అక్కడ ఆడటాన్ని ఎంజాయ్ చేశా: పుజారా

అక్కడ ఆడటాన్ని ఎంజాయ్ చేశా: పుజారా

చెన్నై:ఇంగ్లండ్ లో జరిగే కౌంటీ మ్యాచ్ ల్లో ఆడటాన్ని ఎక్కువ ఆస్వాదిస్తున్నట్లు భారత స్టార్ క్రికెటర్ చతేశ్వర్ పుజారా స్పష్టం చేశాడు. ఇటీవల జరిగిన  ఇండియన్ ప్రీమియర్ లీగ్(ఐపీఎల్)లో పుజారాను ఎవరూ కొనుగోలు చేయకపోవడంతో అతను ఇంగ్లిష్ కౌంటీల్లో ఆడేందుకు ఒప్పందం చేసుకున్నాడు. దానిలో భాగంగా నాటింగ్హామ్ తరపున పుజారా పాల్గొన్నాడు.

దీనిపై తాజాగా స్పందించిన పుజారా.. ఇంగ్లండ్ లో ఆడటాన్ని ఎక్కువగా ఎంజాయ్ చేసినట్లు పేర్కొన్నాడు. 'ఇంగ్లండ్ లో ఛాలెంజింగ్ కండిషన్లలో ఆడటాన్ని బాగా ఆస్వాదించా. అక్కడ ఫాస్ట్ బౌలర్లను ఎదుర్కోవడం భిన్నమైన అనుభవం. భారత్ లోని పరిస్థితులతో్ పోలిస్తే ఇంగ్లండ్ పరిస్థితులు వేరుగా ఉంటాయి. అక్కడ ఫాస్ట్ పిచ్ లపై పరుగులు చేయడం చాలా ఆనందంగా ఉంది. నాటింగ్హామ్ జట్టులో సభ్యున్ని కావడం నిజంగా చాలా గ్రేట్.మరొకసారి చాన్స్ వస్తే ఇంగ్లండ్ లో కౌంటీల్లో ఆడాలని ఉంది'అని పుజారా తెలిపాడు.