బస్సు లోపల ఒక ఆర్టిస్ట్‌ బస్‌ ఎక్కాడు. కండక్టర్‌ దగ్గర టికెట్‌ తీసుకున్నాడు. దాని వెనుక కండక్టర్‌ బొమ్మ గీశాడు. కండక్టర్‌ రియాక్షన్‌? ఓహో.. వైరల్‌ బస్సు బయట ప్రతి ఉదయం ఆ పెద్దమనిషి ముంబై రోడ్డు డివైడర్‌ దగ్గర నిలబడతాడు. తెల్లవారు షిఫ్ట్‌కి డ్యూటీ ఎక్కిన డ్రైవర్లకు బిస్కెట్‌ ప్యాకెట్లు పంచుతాడు. ఆ పెద్దాయన కారుణ్యం? వైరలే కదా. మనుషులు సాటి మనుషుల పట్ల చూపించే చిన్న చిన్న వాత్సల్యాలే మానవాళిని ముందుకు నడిపిస్తున్నాయి. సాటిమనిషి ముఖంలో చిరునవ్వు కనిపించేలా చేస్తే ఎంత బాగుంటుంది. బొమ్మలు గీసే ఆషిక్‌ను అడగాలి. కేరళలోని మళప్పురంలో నివసించే ఆషిక్‌ ఫైన్‌ ఆర్ట్స్‌ చదివాడు. చూసిన మనిషి ముఖాన్ని క్షణాల్లో అచ్చుగుద్దినట్టు పెన్సిల్‌తో గీయడంలో దిట్ట. తన ఆర్ట్‌ను కష్టజీవులను సంతోషపెట్టడానికి అతడు వాడుతుంటాడు. నిత్యజీవితంలో తారసపడే పండ్లమ్ముకునేవాళ్లను, పంక్చర్లు వేసేవాళ్లను, కూలీలను, సేల్స్‌ బోయ్స్‌ను దూరం నుంచి చూసి వారికి తెలియకుండా వారి బొమ్మ గీస్తాడు. ఆ తర్వాత వారికి తీసుకెళ్లి ఇస్తాడు. తమ పనుల్లో మునిగివున్న ఆ కష్టజీవులు హటాత్తుగా తమ బొమ్మను చూసుకుని తెలియని ఆనందంతో నవ్వుతారు. ఆ నవ్వును కెమెరాలో బంధించి ఇన్‌స్టాలో పెడుతుంటాడు ఆషిక్‌. ఇటీవల ఒక బస్‌ కండక్టర్‌ బొమ్మను అతనిచ్చిన టికెట్‌ వెనుకే గీసిస్తే అతడు సంతోషంతో తబ్బిబ్బు అయ్యాడు. డబ్బున్నవాళ్ల బొమ్మలు అందరూ గీస్తారు... కాని తమ బొమ్మ కూడా గీసే వారుంటారా... అని ఆనందంతో మురిసి పోవడం ఆషిక్‌ వీడియోల్లో చూస్తాం. అందుకే అవి వైరల్‌ అవుతుంటాయి. ఇక రెండో వైరల్‌ ఏమిటంటే ముంబైలో ఒక చౌరస్తా దగ్గర నిలుచున్న ఒక పెద్దమనిషి ఉదయాన్నే ఆరు నుంచి ఎనిమిదిన్నర మధ్య సిటీ సర్వీస్‌లను నడిపే బస్‌డ్రైవర్లకు బిస్కెట్‌ ప్యాకెట్లు పంచుతుంటాడు. తెల్లవారి షిఫ్ట్‌ ఎక్కేవారు ఏం తింటారో తినరో. ఈ బిస్కెట్స్‌ వారికి ఉపయోగపడతాయి. తాను చేసేది గొప్పలు చెప్పుకోని ఆ పెద్దమనిషి నిశ్శబ్దంగా బిస్కెట్లు పంచి ఇంటిముఖం పడతాడు. అతని వీడియోను ఒకామె ఇన్‌స్టాలో పోస్ట్‌ చేస్తే ఈ మాత్రం కరుణ ప్రతి ఒక్కరిలో ఉంటే ఎంత బాగుండు అని అందరూ సంతోషించారు. మనుషులు మంచివాళ్లు. కాకపోతే తాము మంచివాళ్లమని అరుదుగా వారికి గుర్తుకొస్తుంటుంది. ఈ మాత్రం మంచిని అందరం చేయగలం. చేస్తే ఎంత బాగుండు.

సాక్షి, హైదరాబాద్‌: ఆర్టీసీ బస్సుల్లో ప్రయాణికుల భద్రత కోణంలో కొత్తగా ఏర్పాటు చేసిన సీసీటీవీ కెమెరాలు ఇప్పుడు ఆర్టీసీ డ్రైవర్లను భయపెడుతున్నాయి. తమపై నిఘా కోసమే వాటిని ఏర్పాటు చేశారన్న అపోహలో ఉన్న డ్రైవర్లు గుట్టు చప్పుడు కాకుండా కెమెరాలను ఓ పక్కకు తిప్పేస్తున్నారు. దీంతో బస్సులోపల ప్రయాణికులు ఉండే భాగం కాకుండా, బస్సు గోడలు, కిటికీల ప్రాంతం కెమెరాల్లో రికార్డు అవుతోంది. తాజాగా బస్‌భవన్‌లో జరిగిన ఉన్నతస్థాయి సమావేశంలో అధికారులు ఈ విషయాన్ని ప్రస్తావించారు. ఈ నేపథ్యంలో అలాంటి డ్రైవర్లకు సీసీ కెమెరాలపై అపోహలు తొలగిపోయేలా అవగాహన కల్పించాలని నిర్ణయించారు.   చర్యలు తీసుకుంటారన్న భయంతో..: ఇటీవలే ఆర్టీసీ దాదాపు 700 కొత్త సూపర్‌ లగ్జరీ బస్సులను సమకూర్చుకుంది. ఇప్పటి వరకు కొన్ని ఏసీ బస్సుల్లో తప్ప మిగతా ఆర్టీసీ బస్సుల్లో సీసీ కెమెరాలు లేవు. బస్సులో ఏ ఘటన జరిగినా స్పష్టంగా తెలుసుకునే వీలు లేకుండా పోతోంది. దీంతో ప్రయాణికుల భద్రతకు సీసీ కెమెరాల ఏర్పాటు తప్పనిసరని భావించి, కొత్తగా కొనుగోలు చేసే బస్సుల్లో వీటిని ఏర్పాటు చేయిస్తున్నారు. ఇలా కొత్త సూపర్‌ లగ్జరీ బస్సులను కంపెనీ నుంచి వచ్చినవి వచ్చినట్టు రోడ్డెక్కిస్తున్నారు. ఆ బస్సుల్లో లోపల డ్రైవర్‌ క్యాబిన్‌ ఎదురుగా ఒక కెమెరా, డ్రైవర్‌ క్యాబిన్‌ వెనక మరో కెమెరా ప్రయాణికులు కనిపించేలా ఉంటాయి. మరో కెమెరా బస్సు వెనక రివర్స్‌ చేసేప్పుడు డ్రైవర్‌కు సౌలభ్యం కలిగించేలా ఉంటుంది. అయితే ఇప్పుడు క్యాబిన్‌ ముందువైపు ఉన్న కెమెరాను చూడగానే డ్రైవర్లు ఆందోళన చెందుతున్నారు. కొంతకాలంగా ఏమాత్రం నిర్లక్ష్యంగా ఉన్నా సస్పెన్షన్‌ వేటు పడుతుండటమే దీనికి కారణం. ప్రస్తుత కాలంలో సెల్‌ఫోన్‌ వినియోగం సాధారణ విషయంగా మారింది. ఇంటి నుంచి కాల్‌ వచ్చినా, అత్యవసర పనులకు సంబంధించి ఫోన్‌ కాల్‌వచ్చినా డ్రైవర్లు మాట్లాడేస్తుంటారు. అయితే బస్సు నడిపే సమయంలో డ్రైవర్లు సెల్‌ ఫోన్‌ మాట్లాడటాన్ని నేరంగా పరిగణిస్తారు. అలాగే కొందరిలో డ్రైవింగ్‌లో అప్పుడప్పుడు ఏమరపాటు వ్యక్తమవుతుంటుంది. ఇలాంటివన్నీ సీసీ కెమెరాలో రికార్డు అవుతాయి. ఇది తమపై చర్యలకు కారణమవుతుందేమోనన్నది డ్రైవర్ల భయానికి కారణంగా ఉంటోందని అధికారులంటున్నారు.   