శర్వానంద్, రష్మికా మందన్న జంటగా కిశోర్‌ తిరుమల దర్శకత్వంలో తెరకెక్కిన చిత్రం ‘ఆడవాళ్ళు మీకు జోహార్లు’. ఇందులో ఖుష్బూ, రాధిక, ఊర్వశి లాంటి సీనియర్‌ నటీమణులు నటించారు. ఆదివారం ఈ సినిమా ట్రైలర్‌ రిలీజైంది. ఇందులో హీరో శర్వానంద్‌ వరుసగా పెళ్లి చూపులకు వెళ్తూ ఉంటాడు. కానీ అతడి ఫ్యామిలీలో ఉన్న ఆడవాల్లకు పిల్ల నచ్చకపోవడంతో అవి రిజెక్ట్‌ అవుతూ ఉంటాయి. దీంతో పెళ్లి లేట్‌ అవుతుండటంతో హీరో ఇరిటేట్‌ అవుతుంటాడు. ఒకసారైతే ఏకంగా ప్లాట్‌ఫామ్‌ పైనే పెళ్లి చూపులు పెడతాడు. ఇందులో బ్రహ్మానందం కూడా కనిపించాడు. ఇలా పెళ్లి చూపుల తతంగం సీరియల్‌లా కొనసాగుతున్న సమయంలో రష్మిక పరిచయం, వారి మధ్య ప్రేమను చూపించారు. అయితే పెళ్లనేసరికి మాత్రం.. అబ్బాయి ఇంట్లో ఉండి పిల్లలను చూసుకుంటే అమ్మాయి ఉద్యోగం చేస్తుందని చెప్తుంది హీరోయిన్‌ తల్లి. దీంతో హీరో ఫ్యామిలీలో ఉన్న ఆడవాళ్లకు షాక్‌ కొట్టినంత పనవుతుంది. మరి వీళ్లిద్దరి పెళ్లికి హీరో కుటుంబంలోని ఆడాళ్లు ఒప్పుకుంటారా? ఈ మధ్యలో ఎన్ని ఇబ్బందులు ఎదురవతాయి? అన్నది ఆసక్తికరంగా మారింది. నాకు ఆస్కార్‌ వద్దు, సినిమా ఆడితే చాలు, నీకు, మీ ఆడాళ్లకొస్తే బాధ, నాకు, మా మగాళ్లకొస్తే కాదా? అన్న డైలాగులు బాగున్నాయి.  శ్రీ లక్ష్మీ వెంకటేశ్వర సినిమాస్‌ పతాకంపై సుధాకర్‌ చెరుకూరి నిర్మించిన ఈ సినిమా మార్చి 4న విడుదలకానుంది.  కుటుంబ విలువలు, బంధాల నేపథ్యంలో తెరకెక్కిన ఈ సినిమాను ప్రేక్షకులు ఎలా ఆదరిస్తారో చూడాలి!

