సెయింట్ ఆండ్రూస్ ముందంజ

జింఖానా, న్యూస్‌లైన్: దేవసియా ఇంటర్ స్కూల్ చెస్ టోర్నీ బాలికల విభాగంలో సెయింట్ ఆండ్రూస్ ‘ఎ’ జట్టు 6 పాయింట్లతో ముందంజలో ఉంది. బోయిన్‌పల్లిలోని సెయింట్ ఆండ్రూస్ స్కూల్లో జరుగుతున్న ఈ టోర్నీలో మంగళవారం మూడో రౌండ్‌లో సెయింట్ ఆండ్రూస్ జట్టు 6 పాయింట్లతో  సికింద్రాబాద్ పబ్లిక్ స్కూల్‌పై విజయం సాధించింది.
 
  పల్లవి మోడల్ స్కూల్ జట్టు 4 పాయింట్లతో ఎన్‌ఎస్‌కేకే జట్టుపై నెగ్గగా, మెరిడియన్, సాధు వాస్వని జట్లు చెరో 3 పాయింట్లు సాధించి మ్యాచ్‌ను డ్రా చేసుకున్నాయి. బాలుర విభాగం మూడో రౌండ్ ముగిసే సమయానికి చిరెక్ పబ్లిక్ స్కూల్, సాధు వాస్వని జట్లు ఆధిక్యంలో ఉన్నాయి. సాధు వాస్వని 6 పాయింట్లతో హెచ్‌పీఎస్ గెలవగా, చిరెక్ పబ్లిక్ స్కూల్ 6 పాయింట్లతో మెరిడియన్ జట్టును ఓడించింది. సెయింట్ పీటర్స్ హైస్కూల్ 5 పాయింట్లతో సెయింట్ ఆండ్రూస్ ‘బి’పై, సెయింట్ ఆండ్రూస్ ‘ఎ’ జట్టు 5 పాయింట్లతో సెయింట్ ఆండ్రూస్ ‘సి’జట్టుపై గెలుపొందింది.