'టీఆర్‌ఎస్‌తో కలిస్తే ఐఎస్‌ఐతో కలిసినట్టే'

 

తెలంగాణ ఉద్యమంలో పాల్గొన్న అసలైన ఉద్యమకారులందరూ ఆస్తులను, ఉద్యోగాలను పోగొట్టుకుంటే కేసీఆర్‌ మాత్రం తెలుగు పత్రిక, ఉర్దూ పత్రిక, ఇంగ్లిష్‌ పత్రిక, టీవీ ఛానల్‌, వందలాది ఎకరాల ఫాంహౌస్‌తో పాటు వేల కోట్ల రూపాయల అక్రమాస్తులను సంపాదించారని ఆరోపించారు. 2004 లో కాంగ్రెస్‌ పార్టీతో చేతులు కలిపి ఆ తర్వాత ఆ పార్టీని మోసం చేశారని, అలాగే 2009లో మహా కూటమి పేరుతో టీడీపీతో పొత్తు పెట్టుకుని టీడీపీకి కూడా మోసం చేశారని విమర్శించారు. 2014 లో టీఆర్‌ఎస్‌ పార్టీని కాంగ్రెస్‌లోకి విలీనం చేస్తామని ఆ పార్టీని కూడా మోసం చేశారని, ప్రస్తుతం 2019లో జరిగే ఎన్నికలలోనూ ఇలాంటి మోసాలకు పాల్పడాలన్న ఉద్దేశంతో దుష్ప్రచారాలకు తెరతీశారని రేవంత్‌ ధ్వజమెత్తారు.