TV
రవి కుమార్‌కు రజతం
న్యూఢిల్లీ: ప్రపంచ జూనియర్ రెజ్లింగ్ చాంపియన్‌షిప్‌లో భారత రెజ్లర్ రవి కుమార్ రజత పతకం సాధించాడు. బ్రెజిల్‌లో జరిగిన ఈ మెగా ఈవెంట్‌లో పురుషుల 55 కేజీల విభాగంలో రవి కుమార్ రెండో స్థానంలో నిలిచాడు. ఫైనల్లో రవి 0-10 తేడాతో మాహిర్ అమీరాస్లనోవ్ (అజర్‌బైజాన్) చేతిలో ఓడిపోయాడు. అంతకుముందు తొలి రౌండ్‌లో రవి 12-8తో స్టీవెన్ మికిక్ (అమెరికా)పై, క్వార్టర్ ఫైనల్లో 9-5తో శామ్యూల్ జగాస్ (కెనడా)పై, సెమీస్‌లో 9-8తో జనాబజార్ జందాన్‌బుద్ (మంగోలియా)పై గెలుపొందాడు.