‘‘నేను సంగీత ప్రేమికుణ్ణి.. అదే నన్ను ముందుకు నడిపిస్తోంది. సంగీతానికి ఎప్పుడూ స్వర్ణయుగమే. అందుకే వందేళ్ల క్రితం పాటలను ఇప్పటికీ గుర్తుపెట్టుకుంటున్నాం. మైఖేల్‌ జాక్సన్, ఎం.ఎస్‌. విశ్వనాథన్, ఇళయరాజా.. వంటి వారు సంగీతం చేసినప్పుడు సోషల్‌ మీడియా లేదు. అయినప్పటికీ సంగీతం తీరాలు దాటి వెళ్లింది.. వెళుతూనే ఉంటుంది’’ అని సంగీత దర్శకుడు దేవిశ్రీ ప్రసాద్‌ అన్నారు. శర్వానంద్, రష్మికా మందన్న జంటగా కిశోర్‌ తిరుమల దర్శకత్వంలో తెరకెక్కిన చిత్రం ‘ఆడవాళ్ళు మీకు జోహార్లు’. సుధాకర్‌ చెరుకూరి నిర్మించిన ఈ సినిమా మార్చి 4న విడుదలవుతోంది. ఈ సందర్భంగా చిత్ర సంగీతదర్శకుడు దేవిశ్రీ ప్రసాద్‌ విలేకరులతో చెప్పిన విశేషాలు. కిశోర్‌ తిరుమలగారు క్రియేటివ్‌ పర్సన్‌. ఆయన సినిమా కథలన్నీ పాటల ప్రాధాన్యంగా సాగుతాయి. ఎక్కడ పాట రావాలనేది కథ చెప్పేటప్పుడే స్పష్టంగా వివరిస్తారు. కిశోర్‌గారి సినిమాల్లో ఎమోషన్‌తో పాటు ఎంటర్‌టైన్‌మెంట్‌ కూడా ఉంటుంది. కథ చెప్పగానే నాకు ఐడియా వచ్చేస్తుంది.. అందుకే ఆయనతో కలిసి సినిమా చేయడం చాలా సౌకర్యంగా ఉంటుంది. ‘ఆడవాళ్ళు మీకు జోహార్లు’ కిశోర్‌ కెరీర్లో బెస్ట్‌ మూవీ అవుతుంది. ఈ సినిమాలోని ‘మాంగళ్యం తంతునానేనా..’ పాట సందర్భాన్ని ఫోన్లో విని, వెంటనే ట్యూన్‌ కట్టేశాను. ∙‘ఆడవాళ్ళు మీకు జోహార్లు’లో కుటుంబ భావోద్వేగాలున్నా కూడా ప్రేమకథ, వినోదం ఉంటాయి. ఈ సినిమా కథలో అంత స్పాన్‌ ఉంది కాబట్టే సంగీతం బాగా కుదిరింది. ఇందులో నాలుగు పాటలే కాకుండా మరో సర్ర్‌పైజ్‌ సాంగ్‌ కూడా ఉంది. ‘శంకర్‌దాదా ఎంబీబీఎస్‌’ సినిమా అప్పటినుంచి శర్వానంద్‌ తెలుసు. మేమిద్దరం ఓ సినిమా చేయాలనుకునేవాళ్లం.. అది కిశోర్‌గారి వల్లే కుదిరింది. ‘ఆడవాళ్ళు మీకు జోహార్లు’లో శర్వానంద్‌ బెస్ట్‌ పెర్‌ఫార్మెన్స్‌ ఇచ్చాడు. రష్మికకు ‘పుష్ప’ తర్వాత ‘ఆడవాళ్ళు మీకు జోహార్లు’ రావడం ప్లస్‌ అవుతుంది. ఖుష్బూ, రాధిక, ఊర్వశిగార్లు ఈ సినిమాకు హైలైట్‌. ∙నేను జోహార్లు చెప్పాల్సి వస్తే మొదట మా అమ్మకే చెబుతాను. ఇప్పటికీ మా ఫ్యామిలీలో అంతా సంతోషంగా ఉండటానికి కారణం మా అమ్మే. మా నాన్నకి 32 ఏళ్లప్పుడు  గుండెపోటు వస్తే, మా అమ్మ చిన్నపిల్లాడిలా చూసుకున్నారు. ‘మా ఆవిడకు ముగ్గురు పిల్లలు కాదు.. నాతో కలిపి నలుగురు పిల్లలు’ అని మా అమ్మ గురించి నాన్న చెబుతుండేవారు.   సినిమా సినిమాకి తప్పకుండా వేరియేషన్‌ చూపించాలి. ‘పుష్ప’ రగ్డ్‌ సినిమా. ‘ఆడవాళ్ళు మీకు..’ కూల్‌ మూవీ. ఈ సినిమా టైటిల్‌ సాంగ్‌ని దర్శకులు సుకుమార్‌గారు, అనిల్‌ రావిపూడి, బాబీ ఇలా చాలామంది మెచ్చుకున్నారు. ∙ప్రస్తుతం ‘ఎఫ్‌ 3’ చేస్తున్నాను. చిరంజీవిగారు హీరోగా బాబీ దర్శకత్వంలో చేస్తున్న సినిమాకు మూడు పాటలు చేశా. వైష్ణవ్‌ తేజ్‌తో ‘రంగరంగ వైభవంగా’, హరీష్‌ శంకర్‌–పవన్‌ కళ్యాణ్‌గారి సినిమాతో పాటు ఓ హిందీ సినిమా చేస్తున్నాను. ఈ నెల 28న మా గురువు మాండొలిన్‌ శ్రీనివాస్‌గారి జయంతి సందర్భంగా కొత్త ప్రోగ్రామ్‌ చేస్తున్నాను.

