TV
వెలగట్టూరు(కరీంనగర్): పట్టాదారు పాసుపుస్తకం మంజూరు చేయడానికి రైతు నుంచి లంచం తీసుకుంటూ గురువారం రాత్రి ఓ వీఆర్‌ఓ ఏసీబీ అధికారులకు చిక్కాడు. వెలగట్టూరు మండలం పైడిపల్లి-ఎందపల్లి గ్రామాల వీఆర్‌ఓ ఆసాద్రి దామోదర్ రూ.3 వేల తీసుకుంటుండగా ఏసీబీ అధికారులు పట్టుకుని కేసు నమోదు చేశారు.
కాగా కొన్ని రోజుల క్రితమే దామోదర్ ఎందపల్లి నుంచి చందూరుకు బదిలీ అయ్యాడు. కానీ రికార్డులు మాత్రం పై అధికారులకు అప్పగించలేదు. ఆ రికార్డులు తనదగ్గరే ఉంచుకుని రైతుల నుంచి అక్రమ మార్గాల ద్వారా డబ్బులు గుంజుతున్నాడు.
