రాంచీ: సొంతగడ్డపై తొలిసారి జరుగుతున్న ఆసియా హాకీ మహిళల చాంపియన్స్‌ ట్రోఫీలో భారత జట్టు లీగ్‌ దశను అజేయంగా ముగించింది. దక్షిణ కొరియా జట్టుతో గురువారం జరిగిన చివరిదైన ఐదో లీగ్‌ మ్యాచ్‌లో భారత్‌ 5–0 గోల్స్‌ తేడాతో ఘనవిజయం సాధించింది. భారత్‌ తరఫున సలీమా టెటె (6వ, 36వ ని.లో) రెండు గోల్స్‌ చేయగా... నవ్‌నీత్‌ కౌర్‌ (36వ ని.లో), వందన కటారియా (49వ ని.లో), నేహా (60వ ని.లో) ఒక్కో గోల్‌ సాధించారు. ఆరు జట్లు పోటీపడుతున్న ఈ టోర్నీలో భారత్‌ ఆడిన ఐదు మ్యాచ్‌ల్లోనూ గెలిచి 15 పాయింట్లతో అగ్రస్థానంలో నిలిచి సెమీఫైనల్లోకి దూసుకెళ్లింది. తొమ్మిది పాయింట్లతో చైనా రెండో స్థానంలో, జపాన్‌ మూడో స్థానంలో, ఏడు పాయింట్లతో కొరియా నాలుగో స్థానంలో నిలిచి భారత్‌తోపాటు సెమీఫైనల్‌కు అర్హత పొందాయి. శనివారం జరిగే సెమీఫైనల్స్‌లో జపాన్‌తో చైనా; కొరియాతో భారత్‌ తలపడతాయి. 

Indian Womens Hockey Player Tested Positive For Covid: భారత మహిళల హాకీ జట్టులో కరోనా కలకలం రేపింది. సియోల్‌ వేదికగా జరుగుతున్న ఆసియా మహిళల హకీ టోర్నీలో భాగంగా బుధవారం భారత్‌, డిఫెండింగ్ ఛాంపియన్ దక్షిణ కొరియా జట్ల మధ్య కీలక మ్యాచ్‌ జరగాల్సి ఉండగా.. మ్యాచ్‌కు ముందు జరిపిన వైద్య పరీక్షల్లో భారత క్రీడాకారిణికి కోవిడ్‌ పాజిటివ్‌గా నిర్ధారణ అయ్యింది. దీంతో ఆతిధ్య జట్టుతో జరగాల్సిన మ్యాచ్‌ రద్దయింది. ఈ విషయాన్ని దృవీకరించిన ఆసియా హాకీ ఫెడరేషన్‌.. మహమ్మారి బారిన పడిన క్రీడాకారిణి పేరును మాత్రం వెల్లడించలేదు. కాగా, ఇదే టోర్నీలో భాగంగా భారత్‌ తమ తొలి మ్యాచ్‌లో థాయ్‌లాండ్‌ను 13-0 గోల్స్‌ తేడాతో చిత్తు చేసింది. చదవండి: ఐసీసీ అవార్డు రేసులో వార్నర్, సౌథీ.. టీమిండియా ఆటగాళ్లకు దక్కని చోటు

మస్కట్‌ (ఒమన్‌): ఆసియా హాకీ చాంపియన్స్‌ ట్రోఫీలో భారత్, పాకిస్తాన్‌ జట్లను సంయుక్త విజేతలుగా ప్రకటించారు. డిఫెండింగ్‌ చాంపియన్‌ భారత్, మాజీ విజేత పాకిస్తాన్‌ జట్ల మధ్య ఆదివారం జరగాల్సిన ఫైనల్‌ మ్యాచ్‌ భారీ వర్షం కారణంగా రద్దయింది. స్థానిక కాలమానం ప్రకారం మ్యాచ్‌ రాత్రి 9 గంటల 10 నిమిషాలకు (భారత కాలమానం ప్రకారం రాత్రి గం. 10.40 నుంచి) ప్రారంభం కావాల్సింది. అయితే మ్యాచ్‌ మొదలయ్యే సమయానికి ఉరుములతో కూడిన భారీ వర్షం మొదలైంది. గంటన్నరపాటు వేచి చూసినా... వర్షం తగ్గకపోవడంతో నిర్వాహకులు ఫైనల్‌ను రద్దు చేసి భారత్, పాకిస్తాన్‌ లను సంయుక్త విజేతలుగా ప్రకటించారు.