దూర ప్రాంతాలకు వెళ్లే డ్రైవర్లకు సంకటం..  దూర ప్రాంతాలకు వెళ్లే బస్సుల్లో అడ్వాన్సు టికెట్‌ బుకింగ్‌ సమయంలో డ్రైవర్‌ ఫోన్‌ నంబర్‌ను కూడా తెలియజేస్తారు. ప్రయాణికులు ఆ నంబర్‌కు ఫోన్‌ చేసి బస్సు ఎక్కడి వరకు వచ్చిందో వాకబు చేస్తుంటారు. కాగా, విశాఖపట్నం, బెంగళూరు లాంటి దూర ప్రాంతాల సర్విసులు మినహా మిగతా బస్సుల్లో ఒకే డ్రైవర్‌ ఉంటున్నాడు. ప్రయాణికుల నుంచి ఫోన్‌ కాల్‌ వస్తే అతనే మాట్లాడాల్సి వస్తోంది. ఇది రికార్డయితే, దానిని కూడా నేరంగా పరిగణిస్తారన్న భయం డ్రైవర్లలో ఉంది. వీటన్నింటిని దృష్టిలో ఉంచుకుని బస్సులో కెమెరా యాంగిల్‌ను తిప్పేస్తున్నారన్నది అధికారుల మాట. దీంతో డ్రైవర్లలో అపోహలు తొలగించాలని ఉన్నతాధికారులు భావిస్తున్నారు. ఆ కెమెరాలు ప్రయాణికుల భద్రత కోసమే కేటాయించాన్న విషయాన్ని తెలిపి, వారిలో ఆందోళన పోగొట్టాలని అధికారులు నిర్ణయించారు.  

సాక్షి, హైదరాబాద్‌: ‘సిటీబస్సుల్లో ప్రయాణికులు మాస్కులు ధరించి ప్రయాణం చేస్తున్నారు. కండక్టర్లు, డ్రైవర్లు మాత్రం మాస్కులు సరిగా ధరించడం లేదు.ఇది ఇబ్బందిగా ఉంది’ అంటూ కొద్దిరోజుల క్రితం ఓ ప్రయాణికురాలు ఆర్టీసీ ఎండీ సజ్జనార్‌కు ట్విట్టర్‌ ద్వారా ఫిర్యాదు చేశారు. దీంతో ఆయన వెంటనే ఆర్టీసీ యంత్రాంగాన్ని అప్రమత్తం చేశారు. సంక్రాంతి రద్దీ సమయంలో స్వయంగా మహాత్మాగాంధీ బస్‌స్టేషన్‌లో తనిఖీలు సైతం నిర్వహించారు. ప్రయాణికులు, కండక్టర్లు, డ్రైవర్లు తప్పనిసరిగా మాస్కు ధరించేలా చర్యలు తీసుకోవాలని అధికారులను ఆదేశించారు. గ్రేటర్‌లో ఈ  ఆదేశాలు పెద్దగా అమలుకు నోచుకోవడం లేదు. యథావిధిగా కండక్టర్లు, డ్రైవర్లు మాస్కులు సరైన పద్ధతిలో ధరించకుండానే విధులు నిర్వర్తిస్తున్నారు. దీంతో ప్రయాణికుల్లో ఆందోళన వ్యక్తమవుతోంది.  రోజుకు 20 లక్షల మంది ప్రయాణం..  రెండు రోజులగా సంక్రాంతి దృష్ట్యా సిటీ బస్సుల్లో ప్రయాణికుల రద్దీ తగ్గింది. సాధారణంగా రోజుకు 20 లక్షల మంది ప్రయాణం చేస్తారు. కోవిడ్‌ రెండో ఉద్ధృతి అనంతరం ఆంక్షలను పూర్తిగా ఎత్తివేయడంతో సిటీ బస్సుల రాకపోకలు సాధారణ స్థాయికి చేరుకున్నాయి. దీంతో పలు మార్గాల్లో ఉదయం, సాయంత్రం రద్దీ వేళల్లో బస్సులు కిక్కిరిసిపోతున్నాయి. ఇలాంటి బస్సులో ఏ కొంచెం నిర్లక్ష్యంగా ఉన్నా వైరస్‌ వేగంగా వ్యాపించేందుకు అవకాశం ఉంటుంది.  చదవండి: సర్కారీ స్కూళ్లలో వచ్చే ఏడాది నుంచే ఆంగ్లంలో విద్యా బోధన  ప్రయాణికులతో పాటు, డ్రైవర్లు, కండక్టర్లు మాస్కులు ధరించడంతో పాటు శానిటైజర్‌లతో ఎప్పటికప్పుడు చేతులను శుభ్రం చేసుకోవడం ఎంతో అవసరం. కోవిడ్‌ ఆరంభంలో ఈ దిశగా ఆర్టీసీ విస్తృత స్థాయిలో అవగాహన కల్పించింది. ప్రయాణికులను, సిబ్బందిని నిరంతరం అప్రమత్తం చేసింది. బస్సులను సైతం పూర్తిగా శానిటైజ్‌ చే శారు. కానీ మూడో ఉద్ధృతి మొదలైనప్పటి నుంచి ఎలాంటి నియంత్రణ చర్యలు చేపట్టకపోవడ ంపై ప్రయాణికుల్లో ఆందోళన వ్యక్తమవుతోంది.  మెట్రో రైల్‌ తరహాలో నియంత్రణ..  మెట్రో రైళ్లలో ప్రయాణం చేయాలంటే మాస్కు తప్పనిసరిగా ఉండాల్సిందే. మాస్కులేని ప్రయాణికులను గుర్తించి అవగాహన కల్పించేందుకు ఇటీవల మెట్రో రైళ్లలో తనిఖీలను విస్తృతం చేశారు. సిటీ బస్సుల్లోనూ ప్రయాణికులు, ఆర్టీసీ సిబ్బంది తప్పనిసరిగా మాస్కులు ధరించే విధంగా డిపో స్థాయి అధికారులు అవగాహన చర్యలు చేపట్టడం మంచిది. చదవండి: Telangana: రూ.786 కోట్లతో కొత్త పథకాలు    పెరగనున్న రద్దీ..  సంక్రాంతికి సొంత ఊళ్లకు వెళ్లిన నగరవాసులు రానున్న రెండు రోజుల్లో తిరిగి నగరానికి చేరుకోనున్నారు. దూరప్రాంతాల నుంచి బస్సులు, రైళ్లలో నగరానికి చేరుకొనే ప్రయాణికులతో సిటీ బస్సుల్లో రద్దీ పెరగనుంది. మాస్కుల విషయంలో ఏ మాత్రం ఏమరుపాటుగా ఉన్నా వైరస్‌ విజృంభించే ప్రమాదం ఉంటుందని వైద్యులు హెచ్చరిస్తున్నారు. దూరప్రాంతాల నుంచి వచ్చే బస్సులతో పాటు సిటీ బస్సుల్లోనూ మాస్కులను కచ్చితంగా అమలు చేయాలని సూచిస్తున్నారు. ప్రస్తుతం మహమ్మారి శరవేగంగా విస్తరిస్తోంది. పైకి ఎలాంటి లక్షణాలు కనిపించకపోయినా ఒమిక్రాన్, డెల్టా వేరియంట్లు ఒకరి నుంచి మరొకరికి వేగంగా వ్యాప్తి చెందుతున్నాయి. దీనిని అధిగమించేందుకు మాస్కు ధరించి, భౌతిక దూరం పాటించడం ఒకటే పరిష్కారం అని వైద్యులు సూచిస్తున్నారు.  

