ప్రముఖ యూట్యూబర్‌ కమ్ కమెడియన్ భువన్ బామ్ ఖరీదైన ఇంటిని కొనుగోలు చేశారు. గుజరాత్‌కు చెందిన భువన్ దేశ రాజధాని ఢిల్లీలో విలాసవంతమైన బంగ్లాను తీసుకున్నారు. యూట్యూబ్‌లో తన వీడియోలతో  ఓవర్‌నైట్‌ స్టార్‌గా దాదాపు రూ. 11 కోట్లకు బంగ్లాను కొనుగోలు చేసినట్లు సమాచారం. ఢిల్లీలోని గ్రేటర్ కైలాష్ ప్రాంతంలో బంగ్లాను తీసుకున్నట్లు తెలుస్తోంది. ప్రస్తుతం బీబీ కి వైన్స్ అనే యూట్యూబ్‌ ఛానెల్‌ను నిర్వహిస్తున్నాడు.  వడోదరకు చెందిన భువన్ బామ్ యూట్యూబ్‌లో వీడియోల ద్వారానే ఎక్కువగా గుర్తింపు తెచ్చుకున్నారు. 2015లో తన యూట్యూబ్ ఛానెల్‌ని ప్రారంభించగా.. 26.4 మిలియన్లకు పైగా సబ్‌స్క్రైబర్స్ కలిగి ఉన్నారు. అతని కంటెంట్ ప్రధానంగా హాస్య భరితమైన పాత్రల చుట్టూ తిరుగుతూ ఉంటుంది. ముఖ్యంగా కుటుంబం, స్నేహితులతో కలిసి కామెడీ కంటెంట్‌ను రూపొందిస్తుంటారు. అంతే కాకుండా భువన్‌ సంగీతంలోకి అడుగుపెట్టారు. ఇప్పటికే చాలా సాంగ్స్‌ కూడా రిలీజ్ చేశారు. అంతే కాకుండా దిండోరా, రాఫ్తా రాఫ్తా, తాజా ఖబర్ వంటి వెబ్  సిరీస్‌లలో కూడా నటించాడు. ఇటీవలే ప్రసిద్ధ జపనీస్ గేమ్ షో తకేషిస్ కాజిల్‌కు కామెంటర్‌గా వ్యవహరిస్తున్నారు. అయితే ఈ వార్తలపై భువన్ ఇంకా స్పందించలేదు. View this post on Instagram A post shared by Bhuvan Bam (@bhuvan.bam22)

ఈ మధ్య పెళ్లిళ్లు బాగానే జరుగుతున్నాయి. సామాన్యుల నుంచి సెలబ్రిటీల వరకు వివాహ బంధంలో అడుగుపెడుతున్నారు. తాజాగా ఓ యంగ్ హీరోయిన్ కూడా కొత్త జీవితం ప్రారంభించింది. తన బెస్ట్ ఫ్రెండ్, బిజినెస్ పార్ట్‌నర్‌ని పెళ్లి చేసుకుంది. ప్రస్తుతం అందుకు సంబంధించిన ఫొటోలు సోషల్ మీడియాలో వైరల్‌గా మారిపోయాయి. నటి హర్షిక పునాచ స్వతహాగా కన్నడ అమ్మాయి. 15 ఏళ్ల వయసులోనే 'PUC' అనే సినిమాతో హీరోయిన్ గా కెరీర్ ప్రారంభించింది. ఇప్పటికీ అంటే దాదాపు 15 ఏళ్లుగా కన్నడతో పాటు తెలుగు, తమిళ, మలయాళ, భోజ్‌పురి సినిమాల్లో హీరోయిన్‪‌గా చేసింది. 'ఏడు కొండలవాడ వేంకటరమణ అందరూ బాగుండాలి', 'అప్పుడు అలా ఇప్పుడు ఇలా' అనే తెలుగు మూవీస్ చేసింది. (ఇదీ చదవండి: పబ్లిక్‌లో హీరోయిన్‌కి ముద్దుపెట్టిన తెలుగు డైరెక్టర్) హీరోయిన్‌గా కాస్త బిజీగా ఉన్న హర్షికకు 'గ్లామ్‌గాడ్ ఫ్యాషన్' అనే కంపెనీ కూడా ఉంది. ఫ్యాషన్ షోలు లాంటివి ఇది నిర్వహిస్తూ ఉంటుంది. ఇందులో హర్షికకు పార్ట్‌నర్‌గా నటుడు భువన్ ఉన్నాడు. గత కొన్నాళ్లుగా బెస్ట్ ఫ్రెండ్స్ గా ఉన్న వీళ్లిద్దరూ.. ఇప్పుడు ఆ బంధాన్ని పెళ్లి వరకు తీసుకెళ్లారు. ఆగస్టు 26న కొడగు సంప్రదాయ విధానంలో వీళ్ల పెళ్లి జరిగింది. ఇకపోతే హీరోయిన్ హర్షిక పెళ్లికి కర్ణాటక మాజీ ముఖ్యమంత్రులు యడుయూరప్ప, బసవరాజు బొమ్మైతో పాటు పలువురు మంత్రులు, రాజకీయ నాయకులు హాజరయ్యారు. నూతన వధూవరులని ఆశీర్వదించారు. మరి హర్షిక పెళ్లి ఫొటోలపై మీరు ఓ లుక్ వేసేయండి. (ఇదీ చదవండి: 'సలార్' కోసం ఆ సాహసం చేస్తున్న శ్రుతి హాసన్)

