రన్నరప్‌ హైదరాబాద్‌ జట్లు

సాక్షి, హైదరాబాద్‌: అంతర్‌ జిల్లా సీనియర్‌ కబడ్డీ చాంపియన్‌షిప్‌లో హైదరాబాద్‌ జట్లకు నిరాశ ఎదురైంది. ఎల్బీ స్టేడియంలో జరిగిన ఈ టోర్నీలో హైదరాబాద్‌ జట్లు రెండో స్థానంతో సరిపెట్టుకున్నాయి. పురుషుల ఫైనల్లో నల్లగొండ జట్టు 30-29తో హైదరాబాద్‌ను ఓడించి చాంపియన్‌గా నిలిచింది.

మహిళల కేటగిరీలోనూ హైదరాబాద్‌ 25-36తో వరంగల్‌ చేతిలో పరాజయం పాలైంది. పోటీల అనంతరం జరిగిన బహుమతి ప్రదాన కార్యక్రమంలో టీపీసీసీ అధ్యక్షుడు ఎన్‌. ఉత్తమ్‌ కుమార్‌ రెడ్డి ముఖ్య అతిథిగా విచ్చేసి విజేతలకు ట్రోఫీలను అందజేశారు. ఈ కార్యక్రమంలో తెలంగాణ కబడ్డీ సంఘం అధ్యక్షుడు కాసాని జ్ఞానేశ్వర్, కార్యదర్శి కె. జగదీశ్వర్‌ యాదవ్‌ పాల్గొన్నారు.