సాక్షి, హైదరాబాద్‌: మస్తాన్, శేఖర్‌కే కాదు.. వీరిలా సుదీర్ఘ సెలవు పెట్టాలనుకునే డ్రైవర్, కండక్టర్లకు ఆర్టీసీ బంపర్‌ ఆఫర్‌ ప్రకటించింది. వీరికి ‘అసాధారణ సెలవు’విధానం వర్తింపజేయాలని నిర్ణయించింది. ఈ మేరకు ఉత్తర్వు జారీ చేసింది. మీరు ఏదైనా కారణంతో విధులకు హాజరుకాలేని పరిస్థితి ఉందా.. అయితే దరఖాస్తు చేసుకోండి.. ‘అసాధారణ సెలవు’ఇచ్చేస్తామంటూ డిపో మేనేజర్లు డ్రైవర్, కండక్టర్లకు సూచిస్తున్నారు. దీంతో భారీ సంఖ్యలో సిబ్బంది ఈ ‘ఎక్స్‌ట్రా ఆర్డినరీ లీవ్‌ (ఈఓఎల్‌)’కు దరఖాస్తు చేసుకునేందుకు సిద్ధమవుతున్నారు.   గుర్తొచ్చిందే తడవు అమల్లోకి..  రెండేళ్ల క్రితం కార్మికుల సమ్మె సందర్భంగా ఆర్టీసీ 1,300 అద్దె బస్సులను అదనంగా తీసుకుంది. వాటిల్లో అద్దె బస్సు యజమానులే ప్రైవేటు డ్రైవర్లను ఏర్పాటు చేసినందున అంతమేర సంస్థ డ్రైవర్లు మిగిలిపోయారు. ఆ వెంటనే వేయి బస్సులను ఆర్టీసీ తగ్గించుకోవటంతో మళ్లీ డ్రైవర్లు, కండక్టర్లు మిగిలిపోయారు. ఇలా ప్రస్తుతం దాదాపు 3 వేల మంది డ్రైవర్లు, కండక్టర్లు మిగిలిపోయి ఉన్నారు. వీరికి పని లేకపోయినా జీతం చెల్లించాల్సిందే. అసలే అంతంత మాత్రంగా ఉన్న సంస్థ ఆర్థిక పరిస్థితి, మిగులు ఉద్యోగుల నేపథ్యంలో ఆర్టీసీకి ఈ అసాధారణ సెలవు గుర్తొచ్చింది. ఇలా సిబ్బంది మిగిలిపోతే ఈ సెలవు ఇవ్వచ్చని ఆర్టీసీ విధివిధానాల్లో ఉంది. గతంలో అమలు చేశారు కూడా. తర్వాత డ్రైవర్, కండక్టర్ల కొరత దృష్ట్యా దీన్ని నిలిపేశారు.    గరిష్టంగా ఐదేళ్లే..: ఈఓఎల్‌ కింద గరిష్టంగా ఐదేళ్లపాటు సెలవులో ఉండొచ్చు. అప్పటివరకు వారి ఉద్యోగం అలాగే పదిలంగా ఉంటుంది. మిగిలి ఉన్న సెలవులను వినియోగించుకున్నంత మేర వారికి జీతం వస్తుంది. ఆ తర్వాత ఎలాంటి జీతం ఉండదు. అయితే జీతం రాకపోయినా పరవాలేదు సెలవు దొరి కితేచాలు అనుకునే.. అనారోగ్య పరిస్థితుల్లో ఉన్నవా రికి, విదేశాలకు వెళ్లే ఆలోచన ఉన్నవారికి, రిటైర్మెంట్‌కు చేరువలో ఉన్న వారికి ఇది ఉపకరిస్తుంది.  (చదవండి: ఉచ్చులు అమర్చిన వారిపై కఠిన చర్యలు ) ఇబ్బందిగా మారిన రెండేళ్ల పొడిగింపు   గత సమ్మె తర్వాత ఆర్టీసీ ఉద్యోగుల పదవీ విరమణ కాలాన్ని రెండేళ్లు పొడిగించారు. దీంతో 58 ఏళ్లకు బదులు 60 ఏళ్ల వయస్సు వరకు ఉద్యోగంలో కొనసాగే అవకాశం ఏర్పడింది. ఇది డ్రైవర్లు, కండక్టర్లకు ఇబ్బందిగా మారింది. వీరిలో చాలామంది 58 ఏళ్ల వయసు వచ్చేవరకు ఈ విధులు నిర్వర్తించడానికే ఇబ్బంది పడుతుంటారు. ఆరోగ్యపరంగా ఏర్పడే సమస్యలే దీనికి ప్రధాన కారణం. ఈ పరిస్థితుల్లో సర్వీసు మరో రెండేళ్లు పొడిగించటంతో చాలామంది నిస్సహాయ స్ధితిలో ఉన్నారు. తాజాగా ఇలాంటివారు కూడా ఈ అసాధారణ సెలవును వినియోగించుకునేందుకు, ఇతర ఆదాయ మార్గాలు చూసుకునేందుకు అవకాశం ఏర్పడింది.   ►మస్తాన్‌ ఆర్టీసీలో కండక్టర్‌.. కుటుంబ అవసరాలకు ఆదాయం సరిపోక పోవడంతో దుబాయ్‌ వెళ్లి పెద్దమొత్తంలో సంపాదించుకోవాలనుకుంటున్నాడు. నాలుగైదేళ్ల పాటు అక్కడే ఉండాలనే ఉద్దేశంతో అప్పటివరకు ఆర్టీసీ విధులకు రాలేనంటూ సెలవు ఆర్జీ పెట్టాలని నిర్ణయించుకున్నాడు. అయితే ఇంత సుదీర్ఘ సెలవు పెడితే ఉద్యోగం ఉంటుందా? అనే సందిగ్ధంలో ఉన్నాడు.  ►శేఖర్‌ హైదరాబాద్‌లో బస్సు డ్రైవర్‌.. మరో నాలుగేళ్లలో రిటైర్మెంట్‌ ఉంది. కానీ ఇటీవల ఒంట్లో నిస్సత్తువగా ఉంటూ నగరంలో డ్రైవింగ్‌ చేయటానికి ఇబ్బంది పడుతున్నాడు. విధులకు వెళ్లొద్దని కుటుంబసభ్యులు సూచిస్తుండటంతో సుదీర్ఘ సెలవు పెట్టేసి ఇతర ఆదాయ మార్గాలు చూసుకోవాలనుకుంటున్నాడు. కానీ సంస్థ అనుమతిస్తుందో, లేదోనన్న అనుమానంతో ఉన్నాడు. (చదవండి: పన్నుల ఆదాయం 43,864 కోట్లు) ఫిర్యాదులు నాకు చెప్పండి: సజ్జనార్‌  సాక్షి, హైదరాబాద్‌: ఆర్టీసీ ఎండీగా బాధ్యతలు స్వీకరించినప్పటి నుంచి చురుగ్గా వ్యవహరిస్తున్న సజ్జనార్‌.. ప్రయాణికులు, సొంత సిబ్బంది ఆర్టీసీకి సంబంధించి ఫిర్యాదులను, సూచనలను నేరుగా తన దృష్టికి తేవాలని సూచించారు. md@tsrtc.telangana.gov.in మెయిల్‌ ఐడీని వెల్లడించారు. @tsrtcmdoffice ట్విట్టర్‌ ఖాతాను కూడా అనుసరించాల్సిందిగా కోరారు.     

