దసరా నుంచి ఆర్ఎస్ఎస్కు కొత్త డ్రస్

ఆర్ఎస్ఎస్ అనగానే ముందుగా గుర్తొచ్చేది..తెల్ల చొక్కా, ఖాకీ నిక్కరు. సంఘ్ ఏర్పడిన 90 ఏళ్ల నుంచి కొనసాగుతున్న డ్రస్ కోడ్ ఇదే. కానీ ప్రస్తుతం ఖాకీ నిక్కర్లకు స్వస్తి చెప్పి, కొత్త డ్రస్ కోడ్ను అమల్లోకి తీసుకురావాలని రాష్ట్రీయ స్వయం సేవక్ సంఘ్(ఆర్ఎస్ఎస్) నిర్ణయించింది. విజయదశమి పురస్కరించుకుని అక్టోబర్ 11 నుంచి కొత్త డ్రస్ను అమల్లోకి తేవాలని ముహుర్తం ఖరారు చేసింది. ఖాకీ నిక్కర్లను స్థానంలో ముదురు గోధుమ వర్ణపు ప్యాంటులను ప్రవేశపెడుతున్నట్టు ఆర్ఎస్ఎస్ తెలిపింది. ఇప్పటికే నాగపూర్ ప్రాంతాల్లో అధికారికంగా కొత్త డ్రస్ విక్రయాలను చేపట్టింది. జంట ప్యాంటులను రూ.250లకు స్వయం సేవక్స్కు ఆర్ఎస్ఎస్ విక్రయించనుంది. అదనంగా రెండు అంగుళాలు పెంచడానికి స్వయంసేవక్స్ మరో 10 రూపాయలు అదనంగా చెల్లించాల్సి ఉంటుంది.