ప్రముఖ బాలీవుడ్ సింగర్, గేయ రచయిత ప్రతీక్ కుహద్ ప్రియురాలితో బ్రేకప్ అయినట్లు స్పష్టం చేశారు. నిహారిక ఠాకూర్‌తో బంధం తెంచుకున్నట్లు వివరించారు. కొన్నేళ్లుగా రిలేషన్‌షిప్‌లో ఉన్న సింగర్ కొద్ది రోజుల క్రితమే తాము విడిపోయామని ఇటీవల ఓ ఇంటర్వ్యూలో పేర్కొన్నారు. ప్రతీక్ కుహాద్‌కు సోషల్ మీడియాలో భారీ ఫాలోయింగ్ ఉంది. ఇన్‌స్టాగ్రామ్‌లో భారీసంఖ్యలో ఫాలోవర్లు ఉన్నారు. అతని స్నేహితురాలు నిహారిక ఠాకూర్‌తో కలిసి ఉన్న ఫోటోలను షేర్ చేస్తూ సోషల్ మీడియాలో యాక్టివ్‌గా ఉండేవారు. అయితే నిహారికతో విడిపోవడానికి గల కారణాలను వెల్లడించలేదు ప్రతీక్.  ప్రతీక్ మాట్లాడుతూ..' నేను ప్రస్తుతం ఎవరితో రిలేషన్‌లో లేను. కొంత కాలంగా దీని గురించి పెద్దగా మాట్లాడలేదు. కొంతమంది ఇప్పటికీ రిలేషన్‌లో ఉన్నానని అనుకుంటున్నారు. అందుకే చెబుతున్నా నేను ఎలాంటి రిలేషన్‌లో లేను. కొంతకాలం క్రితమే మా బంధం ముగిసింది. తాను ఇప్పుడిప్పుడే సంగీతంపై దృష్టి పెట్టానని చెప్పాడు. ప్రస్తుతం చాలా బిజీగా ఉన్నా. చాలా షోలు జరుగుతున్నాయి. ఇప్పుడే మ్యూజిక్ చేస్తున్నా.' అని అన్నారు. ప్రతీక్ కుహద్ ‘కోల్డ్/మెస్’ పాటకు బాగా పేరు సంపాదించారు. అమెరికా మాజీ అధ్యక్షుడు, బరాక్ ఒబామా తన 'ఫేవరేట్ మ్యూజిక్ ఆఫ్ 2019' జాబితాలో అతనికి 'కోల్డ్/మెస్' అని పేరు పెట్టారు. అతను బార్ బార్ దేఖో చిత్రంలోని 'ఖో గయే హమ్ కహాన్', కార్వాన్ చిత్రంలోని  సాన్సేన్ అనే సాంగ్ కూడా ఆలపించారు.  

హిందీ చిత్రపరిశ్రమలోని అందమైన జంటల్లో యంగ్‌ హీరో టైగర్ ష్రాఫ్‌, బ్యూటీఫుల్‌ హీరోయిన్‌ దిశా పటానీ పెయిర్ ఒకటి. సినిమాల్లో వీరి ఆన్‌స్క్రీన్‌ కెమిస్ట్రీతో విపరీతంగా అభిమానులను సంపాదించుకున్నారు.  సినిమాల్లో వారి కెమిస్ట్రీ చూసి టైగర్ ష్రాఫ్‌-దిశా పటానీ డేటింగ్‌లో ఉన్నట్లు ఎప్పటినుంచో రూమర్లు వచ్చిన విషయం తెలిసిందే. అలాగే గత కొంత కాలంగా వీరిద్దరూ బ్రేకప్ చెప్పుకున్నారనే వార్తలు కూడా గుప్పుమన్నాయి.  టైగర్ ష్రాఫ్‌-దిశా బ్రేకప్‌ చెప్పుకున్నట్లు గత కొద్దిరోజులుగా వస్తున్న వార్తలతో వారి అభిమానులు నిరాశకు గురయ్యారు. అయితే వారిద్దరు విడిపోవడానికి వివాహమే కారణమని ఓ ఇంగ్లీష్ వెబ్‌సైట్‌ పేర్కొంది. వివాహం చేసుకునేందుకు దిశా పటానీ సిద్ధంగా ఉన్న.. టైగర్ ష్రాఫ్‌ మాత్రం రెడీగా లేడట. కెరీర్‌ను గాడిలో పెట్టేందుకు ట్రై చేస్తున్న టైగర్‌.. ఈ సమయంలో పెళ్లికి నో అంటున్నాడని టాక్‌. చదవండి: ఇక బతుకంతా వాళ్లకు రాసిచ్చినట్టే.. రొమాంటిక్‌గా 'లైగర్‌' సాంగ్‌ ఇదిలా ఉంటే మరోవైపు వారిద్దరి రిలేషన్‌ సరిగ్గానే ఉందని ఇటీవల టైగర్‌ షేర్ చేసిన ఓ వీడియో పోస్ట్‌ చెబుతోంది. మార్షల్‌ ఆర్ట్స్‌ విన్యాసాలు చేస్తున్న వీడియోను టైగర్ ష్రాఫ్‌ ఇన్‌స్టాలో పోస్ట్ చేశాడు. 'నిజానికి ఇవాళ ట్రైనింగ్‌ తీసుకున్నట్లు లేదు. ఎందుకంటే తమను కొట్టాల్సిందిగా వారు చెప్పారు. అది నా ఐడియా అయితే కాదు' అని ఆ వీడియోకు క్యాప్షన్‌ ఇచ్చాడు. ఈ పోస్ట్‌కు నేను కూడా ఇలా చేయాలనుకుంటున్నాను అని దిశా పటానీ రిప్లై ఇచ్చింది. ప్రస్తుతం ఈ వీడియో, రిప్లై నెట్టింట అందరి దృష్టిని ఆకర్షిస్తోంది. దిశా పటానీ రిప్లైతో వారి మధ్య ఎలాంటి బ్రేకప్ జరగలేదని ఫ్యాన్స్‌ భావిస్తున్నారట. ఇక వారు డేటింగ్‌లో ఉన్నారా? లేదా బ్రేకప్‌ చెప్పుకున్నారా? అనే విషయాలపై స్పష్టత రావాలంటే కొంతకాలం ఎదురు చూడాల్సిందే.    చదవండి: ఆ హీరోతో జోడి కట్టనున్న డైరెక్టర్‌ శంకర్ కుమార్తె View this post on Instagram A post shared by Tiger Shroff (@tigerjackieshroff)