ఇండస్ట్రీలో ఇకప్పటి స్టార్‌ హీరోయిన్స్‌ ఇప్పుడు కూడా చక్రం తిప్పుతున్నారు. కీలకమైన పాత్రల్లో నటిస్తూ సందడి చేస్తున్నారు. ఆ కోవలోకే వస్తారు సీనియర్‌ హీరోయిన్‌ ఖుష్బూ. ఆమె కీలక పాత్రలో నటించిన  'ఆడవాళ్లు మీకు జోహార్లు' సినిమా వచ్చే నెల 4న విడుదల కానుంది. ఈ సందర్బంగా ఓ ఇంటర్వ్యూలో పాల్గొన్న ఖుష్బూ సినిమా గురించి పలు ఆసక్తికర విషయాలను పంచుకుంది. ఆడవాళ్లు అంటే ఎక్కువ‌గా గ్లిజ‌రిన్‌తోనే పని ఉంటుంది అనుకుంటారు. ​కానీ ఈ సినిమాతో ఆ భావన తప్పు అని తెలుస్తుంది. ఈ సినిమాలో ఆడవాళ్లు నవ్వుతూ, నవ్విస్తూ సందడి చేస్తారు. అలాగే నా పాత్ర ఎలా ఉందన్నది సినిమా చూశాక ఆడియెన్స్‌ చెప్పాలి. ఈ క్యారెక్టర్‌ చేస్తున్నప్పుడు నేను చాలా ఎంజాయ్‌ చేశాను. ఇక స్క్రిప్ట్ నచ్చితే కొత్త దర్శకులతో పనిచేయడానికి కూడా నేను సిద్ధంగానే ఉన్నాను అంటూ చెప్పుకొచ్చింది. 

Mangalyam Lyrical Song Out From Sharwanand Rashmika Mandanna Movie: యంగ్‌ హీరో శర్వానంద్‌, రష్మిక జంటగా నటించిన చిత్రం ‘ఆడవాళ్లు మీకు జోహార్లు’.  కిశోర్​ తిరుమల దర్శకత్వం వహిస్తున్న ఈ సినిమాను శ్రీ లక్ష్మీ వెంకటేశ్వర సినిమాస్​ బ్యానర్​పై సుధాకర్​ చెరుకూరి నిర్మిస్తున్నారు. ఫ్యామిలీ ఎంటర్‌టైనర్‌గా తెరకెక్కుతున్న ఈ సినిమా మార్చి 4న ప్రేక్షకుల ముందుకు రానుంది.విడుదల తేది దగ్గరపడుతుండడంతో ప్రమోషన్స్‌ స్పీడ్‌ పెంచేంది చిత్ర యూనిట్‌. ఇప్పటికే ఈ టీజర్‌తో పాటు కొన్ని లిరికల్‌ సాంగ్స్‌ని విడుదల చేసిన చిత్ర బృందం.. తాజాగా మరో పాటని రిలీజ్‌ చేసింది. ‘మాంగళ్యం తంతునానేనా మన లైఫ్ లో ఇది జరుగునా.. మమ జీవన హేతునా అంటూ మన జీవితమే సాగునా..’అంటూ సాగే ఈ పాట శ్రోతల్ని విపరీతంగా ఆకట్టుకుంటుంది. దేవిశ్రీ ప్రసాద్‌ లిరిక్స్‌ అందించి, కంపోజ్‌ చేసిన ఈ పాటని బాలీవుడ్‌  సింగర్‌ జస్ప్రీత్ జాస్‌ అద్భుతంగా ఆలపించాడు.శర్వానంద్‌ వేసిన స్టెప్పులు సాంగ్‌కి ప్రత్యేక ఆకర్షణగా నిలిచాయి. మహిళల ప్రాధాన్యత నేపథ్యంలో రూపొందిన ఈ మూవీలో సీనియర్‌ నటి ఖుష్బూ, రాధికా శరత్‌ కుమార్, ఊర్వశి తదితరులు ముఖ్య పాత్రల్లో కనిపించనున్నారు.

రష్మిక మందన్నా తాజా చిత్రం ఆడవాళ్లు మీకు జోహార్లు. టాలెంటెడ్‌ హీరో శర్వానంద్‌ హీరోగా కిషోర్‌ తిరుమల దర్శకత్వంలో తెరకెక్కిన ఈ చిత్రం తాజాగా షూటింగ్‌ను పూర్తి చేసుకుంది. ఫిబ్రవరి 25న ఈ మూవీ విడుదల కానుంది. ఈ నేపథ్యంలో చిత్ర బృందం మూవీ పోస్ట్‌ ప్రోడక్షన్‌ పనులతో పాటు ప్రమోషన్‌ కార్యక్రమాలతో బిజీగా ఉంది. ఈ క్రమంలో ఇటీవల ఓ చానల్‌కు ఇచ్చిన ఇంటర్య్వూలో మూవీ హీరో శర్వానంద్‌, హీరోయిన్‌ రష్మిక, డైరెక్టర్‌ పాల్గొన్నారు. చదవండి: తొలిసారి కాస్టింగ్ కౌచ్‌పై నోరు విప్పిన స్వీటీ, అవకాశాల కోసం అలా చేయాల్సిందే.. ఈ సందర్భంగా రష్మిక లవ్‌ మ్యారేజ్‌పై స్పందించింది. ఈ మేరకు రష్మిక  తనకు కాబోయే భర్త ఎలా ఉండాలో చెప్పుకొచ్చింది. ‘ఎవరి దగ్గర అయితే సెక్యూర్‏గా ఫీల్ అవుతామో.. కంఫర్ట్‏గా అన్ని విషయాలు షేర్ చేసుకుంటూ స్నేహంగా ఉంటాం అనిపిస్తుందో అతడే జీవితంకు మంచి లైఫ్ పార్టనర్.. అలాంటి వాడినే భర్తకు ఎంచుకుంటాను’ అని పేర్కొంది. అలాగే ‘ఇరువురు సమానంగా అర్థం చేసుకున్నప్పుడు మాత్రమే అది లవ్ అవుతుంది… అలా కాకుండా ఒకరిని ఒకరు అర్థం చేసుకోలేనప్పుడు అది వన్ సైడ్ లవ్ గానే ఉంటుంది. చదవండి: ఆయనకు చిరంజీవి వాయిస్‌ ఓవర్‌ ఇవ్వడం అదృష్టంగా భావిస్తున్నా: డైరెక్టర్‌ లవ్ మ్యారేజ్ చేసుకున్నా.. ఇంట్లో వారిని ఒప్పించే చేసుకుంటాను’ అంటూ తన మనసులో మాట చెప్పింది. అయితే కొంతకాలంగా యంగ్‌ హీరో విజయ్‌ దేవరకొండ-రష్మికలు డేటింగ్‌ చేస్తున్నారంటూ సోషల్‌ మీడియాల్లో జోరుగా ప్రచారం జరుగుతున్న సంగతి తెలిసిందే. ఈ నేపథ్యంలో రష్మిక ఈ కామెంట్స్‌ చేయడం ఆసక్తిని సంతరించుకుంది. కాగా ఈ సినిమాలో సీనియర్‌ నటీమణులు ఖుష్బు, రాధిక శరత్​ కుమార్​, ఊర్వశి కీలక పాత్రలో నటించగా..  వెన్నెల కిషోర్, రవిశంకర్, సత్య, ప్రదీప్ రావత్ తదితరులు నటిస్తున్నారు. రాక్​స్టార్ దేవిశ్రీ ప్రసాద్​ సంగీతం అందించాడు. 

