సుష్మా పీఎస్గా మీను

సుష్మా పీఎస్గా మీను

న్యూఢిల్లీ: కేంద్ర విదేశీ వ్యవహారాల శాఖ మంత్రి సుష్మా స్వరాజ్ ప్రైవేట్ కార్యదర్శి (పీఎస్) గా మీను చౌదరి నియమితులయ్యారు. ఈ మేరకు సిబ్బంది మరియు శిక్షణ వ్యవహారాల మంత్రిత్వ శాఖ బుధవారం ఆదేశాలు జారీ చేసింది. 2019, జూన్ 3 వరకు మీను పీఎస్గా వ్యవహరిస్తారని ఆ ఆదేశాల్లో పేర్కొంది. 2000 ఐపీఎస్ బ్యాచ్కి చెందిన మీను ... కేంద్ర పాలిత ప్రాంత క్యాడర్కు చెందిన వారు.

ఇప్పటి వరకు ఈ పదవిలో ఉన్న కేంద్ర పాలిత ప్రాంత క్యాడర్కు చెందిన ఐపీఎస్ అదికారి జగజ్జీత్ సింగ్ ఐదేళ్ల పదవి కాలం గతేడాది సెప్టెంబర్తో ముగిసింది. దీంతో ఆయన్ని మాతృ రాష్ట్రానికి పంపాలని అపాయింట్మెంట్స్ కమిటీ ఆఫ్ కేబినెట్ మే 26న సమావేశమై నిర్ణయించింది. ఈ నేపథ్యంలో ఆయన స్థానంలో మీనును నియమిస్తూ కేంద్రం నిర్ణయం తీసుకుంది.