వరుణ్‌ ధావన్‌, కృతిసనన్‌ జంటగా నటించిన హారర్‌ కామెడీ చిత్రం 'భేడియా'. ఈ చిత్రంలో దీపక్ డోబ్రియాల్, అభిషేక్ బెనర్జీ కూడా కీలక పాత్రల్లో నటించారు. ఈ చిత్రం నవంబర్‌ 25న ప్రేక్షకుల ముందుకు వచ్చింది. అమర్‌ కౌశిక్‌ ఈచిత్రానికి దర్శకత్వం వహించారు. ప్రమాదవశాత్తు ఓ వ్యక్తి తోడేలుగా మారడం వల్ల ఎలాంటి ఇబ్బందులు నేపథ్యంలో రూపొందించిన చిత్రమే 'భేడియా' చిత్రాన్ని తెరకెక్కించారు. ఈ చిత్రాన్ని తెలుగులో ‘తోడేలు’ పేరిట ప్రముఖ నిర్మాత అల్లు అరవింద్‌ ‘గీత ఫిల్మ్ డిస్ట్రిబ్యూషన్’ ద్వారా చేశారు. అయితే బాక్సాఫీస్ వద్ద మిక్స్‌డ్ టాక్‌ను తెచ్చుకుంది.  (ఇది చదవండి: ‘తోడేలు’ను విడుదల చేస్తున్న ‘గీతా ఫిల్మ్’) అయితే ఈ చిత్రం తాజాగా ఓటీటీలోకి వచ్చేందుకు సిద్ధమైంది. దాదాపు నాలుగు నెలల తర్వాత ఓటీటీలోకి రానుంది. ఈనెల 26 నుంచి జియో సినిమాలో స్ట్రీమింగ్ కానున్నట్లు మేకర్స్ వెల్లడించారు. ఈ చిత్రంలో తోడేలు కాటుకు గురైన యువకుడిగా భాస్కర్ పాత్రలో వరుణ్ కనిపించాడు. డాక్టర్ అనిక పాత్రను కృతి నటించింది.  (ఇది చదవండి: మనిషి తోడేలుగా మారితే ఏమవుతుంది.. ఆసక్తిగా భేడియా ట్రైలర్) కథేంటంటే..  ఢిల్లీకి చెందిన  భాస్కర్‌(వరుణ్‌ ధావన్‌) ఓ కాంట్రాక్టర్‌. అరుణాచల్‌ ప్రదేశ్‌లోని ఓ అటవీ ప్రాంతంలో రోడ్డు వేసే కాంట్రాక్ట్‌ దక్కించుకుంటాడు. అక్కడ ప్రజలను ఒప్పించి రోడ్డు నిర్మించేందుకే స్నేహితులతో (దీపక్ దోబ్రియా, పాలిన్ కబక్)‌ కలిసి అరుణాచల్‌కు వెళ్తాడు. అయితే అక్కడ భాస్కర్‌ అనూహ్యంగా తోడేలు కాటుకు గురవుతాడు. చికిత్స కోసం వెటర్నరీ డాక్టర్ అనైక(కృతీసనన్‌)దగ్గరకు వెళ్తాడు. ఆమె ఏ మందు ఇచ్చిందో తెలియదు కానీ భాస్కర్‌ ప్రతిరోజు రాత్రి తోడేలుగా మారిపోతాడు. అసలు భాస్కర్‌ని తోడేలు ఎందుకు కరిచింది? ప్రతి రోజు రాత్రి కొంతమందిని మాత్రమే చంపడానికి కారణమేంటి? తన బాడీలో ఉన్న తోడేలుని బయటకు పంపించడానికి భాస్కర్‌ చేసిన ప్రయత్నం ఏంటి? వెటర్నరీ డాక్టర్ అనైక నుంచి భాస్కర్‌కు ఎలాంటి సహకారం అందింది? అనైకతో భాస్కర్‌ ప్రేమ సఫలమైందా లేదా? రోడ్డు నిర్మించాలనుకున్న బాస్కర్‌ ప్రయత్నం ఫలించిందా లేదా? అనేది తెలియాలంటే సినిమా చూడాల్సిందే.  థియేటర్లలో సినిమా చూడని వారు ఎంచక్కా ఓటీటీలో చూసేయండి. 

