9000 మందిని ఇంటికి పంపించేసిన ఇన్ఫీ!

బెంగళూరు :  ఓ వైపు నుంచి ఆటోమేషన్ ప్రభావం, మరోవైపు నుంచి టాప్ కంపెనీ అయినా సరియైన ప్రదర్శన కనబర్చలేకపోవడం ఉద్యోగులకు ఎసరు తెచ్చి పెడుతోంది. గత ఏడాది కాలంలో దాదాపు 9వేల మంది ఉద్యోగులు ఆ కంపెనీ నుంచి బయటికి రావాల్సి పరిస్థితి వచ్చింది. ఇంతకి ఆ కంపెనీ ఏమిటా అనుకుంటున్నారా? దేశీయంగా నెంబర్.2 కంపెనీగా ఐటీ సర్వీసులు అందిస్తున్న ఇన్ఫోసిస్ సంస్థ. ఐటీ సేవల్లో బ్రాండెడ్ కంపెనీగా ముద్రపడిన ఇన్ఫోసిస్ గత ఏడాది కాలంగా 8000 నుంచి 9000 మంది ఉద్యోగులను ఇంటికి పంపించేసినట్టు ఆ కంపెనీ హ్యుమన్ రిసోర్సస్ హెడ్ కృష్ణమూర్తి శంకర్ చెప్పారు. అయితే ప్రస్తుతం ఆ ఉద్యోగులు మరింత అడ్వాన్డ్ ప్రాజెక్టులలో పనిచేస్తున్నారని పేర్కొన్నారు. ప్రతి క్వార్టర్లోనూ దాదాపు 2000 మందిని బయటికి పంపుతున్నామని, వారికి స్పెషల్ కోర్సుల్లో ట్రైనింగ్ ఇచ్చిన తర్వాతే కంపెనీ నుంచి తీసివేస్తున్నట్టు ఆయన చెప్పారు.