‘‘విజయ్‌ ఆంటోని నటించిన ‘బిచ్చగాడు’ చిత్రం అన్ని బంధాలను బాగా గుర్తుచేసింది. ఆ సినిమాకి సీక్వెల్‌గా ఇప్పుడు ‘బిచ్చగాడు 2’ కూడా అలాంటి సెంటిమెంట్‌తోనే వస్తున్నట్టు కనిపిస్తోంది. ఈ సినిమాని ప్రేక్షకులు పెద్ద హిట్‌ చేయాలి’’ అని ప్రముఖ నటుడు, దర్శక–నిర్మాత ఆర్‌. నారాయణమూర్తి అన్నారు. విజయ్‌ ఆంటోని హీరోగా నటించి, దర్శకత్వం వహించిన చిత్రం ‘బిచ్చగాడు 2’. కావ్య థాపర్‌ హీరోయిన్‌. ఫాతిమా విజయ్‌ ఆంటోని నిర్మించిన ఈ సినిమా తెలుగు, తమిళ భాషల్లో ఈ నెల 19న విడుదలవుతోంది. ఈ సందర్భంగా జరిగిన ప్రెస్‌మీట్‌లో విజయ్‌ ఆంటోని మాట్లాడుతూ– ‘‘మొదటి భాగంలో మదర్‌ సెంటిమెంట్‌ చూశారు.. రెండో భాగంలో సిస్టర్‌ సెంటిమెంట్‌ చూడబోతున్నారు’’ అన్నారు. ‘బిచ్చగాడు 2’ని తెలుగులో విడుదల చేస్తున్న ఉషా పిక్చర్స్‌ విజయ్‌ కుమార్‌ మాట్లాడుతూ– ‘‘ఏపీ, తెలంగాణలో తొలిసారి డిస్ట్రిబ్యూషన్‌ చేస్తున్నాం’’ అన్నారు. ‘‘బిచ్చగాడు’ని తెలుగువారు ఎంతో ఆదరించారు. ‘బిచ్చగాడు 2’ అంతకంటే ఎక్కువగా మీకు నచ్చుతుంది’’ అన్నారు ఫాతిమా. ‘‘బిచ్చగాడు’ని తెలుగులో నేనే విడుదల చేశాను. ఆ సినిమా కంటే ‘బిచ్చగాడు 2’ ఇంకా పెద్ద హిట్‌ కావాలి’’ అన్నారు నిర్మాత చదలవాడ శ్రీనివాసరావు. నటుడు జాన్‌ విజయ్, తెలుగు అనువాద రచయిత భాష్య శ్రీ ΄ాల్గొన్నారు. ఈ చిత్రానికి సంగీతం: విజయ్‌ ఆంటోని, కెమెరా: విజయ్‌ మిల్టన్, ఓం ప్రకాష్‌.

‘వీళ్లే బికిలి బికిలి బిలి బిలి.. బికిలి బికిలి బిలి బిలి...’ అంటూ పాడారు విజయ్‌ ఆంటోని. 2016లో విజయ్‌ ఆంటోని హీరోగా రూపొందిన తమిళ చిత్రం ‘పిచ్చైక్కారన్‌’ తెలుగులో ‘బిచ్చగాడు’గా విడుదలై ఘనవిజయం సాధించిన విషయం తెలిసిందే. శశి దర్శకత్వంలో ఈ చిత్రం రూపొందింది. ఇప్పుడు ‘బిచ్చగాడు’కు సీక్వెల్‌గా ‘బిచ్చగాడు 2’ వస్తోంది. విజయ్‌ ఆంటోని నటిస్తూ, దర్శకత్వం వహిస్తున్నారు. విజయ్‌ ఆంటోని ఫిల్మ్‌ కార్పొరేషన్‌ పతాకంపై ఫాతిమా విజయ్‌ ఆంటోని నిర్మిస్తున్నారు. ఈ సినిమా ఈ వేసవిలో విడుదల కానుంది. ఈ సందర్భంగా ఈ సినిమాలోని ‘బికిలి’ అనే పాట మ్యూజిక్‌ వీడియోను రిలీజ్‌ చేశారు. భాష్యశ్రీ రాసిన ఈ పాటకు మ్యూజిక్‌ కంపోజింగ్, సింగర్‌ విజయ్‌ ఆంటోనీయే కావడం విశేషం. ఇక పేదవాళ్ల పేదరికాన్ని ఉపయోగించుకుని తన ధనబలంతో వారిని బానిసలుగా చేసి, డబ్బు ఉందన్న అహంకారంతో తిరిగేవాళ్లకు తాను బికిలీ అని పేరు పెట్టినట్లు విజయ్‌ ఆంటోని పేర్కొన్నారు.