బాహుబలి,పుష్ప, ఆర్‌ఆర్‌ఆర్‌ వంటి సినిమాలతో యావత్‌ ప్రపంచం తెలుగు సినిమా వైపు చూసేలా చేశారని నేపాల్ సూపర్ స్టార్ భువన్ కెసి అన్నారు. తెలుగు సినిమాల స్థాయి చూసి చలన చిత్ర నిర్మాణ సంస్థలు, సాంకేతిక నిపుణులు నేర్చుకోవాల్సింది ఎంతో ఉందని ఆయన పేర్కొన్నారు. నేపాల్ రాజధాని ఖాట్మాండు లోని నేపాల్ ఫిలిం బోర్డ్ ఆడిటోరియంలో నిర్వహించిన ఇండో నేపాల్ ఫిలిం ఎక్స్చేంజి - 2023 సదస్సుకి ఎఫ్టిఫైసి అధ్యక్షులు చైతన్య జంగా,కార్యదర్శి వీస్ వర్మ పాకలపాటి సహా పలువురు ప్రముఖులు పాల్గొన్నారు. సౌత్‌ సినిమాలు అంతర్జాతీయ స్థాయికి ఎదిగిన తీరు అబ్బురపరిచేలా ఉందని నేపాల్ సీనియర్ హీరో భువన్ కె సి సహా, యంగ్ హీరో ఆయుశ్మాన్ జోషి కొనియాడారు.  నేపాల్ చిత్రాలకు భారత్ దేశంలో వ్యాపార అవకాశాలు కల్పించడంతో పాటు నేపాలీ చిత్రాలు ఇండియాలోని పలు లొకేషన్లలో,అలాగే ఇండియన్ మూవీస్ నేపాల్లో షూటింగ్‌ జరుపుకొనేలా కృషి చేస్తున్న ఎఫ్టిపిసి ఇండియా సంస్థ సేవలు అమోఘమని నేపాల్ ఫిలిం ప్రమోషన్ సర్క్యూట్ సంస్థ అధ్యక్ష కార్యదర్సులు నూతన్ నిపాడే, హిమాల్ ప్రశంసించారు.