మస్కట్‌ (ఒమన్‌): ఆసియా హాకీ చాంపియన్స్‌ ట్రోఫీలో డిఫెండింగ్‌ చాంపియన్‌ భారత్‌ తమ విజయాల పరంపర కొనసాగిస్తోంది. ఆదివారం జరిగిన మూడో లీగ్‌ మ్యాచ్‌లో భారత్‌ 9–0తో జపాన్‌ను ఓడించి వరుసగా మూడో గెలుపుతో హ్యాట్రిక్‌ నమోదు చేసింది. తొలి మ్యాచ్‌లో ఒమన్‌పై 11–0తో... రెండో మ్యాచ్‌లో పాక్‌పై 4–1తో నెగ్గిన మన్‌ప్రీత్‌ సింగ్‌ బృందం మూడో మ్యాచ్‌లోనూ తమ జోరును ప్రదర్శించింది. ప్రతి క్వార్టర్‌లో గోల్‌ చేసి జపాన్‌ను హడలెత్తించింది. భారత్‌ తరఫున మన్‌దీప్‌ సింగ్‌ (4, 49, 57వ నిమిషాల్లో) మూడు గోల్స్‌తో హ్యాట్రిక్‌ నమోదు చేయగా... హర్మన్‌ప్రీత్‌ సింగ్‌ (17, 21వ నిమిషాల్లో) రెండు గోల్స్‌ సాధించాడు. గుర్జంత్‌ సింగ్‌ (8వ నిమిషంలో), ఆకాశ్‌దీప్‌ సింగ్‌ (36వ నిమిషంలో), సుమీత్‌ (42వ నిమిషంలో), లలిత్‌ ఉపాధ్యాయ్‌ (45వ నిమిషంలో) ఒక్కో గోల్‌ చేశారు. ఈ టోర్నీలో భారత్‌ తరఫున హ్యాట్రిక్‌ చేసిన రెండో ప్లేయర్‌గా మన్‌దీప్‌ సింగ్‌ నిలిచాడు. ఒమన్‌తో జరిగిన తొలి మ్యాచ్‌లో దిల్‌ప్రీత్‌ సింగ్‌ ఈ ఘనత సాధించాడు. తాజా విజయంతో భారత్‌ 9 పాయింట్లతో అగ్రస్థానంలో ఉంది. అంతర్జాతీయ స్థాయిలో జపాన్‌తో ఇప్పటివరకు 22 మ్యాచ్‌లు ఆడిన భారత్‌ 18 మ్యాచ్‌ల్లో గెలిచి, మూడింటిని ‘డ్రా’ చేసుకొని... ఒక మ్యాచ్‌లో ఓడింది.  మంగళవారం జరిగే నాలుగో లీగ్‌ మ్యాచ్‌లో మలేసియాతో భారత్‌ తలపడుతుంది. ఇటీవలే జకార్తా ఆసియా క్రీడల సెమీఫైనల్లో మలేసియా చేతిలో అనూహ్యంగా ఎదురైన ఓటమికి భారత్‌ భారీ విజయంతో ప్రతీకారం తీర్చుకుంటుందో లేదో వేచి చూడాలి.  