‘బిచ్చగాడు’ సినిమాతో తమిళంలోనే కాదు.. తెలుగులోనూ బ్లాక్‌ బస్టర్‌ విజయాన్ని సాధించి తెలుగు ప్రేక్షకుల హృదయాల్లో తనకంటూ ప్రత్యేకమైన గుర్తింపును సంపాదించుకున్నారు విజయ్‌ ఆంటోని. 2016లో విడుదలైన ఈ చిత్రం బాక్సాఫీస్‌ దగ్గర సంచలనం సృష్టించింది. తాజాగా ఈ చిత్రానికి సీక్వెల్‌ రాబోతున్న విషయం తెలిసిందే. జాతీయ అవార్డుగ్రహీత ప్రియ కృష్ణస్వామి దర్శకత్వం వహించనున్నారు.  ఓ వైపు మ్యూజిక్‌ డైరెక్టర్‌గా, మరోవైపు హీరోగా రాణిస్తోన్న విజయ్‌ ఆంటోని పుట్టినరోజు జూలై 24 (శుక్రవారం). ఈ సందర్భంగా తెలుగు, తమిళ భాషల్లో ‘బిచ్చగాడు 2’ సినిమా ఫస్ట్‌ లుక్, టైటిల్‌ లోగోను విడుదల చే శారు.

తమిళ హీరో విజయ్‌ ఆంటోని హీరోగా శశి దర్శకత్వంలో తెరకెక్కిన చిత్రం ‘పిచ్చైకారన్‌’. తెలుగులో ‘బిచ్చగాడు’గా అనువాదమై ఘనవిజయం సాధించింది. ఈ సినిమా విజయ్‌ ఆంటోనీకి తెలుగులో మంచి మార్కెట్‌ ఏర్పరిచింది. ప్రస్తుతం ఈ సినిమాకు సీక్వెల్‌ సిద్ధం కాబోతున్నట్టు ప్రకటించారు విజయ్‌ ఆంటోని. సీక్వెల్‌కి సంబంధించిన కథను ఆయనే రాస్తున్నారు. ఆల్రెడీ నాలుగు నెలలుగా ఈ కథ మీద పని చేస్తున్నట్టు తెలిపారు. మొదటి భాగానికి దర్శకత్వం వహించిన శశి ఈ సీక్వెల్‌కి దర్శకత్వం చేయరట. ఈ సీక్వెల్‌ను నిర్మించడంతో పాటు సంగీత దర్శకత్వం కూడా వహిస్తారట విజయ్‌ ఆంటోని. నిజానికి ముందు సంగీతదర్శకుడిగానే ఆయన ఇండస్ట్రీకి పరిచయం అయ్యారు. ఆ తర్వాత హీరోగా మారి, సినిమాలు చేస్తున్నారు. తాను నటించే సినిమాలను దాదాపు తానే నిర్మిస్తున్నారు కూడా. అలా నిర్మాతగా కూడా మారారు. ఇప్పుడు ‘బిచ్చగాడు’కి సీక్వెల్‌కి కథ రాస్తూ, కథారచయితగా కూడా తన ప్రతిభను నిరూపించుకోబోతున్నారు.


