంబంలో ఐదుగురికి కరోనా

సాక్షి, తిరువనంతపురం : కరోనావైరస్‌(కోవిడ్‌ 19) కేసుల సంఖ్య భారత్‌లో రోజు రోజుకీ పెరిగిపోతోంది. ఇప్పటికే దేశవ్యాప్తంగా 34మంది  కరోనా బారిన పడగా.. తాజాగా మరో ఐదుగురికి ఈ ప్రాణాంతక వైరస్‌ సోకింది. ఈ ఐదుగురు కేరళలోని ఒకే కుటుంబానికి చెందిన వారిగా గుర్తించారు. దీంతో దీంతో దేశంలో కరోనా వైరస్ బారిన పడిన బాధితులు సంఖ్య 39కి చేరుకుంది. మీడియాకు అందిన సమాచారం ప్రకారం ఆ కుటుంబంలోని ముగ్గురు సభ్యులు ఇటీవలే ఇటలీ నుంచి వచ్చినట్లు తెలుస్తోంది.
(చదవండి : వైరస్‌పై ప్రధాని సమీక్ష) 

ఆ ముగ్గురితో పాటు మరో ఇద్దరి కుటుంబ సభ్యులకు కరోనా పాజిటివ్‌ వచ్చింది. ఈ విషయాన్ని కేరళ ఆరోగ్యశాఖ మంత్రి కేకే శైలజా ప్రకటించారు.  ఆ కుటుంబంలో కరోనా బారిన పడిన వారిలో ఒక బాలుడు కూడా ఉన్నాడు. కేరళ  ఆరోగ్యశాఖమంత్రి కేకే శైలజా మాట్లాడుతూ ఆ కుటుంబ సభ్యులు ఎయిర్‌పోర్టులో తమ ప్రయాణ వివరాలు తెలియజేయలేదన్నారు. ఈ కారణంగానే వారికి తక్షణం పరీక్షలు చేయలేదన్నారు. వారు ఇటలీ నుంచి వచ్చాక వారి బంధువులను కలుసుకున్నారని, వారికి కూడా వ్యాధి లక్షణాలు కనిపించిన నేపధ్యంలో వారు ఆసుపత్రికి వచ్చారన్నారు. వారినందిరినీ ఐసోలేషన్ వార్డులో ఉంచి చికిత్స అందిస్తున్నామని పేర్కొన్నారు.