ముంబై : బాలీవుడ్‌ ప్రేమ జంట టైగర్‌ ష్రాఫ్‌, దిశా పటానీలు విడిపోయారని జోరుగా ప్రచారం సాగుతోంది. పార్టీలు, ఈవెంట్లలో సన్నిహితంగా మెలగడంతోపాటు దీర్ఘకాలం రిలేషన్‌షిప్‌లో ఉన్న వీరి బ్రేకప్‌ బాలీవుడ్‌లో హాట్‌టాపిక్‌గా మారింది. గత కొద్ది వారాలుగా వీరిద్దరి మధ్య చెడిందని, ఎవరి దారి వారు చూసుకోవాలని నిర్ణయించుకున్నారని, ఇప్పుడది అధికారికంగా బ్రేకప్‌కు దారితీసిందని ఇద్దరికీ సన్నిహితంగా మెలిగేవారు వెల్లడించినట్టు వార్తలు వచ్చాయి. గతంలోనూ వారిద్దరూ స్నేహితులే తప్ప అంతకుమించిన బంధం ఏమీ లేదని, అలాంటప్పుడు ఇక బ్రేకప్‌కు అవకాశం ఏముందని వారి సన్నిహితులు ప్రశ్నిస్తున్నట్టు ఓ వెబ్‌సైట్‌ పేర్కొంది. దిశా, టైగర్‌లు తొలిసారిగా మ్యూజిక్‌ వీడియో బేఫిక్రాలో తొలిసారిగా తెరను పంచుకోగా, బాగి-2లో కలిసి నటించారు. దిశా పటానీ సల్మాన్‌ సరసన భారత్‌లో ఆడిపాడారు. ఇక టైగర్‌ ష్రాఫ్‌ చివరిసారిగా స్టూడెంట్‌ ఆఫ్‌ ది ఇయర్‌ 2లో సందడి చేయగా, హృతిక్‌ రోషన్‌తో పాటు సిద్ధార్ధ్‌ ఆనంద్‌ మూవీలో కనిపించనున్నారు. ఇక బాగీ 3ని చేయాలని కూడా టైగర్‌ ష్రాఫ్‌ సన్నాహాలు చేస్తున్నారు.​


 క్లోజ్ ఫ్రెండ్స్ త్రిష, రానాల బ్రేకప్ న్యూస్ ఇప్పుడు నెట్టింట హాట్ టాపిక్‌గా మారింది. ఎంతో కాలంగా కలిసి తిరిగిన వీరిద్దరూ ఇప్పుడు ఒకరినొకరు చూసుకోవడానికి కూడా ఇష్టపడటం లేదట. రానాకు వేరే గాల్స్‌తో లింకులున్నాయని, అందుకే త్రిష అతగాడికి దూరంగా ఉంటుందనేది కోలీవుడ్‌లో టాక్. దానికి తగ్గట్టుగానే త్రిష... లవ్వూగివ్వూ అంతా టైమ్ వేస్ట్ అంటూ తన అక్కసు వెళ్లగక్కింది ట్విట్టర్‌లో. ‘ప్రేమించడం పెద్ద రిస్క్. ఒకవేళ వర్కవుట్ కాకపోతే పరిస్థితి ఏంటి? అలాగే సక్సెస్ అయితే వచ్చేదేంటి!’ అంటూ వేదాంతం చెప్పేసింది సింగిల్ లైన్‌లో.