 సాక్షి, హైదరాబాద్‌: టికెట్‌ డబ్బుల లెక్కల్లో తేడాలతో కండక్టర్లు, నిర్లక్ష్యపు డ్రైవింగ్‌తో డ్రైవర్లు సస్పెండయ్యారు. వారు అప్పీళ్లకు వెళ్తే కేసులవారీగా పరీక్షించి తిరిగి విధుల్లోకి తీసుకున్నారు. అంతా బాగానే ఉంది. కానీ వారి దగ్గర పెద్ద మొత్తంలో డబ్బులు తీసుకుని కేసులు మాఫీ చేశారనే ఆరోపణలు వెల్లువెత్తుతున్నాయి. విజిలెన్స్‌ అధికారులు రంగంలోకి దిగి, విచారణ జరిపి ఆర్టీసీకి నివేదిక ఇచ్చారు. దాదాపు 70 మందికి సంబంధించి విచారణ జరిపితే.. 39 మందిదాకా తమ దగ్గర ఉన్నతాధికారి లంచం తీసుకున్నట్టుగా స్పష్టమైన సమాచారం ఇచ్చినట్టు తెలిసింది. ఈ నివేదిక ఆర్టీసీకి అందింది. అయినా బాధ్యులైన వారిపై ఎలాంటి చర్యలూ తీసుకోలేదు. ఇక ఓ డిపోలో కొందరు తాత్కాలిక సిబ్బంది పనిచేశారు. వారు విధుల్లో ఉండగానే.. కనీస వేతనాల మొత్తం పెరిగింది. ఈ మేరకు సొమ్ము విడిగా మంజూరైంది. కానీ ఈ సొమ్మును తాత్కాలిక కార్మికులకు చెల్లించకుండా పెండింగ్‌లో పెట్టారు. తర్వాత చెల్లించేసినట్టు లెక్కలు చూపారు. దీనిపై ఆరోపణలు రావటంతో విజిలెన్సు విచారణ జరిగింది. పెరిగిన మేర సొమ్ము తమకు అందలేదని కార్మికులు చెప్పినట్టు సమాచారం. ఈ నివేదిక కూడా ఉన్నతాధికారులకు చేరినా.. ఎవరిపైనా చర్యలు తీసుకోలేదు. ఈ వ్యవహారంపై ఆర్టీసీ సిబ్బంది తీవ్ర ఆగ్రహం వ్యక్తం చేస్తున్నారు. ఇదిలాగే కొనసాగితే అధికారులు మరింతగా వసూళ్లకు పాల్పడతారని ఆందోళన వ్యక్తం చేస్తున్నారు. ఏం జరిగింది? ఆర్టీసీలో డ్రైవర్లు, కండక్టర్లే కీలకం. అయినా వారి విధుల్లో ఏమాత్రం నిర్లక్ష్యం కనిపించినా సస్పెన్షన్‌ వేటు వేస్తుంటారు. ఇలా ఏటా వంద మంది వరకు సస్పెండ్‌ అవుతున్నారు. చిన చిన్న కారణాలతోనే సస్పెండ్‌ చేస్తున్నారని, తమకు ఉద్యోగ భద్రత లేకుండా పోయిందని డ్రైవర్లు, కండక్టర్లు ఆందోళన వ్యక్తం చేయడంతో సీఎం కేసీఆర్‌ స్పందించి నిబంధనల్లో మార్పునకు ఆదేశించారు. ఈ మేరకు కొత్త నియమావళి ఇటీవలే విడుదలైంది. అయితే ఈ కొత్త నియమావళి కూడా సరిగా లేదంటూ ఉద్యోగులు ఆందోళన చేస్తున్నారు. డిపోల ముందు నిరసన ప్రదర్శనలు కొనసాగుతున్నాయి. ఏమాత్రం నిర్లక్ష్యంగా ఉన్నా సస్పెన్షన్‌ వేటు పడుతుండటమే దీనికి కారణం. అయితే చిన్న ఉద్యోగుల విషయంలో కఠినంగా ఉంటున్న యాజమాన్యం.. అధికారుల విషయంలో మాత్రం చూసీచూడనట్టు ఉంటోందన్న చర్చ ఆర్టీసీలో వినిపిస్తోంది. సస్పెండైన కండక్టర్లు, డ్రైవర్లను తిరిగి విధుల్లోకి తీసుకునే విషయంలో భారీగా వసూళ్లకు పాల్పడ్డట్టు తేలినా సదరు అధికారులను ఎందుకు వదిలేస్తున్నారని కార్మికులు మండిపడుతున్నారు. ఇతర అధికారులు దీనిని అలుసుగా తీసుకుని వసూళ్ల పర్వం ప్రారంభిస్తారని వాపోతున్నారు. అంతర్గత విచారణ ఏదీ? కొందరు అధికారులు అక్రమాలకు పాల్పడ్డట్టు విజిలెన్సు నివేదిక జనవరి చివరి వారంలోనే అందినా ఆర్టీసీ యాజమాన్యం స్పందించడం లేదని కార్మికులు మండిపడుతున్నారు. సాధారణంగా విజిలెన్సు నివేదికలు అందిన తర్వాత ఆర్టీసీ అధికారులు అంతర్గత విచారణ జరిపి చర్యలు తీసుకుంటారు. ఇటీవల వరంగల్‌లో ఓ డిపో మేనేజర్‌ను ఇలాగే సస్పెండ్‌ చేశారు. కానీ మరో రెండు కేసుల విషయంలో అంతర్గత విచారణ కూడా చేపట్టలేదు. ఇది ఆర్టీసీలో కార్మిక సంఘాలు తిరిగి బలోపేతం అవ్వాలన్న డిమాండ్‌కు తెరలేపుతోంది. చిన్న ఉద్యోగుల విషయంలో ఓ రకంగా, అధికారుల విషయంలో మరో రకంగా వ్యవహరిస్తున్నందున.. మళ్లీ కార్మిక సంఘాలకు అవకాశం కల్పించి ఎన్నికలు నిర్వహించాలన్న డిమాండ్‌ మొదలవుతోంది. 