టాలీవుడ్ ప్రిన్స్ మహేశ్‌బాబు నటించిన 'నేనొక్కడినే' సినిమాతో టాలీవుడ్ ప్రేక్షకులకు పరిచయమైన ముద్దుగుమ్మ కృతి సనన్. ప్రస్తుతం పాన్ ఇండియా స్టార్ ప్రభాస్‌తో ఆదిపురుష్ చిత్రంలోనూ కనిపంచనుంది. అంతే కాకుండా బాలీవుడ్‌ సినిమాలతో బిజీగా ఉంది భామ. బాలీవుడ్ నటుడు కార్తీక్ ఆర్యన్‌తో కలిసి షెహజాదా చిత్రంలో నటిస్తోంది. ఇటీవల ఈ సినిమా ట్రైలర్‌ను విడుదల చేసింది చిత్రబృందం. ఈ కార్యక్రమానికి హాజరైన కృతి సనన్ ప్రత్యేక దుస్తుల్లో కనిపించి అందరి దృష్టిని ఆకర్షించింది.  ప్రస్తుతం కృతి ధరించిన డ్రెస్‌పైనే నెట్టింట్లో చర్చ నడుస్తోంది. తాజాగా జరిగిన ట్రైలర్ లాంఛ్ ఈవెంట్‌లో ఆమె ధరించిన స్ట్రాప్‌లెస్ డ్రెస్‌ ధరపై నెటిజన్లు ఆరా తీస్తున్నారు. ఆమె ధరించిన ఆ డ్రెస్ విలువు దాదాపు రూ.37,520 లుగా ఉన్నట్లు తెలుస్తోంది. ఈ ధర విని ఆమె అభిమానులు షాక్‌కు గురవుతున్నారు. అంతకుముందు వరుణ్‌ధావన్‌తో కలిసి భేడియా చిత్రంలో నటించింది కృతి.  View this post on Instagram A post shared by Kriti (@kritisanon)

ఇటీవలే రణ్‌బీర్‌- ఆలియా, కరణ్‌ సింగ్‌ గ్రోవర్‌- బిపాసా బసు దంపతులు తమ ఇంట్లో చిన్ని పాపాయికి స్వాగతం పలుకుతూ తల్లిదండ్రులైన విషయం తెలిసిందే! తాజాగా మరో హీరో కూడా త్వరలో తండ్రి కాబోతున్నట్లు తెలుస్తోంది. భేదియా సినిమా ప్రమోషన్స్‌ కోసం హీరోయిన్‌ కృతీ సనన్‌ను వెంటపెట్టుకుని బిగ్‌బాస్‌ 16 సీజన్‌కు వెళ్లాడు హీరో వరుణ్‌ ధావన్‌. ఈ సందర్భంగా హీరోహీరోయిన్లతో సరదా గేమ్స్‌ ఆడించాడు సల్లూ భాయ్‌. ఈ క్రమంలో ఓ బొమ్మను వరుణ్‌ చేతిలో పెట్టి ఇది నీ పిల్లాడి కోసమేనని చెప్పాడు. దీంతో సిగ్గుపడిపోయిన యంగ్‌ హీరో.. కానీ నాకింకా ఎవరూ పుట్టనే లేదు అని చెప్పాడు. దీనికి సల్మాన్‌.. ఆ బొమ్మను నువ్వు ఇంటికి తీసుకెళ్లావంటే త్వరలోనే నీ ఇంట్లోకి నిజమైన బేబీ వస్తుంది అని సరదాగా వ్యాఖ్యానించాడు. ఇది చూసిన నెటిజన్లు సల్మాన్‌ సరదాగా అలా మాట్లాడాడా? లేదంటే వరుణ్‌ దంపతులు నిజంగానే త్వరలో పేరెంట్స్‌ కాబోతున్నారా? అని కామెంట్లు చేస్తున్నారు. ఇకపోతే సల్మాన్‌ ఇటీవలే