TV
'అవినీతిని పరిచయం చేసిందే చంద్రబాబు'
హైదరాబాద్: సమాజానికి అవినీతిని పరిచయం చేసిందే ఆంధ్రప్రదేశ్ ముఖ్యమంత్రి నారా చంద్రబాబునాయుడు అని తెలంగాణ రాష్ట్ర మంత్రి జూపల్లి కృష్ణారావు అన్నారు. గురువారం ఆయన హైదరాబాద్లో విలేకరులతో మాట్లాడుతూ.. చంద్రబాబు నైజంపై విరుచుకుపడ్డారు. సీఎం పదవి కోసం వైశ్రాయ్ హోటల్లో ఎమ్మెల్యేలను కొన్న ఘనత చంద్రబాబుదేనని విమర్శించారు. చంద్రబాబు నాయుడుది రెండు దొంగకళ్ల సిద్ధాంతమంటూ మండిపడ్డారు. చంద్రబాబులో ఇంకా పులుపు చచ్చినా చింత చావలేదంటూ జూపల్లి వ్యంగ్యాస్త్రాలు విసిరారు. అభివృద్ధిపై చంద్రబాబుతో బహిరంగ చర్చకు తామెప్పుడూ సిద్ధమేనంటూ జూపల్లి ఈ సందర్భంగా సవాల్ విసిరారు.
