ఫెడరర్, నాదల్‌ నాలుగోస్సారి...

టెన్నిస్‌ దిగ్గజాలు రోజర్‌ ఫెడరర్‌ (స్విట్జర్లాండ్‌), రాఫెల్‌ నాదల్‌ (స్పెయిన్‌) ఈ ఏడాది నాలుగోసారి టైటిల్‌ సమరంలో తలపడేందుకు సిద్ధమయ్యారు. షాంఘై ఓపెన్‌ ఏటీపీ మాస్టర్స్‌ టోర్నమెంట్‌లో ఈ ఇద్దరూ ఫైనల్లోకి దూసుకెళ్లారు. శనివారం జరిగిన పురుషుల సింగిల్స్‌ సెమీఫైనల్స్‌లో నాదల్‌ 7–5, 7–6 (7/3)తో మారిన్‌ సిలిచ్‌ (క్రొయేషియా)పై, ఫెడరర్‌ 3–6, 6–3, 6–3తో డెల్‌పొట్రో (అర్జెంటీనా)పై గెలిచారు.

ఈ ఏడాది నాదల్‌తో ఆడిన మూడు ఫైనల్స్‌లో ఫెడరరే గెలిచాడు. ఓవరాల్‌గా వీరిద్దరు 38వ సారి పోటీపడుతుండగా... ముఖాముఖి రికార్డులో మాత్రం నాదల్‌ 24–13తో ఫెడరర్‌పై ఆధిక్యంలో ఉన్నాడు.