తనను వదిలిపెట్టి వెళ్లిపోయిన భార్యను చంపడానికి జేబులో నాటు బాంబులు పెట్టుకుని బయల్దేరాడో వ్యక్తి. అయితే.. దారిలోనే ఆ బాంబులు కాస్తా పేలిపోవడంతో అతడు అక్కడికక్కడే మరణించాడు. ఈ సంఘటన ఉత్తరప్రదేశ్లోని ఫైజాబాద్ సమీపంలో జరిగింది.
 
 తన భార్య షాలినిని చంపాలని వినయ్ కుమార్ అనే వ్యక్తి దేవ్కలి గ్రామానికి వెళ్లాడు. ఆమె ఇంటి మీద రెండు బాంబులు విసిరాడు. వాటిలో ఒకటి ఇంటి గోడను తాకింది. మరొకటి పేలలేదు. దాంతో షాలిని కుటుంబ సభ్యులు అతడిని వెంటాడారు. పరుగు పెడుతున్న అతడు కింద పడిపోవడంతో జేబులో ఉన్న మరో నాటుబాంబు పేలిపోయింది. దాంతో అతడు అక్కడికక్కడే మరణించాడు.