సాక్షి, చెన్నై : డ్రైవర్లకు రవాణా సంస్థ ఆంక్షలు విధించింది. ముందు సీట్లో మహిళలు కూర్చుంటే వారితో మాట్లాడ కూడదని, బ్యానెట్‌పై ఎవ్వర్నీ కూర్చోబెట్టకూడదన్న ఆంక్షల చిట్టాను విడుదల చేసింది.  రాష్ట్రంలో చెన్నై, మదురై, తిరునల్వేలి, తిరుచ్చి, కోయంబత్తూరు, విల్లుపురం, తిరునల్వేలి, కుంభకోణం డివిజన్లుగా రవాణా సంస్థ బస్సుల సేవలు సాగుతున్నాయి. 22 వేల మేరకు బస్సులు నిత్యం రోడ్డుపై  పరుగులు తీస్తున్నాయి.  ప్రధానంగా బస్సుల్ని నడిపే సమయంలో డ్రైవర్లు అత్యధికంగా సెల్‌ఫోన్లను ఉపయోగిస్తున్నట్టుగా వీడియో ఆధారాలు సైతం వెలుగులోకి వచ్చాయి. దీంతో సెల్‌ఫోన్ల వాడకంకు తగ్గ ఆంక్షలు విధించినా, అమలు చేసే డ్రైవర్లు అరుదే. అలాగే, ముందు సీట్ల మహిళలు కూర్చుంటే, వారితో మాట్లాడుతూ డ్రైవింగ్‌ చేయడం లేదా బ్యానెట్‌పై మహిళలను కూర్చొబెట్టి మాట్లాడడం వంటి చర్యలకు అనేక మంది డ్రైవర్లు పాల్పడుతున్నట్టుగా ఫిర్యాదులు రవాణా సంస్థకు వచ్చి చేరాయి. ఈ కారణంగా ప్రమాదాలు జరుగుతున్నట్టు పరిశీలనలో తేలింది. దీంతో డ్రైవర్లకు ఆంక్షల చిట్టాను రవాణా సంస్థ ప్రకటించింది. సెల్‌ వాడకానికి విధించిన ఆంక్షలను కఠినత్వం చేస్తూ, ఇక, మీదట ముందు సీట్లో› మహిళలు కూర్చున్న పక్షంలో వారితో మాట్లాడకూడదని, ప్రధానంగా ఇంజిన్‌ బ్యానెట్‌పై మహిళలను కూర్చోబెట్టకూడదన్న ఆంక్షలు ఈ జాబితాల ఉన్నాయి. అయితే, వీటిని డ్రైవర్లు అనుసరించేనా అన్నది వేచి చూడాల్సిందే.

సాక్షి, హైదరాబాద్‌: నష్టాల ఆర్టీసీకి కష్టాలు వచ్చిపడ్డాయి. ఎండలు ముదురుతుండటంతో ఆర్టీసీలో కొత్త సమస్య ఏర్పడింది. డ్రైవర్ల కొరతతో నిత్యం కొన్నిబస్సులు డిపోలకే పరిమితమవుతుండగా, తాజాగా ఎండవేడి భరించలేక డ్రైవర్లు డబుల్‌ డ్యూటీకి నిరాకరిస్తున్నారు. దీంతో డిపోల్లో నిలిచిపోతున్న బస్సుల సంఖ్య రోజురోజుకూ పెరుగుతోంది. ఫలితంగా అర్ధంతరంగా కొన్ని ట్రిప్పులను రద్దు చేయాల్సి వస్తోంది. దీంతో ప్రయాణికులు ఇబ్బందులకు గురవుతున్నారు. ఈ నెలాఖరుకల్లా ఎండ తీవ్రత మరింత పెరగనుండటంతో సమస్య ఎక్కువకానుంది. ఆర్టీసీలో ఆరేళ్లుగా డ్రైవర్ల నియామకం లేదు. పదవీవిరమణ అవుతున్నవారు, మృత్యువాత పడుతున్న వారు, అనారోగ్యం ఇతర కారణాలతో దీర్ఘకాలిక సెలవుల్లో వెళుతున్నవారు... వెరసి ప్రస్తుతం ఆర్టీసీలో  రెండువేల మంది డ్రైవర్ల కొరత ఏర్పడింది. దీంతో అప్పటికప్పుడు డిపో అధికారులు అందుబాటులో ఉన్న డ్రైవర్లను బతిమిలాడి డబుల్‌ డ్యూటీలకు పంపుతున్నారు.  తీవ్ర నష్టాల్లో ఉన్న ఆర్టీసీకి ఇది పెద్ద సమస్యగా మారింది.   ఫైర్‌ సర్వీసెస్‌కు 200 మంది డ్రైవర్లు...  డ్రైవర్ల కొరత హైదరాబాద్‌ నగరంలో మరింత తీవ్రంగా ఉంది. ప్రస్తుతం నగరంలో దాదాపు 700 డ్రైవర్‌ పోస్టులు ఖాళీగా ఉన్నాయి. అనారోగ్యం, ఇతర సమస్యలతో కొందరు డ్యూటీలకు హాజరుకావటం లేదు. వెరసి నిత్యం వేయిమంది వరకు డ్రైవర్లు విధులకు రావటం లేదని అధికారులు చెబుతున్నారు. దీంతో నిత్యం 20 శాతం మేర సర్వీసులు డిపోలకు పరిమితమవుతున్నాయి. ఇటీవల అద్దెబస్సుల సంఖ్య బాగా పెంచటంతో సమస్య కొంత తగ్గినా, అది ప్రయాణికుల అవసరాలకు తగ్గట్టుగా లేదు. అగ్నిమాపక శాఖలో రిక్రూట్‌మెంట్‌ లేక డ్రైవర్లకు కొరత ఏర్పడింది. దీంతో తాత్కాలిక పద్ధతిలో ఆర్టీసీ నుంచి కొంతమందిని తీసుకోవాలని మూడేళ్ల క్రితం నిర్ణయించారు.  ఆసక్తి ఉన్నవారు దరఖాస్తు చేసుకోవాలని పేర్కొనటంతో పెద్దసంఖ్యలో డ్రైవర్లు ఆప్షన్‌ ఇచ్చారు. దరఖాస్తులను పరిశీలించి 200 మందిని అగ్నిమాపక శాఖకు పంపారు. కానీ, మూడేళ్లు గడుస్తున్నా వారిని తిరిగి ఆర్టీసీకి పంపలేదు. అసలే డ్రైవర్ల కొరత, 200 మంది డిప్యూటేషన్‌లో ఇరుక్కుపోవటంతో ఆర్టీసీ ఆపసోపాలు పడుతోంది. దీంతో వారిని వెంటనే పంపాలంటూ అధికారులు ఇప్పుడు లేఖలు రాసినా స్పందన ఉండటం లేదు. కనీసం ఆ 200 మంది తిరిగి వస్తే కొంతమేర సమస్య పరిష్కారమవుతుందని అధికారులు భావిస్తున్నారు.    