మొన్న ఐస్‌ బకెట్‌, నిన్న కికి చాలెంజ్‌... నేడు బాటిల్‌ క్యాప్‌ చాలెంజ్‌. సామాజిక మాధ్యమాల్లో కొత్త చాలెంజ్‌ రావడానికి ఎంత సమయం పడుతుందో కానీ అది ట్రెండ్‌ అవడానికి అర క్షణం చాలు..! ఇంటర్నెట్‌లో ప్రస్తుతం బాటిల్‌ క్యాప్‌ చాలెంజ్‌ హవా నడుస్తోంది. సామాన్యులు, సెలబ్రిటీలు అనే తేడా లేకుండా అందరూ దీని వెంటపడుతున్నారు. ఇది హాలీవుడ్‌ను ఒక ఊపు ఊపేసి బాలీవుడ్‌లోకి ఎంట్రీ ఇచ్చింది. ఇప్పటికే ఎందరో నటులు ఈ చాలెంజ్‌కు సై అంటూ సక్సెస్‌ఫుల్‌గా పూర్తి చేశారు. ప్రస్తుతం గల్లీబాయ్‌ చిత్రంతో ఇండస్ట్రీలో అడుగుపెట్టిన సిద్ధాంత్‌ చతుర్వేది ఈ సవాలును స్వీకరించి దాన్ని దిగ్విజయంగా పూర్తి చేసిన మొదటి బాలీవుడ్‌ నటుడిగా నిలిచారు. ఇక యూట్యూబ్‌ స్టార్‌ భువన్‌ బామ్‌ కూడా తనదైన స్టైల్‌లో కాసింత హాస్యాన్ని జోడించి మరీ బాటిల్‌ క్యాప్‌ తీశాడు. స్లో మోషన్‌లో ఉన్న ఈ వీడియోలో భువన్‌ కాలితో తన్నకుండా చివర్లో నోటితో తీస్తాడు. భువన్‌ ఇన్‌స్టాగ్రామ్‌లో అప్‌లోడ్‌ చేసిన ఈ వీడియో నవ్వుల్ని పూయిస్తోంది. ‘నీలా ఎవరూ చేయలేరు.. నీకు నువ్వే సాటి’ అంటూ బాలీవుడ్‌ నటులు జాన్వీకపూర్‌-ఇషాన్‌ ఖట్టర్‌, సిద్ధాంత్‌లు ప్రశంసలు కురిపించారు. భువన్‌. బాటిల్‌ క్యాప్‌ చాలెంజ్‌ పూర్తి చేయాలంటూ హార్దిక్‌ పాండ్యా, విక్కీ కౌశల్‌, అమాండసెర్నీలకు ట్యాగ్‌ చేశారు. ‘బాటిల్‌ క్యాప్‌ చాలెంజ్‌’లో బాటిల్‌ మూతను ముందుగానే కాస్త వదులు చేసి ఉంచుతారు. ఆ తర్వాత కాలితో తన్ని బాటిల్‌ మూతను తీయాలి.. అదీ బాటిల్‌ కిందపడకుండా! బాలీవుడ్‌లో మొదటగా ఈ చాలెంజ్‌లో పాల్గొన్న సిద్ధాంత్‌ దాన్ని పూర్తి చేయడమే కాక నటుడు ఇషాన్‌ ఖట్టర్‌కు సవాలు విసిరాడు.మరోవైపు హాలీవుడ్‌ నటుడు జేసన్‌ స్టాథమ్‌ను స్ఫూర్తిగా తీసుకుని అక్షయ్‌ కుమార్‌ సైతం ఈ చాలెంజ్‌లో పాల్గొన్నారు. అక్షయ్‌ ఒక్క తన్నుతో బాటిల్‌ మూతను గాలిలో గింగిరాలు తిప్పి తన ఫిట్‌నెస్‌ను నిరూపించుకున్నారు. మరో నటుడు టైగర్‌ ష్రాఫ్‌ కొంచెం కొత్తగా ట్రై చేద్దామనుకున్నాడో ఏమో! ఏకంగా కళ్లకు గంతలు కట్టుకుని మరీ చాలెంజ్‌ను పూర్తి చేశాడు. టైగర్‌ చేసిన ఈ వీడియో చూస్తే కళ్లు బైర్లు కమ్మాల్సిందే!


 బెంగళూరు : కన్నడ బుల్లితెర నటులు ప‍్రథమ్‌, భువన్‌ మధ్య చెలరేగిన గొడవ రచ్చకెక్కింది. ఇటీవల నిద్రమాత్రలు మింగి నానా హంగామా చేసిన ప్రథమ్‌ తాజాగా సహ నటుడు భువన్‌ తొడను కొరికి మరోసారి వివాదంలో ఇరుక్కున్నారు. ‘నంజు మత్తు నాను’ టీవీ సీరియల్‌ సెట్‌లో ఈ ఘటన చోటుచేసుకుంది. ఈ సంఘటనపై భువన్‌ ఆదివారం రాత్రి తలఘట్టపుర పోలీసులకు ఫిర్యాదు చేశారు. ఓ నటి విషయంలో వారిద్దరు గొడవపడుతున్నట్లు బుల్లితెర వర్గాలు చెబుతున్నాయి.
 
