నాగార్జున రాజుగారి గది రెడీ!

కింగ్‌ నాగార్జున హీరోగా ఓంకార్‌ దర్శకత్వంలో తెరకెక్కుతున్న తాజా సినిమా ‘రాజుగారి గది-2'. పీవీపీ సినిమా, మ్యాట్నీ ఎంటర్‌టైన్‌మెంట్, ఓక్‌ ఎంటర్‌టైన్‌మెంట్స్‌ సంస్థలు సంయుక్తంగా నిర్మిస్తున్న ఈ సినిమా విడుదల తేదీ ఖరారైంది. అక్టోబర్‌ 13న ఈ సినిమా విడుదల కానుంది. ఓంకార్‌ దర్శకత్వంలో తెరకెక్కి విజయం సాధించిన ‘రాజుగారి గది' సినిమాకు ఇది సీక్వెల్.

ఇందులో సమంత, సీరత్‌ కపూర్‌ ప్రధాన పాత్రల్లో నటిస్తున్నారు. హారర్‌ థ్రిల్లర్‌గా రూపొందుతోన్న ఈ సినిమాలో అశ్విన్, నరేశ్, ‘వెన్నెల’ కిశోర్, ప్రవీణ్‌ ఇతర ప్రధానపాత్రల్లో నటిస్తున్నారు. 'సొగ్గాడే చిన్నినాయన', 'ఊపిరి' వంటి హిట్‌ సినిమాల తర్వాత నాగార్జున నటించిన సినిమా కావడంతో ఈ చిత్రంపై అభిమానుల్లో భారీ అంచనాలు ఉన్నాయి.