మస్కట్‌: వచ్చే నెలలో స్వదేశంలో జరిగే ప్రపంచకప్‌ టోర్నమెంట్‌కు ముందు కావాల్సినంత ఆత్మవిశ్వాసాన్ని కూడగట్టుకోవాలనే లక్ష్యంతో... నేటి నుంచి మొదలయ్యే ఆసియా చాంపియన్స్‌ ట్రోఫీ పురుషుల హాకీ టోర్నమెంట్‌లో భారత్‌ బరిలోకి దిగుతోంది. ఆరు జట్ల మధ్య లీగ్‌ కమ్‌ నాకౌట్‌ పద్ధతిలో జరిగే ఈ టోర్నీలో భారత్‌ డిఫెండింగ్‌ చాంపియన్‌ హోదాతో పాటు టైటిల్‌ ఫేవరెట్‌గా పోటీపడుతోంది. గురువారం జరిగే తొలి లీగ్‌ మ్యాచ్‌లో ఆతిథ్య ఒమన్‌తో భారత్‌ తలపడనుంది. చివరిసారి 2014 ఆసియా క్రీడల్లో ఒమన్‌తో ఆడిన భారత్‌ ఆ మ్యాచ్‌లో 7–0తో అలవోకగా గెలిచింది. ఈసారీ టీమిండియా నుంచి అలాంటి ఫలితమే పునరావృతమయ్యే అవకాశముంది. 2011 నుంచి ఇప్పటివరకు ఆసియా చాంపియన్స్‌ ట్రోఫీని నాలుగుసార్లు నిర్వహించారు. భారత్‌ 2011లో, 2016లో టైటిల్‌ సాధించింది. 2012లో రన్నరప్‌గా నిలిచింది. ఈసారి భారత్‌తోపాటు పాకిస్తాన్, మలేసియా, జపాన్, దక్షిణ కొరియా, ఒమన్‌ జట్లు పాల్గొంటున్నాయి. లీగ్‌ దశ మ్యాచ్‌లు ముగిశాక పాయింట్ల పట్టికలో తొలి నాలుగు స్థానాల్లో నిలిచిన జట్లు సెమీఫైనల్‌కు చేరుకుంటాయి. ఫైనల్‌ ఈనెల 28న జరుగుతుంది. ఒమన్‌తో మ్యాచ్‌ తర్వాత భారత్‌  ఈ నెల 20న పాకిస్తాన్‌తో, 21న జపాన్‌తో, 23న మలేసియాతో, 24న కొరియాతో ఆడుతుంది.   ‘తొలి మ్యాచ్‌లో ఎలాంటి పొరపాట్లు చేయకుండా విజయంతో శుభారంభం చేయాలనే పట్టుదలతో ఉన్నాం. ప్రపంచంలోని మేటి జట్లను ఓడించే సత్తా ఈ జట్టులో ఉంది. అయితే కొన్నిసార్లు ఊహించని తప్పిదాలతో మూల్యం చెల్లించుకుంటున్నాం. మ్యాచ్‌ మొదలైన క్షణం నుంచి చివరి సెకను వరకు పూర్తి ఏకాగ్రతతో ఆడుతూ... ప్రత్యర్థికి ఎలాంటి అవకాశాలు ఇవ్వకుండా రాణించాల్సిన అవసరం ఉంది. ఆసియా క్రీడల్లో చేసిన తప్పిదాల నుంచి గుణపాఠం నేర్చుకున్నామని తమ ప్రదర్శ నతో జట్టు ఆటగాళ్లు నిరూపించుకోవాలి’ అని భారత జట్టు చీఫ్‌ కోచ్‌ హరేంద్ర సింగ్‌ వ్యాఖ్యానించారు. 2016 ఆసియా చాంపియన్స్‌ ట్రోఫీలో భారత్‌ అజేయంగా నిలిచింది. తొలి మ్యాచ్‌లో జపాన్‌ను 10–2తో ఓడించిన భారత్‌ తదుపరి మ్యాచ్‌లో కొరియాతో 1–1తో ‘డ్రా’ చేసుకుంది. అనంతరం 3–2తో పాకిస్తాన్‌పై, 9–0 తో చైనాపై, 2–1తో మలేసియాపై గెలుపొందింది. సెమీఫైనల్లో 5–4తో కొరియాను ఓడించి, ఫైనల్లో 3–2తో పాకిస్తాన్‌పై నెగ్గి టైటిల్‌ సాధించింది.  భారత హాకీ జట్టు: పీఆర్‌ శ్రీజేశ్, కృష్ణ బహదూర్‌ పాఠక్‌ (గోల్‌కీపర్లు), హర్మన్‌ప్రీత్‌ సింగ్, గురీందర్‌ సింగ్, వరుణ్‌ కుమార్, కొతాజిత్‌ సింగ్, సురేందర్‌ కుమార్, జర్మన్‌ప్రీత్‌ సింగ్, హార్దిక్‌ సింగ్, మన్‌ప్రీత్‌ సింగ్‌ (కెప్టెన్‌), సుమీత్, నీలకంఠ శర్మ, లలిత్‌ కుమార్‌ ఉపాధ్యాయ్, చింగ్లేన్‌సనా సింగ్‌ (వైస్‌ కెప్టెన్‌), ఆకాశ్‌దీప్‌ సింగ్, గుర్జంత్‌ సింగ్, మన్‌దీప్‌ సింగ్, దిల్‌ప్రీత్‌ సింగ్‌.  

