మోదీ పాట.. గార్భా స్టెప్పులతో అదరగొట్టిన యువతులు

ప్రస్తుతం దేశమంతా దేవీ నవరాత్రోత్సవాల్లో మునిగిపోయింది. ముఖ్యంగా ఉత్తరభారత దేశంలో ఈ ఉత్సవాలు ఎంత ఘనంగా నిర్వహిస్తారో తెలిసిన విషయమే. శక్తి స్వరూపిణి అయిన అమ్మవారికి నిత్యం పూజలు చేస్తూ, భజనలతో అర్చించడం, సంప్రదాయ నృత్యాలతో అలరించడం పరిపాటి. కాగా దేవీ నవరాత్రులను పురస్కరించుకుని ప్రధాని నరేంద్ర మోదీ తన మాతృభాష గుజరాతీలో ఓ పాటను రాశారు. ‘గాయితోనో గర్బో.. నే జీలే తెనో గర్బో’  అనే పల్లవితో సాగే ఈ పాటకు సుమారు 200 మంది అంధ(పాక్షికం) విద్యార్థినులు అదిరిపోయే స్టెప్పులేసి శోభ తీసుకువచ్చారు. మ్యూజిక్‌కు అనుగుణంగా గుజరాతీ సంప్రదాయ నృత్యం ‘గర్భా’ను ప్రదర్శించి తమలో దాగున్న కళను పరిచయం చేశారు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌ అవుతోంది.