Aadavallu Meeku Johaarlu: మాంగళ్యం తంతునానేనా మన లైఫ్ లో ఇది జరుగునా!

Mangalyam Lyrical Song Out From Sharwanand Rashmika Mandanna Movie: యంగ్‌ హీరో శర్వానంద్‌, రష్మిక జంటగా నటించిన చిత్రం ‘ఆడవాళ్లు మీకు జోహార్లు’.  కిశోర్​ తిరుమల దర్శకత్వం వహిస్తున్న ఈ సినిమాను శ్రీ లక్ష్మీ వెంకటేశ్వర సినిమాస్​ బ్యానర్​పై సుధాకర్​ చెరుకూరి నిర్మిస్తున్నారు. ఫ్యామిలీ ఎంటర్‌టైనర్‌గా తెరకెక్కుతున్న ఈ సినిమా మార్చి 4న ప్రేక్షకుల ముందుకు రానుంది.విడుదల తేది దగ్గరపడుతుండడంతో ప్రమోషన్స్‌ స్పీడ్‌ పెంచేంది చిత్ర యూనిట్‌.

ఇప్పటికే ఈ టీజర్‌తో పాటు కొన్ని లిరికల్‌ సాంగ్స్‌ని విడుదల చేసిన చిత్ర బృందం.. తాజాగా మరో పాటని రిలీజ్‌ చేసింది. ‘మాంగళ్యం తంతునానేనా మన లైఫ్ లో ఇది జరుగునా.. మమ జీవన హేతునా అంటూ మన జీవితమే సాగునా..’అంటూ సాగే ఈ పాట శ్రోతల్ని విపరీతంగా ఆకట్టుకుంటుంది. దేవిశ్రీ ప్రసాద్‌ లిరిక్స్‌ అందించి, కంపోజ్‌ చేసిన ఈ పాటని బాలీవుడ్‌  సింగర్‌ జస్ప్రీత్ జాస్‌ అద్భుతంగా ఆలపించాడు.శర్వానంద్‌ వేసిన స్టెప్పులు సాంగ్‌కి ప్రత్యేక ఆకర్షణగా నిలిచాయి. మహిళల ప్రాధాన్యత నేపథ్యంలో రూపొందిన ఈ మూవీలో సీనియర్‌ నటి ఖుష్బూ, రాధికా శరత్‌ కుమార్, ఊర్వశి తదితరులు ముఖ్య పాత్రల్లో కనిపించనున్నారు.