ప్రతి ఎంపీ ఓ గ్రామాన్ని దత్తత తీసుకోవాలి

న్యూఢిల్లీ : ప్రధానమంత్రి నరేంద్ర మోడీ శనివారం 'సంసద్ ఆదర్శ్ గ్రామ్ యోజన'  పధకాన్ని ప్రారంభించారు.  ఢిల్లీ విజ్ఞాన్‌ భవన్‌లో జరిగిన ఈ కార్యక్రమంలో ప్రధాని పాల్గొన్నారు. ఈ సందర్భంగా ఆయన మాట్లాడుతూ  2016 కల్లా ప్రతీ పార్లమెంట్ నియోజకవర్గంలో ఒక గ్రామాన్ని ఆదర్శగ్రామంగా తీర్చిదిద్దాలని,  పార్లమెంట్‌ సభ్యులు ఈ బాధ్యత తీసుకోవాలని ఆకాంక్షించారు. తాను కూడా వారణాసి నియోజకవర్గంలోని ఓ గ్రామాన్ని దత్తత తీసుకుని ఆదర్శ గ్రామంగా తీర్చిదిద్దుతానన్నారు.కేంద్ర, రాష్ట్ర ప్రభుత్వాలు ఎంపీ ల్యాడ్స్ నిధులతో ఆదర్శ గ్రామాలుగా తీర్చిదిద్దాలన్నారు. ప్రతి ఎంపీ గ్రామాభివృద్ధిని బాధ్యతగా తీసుకోవాలని మోడీ సూచించారు.