ఆంధ్ర మహాసభ నిర్వహణ బాధ్యత: ధర్మకర్తల మండలి స్వాధీనం

 

ఈ విషయమై పోతు రాజారాంను సంప్రదించగా సమావేశంలో నిర్ణయం తీసుకున్నామని, అయితే అధికారిక పత్రాలను ధర్మకర్తల మండలికి అప్పగించాల్సి ఉందని, 12వ తేదీన వాటిని అప్పగిస్తామన్నారు. కార్యదర్శి బాబురావు కూడా తాజా నిర్ణయంపై స్పందించారు. మహాసభ నిర్వహణ బాధ్యతలను ధర్మకర్తల మండలి స్వాధీనం చేసుకున్న విషయం వాస్తవమేనని, ఈ నెల 12వ తేదీన బాధ్యతలను అప్పగించనున్నట్లు తెలిపారు. 2011 అక్టోబరులో ఎన్నికైన మేనేజింగ్ కమిటీ గడువు  2012 అక్టోబరుతో గడువు ముగిసింది. అయినప్పటికీ కొన్ని సమస్యల కారణంగా కొత్త కమిటీని ఎన్నుకోలేదు. గడువు ముగిసి సంవత్సరం కావస్తున్నా 2010-11కు సంబంధించిన సమస్యలు పరిష్కారం కాకపోవడంతో సభ నిర్వహణ బాధ్యతలను ధర్మకర్తల మండలి స్వాధీనం చేసుకోవాల్సిన పరిస్థితి ఏర్పడింది. 

 

2010-11 సంవత్సరానికి సంబంధించిన లెక్కల్లో అవకతవకలు జరిగాయన్న ఆరోపణలున్నాయి. ఈ విషయంలో నిజానిజాలేమిటో తేలకపోవడంతోనే కొత్త కమిటీని ఎన్నుకోలేదు. ఫలితంగా 2011-12, 2012-13కు సంబంధించిన లెక్కల వివరాలను కూడా పూర్తిచేయలేకపోయారు. అయితే ముందుగా 2010-11కు సంబంధించిన లెక్కలను పరిష్కరించాల్సిన అవసరం ఎంతైనా ఉంది. దీంతో ధర్మకర్తల మండలి మహాసభ నిర్వహణ బాధ్యతలను స్వాధీనం చేసుకోవాలని భావించింది. అయితే ఈ లెక్కల విషయంలో మండలి ఎలా వ్యవహరించనుందనే విషయమై ఇప్పుడు అందరిలో ఆసక్తి నెలకొంది.