ఆగస్టు 15... మన భారతీయులకు నిజమైన పండగ రోజు. స్వాతంత్య్రం కోసం ప్రాణాలను సైతం అర్పించిన వీరులను స్మరించుకోవాల్సిన రోజు. అంత ముఖ్యమైన రోజున తన వంతుగా ఏదైనా చేయా లనుకున్నారు అల్లు అర్జున్. అందుకే ఓ షార్ట్ వీడియోను నిర్మిస్తూ, నటిస్తున్నారు. సుకుమార్ దర్శకత్వంలో ఇది రూపొందుతోంది. సమాజం పట్ల ఎలాంటి బాధ్యత ఉండాలి? సమాజ శ్రేయస్సు కోసం ఏం చేస్తే బాగుంటుంది? అనే విషయాలను ఈ వీడియోలో చూపించనున్నారు. దీనికి అమోల్ రాథోడ్ చాయాగ్రాహకునిగా వ్యవహరిస్తున్నారు. సమాజం మేలు కోరి ఇలా ఓ హీరో స్వచ్ఛందంగా ఓ ప్రయత్నం చేయడం బహుశా దక్షిణాదిన ఇదే ప్రథమం అని చెప్పొచ్చు.