బిగ్‌బాస్‌ హౌస్‌లో థాంక్‌ గాడ్‌ ప్రమోషన్స్‌ కోసం వచ్చిన సిద్దార్థ్‌ను ఉద్దేశించి త్వరలో అతడి పెళ్లి జరగబోతుందని హింటిచ్చాడు. దీంతో వరుణ్‌ విషయంలో కూడా అది జోక్‌ కాదని, ఇది కూడా ఒక హింటే అంటున్నారు. కాగా వరుణ్‌, నటాషా 2021 జనవరిలో పెళ్లి చేసుకున్నారు. వరుణ్‌ నటించిన భేదియా నవంబర్‌ 25న విడుదల కానుంది. చదవండి: రోడ్డు ప్రమాదంలో బుల్లితెర నటి దుర్మరణం రెమ్యునరేషన్‌ ఇవ్వమంటే ముఖం చాటేశాడు: నటి

వరుణ్‌ ధావన్, కృతీ సనన్‌ జంటగా అమర్‌ కౌశిక్‌ దర్శకత్వంలో తెరకెక్కిన చిత్రం ‘భేదియా’. దినేష్‌ విజన్‌ నిర్మించిన ఈ సినిమా తెలుగు, హిందీ, తమిళంలో ఈ నెల 25న విడుదలకానుంది. నిర్మాత అల్లు అరవింద్‌ ‘భేదియా’ని తెలుగులో గీతా ఫిలిం డిస్ట్రిబ్యూషన్‌ సంస్థ ద్వారా రిలీజ్‌ చేస్తున్నారు. సచిన్‌ జిగర్‌ సంగీతం అందించిన ఈ చిత్రంలోని ‘చిలిపి వరాలే ఇవ్వు..’ అంటూ సాగే వీడియో సాంగ్‌ను విడుదల చేశారు. అమితాబ్‌ భట్టాచార్య–యనమండ్ర రామకృష్ణ సాహిత్యం అందించిన ఈ పాటని కార్తీక్‌ పాడారు. ‘‘హారర్, కామెడీ చిత్రమిది. ‘చిలిపి వరాలే ఇవ్వు..’ పాట చాలా బాగుంటుంది’’ అని చిత్రయూనిట్‌ పేర్కొంది.

ఎన్నో సూపర్ హిట్ ఫిలిమ్స్ డిస్ట్రిబ్యూషన్ చేసిన "గీతా ఫిలిం డిస్ట్రిబ్యూషన్" సంస్థ ఇటీవలే కాంతార చిత్రంతో మంచి హిట్ అందుకుంది. తాజాగా బాలీవుడ్‌ హీరో వరుణ్ ధావన్ నటిస్తున్న "భేదియా" చిత్రంతో  మరో హారర్-కామెడీ యూనివర్స్‌ సినిమాను తెలుగు ప్రేక్షకులుకు అందించడానికి సిద్దమవుతోంది. వరుణ్ ధావన్, కృతి సనన్ జంటగా నటిస్తున్న సినిమా "భేదియా". ఈ చిత్రం నుంచి 'తుమ్కేశ్వరి' అనే మొదటి పాట ఇటీవల విడుదలవగా దీనికి విశేష స్పందన లభించింది. ఆ పాట విజయవంతమైన తరుణంలో భేదియా టీం ఇప్పుడు ‘చిలిపి వరాలే ఇవ్వు’ అనే వీడియో సాంగ్‌ను అధికారికంగా లాంచ్ చేశారు. భేదియా చిత్రానికి సచిన్ జిగర్ సంగీతం అందిస్తున్నారు. ఈ చిలిపి వరాలే ఇవ్వు  పాటను కార్తీక్ ఆలపించారు. ఈ చిత్రానికి అమితాబ్ భట్టాచార్య, యనమండ్ర రామకృష్ణ సాహిత్యం అందించారు. అమర్ కౌశిక్ దర్శకత్వం వహించిన భేదియా