TV
సొంతగడ్డపై తొలి సెంచరీ బాదాడు
రాజ్‌కోట్‌: టీమిండియా బ్యాట్స్‌మన్‌ చటేశ్వర్‌ పుజారా సొంతగడ్డపై అదరగొట్టాడు. రాజ్‌కోట్‌లో ఇంగ్లండ్‌తో జరుగుతున్న తొలి టెస్టులో పుజారా సెంచరీతో చెలరేగాడు. టెస్టు క్రికెట్లో సొంతగడ్డపై పుజారాకిదే తొలి సెంచరీ కాగా ఓవరాల్‌గా తొమ్మిదోది.
మ్యాచ్‌ మూడో రోజు శుక్రవారం తొలి ఇన్నింగ్స్‌ కొనసాగించిన భారత్‌.. ఇంగ్లండ్‌కు దీటుగా బదులిస్తోంది. టీ విరామం తర్వాత భారత్‌ 234/1 స్కోరుతో బ్యాటింగ్ చేస్తోంది. పుజారా 169 బంతుల్లో 15 ఫోర్లతో సెంచరీ చేశాడు. మరో బ్యాట్స్‌మన్‌ మురళీ విజయ్‌ (86 బ్యాటింగ్) సెంచరీకి చేరువయ్యాడు. పుజారా, మురళీ విలువైన భాగస్వామ్యంతో టీమిండియా భారీ స్కోరు దిశగా దూసుకెళ్తోంది. ఇంగ్లండ్‌ తొలి ఇన్నింగ్స్‌లో 537 పరుగులు చేసింది.