‘‘శతమానం భవతి’ వంటి ఫ్యామిలీ ఎంటర్‌టైనర్, ‘మహానుభావుడు’ వంటి ఎంటర్‌టైనర్‌ చిత్రాల తర్వాత నేను చేసిన ఆ తరహా చిత్రం ‘ఆడవాళ్ళు మీకు జోహార్లు’. ఈ సినిమా చూసిన ప్రేక్షకులు చిరునవ్వుతో, మంచి సినిమా చూశాం అనే అనుభూతితో బయటికొస్తారు. ఈ సినిమాలో రాధిక, ఖుష్బూగార్లతో నటించడం ఆనందంగా ఉంది’’ అని శర్వానంద్‌ అన్నారు. కిశోర్‌ తిరుమల దర్శకత్వంలో శర్వానంద్, రష్మికా మందన్న జంటగా నటించిన చిత్రం ‘ఆడవాళ్ళు మీకు జోహార్లు’. శ్రీ లక్ష్మీ వెంకటేశ్వర సినిమాస్‌ పతాకంపై సుధాకర్‌ చెరుకూరి నిర్మించిన ఈ సినిమా ఈ నెల 25న విడుదలకానుంది. ఈ సందర్భంగా జరిగిన సమావేశంలో కిశోర్‌ తిరుమల మాట్లాడుతూ– ‘‘ఈ సినిమా నేను అనుకున్నంత బాగా రావడానికి కారణమైన శర్వానంద్, రష్మిక, ఖుష్బూ, రాధికగార్లకు ధన్యవాదాలు’’ అన్నారు. ‘‘ఫుల్‌ ఎంటర్‌టైనింగ్‌గా తెరకెక్కిన చిత్రమిది.. ప్రేక్షకులు ఎంజాయ్‌ చేస్తారు’’ అన్నారు రష్మికా మందన్న. ‘‘కరోనా తర్వాత కుటుంబ ప్రేక్షకులను థియేటర్లకు రప్పించే చిత్రం ‘ఆడవాళ్ళు మీకు జోహార్లు’’ అన్నారు నటి రాధికా శరత్‌కుమార్‌. ‘‘కుటుంబ విలువలు, బంధాల నేపథ్యంలో తెరకెక్కిన ఈ సినిమా చేయడం సంతోషంగా ఉంది’’ అన్నారు నటి ఖుష్బూ సుందర్‌. నిర్మాత సుధాకర్, నటీమణులు ఝాన్సీ, కళ్యాణీ నటరాజన్, రాజశ్రీ నాయర్‌ తదితరులు మాట్లాడారు. ఈ చిత్రానికి కెమెరా: సుజిత్‌ సారంగ్, సంగీతం: దేవీశ్రీ ప్రసాద్‌. 

శర్వానంద్, రష్మిక మందన్న హీరోహీరోయిన్లుగా తిరుమల కిషోర్ దర్శకత్వంలో రూపొందుతున్న చిత్రం ఆడవాళ్ళు మీకు జోహార్లు. ఎస్ ఎల్ వి సినిమాస్ పతాకంపై సుధాకర్ చెరుకూరి ఈ చిత్రాన్ని నిర్మిస్తున్నారు. ఈ సినిమాలో ముగ్గురు సీనియర్‌ హీరోయిన్లు రాధిక, ఖుష్బూ, ఊర్వశి  కీలక పాత్రల్లో కనిపించనున్నారు. ఈ విషయాన్ని సోషల్‌ మీడియా ద్వారా చిత్ర యూనిట్‌ వెల్లడించింది. ఒక్క సీనియర్‌ నటి ఉంటేనే ఆయా చిత్రాలపై ప్రేక్షకుల్లో ఆసక్తి పెరుగుతుంది. అలాంటిది ఒకే చిత్రంలో ముగ్గురు సీనియర్‌ తారలు నటిస్తుండటంతో ఈ చిత్రంపై అంచనాలు పెరుగుతున్నాయి. ఇక ఈ చిత్రానికి దేవిశ్రీ ప్రసాద్ సంగీతం అందించడం మరో విశేషం.