TV
అంకిత్ అకాల మరణం బాధించింది: గంగూలీ
న్యూఢిల్లీ: బెంగాల్ యువ క్రికెటర్ అంకిత్ కేసరి అకాల మరణంపై టీమిండియా మాజీ కెప్టెన్ సౌరభ్ గంగూలీ దిగ్భ్రాంతి వ్యక్తం చేశాడు. చిన్న వయసులోనే కేసరి మరణిచడం తనను కలిచివేసిందని పేర్కొన్నాడు. మంగళవారం ఓ స్వచ్ఛంద కార్యక్రమంలో గంగూలీ పాల్గొన్నాడు.
ఈ సందర్భంగా మాట్లాడుతూ... అంకిత్ కేసరి 20 ఏళ్ల ప్రాయంలోనే మృతి చెందడం బాధించిందన్నాడు. తన కూతురు కంటే ఏడేళ్లు పెద్దవాడైన అంకిత్ అకాల మరణం తననెంతో కదలించిందని పేర్కొన్నాడు. చిన్న వయసులోనే యువ క్రీడాకారుని జీవితం అర్ధాంతరంగా ముగియడం బాధాకరమని వ్యాఖ్యానించాడు.
