వాట్సాప్‌లో మరో కొత్త ఫీచర్‌

సాక్షి, న్యూఢిల్లీ : ఇప్పటి వరకు ఐఓఎస్‌ డివైజ్‌లలో మాత్రమే అందుబాటులో ఉన్న స్టోరేజ్‌ మేనేజ్‌మెంట్‌ ఫీచర్‌ తాజాగా ఆండ్రాయిడ్‌ వాట్సాప్‌ బీటా వెర్షన్‌ యూజర్లకు అందుబాటులోకి వచ్చింది. ఆండ్రాయిడ్‌ యూజర్లు తమ ఛాట్‌ డేటా స్టోరేజ్‌ను మంచిగా నిర్వహించుకోవడానికి వీలుగా వాట్సాప్‌ ఈ ఫీచర్‌ను తీసుకొచ్చింది. దీని కోసం వాట్సాప్‌ బీటా వెర్షన్‌ యూజర్లు యాప్‌ను అప్‌డేట్‌ చేసుకోవాల్సి ఉంటుంది. అప్‌డేట్‌ చేసుకున్న అనంతరం సెట్టింగ్స్‌లో ఉన్న 'డేటా అండ్‌ స్టోరేజ్‌ యూసేజ్‌' వద్దకు యూజర్లు వెళ్లాల్సి ఉంటుంది. అనంతరం స్టోరేజ్‌ యూసేజ్‌ను ఎంపికచేయాలి. దీంతో వాట్సాప్‌లో వచ్చిన చాట్‌లు ఏ మేర డివైజ్‌లో స్పేస్‌ను ఆక్రమించుకుని ఉన్నాయో తెలుసుకోవచ్చని ఆండ్రాయిడ్‌ పోలీసు రిపోర్టు చేసింది.