విలియమ్స్ సిస్టర్స్దే డబుల్స్ టైటిల్

లండన్:వింబుల్డన్ గ్రాండ్ స్లామ్ మహిళల డబుల్స్ టైటిల్ను సెరెనా విలియమ్స్-వీనస్ విలియమ్స్ జోడి కైవసం చేసుకుంది. మహిళల డబుల్స్ విభాగంలో శనివారం రాత్రి జరిగిన తుది పోరులో సెరెనా సిస్టర్స్ 6-3, 6-4 తేడాతో తిమియా బాబోస్(హంగేరి)- యారోస్లావా ష్వెదోవా(కజికిస్తాన్)పై గెలిచి టైటిల్ను సాధించింది.

అంతకుముందు సెరెనా విలియమ్స్ వింబుల్డన్ మహిళల సింగిల్స్ టైటిల్ను సాధించిన సంగతి తెలిసిందే.  అనంతరం సెంటర్ కోర్టులో జరిగిన మహిళల డబుల్స్లో సెరెనా-వీనస్ జోడి ఆద్యంతం ఆకట్టుకుని ఆరోసారి వింబుల్డన్ డబుల్స్ టైటిల్ తమ ఖాతాలో వేసుకుంది.దాంతో పాటు ఓవరాల్ గా 14వ గ్రాండ్ స్లామ్ డబుల్స్ టైటిల్ ను ఈ జోడి చేజిక్కించుకుంది.  దీంతో సెరెనా-వీనస్ ద్వయం తమ  గ్రాండ్  స్లామ్ ఫైనల్ రికార్డును 14-0తో మరింత మెరుగుపరుచుకున్నారు.