అమెరికా నెవాడాలో వార్షిక ఎయిర్‌ రేస్‌ పోటీలు జరుగుతుంటాయి. అందులో భాగంగా చివరి రోజు జరుగుతున్న ఛాంపియన్‌షిప్‌ పోటీల్లో అనుహ్య ప్రమాదం చోటుచేసుకుంది. ఉన్నటుండి ఒక జెట్‌ విమానం ఒక్కసారిగా భూమిని ఢీకొట్టింది. దీంతో పెద్ద ఎత్తున మంటలు ఎగిసిపడ్డాయి. ఆ మంటల్లో సైతం విమానం ఎగురుతూ దూరంగా ఒక చోట ఆగిపోయింది. ఈ ఘటనలో పైలెట్‌ అక్కడికక్కడే మృతి చెందాడు. మిగతా జెట్‌ విమానాలన్నీ సురక్షితంగానే ల్యాండ్‌ అయ్యాయి. ఈ భయానక ప్రమాదం కారణంగా మిగతా ఈవెంట్లన్నింటిని రద్దు చేశారు. ఐతే మిగతా పైలెట్ల ఎవరూ ప్రమాదం బారిన పడలేదని తెలిపారు. ప్రతి ఏటా సెప్టెంబర్‌లో నెవాడాలోని రెనో స్టెడ్‌ ఎయిర్‌పోర్ట్‌లో ఎయిర్‌ రేస్‌లు జరుగుతుంటాయి. ఈ మేరకు ఎయిర్‌ రేస్‌ల చైర్మన్‌ ఫ్రెడ్‌ టెల్లింగ్‌ మాట్లాడుతూ... నేషనల్‌ ట్రాన్స్‌పోర్టేషన్‌ సేఫ్టీ బోర్డు(ఎన్‌టీఎస్‌బీ), ఫెడరల్‌ ఏవియేషన్‌ అడ్మినస్ట్రేషన్‌  ఈ ప్రమాదానికి గల కారణాలపై వివరణాత్మక దర్యాప్తును జరుపుతాయని వెల్లడించారు. ఈ ఘటనకు సంబంధించిన వీడియో ప్రస్తుతం నెట్టింట తెగ వైరల్‌ అవుతోంది. (చదవండి: వీడియో: 'ఆమె ఎవరసలు?'.. రాణి అంత్యక్రియల కవరేజ్‌పై బ్రిటన్‌ ప్రజల ఆగ్రహం)


 100 మందికి పైగా ఉగ్రవాదుల హతం  
 వాషింగ్టన్‌: సిరియాలో అల్‌ఖైదా శిక్షణా శిబిరాలను లక్ష్యంగా చేసుకుని అమెరికా యుద్ధవిమానాలు వైమానిక దాడులు నిర్వహించాయి. ఇడ్లిబ్‌ ప్రావిన్స్‌లో జరిపిన ఈ దాడుల్లో దాదాపు వంద మందికి పైగా ఉగ్రవాదులు హతమైనట్లు నేవీ కెప్టెన్‌ జెఫ్‌ డేవిస్‌ తెలిపారు.
 
 ఈ దాడులు బీ–52 యుద్ధ విమానంతోపాటు డ్రోన్ల సహాయంతో నిర్వహించినట్లు చెప్పారు. గురువారం నిర్వహించిన ఈ దాడుల్లో అల్‌ఖైదాకు చెందిన కీలక వ్యక్తులు మృతి చెందారని ఓ రక్షణాధికారి చెప్పారు.