TV
పెర్త్‌: మిచెల్‌ జాన్సన్‌.. 2013-14 యాషెస్‌ సిరీస్‌ను ఆస్ట్రేలియా క్లీన్‌స్వీప్‌ చేయడంలో కీలక పాత్ర పోషించాడు. ఆ సిరీస్‌లో ఇంగ్లండ్‌ను బెంబేలెత్తించిన జాన్సన్‌ మూడు మ్యాన్‌ ఆఫ్‌ ద మ్యాచ్‌ అవార్డులతో పాటు మ్యాన్‌ ఆఫ్‌ ద సిరీస్‌ అవార్డు గెలుచుకున్నాడు. ఇంగ్లండ్‌ జట్టు అంటేనే పూనకం వచ్చే జాన్సన్‌.. తాజాగా మరోసారి ఇంగ్లిష్‌ జట్టుకు షాకిచ్చాడు. ఈసారి వరుస వికెట్లతో కాదు.. ఓ అద్బుతమైన రనౌట్‌తో ఇంగ్లండ్‌ జట్టును ఆశ్చర్యంలో ముంచెత్తాడు. అయితే జాన్సన్‌ ఇలా మెరిసింది యాషెస్‌ సిరీస్‌లో కాదు.. దేశవాళీ టోర్నమెంట్‌లో.
ప్రస్తుతం అంతర్జాతీయ క్రికెట్‌ కెరీర్‌కు దూరంగా ఉంటున్న జాన్సన్‌.. ఆసీస్‌ దేశవాళీ లీగ్‌ల్లో ఆడుతున్నాడు. ఈ క్రమంలోనే తాజాగా ఇంగ్లండ్‌ లయన్స్‌తో జరిగిన ప్రాక్టీస్‌ మ్యాచ్‌లో జాన్సన్‌ బౌండరీ లైన్‌ వద్ద నుంచే త్రో విసిరి వికెట్లను పడగొట్టాడు. తొలుత బౌండరీకి వెళ్లకుండా బంతిని ఆపిన జాన్సన్‌..ఆపై నేరుగా ఆ బంతిని నాన్‌ స్టైకర్‌ వైపు విసిరాడు. అది కాస్త వికెట్లను తాకడంతో డామ్‌ బెస్‌ రనౌట్‌గా నిష్క్రమించాడు. ప్రస్తుతం జాన్సన్‌ విసిరిన త్రో సామాజిక మాధ్యమాల్లో వైరల్‌గా మారింది.
Comments
Please login to add a commentAdd a comment