సాక్షి, ఒంగోలు, చీరాల అర్బన్‌: అర్హత ఉన్న ప్రతి ఒక్కరు ఓటు హక్కు వినియోగించుకోవాలంటూ ఎన్నికల యంత్రాంగం అనేక కార్యక్రమాలు నిర్వహిస్తుంటుంది. అయితే ఓటు హక్కు ఉండి వినియోగించుకోలేకపోవడానికి గల కారణాలను గుర్తించి వాటికి పరిష్కార మార్గాలను అన్వేషించడంలో మాత్రం వైఫల్యం చెందుతున్నారనే విమర్శలు వెల్లువెత్తుతున్నాయి. ఇందుకు ఆర్టీసీ డ్రైవర్లు 600 మంది జిల్లా వ్యాప్తంగా తమ ఓటు హక్కును వినియోగించుకోలేని పరిస్థితి నెలకొనడం దారుణం.  జరిగింది ఇదీ జిల్లాలో ఎన్నికల నిర్వహణకు గాను మొత్తం 600 బస్సులు కావాలని జిల్లా ఎన్నికల అధికారి వాడరేవు వినయ్‌చంద్‌ ఆర్టీసీ ఆర్‌ఎంను ఆదేశించారు. ఇందుకు ఆర్‌ఎం జి.విజయగీత గత నెల 25వ తేదీనే పోస్టల్‌ బ్యాలెట్లకు అర్హత ఉన్నవారు తమ ఫారం–12, ఐడీ కార్డు ప్రతులను అధికారులకు అందజేయాలని, గజిటెడ్‌ అధికారి వాటిని ధ్రువీకరించి రిటర్నింగ్‌ ఆఫీసర్‌లకు అందజేయడం ద్వారా పోస్టల్‌ బ్యాలెట్లు మంజూరవుతాయని పేర్కొన్నారు. అయితే ఆర్టీసీలో తొలిసారిగా పోస్టల్‌ బ్యాలెట్‌ను ప్రవేశపెట్టేందుకు ఎన్నికల కమిషన్‌ అంగీకారం తెలిపింది. దీంతో ప్రతి ఏటా తాము ఎన్నికల విధుల్లో ఉన్నప్పటికీ పోస్టల్‌బ్యాలెట్‌ సౌకర్యాన్ని పొందలేకపోతున్నామన్న ఆవేదన స్థానంలో అంతులేని ఆనందం నెలకొంది. అయితే 10,11 తేదీల్లో ఎన్నికల డ్యూటీకి కేటాయిస్తున్న బస్సులకు డ్రైవర్లుగా ఎవరెవరిని పంపాలనే అంశంలో డిపో మేనేజర్లు సరైన నిర్ణయం తీసుకోవడంలో వైఫల్యం చెందారు. దీంతో వారు ఈనెల 7వ తేదీ వరకు సిబ్బందికి డ్యూటీలు కేటాయిస్తూ వచ్చారు. 9వ తేదీ మధ్యాహ్నంలోగా ఫారం 12, గుర్తింపు కార్డులు అందజేయాలని ఆదేశించారు. దీంతో విధులకు నియమితులైన డ్రైవర్లు తమతమ పత్రాలను అధికారులకు అందించారు. ఏం ప్రయోజనం.. ఇలా అన్ని డిపోల్లో వచ్చిన ఫారం 12ను తీసుకొని రిటర్నింగ్‌ అధికారులకు అందజేసి పోస్టల్‌ బ్యాలెట్లను సిబ్బందికి ఇప్పించే ప్రక్రియను మంగళవారం ఆర్టీసీ అధికారులు చేపట్టారు. అందులో భాగంగా వారు రిటర్నింగ్‌ ఆఫీసర్ల వద్దకు వెళ్లగా పోస్టల్‌ బ్యాలెట్లకు ఈనెల 4వ తేదీతోనే గడువు ముగిసిందని, అందువల్ల ఇప్పుడు ఫారాలు తీసుకోవడం సాధ్యం కాదంటూ సున్నితంగా తిరస్కరించారు. దీంతో ఆర్టీసీ అధికారులు ఏం చేయాలో తెలియక చివరకు చావు కబురు చల్లగా సిబ్బందికి చెప్పారు. గడువు ముగిసిందని అందువల్ల పోస్టల్‌ బ్యాలెట్‌లు మంజూరు కావని స్పష్టం చేశారు. దీంతో తొలిసారిగా ఓటు వినియోగించుకునేందుకు అవకాశం చేతివరకు వచ్చినా బటన్‌ నొక్కే అవకాశం మాత్రం లేకుండా చేశారనే వాదన వినిపిస్తోంది. దీంతో కార్మిక సంఘాలు భగ్గుమన్నాయి. ఈ సమస్యను అధిగమించేందుకు ఆందోళన కార్యక్రమాలు చేపట్టాలని తొలుత భావించినప్పటికీ ఎన్నికల కమిషన్‌ ఆగ్రహానికి గురికావాల్సి వస్తుందని భావించి విరమించారు.  పరిశ్రమలు, షాపులు, సంస్థల్లో పనిచేసే కార్మికులు ఓటు హక్కు వినియోగించుకునేందుకు వేతనంతో కూడిన సెలవును తీసుకుంటుండగా తమకు మాత్రం కనీసం ఓటు హక్కు వినియోగించుకునేందుకు సైతం అవకాశం లేకుండా పోతుందని, కనీసం పోస్టల్‌ బ్యాలెట్‌ ద్వారా కొంతమందికైనా అవకాశం దక్కుతుందని భావిస్తే అది కూడా నిరాశను మిగిల్చిందంటూ ఆవేదనను వ్యక్తం చేస్తున్నారు.  ప్రతి ఎన్నికల్లోనూ దూరం.. ఇప్పటి వరకు జరిగిన సార్వత్రిక ఎన్నికల్లో పలువురు ఆర్టీసీ ఉద్యోగులు ఓటు హక్కును వినియోగించుకోలేక పోయారు. ఎన్నికల రోజున విధుల్లో ఉన్న సిబ్బందంతా ఓటుకు దూరమవుతున్నారు. దీంతో ప్రజాప్రతినిధులను ఎన్నుకునే హక్కును వీరంతా కోల్పోతున్నారు.  ఎన్నికల సిబ్బందిని, సామగ్రిని ముందురోజే సంబంధిత పోలింగ్‌ కేంద్రాలకు ఆర్టీసీ బస్సుల్లో తరలిస్తారు. దీంతో వీరంతా రెండు రోజులు పాటు తమ ఓటు హక్కు ఉన్నా.. పోలింగ్‌ కేంద్రాలకు దూరంగా ఉండాల్సిన పరిస్థితి ఉంది. దూర ప్రాంతాలైన విజయవాడ, హైదరాబాద్, బెంగళూరు, షాపూరు బస్సుల్లో ఉన్న సిబ్బంది ఎన్నికల రోజున ఓటు హక్కు వేయలేని పరిస్థితి నెలకొంది. తెలియక పోవడంతో సార్వత్రిక ఎన్నికల్లో ప్రతిసారీ ఓటు హక్కును ఆర్టీసీ కార్మికులు కోల్పోతున్నారు. ప్రభుత్వ ఉద్యోగులకు మాదిరిగా తమకు కూడా పోస్టల్‌ బ్యాలెట్‌ను తొలిసారిగా అందించారు. అయితే డ్యూటీ చార్టులు వేయించుకునే కార్మికులు ఎవరనేది తేలియకపోవడంతో సిబ్బంది వినియోగించుకోలేదు. దీంతో ఈసారి కూడా ఓటుకు దూరమయ్యాం. బి.రవి, ఈయూ రీజియన్‌ కార్యదర్శి అవగాహన లోపంతోనే వినియోగించుకోలేదు ఎన్నికల విధులకు వెళ్లే కార్మికులకు పోస్టల్‌ బ్యాలెట్‌ను గత నెల 28న అందించాం. రీజియన్‌లోని డిపోలకు సర్క్యులర్‌ పంపాం. అయితే పోలింగ్‌ రోజున డ్యూటీలు ఎవరికి కేటాయిస్తారో తెలియక పోస్టల్‌ బ్యాలెట్‌ను వినియోగించుకోలేదు. కార్మికులు అవగాహన లేకపోవడంతో పోస్టల్‌ బ్యాలెట్‌ను సద్వినియోగం చేసుకోలేదు. - విజయగీత, ఆర్టీసీ ఆర్‌ఎం