 భువన్‌ను ఓ సీరియల్‌ నుంచి తొలగించడం వల్లే లేనిపోని ఆరోపణలు చేస్తున్నాడని ప్రథమ్‌ తెలిపారు. భువన్‌కు అమ్మాయిల పిచ్చి ఉందని, ఆదివారం షూటింగ్‌ ముగిసిన తర్వాత గదిలో ఉన్న వస్తువులను తీసుకోవడానికి వెళ్లిన సమయంలో అక్కడ సంజన, భువన్‌ ఉన్నారని తనను చూసిన అతడు ఆగ్రహంతో దూషించాడని ప్రథమ్‌ తెలిపారు. ఓ విషయంలో భువన్‌ను సీరియల్‌ నుంచి తొలగించారని పేర్కొన్నారు.
 
 కన్నడ బిగ్‌బాస్‌ 4 విజేత అయిన ప్రథమ్‌ గతంలోనూ ఆత్మహత్యాయత్నం చేశాడు.  ఫేస్ బుక్ ఫాలోవర్లకు లైవ్ వీడియో పెట్టి అతడు ఆత్మహత్యకు యత్నించాడు. తన స్నేహితుడు లోకేశ్‌తో తలెత్తిన విభేధాల కారణంగానే ప్రాణాలు తీసుకుంటున్నానంటూ నిద్రమాత్రలు మింగి ఆత్మహత్యకు యత్నించిన  ప్రథమ్‌ను సకాలంలో ఆస్పత్రికి తరలించి చికిత్స అందించిన విషయం తెలిసిందే.


 భువన్, ప్రియంత్, గీతాభగత్, శ్రీవాణి ముఖ్య తారలుగా ఎస్.ఎల్. మణి దర్శకత్వంలో ఎమ్మెస్ రాజు నిర్మిస్తున్న చిత్రం ‘జననం’. ప్రస్తుతం నిర్మాణానంతర కార్యక్రమాలు జరుగుతున్నాయి. ఈ సందర్భంగా దర్శక, నిర్మాతలు మాట్లాడుతూ -‘‘తొగ రాణా అద్భుతమైన పాటలు స్వరపరిచారు. ఇటీవల విడుదల చేసిన ఈ చిత్రం పాటలకు మంచి స్పందన లభిస్తోంది. త్వరలో ప్రచార చిత్రాన్ని, ఈ నెల ద్వితీయార్ధంలో సినిమాని విడుదల చేయాలనుకుంటున్నాం. ఓ వినూత్న కథాంశంతో తీసిన ఈ చిత్రానికి ప్రేక్షకాదరణ లభిస్తుందనే నమ్మకం ఉంది’’ అన్నారు.
  


 భువన్, ప్రియాంత్, శ్రావణసంధ్య, గీతాభగత్ ప్రధాన పాత్రధారులుగా రూపొందుతోన్న చిత్రం ‘జననం’. ఎస్.ఎల్.మణిగంజి దర్శకత్వంలో నూతన నిర్మాత ఎం.ఎస్.రాజు ఈ చిత్రాన్ని నిర్మిస్తున్నారు. నిర్మాతే స్వరాలను కూడా అందించిన ఈ చిత్రం పాటలను హైదరాబాద్‌లో విడుదల చేశారు. 
  
  ఎన్.శంకర్ ఆడియో సీడీని ఆవిష్కరించి తొలి ప్రతిని సునీల్‌కుమార్‌రెడ్డికి అందించారు. సినిమా విజయం సాధించాలని అతిథులందరూ ఆకాంక్షించారు. రెండు కోణాలున్న ప్రేమకథాచిత్రమిదని, అమ్మ ప్రేమకు, ప్రియురాలి ప్రేమకూ మధ్య ఉన్న వ్యత్యాసాన్ని ఇందులో చూపించామని దర్శకుడు తెలిపారు. 
  
  మంచి సినిమా అవుతుందనే నమ్మకం ఉందని నిర్మాత చెప్పారు. చిత్ర యూనిట్‌సభ్యులందరూ పాల్గొన్న ఈ కార్యక్రమంలో వి.సాగర్, హీరోలు శ్రీ, మనోజ్‌నందం తదితరులు కూడా పాల్గొన్నారు.