TV
స్కూల్ ఆవరణలో దారుణ హత్య
కోజికోడ్: పాఠశాల ఆవరణలోనే ఓ విద్యార్థి దారుణ హత్యకు గురయ్యాడు. కేరళలోనే మడవూర్ గ్రామ పాఠశాలలో 8వ తరగతి చదువుతున్న విద్యార్థి శుక్రవారం ఉదయం తోటి విద్యార్థులతో కలిసి స్కూల్ ఆవరణలో ఉన్నాడు. అక్కడికి హఠాత్తుగా వచ్చిన ఓ వ్యక్తి ఆ పిల్లవాడిని కత్తితో పొడిచాడు. స్థానికులు కోజికోడ్ ఆస్పత్రికి తరలిస్తుండగానే మార్గ మధ్యలో ఆ విద్యార్థి కన్నుమూశాడు. దాడి ఘటన చూసిన విద్యార్థులు భయంతో కేకలు వేయటంతో వెంటనే స్థానికులు అక్కడికి చేరుకున్నారు.
దాడికి పాల్పడిన వ్యక్తిని స్థానికులు పట్టుకుని పోలీసులకు అప్పగించారు. కాసర్‌గోడ్‌కు చెందిన ఆ వ్యక్తి కొద్దిరోజులుగా స్కూల్ పక్కనే ఉంటున్నాడని, అతడికి మతిస్థిమితం లేదని స్థానికులు చెబుతున్నారు. ఈ మేరకు అతడిని పోలీసులు అదుపులోకి తీసుకుని విచారిస్తున్నారు.