తూప్రాన్‌ మెదక్‌ : జిల్లాలో రోజురోజుకు పుట్టగొడుగుల్లా పుట్టుకోస్తున్న ప్రైవేట్‌ పాఠశాలలు ప్రభుత్వ ఆదాయానికి గండికోడుతూ ధనర్జానే ధ్యేయంగా పనిచేస్తూ, చిన్నారుల ప్రాణాలతో చెలగాటమాడుతున్నారు. విద్యార్థులను, తల్లిదండ్రులను ఆకర్షించే విధంగా తమ వద్ద అన్ని రకాల వసతులు కల్పిస్తున్నామని గొప్పలు చేబుతూ పాఠశాలలు నిర్వహిస్తున్నారు. స్కూల్‌ బస్సులకు ఫిట్‌ నేస్‌ పరీక్షలు నిర్వహించడంలో రవాణా శాఖ నిర్లక్ష్యం చేస్తోంది. ప్రైవేటు విద్యా సంస్థలు కాలం చెల్లిన బస్సులు నడుపుతున్నా , రవాణాశాఖాధికారులు వాటిని చూసీచూడనట్లు వ్యవహరిస్తున్నారనే ఆరోపణలు వెల్లువెత్తుతున్నాయి. ఇందుకు మెదక్‌ జిల్లా మాసాయిపేట రైల్వే ప్రమాద ఘటనే ఉదహరణ. జిల్లాలో 343 బస్సుల్లో కేవలం 109 బస్సులకు మాత్రమే ఫీట్‌నెస్‌ పరీక్షలు నిర్వహించినట్లు ఆర్టీఏ అధికారులు పేర్కొంటున్నారు.  ఆదేశాలు బేఖాతరు.. పాఠశాలలకు వేసవి సేలవులు ప్రకటించిన తర్వాత ఏప్రిల్‌ చివరి వారం నుంచి మే నెల 15 వరకు పరీక్షలు నిర్వహించాల్సి ఉండగా, ఇంతవరకూ వాటి ఊసుమరిచారు. 15 ఏళ్లు నిండిన విద్యా సంస్థల బస్సులను సీజ్‌ చేయాలని రాష్ట్ర రవాణా శాఖ ఉన్నతాధికారులు ఇటీవల ఆదేశాలు జారీ చేశారు. కానీ జిల్లాలో మాత్రం ఒక్క బస్సును కూడా ఇప్పటి వరకు సీజ్‌ చేయకపోవడం గమనార్హం.  అధికారుల ఉదాసీనత.. గతేడాది జిల్లాలో విద్యాసంస్థల బస్సులు ప్రమాదానికి గురైన సంఘటనలు ఉన్నాయి. వాటిని దృష్టిలో పెట్టుకొని అధికారులు కాలం చెల్లిన బస్సులపై కొరడా ఝుళిపించాల్సిన అవసరం ఎంతైనా ఉంది. కర్ణాటక, మహారాష్ట్ర, ఉత్తరప్రదేశ్, హైదరాబాద్‌ తదితర ప్రాంతాల నుంచి జిల్లాకు చెందిన కొన్ని విద్యాసంస్థల యాజమాన్యాలు కొనుగోలు చేసి, ప్రస్తుతం వాటికి మరమ్మతులు చేయిస్తున్నారు. ఈ వాహనాల్లో కొన్ని కాలం చెల్లినవి ఉన్నాయని తల్లిదండ్రులు ఆరోపిస్తున్నారు.  అయితే ప్రైవేట్‌ వ్యక్తులు ప్రభుత్వానికి చెల్లించాల్సిన టాక్స్‌ను చెల్లించకుండా స్కూల్‌ బస్సులను స్కూల్‌ పేరుమీదనే రవాణా శాఖకు పన్నులు కడుతున్నారు.  బస్సు ఫిట్‌నెస్‌ పరీక్షలకు ఆన్‌లైన్‌లో వాహన యాజమాని పేరు, విద్యార్థుల సంఖ్య, రక్తనమూనా, డ్రైవర్‌ వివరాలు నమోదు చేయాలి. అలా నమోదు చేసి రవాణాశాఖ నుంచి ఫిట్‌నెస్‌ పత్రాలు తీసుకోవాల్సిన ఉంటుంది. కాని ఎవరు నిబంధనలు పాటించడంలేదన్న విషయం తెలిసింది.కొత్తగా జారీ అయిన మార్గదర్శకాలు..విద్యాసంస్థల వాహనాలపై తగు జాగ్రత్తలు తీసుకునే విధంగా రవాణా శాఖ మోటారు వాహన చట్టం 1989 ప్రకారం కొత్త మార్గదర్శకాలను విడుదల చేసింది. ఈ నిబంధనలను ప్రతి విద్యాసంస్థ తప్పకుండా పాటించాల్సి ఉన్నప్పటికీ కాని ఏ సంస్థ పాటించడం లేదాని తేలుస్తోంది.  నూతన నిబంధనలు æ    విద్యాసంస్థకు చెందిన బస్సుపై పాఠశాల పేరు, టెలిఫోన్‌ నంబర్, సెల్‌ నెంబరుతో సహా పూర్తి చిరునామాను బస్సుకు ఎడమవైపున ముందు భాగంలో స్పష్టంగా రాయాలి. æ    బస్సును ప్రిన్సిపాల్, విద్యార్థుల కమిటీ నెలకొకసారి పరీక్షలు చేయాలి. వాహనం కండీషన్, పనితీరు గురించి తెలుసుకోవాలి.  æ    ఏ విద్యాసంస్థ బస్సు కూడా పరిమితి సీట్ల కన్నా ఎక్కువ మందిని తీసుకెళ్లరాదు.    æ    ప్రతి బస్సులో అటేండర్‌( సహయకుడు) తప్పనిసరిగా ఉంచాలి   æ    విద్యా సంస్థల బస్సులకు నియామకమయ్యే డ్రైవర్‌కు 60 ఏళ్లు నిండి ఉండరాదు. ప్రతి డ్రైవర్‌ ఆరోగ్య పట్టికను బస్సులో పెట్టాలి. అతనికి ప్రతి మూడు నెలలకు ఒకసారి బీపీ, షుగర్, కంటిచూపు వంటి ప్రాథమిక పరీక్షలను యాజమాన్యం నిర్వహించాలి. æ    డ్రైవింగ్‌ లైసెన్సు ఉన్న వ్యక్తినే బస్సు డ్రైవర్‌గా నియమించాలి. అతనికి అయిదేళ్ల బస్సు నడిపిన అనుభవం ఉండాలి. చర్యలు తీసుకుంటున్నాం  జిల్లా వ్యాప్తంగా 343 ప్రైవేట్‌ స్కూల్స్‌ బస్సులు ఉన్నాయి. ఇందులో 109 బస్సులకు ఫీట్‌నెస్‌ పరీక్షలు నిర్వహించడం జరిగింది. మరో 234 బస్సులకు ఫీట్‌నెస్‌ పరీక్షలు నిర్వహించాల్సి ఉంది. నేటి(శుక్రవారం) నుంచి పాఠశాలలు ప్రారంభమవుతున్న నేపథ్యంలో జిల్లా వ్యాప్తంగా తనిఖీలు ముమ్మరం చేశాం. అనుమతులు లేని బస్సులపై చట్టరీత్యా చర్యలు తీసుకుంటాం. –గణేష్, జిల్లా ఆర్టీఏ అధికారి 

