TV
కేంద్ర సచివాలయంలో అగ్నిప్రమాదం
న్యూఢిల్లీ: కేంద్ర సచివాలయ భవనంలో బుధవారం మధ్యాహ్నం అగ్నిప్రమాదం జరిగింది. అండర్ గ్రౌండ్ కేబుళ్లు కాలిపోవడంతో నార్త్ బ్లాక్ లో మంటలు చెలరేగాయి.
అగ్నిమాపక సిబ్బంది సకాలంలో అప్రమత్తం కావడంతో పెను ప్రమాదం తప్పినట్లైంది. ఈ ఘటనలో ఎవరూ గాయపడలేదని, ఫైళ్లు, తదితర సామాగ్రికి నష్టం వాటిల్లలేదని అధికారులు తెలిపారు. మూడేళ్ల కిందట ఇదే నార్త్ బ్లాక్ లోని హోం మంత్రి కార్యాలయంలో స్వల్ప అగ్నిప్రమాదం చోటుచేసుకున్న సంగతి తెలిసిందే.
