TV
నిహారిక కొణిదెల.. మెగా ఫ్యామిలీ నుంచి వచ్చిన వన్‌ అండ్‌ ఓన్లీ హీరోయిన్‌! యాక్టర్‌గానే కాదు యాంకర్‌గా, ప్రొడ్యూసర్‌గా ఇలా పలు రంగల్లోనూ తన ప్రతిభను చాటుకున్నారు
నిహారిక.. నటుడు నాగబాబు కూతురన్న విషయం సినీ అభిమానులు అందరికీ తెలిసిందే. నటనపై ఉన్న ఆసక్తితో చిత్ర పరిశ్రమలోకి అడుగుపెట్టింది. అయితే, తనకంటూ ఓ ప్రత్యేకత ఉండాలని కోరుకుంటుంది.
వెండితెరకు పరిచయమయ్యే ముందు బుల్లితెరపై వ్యాఖ్యతగా చేసింది. తర్వాత ‘ముద్దపప్పు ఆవకాయ్‌’ అనే లఘు చిత్రంలో నటించి, మెప్పించింది.
అలా నటనలో ఓనమాలు నేర్చి.. ‘ఒక మనసు’ సినిమాతో సిల్వర్‌ స్క్రీన్‌ ఎంట్రీ ఇచ్చింది. తర్వాత ‘సూర్యకాంతం’, ‘హ్యాపీ వెడ్డింగ్‌’, ‘సైరా నరసింహారెడ్డి’ సినిమాల్లో నటించింది.
తమిళంలోనూ ‘ఒరు నల్లనాళ్‌ పాత్తు సొల్జేన్‌’ సినిమాతో రంగప్రవేశం చేసి, మంచి గుర్తింపు పొందింది. ఒకవైపు సినిమాల్లో నటిస్తూనే మరోవైపు ‘నాన్న కూచి’, ‘మ్యాడ్‌ హౌస్‌’ వంటి పలు సిరీస్‌లు చేసింది.
ఈ మధ్యనే ‘పింక్‌ ఎలిఫెంట్‌ పిక్చర్స్‌’ పేరుతో ప్రొడక్షన్‌ హౌస్‌ ప్రారంభించి, ప్రొడ్యూసర్‌గానూ మారింది. ఈ సంస్థ నుంచి వచ్చిన ‘ఒక చిన్న ఫ్యామిలీ స్టోరీ’, ‘హాలో వరల్డ్‌’ సిరీస్‌లు సూపర్‌ హిట్‌ అయ్యాయి.
పెళ్లి తర్వాత చిత్ర పరిశ్రమ నుంచి తాత్కాలిక బ్రేక్‌ తీసుకున్న నిహారిక ఇప్పుడు.. ‘డెడ్‌ పిక్సెల్స్‌’ సిరీస్‌తో మళ్లీ ప్రేక్షకుల ముందుకు వచ్చింది.
మొదట్లో సోషల్‌ మీడియాలో వచ్చే కామెంట్స్‌ని చూసి నిహారిక చాలా బాధపడేదట. కానీ రాను రానూ వాటిని పట్టించుకోవడం మానేశారట. అంతేకాదు కొన్ని రూమర్స్‌ చూసి నవ్వుకుంటానని నిహారిక ఓ ఇంటర్వ్యూలో చెప్పింది. సైరా సినిమా సమయంలో తనపై వచ్చిన మీమ్స్‌ చూసి పడీ పడీ నవ్విందట
