TV
ఒడిశాలోని మల్కాన్గిరి జిల్లా బీఎస్ఎఫ్ జవాన్లపైన మావోయిస్టులు దాడి చేశారు.ఆ దాడిలో ముగ్గురు బీఎస్ఎఫ్ జవాన్లు గాయపడ్డారు. అసెంబ్లీ ఎన్నికల విధుల కోసం వెళ్తున్న బీఎస్ఎఫ్ జవాన్ల వాహనాన్ని మందుపాతరతో పేల్చివేశారు. ఎం.వి.126 గ్రామం వద్ద మావోయిస్టులు ఆ ఘాతుకానికి ఒడిగట్టారు.
మావోయిస్టుల దాడి సమాచారాన్ని జవాన్లు ఉన్నతాధికారులకు అందించారు. పోలీసు ఉన్నతాధికారులు వెంటనే సంఘటన స్థలానికి చేరుకుని క్షతగాత్రులను సమీపంలోని ఆసుపత్రికి తరలించారు.మావోయిస్టుల కోసం పోలీసులు రంగంలోకి దిగి గాలింపు చర్యలు తీవ్రతరం చేశారు.