 అర్జున్ రెడ్డి సినిమాతో యంగ్ హీరో విజయ్ దేవరకొండ రేంజే మారిపోయింది. యూత్ లో భారీ ఫాలోయింగ్ తో పాటు బ్లాక్ బస్టర్ సక్సెస్ కూడా తన ఖాతాలో పడింది. ప్రస్తుతం విజయ్ ఈ సినిమా క్రేజ్ ను క్యాష్ చేసుకునే పనిలో ఉన్నాడన్న టాక్ వినిపిస్తోంది. అర్జున్ రెడ్డి సినిమాతో సౌత్ లో ఇతర ఇండస్ట్రీల దృష్టిలో పడ్డ ఈ యంగ్ హీరో త్వరలో కన్నడలో ఎంట్రీ ఇచ్చేందుకు ప్లాన్ చేసుకుంటున్నాడన్న టాక్ వినిపిస్తోంది.
 
 పుట్టపర్తిలో చదువుకున్న విజయ్ కి కన్నడ భాష మీద పట్టు ఉండటంతో త్వరలో అక్కడ హీరోగా పరిచయమయ్యేందుకు ప్లాన్ చేసుకుంటున్నాడు. అయితే తన సినిమాలతో కాకుండా దక్షిణాదిలో సంచలనం సృష్టించిన ఓ తమిళ సినిమాను కన్నడలో రీమేక్ చేసే ఆలోచనలో ఉన్నాడు అర్జున్ రెడ్డి. చిన్న సినిమాగా విడుదలై తెలుగు, తమిళ సంచలన విజయం సాధించిన బిచ్చగాడు సినిమాను కన్నడలో రీమేక్ చేసేందుకు రెడీ అవుతున్నాడు. ప్రస్తుతానికి అఫీషియల్ ఎనౌన్స్మెంట్ లేకపోయినా. త్వరలోనే ఈ ప్రాజెక్ట్ పై క్లారిటీ వచ్చే అవకాశం ఉంది.


 ‘‘బిచ్చగాడు’ వంటి చిత్రాన్ని తెలుగు ప్రేక్షకులకు అందించి, హిట్ సాధించిన నిర్మాతల నుంచి ‘పిల్ల రాక్షసి’ వంటి మరో వైవిధ్యమైన చిత్రం వస్తుందంటే వారి అభిరుచి అర్థమవుతోంది. తెలుగు ప్రేక్షకులు విభిన్నమైన కథా చిత్రాలను ఆదరిస్తున్నందుకు ఆనందంగా ఉంది. మలయాళంలో హిట్ అయిన ఈ చిత్రం ఇక్కడ కూడా విజయం సాధించాలి’’ అని ‘అల్లరి’ నరేశ్ అన్నారు. మలయాళంలో హిట్ అయిన ‘ఆన్ మరియ కలిప్పిలాను’ చిత్రాన్ని శ్రీ తిరుమల తిరుపతి వెంకటేశ్వర ఫిలింస్ పతాకంపై చదలవాడ పద్మావతి ‘పిల్ల రాక్షసి’ పేరుతో తెలుగులో విడుదల చేస్తున్నారు. మిథున్ మాన్యూల్ థామస్ దర్శకుడు.
 
 సారా అర్జున్ టైటిల్  పాత్రలో, ‘ఓకే బంగారం’ ఫేం దుల్కర్ సల్మాన్ ముఖ్య పాత్రలో నటించారు. షాన్ రెహమాన్ స్వరపరచిన ఈ చిత్రం పాటల సీడీ, ట్రైలర్‌ను నరేశ్ విడుదల చేశారు. నిర్మాత మాట్లాడుతూ- ‘‘ఓ మోసగాడిపై చిన్నారి ఎటువంటి సాహసం చేసిందన్నదే కథాంశం. ఇందులోని సన్నివేశాలు ప్రేక్షకులకు ఉత్కంఠ కలిగిస్తాయి. నవంబరు 4న ఈ చిత్రాన్ని విడుదల చేసేందుకు సన్నాహాలు చేస్తున్నాం’’ అని చెప్పారు. దర్శకుడు మిథున్, హీరోయిన్ లియోనా లిషాయ్, చదలవాడ తిరుపతిరావు, చదలవాడ లక్ష్మణ్, భాషాశ్రీ తదితరులు పాల్గొన్నారు.