జై శ్రీరాం.. ఆనందాన్ని మాటల్లో వర్ణించలేను: ఆకాశ్‌ దీప్‌ (ఫొటోలు)

టీమిండియా క్రికెటర్‌ ఆకాశ్‌ దీప్‌ అయోధ్య రాముడిని దర్శించుకున్నాడు.

బంగ్లాదేశ్‌తో స్వదేశంలో టెస్టు సిరీస్‌ ముగిసిన అనంతరం రామ్‌ లల్లా దివ్య రూపాన్ని దర్శించుకున్నాడు.

ఈ సందర్భంగా అయోధ్య రామమందిరంలో దిగిన ఫొటోలను ఆకాశ్‌ దీప్‌.. ‘జై శ్రీరాం’ అంటూ సోషల్‌ మీడియాలో షేర్‌ చేశాడు.

‘‘అయోధ్య రామమందిరం నిర్మాణం పూర్తైన నాటి నుంచి రామ్‌ లల్లాను దర్శించుకోవాలని ఎంతగానో తహతహలాడిపోయాను.

ఇన్నాళ్లకు ఇలా ఆ దేవుడి దర్శనం జరిగింది.

ఈ సంతోషాన్ని వర్ణించేందుకు నాకు మాటలు రావడం లేదు’’ అని ఆకాశ్‌ దీప్‌ పేర్కొన్నాడు.

ఈ ఏడాది సొంతగడ్డపై ఇంగ్లండ్‌తో టెస్టు సిరీస్‌ సందర్భంగా టీమిండియా తరఫున అరంగేట్రం చేశాడు ఆకాశ్‌.

బిహార్‌కు చెందిన ఈ రైటార్మ్‌ మీడియం పేసర్‌ దేశవాళీ క్రికెట్‌లో బెంగాల్‌కు ఆడుతున్నాడు.

27 ఏళ్ల ఆకాశ్‌ దీప్‌ ఇటీవల బంగ్లాదేశ్‌తో టెస్టు సిరీస్‌లో ఐదు వికెట్లు తీసి టీమిండియా క్లీన్‌స్వీప్‌(2-0) విజయంలో కీలక పాత్ర పోషించాడు.

మొత్తంగా ఇప్పటి వరకు భారత్‌ తరఫున 3 టెస్టులాడి 8 వికెట్లు తన ఖాతాలో వేసుకున్నాడు.