హిందీ, తమిళం, తెలుగులో పాన్ ఇండియా స్థాయిలో నవంబర్ 25 న థియేటర్లలోకి రానుంది. ప్రముఖ చిత్ర నిర్మాత అల్లు అరవింద్ తెలుగులో "గీత ఫిల్మ్ డిస్ట్రిబ్యూషన్" ద్వారా "భేదియా"ను 'తోడేలు' పేరిట తెలుగులో విడుదల చేస్తున్నారు. చదవండి: కారు ప్రమాదం తర్వాత రంభ ఫ్యామిలీ ఎలా ఉందో చూశారా? కన్నడ ప్రేక్షకులకు లేఖ రాసిన పునీత్‌ భార్య

ఇటీవల హిట్‌ చిత్రం కన్నడ ‘కాంతార’ని తెలుగులో విడుదల చేసిన అల్లు అరవింద్‌ గీతా ఫిలిం డిస్ట్రిబ్యూషన్‌ త్వరలో హిందీ చిత్రం ‘భేదియా’ని విడుదల చేయనుంది. ఈ లవ్‌–హారర్‌–కామెడీ మూవీ తెలుగు విడుదల హక్కులను దక్కించుకున్న విషయాన్ని బుధవారం ప్రకటించింది. అమర్‌ కౌశిక్‌ దర్శకత్వంలో రూపొందిన ఈ చిత్రం హిందీ, తమిళ, తెలుగులో ఈ నెల 25న విడుదల కానుంది. వరుణ్‌ ధావన్, కృతీ సనన్‌ జంటగా నటించారు. కాగా ఈ చిత్రంలో తోడేలు కాటుకు గురైన యువకుడు భాస్కర్‌ పాత్రలో వరుణ్, డాక్టర్‌ అనిక పాత్రలో కృతి కనిపిస్తారు. ‘‘మంచి కంటెంట్‌ ఉన్న చిత్రాలను విడుదల చేయాలనే ఆలోచనతో తెలుగు రాష్ట్రాల్లో ‘కాంతార’ తెలుగు వెర్ష¯Œ ను విడుదల చేశాం. ‘భేదియా’ కంటెంట్‌ కూడా బాగుంటుంది’’ అని నిర్మాత బన్నీ వాసు పేర్కొన్నారు.

వరుణ్‌ ధావన్‌, కృతిసనన్‌ జంటగా తెరకెక్కిన హారర్‌ కామెడీ చిత్రం 'భేధియా'. ఈ చిత్రంలో దీపక్ డోబ్రియాల్, అభిషేక్ బెనర్జీ కూడా కీలక పాత్రల్లో నటించాడు. అమర్‌ కౌశిక్‌ దర్శకత్వం వహించిన ఈ చిత్రం నవంబర్‌ 25న ప్రపంచ వ్యాప్తంగా విడుదల కానుంది. ప్రమాదవశాత్తు ఓ వ్యక్తి తోడేలుగా మారడం వల్ల ఎలాంటి ఇబ్బందులు నేపథ్యంలో రూపొందించిన చిత్రమే 'భేదియా'.  ఈ చిత్రాన్ని తెలుగులో ‘తోడేలు’ పేరిట ప్రముఖ నిర్మాత అల్లు అరవింద్‌ ‘గీత ఫిల్మ్ డిస్ట్రిబ్యూషన్’ ద్వారా విడుదల చేస్తున్నారు. ఈ చిత్రంలో తోడేలు కాటుకు గురైన యువకుడిగా భాస్కర్ పాత్రలో వరుణ్ కనిపించనున్నాడు. డాక్టర్ అనిక పాత్రను కృతి పోషిస్తుంది. ఇటీవల గీతా ఫిల్మ్ డిస్ట్రిబ్యూషన్ ‘కాంతార’ చిత్రాన్ని తెలుగులో విడుదల చేసిన విషయం తెలిసిందే. ఈ చిత్రం ఇప్పటికీ బాక్సాఫీస్ వద్ద దూసుకుపోతోంది.