బెంగళూరు: ఆసియా హాకీలో భారత టాప్‌ ర్యాంకు నిలబెట్టడమే తమ లక్ష్యమని జట్టు కెప్టెన్‌ మన్‌ప్రీత్‌ సింగ్‌ అన్నాడు. ఈ నెల 11 నుంచి బంగ్లాదేశ్‌లో జరిగే ఆసియా కప్‌లో భారత్‌ తమ తొలి మ్యాచ్‌లో జపాన్‌తో తలపడనుంది. ఈ టోర్నీ కోసం హై పెర్ఫార్మెన్స్‌ డైరెక్టర్‌ డేవిడ్‌ జాన్, కొత్త కోచ్‌ జోయెర్డ్‌ మరిన్‌ నేతృత్వంలో భారత సీనియర్‌ పురుషుల జట్టుకు ఆరు వారాల శిక్షణ శిబిరాన్ని ఏర్పాటు చేశారు. దీనిపై మన్‌ప్రీత్‌ మాట్లాడుతూ ‘ఆసియా టాప్‌ ర్యాంకు నిలబెట్టుకునేలా మా ప్రదర్శన ఉంటుంది. ప్రతీ జట్టు టైటిల్‌ గెలిచేందుకే బరిలోకి దిగుతుంది. మేం ఏ జట్టునూ తేలిగ్గా తీసుకోం. ఇక్కడి శిబిరంలో మావాళ్లంతా చక్కగా సన్నద్ధమయ్యారు. కొత్త కోచ్‌ మా ఆటతీరుపై సంతృప్తి వ్యక్తం చేశారు. దీంతో సన్నాహకాల్లో మార్పులేమీ జరగలేదు’ అని అన్నాడు. పూల్‌ ‘ఎ’లో చిరకాల ప్రత్యర్థి పాకిస్తాన్‌ కూడా ఉంది. ఈ మ్యాచ్‌పై ఎక్కడలేని అంచనాలుంటాయని... తాము మాత్రం ప్రత్యర్థి ఎవరైనా ఓడించాలనే లక్ష్యంతోనే బరిలోకి దిగుతామని మన్‌ప్రీత్‌ అన్నాడు. భారత జట్టు ఆదివారం ఢాకాకు బయల్దేరింది.   భారత్‌ ‘ఎ’ కాంస్యం చేజారింది... పెర్త్‌: ఆస్ట్రేలియన్‌ హాకీ లీగ్‌ (ఏహెచ్‌ఎల్‌)లో భారత్‌ ‘ఎ’ జట్టు నాలుగో స్థానంతో సరిపెట్టుకుంది. ఆదివారం జరిగిన కాంస్య పతక పోరులో భారత్‌ 2–3తో న్యూసౌత్‌వేల్స్‌ చేతిలో పోరాడి ఓడింది. సిమ్రన్‌జీత్‌ సింగ్‌ (3వ ని.), అఫాన్‌ యూసుఫ్‌ (9వ ని.) చెరో గోల్‌ చేయగా... న్యూసౌత్‌ వేల్స్‌ తరఫున క్రెయిగ్‌ (39వ ని.), సైమన్‌ ఒర్చర్డ్‌ (55వ ని.), లాచ్లన్‌ షార్ప్‌ (56వ ని.) తలా ఒక గోల్‌ చేశారు.  


 • ఆసియా చాంపియన్‌‌స ట్రోఫీ హాకీ విజేత భారత్ 
 • ఫైనల్లో చైనాపై 2-1తో విజయం 
 
 సింగపూర్: ఆసియా హాకీలో భారత్‌కు ఎదురులేదని రుజువరుుంది. భారత పురుషుల జట్టు ఆసియా చాంపియన్‌‌స ట్రోఫీ టైటిల్ గెలిచిన వారం రోజుల్లోపే భారత మహిళల జట్టు కూడా అదే ట్రోఫీ గెలిచింది. శనివారం జరిగిన ఫైనల్లో చైనాను 2-1తో ఓడించిన భారత మహిళల జట్టు చరిత్రలో తొలిసారి ఆసియా చాంపియన్‌‌స ట్రోఫీ విజేతగా అవతరించింది. 2013లో జరిగిన చివరి ఎడిషన్‌లో భారత జట్టు జపాన్ చేతిలో ఓడి రన్నరప్‌గా నిలవగా... ప్రారంభ టోర్నీ (2010)లో మూడో స్థానంతో సరిపుచ్చుకుంది. అరుుతే ఈసారి మాత్రం టైటిల్ దక్కించుకోవాలనే కసితో పటిష్ట చైనాపై పక్కా వ్యూహంతో బరిలోకి దిగింది.
 తమ చివరి లీగ్ మ్యాచ్‌లో ఇదే జట్టుతో  ఓడినా... ఫైనల్లో ఎలాంటి ఒత్తిడి లేకుండా ఆడి చిరస్మరణీయ విజయాన్ని అందుకుంది. ఆట 13వ నిమిషంలోనే దీప్ గ్రేస్ ఎక్కా పెనాల్టీ కార్నర్ ద్వారా జట్టుకు 1-0 ఆధిక్యాన్ని అందించింది. అరుుతే ద్వితీయార్ధం 44వ నిమిషంలో చైనా ఫీల్డ్ గోల్‌తో స్కోరును సమం చేసింది. ఆధిక్యం కోసం ఇరు జట్ల నుంచి తీవ్ర స్థారుులో ఎదురుదాడులు జరిగారుు. అరుుతే 60వ నిమిషంలో దీపిక జట్టుకు అవసరమైన కీలక గోల్‌ను అందించి భారత శిబిరంలో ఆనందం నింపింది.
 ఆసియా చాంపియన్స్ ట్రోఫీ గెలిచిన మహిళల జట్టుకు హాకీ ఇండియా నజరానా ప్రకటించింది. ఒక్కో క్రీడాకారిణికి రెండు లక్షల రూపాయలు, సహాయ సిబ్బంది ఒక్కొక్కరికి లక్ష రూపాయల చొప్పున ప్రకటించింది. భారత జట్టుకు ప్రధాని మోదీ, క్రికెట్ దిగ్గజం సచిన్‌తో పాటు దేశవ్యాప్తంగా పలువురు ప్రముఖులు అభినందనలు తెలిపారు.


 న్యూఢిల్లీ: భారత హాకీ రైజింగ్ స్టార్ మన్‌ప్రీత్ సింగ్ జూనియర్ విభాగంలో ఆసియా మేటి క్రీడాకారుడిగా ఎంపికయ్యాడు. కౌలాలంపూర్‌లో జరిగిన ఆసియా హాకీ సమాఖ్య సమావేశంలో ఈ నిర్ణయం తీసుకున్నారు. పంజాబ్‌కు చెందిన 22 ఏళ్ల మన్‌ప్రీత్ ఇప్పటివరకు 103 అంతర్జాతీయ మ్యాచ్‌ల్లో భారత్‌కు ప్రాతినిధ్యం వహించాడు.
  
  మిడ్ ఫీల్డ్ స్థానంలో ఆడే మన్‌ప్రీత్ గతేడాది న్యూఢిల్లీలో జరిగిన జూనియర్ ప్రపంచకప్‌లో, మలేసియాలో జరిగిన జోహర్ బారు కప్‌లో భారత్‌కు నేతృత్వం వహించాడు. మన్‌ప్రీత్ సారథ్యంలోనే టీమిండియా జోహర్ బారు కప్‌లో విజేతగా నిలిచింది. ఇటీవల జరిగిన కామన్వెల్త్ గేమ్స్‌లో రజతం నెగ్గిన భారత సీనియర్ హాకీ జట్టులో సభ్యుడిగా ఉన్న మన్‌ప్రీత్ ఈ నెలలో జరిగే ఆసియా క్రీడల్లోనూ బరిలోకి దిగనున్నాడు.