ఆర్టీసీ ప్రయాణం సురక్షితం..సుఖవంతం అంటూ ప్రకటనలు గుప్పించే యాజమాన్యం ఆచరణలో ప్రయాణికుల భద్రతను గాలికి వదిలేస్తోంది. ఖాళీగా ఉన్న పోస్టులు భర్తీ చేయకుండా ఒకరికే డ్రైవర్, కండక్టర్‌ బాధ్యతలు అప్పగిస్తూ అధిక భారం మోపుతోంది. ప్రయాణికులను సురక్షితంగా గమ్యానికి చేర్చవలసిన గురుతర బాధ్యత ఉన్న డ్రైవర్లపై ఇలా అదనపు ఒత్తిడి పెంచడం తగదని కార్మిక సంఘాల నాయకులు పదేపదే చెబుతున్నా పట్టించుకోవడం లేదు. తూర్పుగోదావరి, కొత్తపేట/రావులపాలెం: ఆర్టీసీలో డ్రైవర్‌ బస్సును నడపాలి..కండక్టర్‌ ప్రయాణికులకు టిక్కెట్స్‌ ఇచ్చి డబ్బు వసూలు చేయాలి..అలా ఇద్దరూ ఎవరి డ్యూటీ వారు చేయాలి. కానీ ఎంతోకాలంగా ఒక్కరితోనే అనేక సర్వీసుల్లో డ్యూటీ చేయిస్తున్నారు. జిల్లాలోని ఆర్టీసీ డిపోల ద్వారా 40 సర్వీసుల్లో ఒక్క డ్రైవరే డ్యూటీ చేస్తుండగా, 80 సర్వీసుల్లో ఇద్దరు డ్రైవర్లు డ్యూటీ చేస్తున్నారు. ఒకపక్క బస్సును నడుపుతూనే మరోపక్క టిక్కెట్స్‌ ఇచ్చి డబ్బు వసూలు చేయాలి. ఈ విధానం వల్ల వారు తీవ్ర ఒత్తిడికి గురవుతున్నారు. రెండు డ్యూటీలు ఒక్కరే చేస్తున్న సర్వీసులకు అదనపు సమయం కేటాయించకుండా ఇద్దరు ఉన్న సర్వీసులకు ఇచ్చిన సమయమే ఈ సర్వీసులకూ కేటాయిస్తున్నారు. దీంతో నిర్దేశించిన సమయానికి సర్వీస్‌ను గమ్యస్థానానికి చేర్చడంతో పాటు కండక్టర్‌ డ్యూటీ చేయాలి. ఇద్దరు ఉన్న సర్వీసు తిరిగి గమ్యస్థానానికి చేరాక డ్రైవర్‌ బస్సును డిపోలో స్వాధీనం చేస్తారు. కండక్టర్‌ ఎస్‌ఆర్‌తో పాటు టిమ్‌ యంత్రాన్ని, నగదును అప్పగిస్తారు. కానీ ఒక్కరు డ్యూటీ సర్వీసులో రెండు విధులు డ్రైవర్‌ ఒక్కరే చేయాల్సి వస్తోంది. దీంతో సుమారు రెండు గంటలు అదనంగా పనిచేయాల్సి వస్తోంది. ప్రమాదకరంగా ప్రయాణం బస్‌ను ఎంత జాగ్రత్తగా  నడుపుతున్నా.. ఎదుటి వాహన చోదకులు లేదా బాటసారి సక్రమంగా ప్రయాణించకపోతే ప్రమాదం జరుగుతుంది. బస్‌ స్టార్ట్‌ చేసి ఆపే వరకూ డ్రైవర్‌ ముందు రోడ్డుపైన, సైడ్‌ మిర్రర్స్‌ వైపు చూస్తూ ఉండాలి. కానీ రెండు డ్యూటీలు చేస్తున్న డ్రైవర్‌ ఒకవైపు బస్సును నడుపుతూ మరోవైపు టిక్కెట్స్‌ ఇవ్వాలి. డబ్బు తీసుకోవాలి. ప్రయాణికుడు టిక్కెట్‌కు తగిన సొమ్ము కాకుండా పెద్ద నోట్లు ఇస్తే తిరిగి చిల్లర చెల్లించాలి. ఈ తతంగమంతా పూర్తయ్యాక బస్‌ స్టార్ట్‌ చేద్దామంటే సమయం సరిపోదు. దాంతో బస్‌ రన్నింగ్‌లో ఉండగానే రెండు డ్యూటీలు చేస్తున్నారు. ఎవరి డ్యూటీ వారు చేసేలా చర్యలు తీసుకోవాలని, ఖాళీలు భర్తీ చేయాలని కార్మిక సంఘాల నాయకులు, ప్రయాణికులు ప్రభుత్వాన్ని కోరుతున్నారు. రెండు డ్యూటీలతోఅభద్రతా భావం ఆర్టీసీలో ఒక్కరే డ్రైవర్‌ డ్యూటీతో పాటు కండక్టర్‌ డ్యూటీ కూడా చేయడంతో అభద్రతాభావానికి గురవుతున్నారు. ఆ సర్వీసులకు అదనపు సమయం కూడా కేటాయించడంలేదు. దానితో డ్రైవర్లు తీవ్ర వత్తిడికి లోనవుతున్నారు. సంస్థ ఖర్చును తగ్గించుకోవడానికి కార్మికులపై ఈ విధంగా భారం పెంచడం మంచిది కాదు. 12 ఏళ్లుగా కండక్టర్‌ పోస్టులను భర్తీ చేయడం లేదు. ఈ సమస్య  పరిష్కారానికి ఆర్టీసీ యాజమాన్యం చర్యలు తీసుకోవాలి. – జి.చిరంజీవి, రీజనల్‌ సెక్రటరీ, ఎంప్లాయీస్‌ యూనియన్, రాజమహేంద్రవరం

టర్కీలోని ఇస్తాంబుల్‌ సిటీలో ఒక ప్యాసింజర్‌ బస్‌ డ్రైవర్‌కి శిక్ష పడింది. రద్దీగా ఉండే హైవేలో డ్రైవ్‌ చేస్తూ చేస్తూ, సడెన్‌గా స్టీరింగ్‌ వదిలేసి, సీట్లోంచి పైకి లేచి ఓ హుషారైన పాటకు డాన్స్‌ చేస్తూ ప్రయాణికులను ఎంటర్‌టైన్‌ చెయ్యడమే అతడు చేసిన నేరం. ఈ వినోదాన్ని బిక్కుబిక్కుమంటూ రికార్డ్‌ చేసిన ఓ ప్యాసింజర్‌.. వీడియోను సోషల్‌ మీడియాలో అప్‌లోడ్‌ చెయ్యడంతో విషయం బయటికి వచ్చింది. శిక్ష విధించిన అధికారులు ఈ డ్రైవర్‌ను స్టుపిడ్‌ అంటున్నారు కానీ అతడి పేరు మెటిన్‌ కెండెమిర్‌. డ్రైవింగ్‌ లైసెన్స్‌ లాక్కుని, 160 లిరాల జరిమానా విధించారు. మన ఇండియన్‌ కరెన్సీలో 2,750 రూపాయలు. ‘‘తప్పు జరిగిపోయింది. సారీ, ఇంకెప్పుడూ అలా చేయను. రోడ్డు ఖాళీగా ఉంది కదా అని అలా చేశాను’’ అని చెంపలేసుకుంటున్నాడు కెండెమిర్‌.


 తిరుపతి: చంద్రగిరి మండలం మల్లవరంలో బుధవారం తెల్లవారుజామున ఎదురెదురుగా వస్తున్న రెండు వోల్వో బస్సులు ఢీకొన్నాయి. ఈ ప్రమాదంలో ఇద్దరు డ్రైవర్లతో పాటు మరో 25 మంది అయ్యప్ప భక్తులకు తీవ్రగాయాలయ్యాయి. శబరిమల నుంచి తిరిగివస్తుండగా ఈ ప్రమాదం చోటుచేసుకుంది.
 
 ఒక డ్రైవర్‌ పరిస్థితి విషమంగా ఉన్నట్టు తెలిసింది. క్షతగాత్రులంతా ఖమ్మం జిల్లాకు చెందినవారిగా పోలీసులు గుర్తించారు. గాయపడిన వారిని చికిత్స నిమిత్తం రుయా ఆస్పత్రికి తరలించినట్టు సమాచారం. ఇందుకు సంబంధించి పూర్తి వివరాలు తెలియాల్సి ఉంది.


  గడిచిన ఏడాది కాలంలో 2016 రోడ్డు ప్రమాదాలు జరిగితే 515 మంది దుర్మరణం పాలయ్యారు. 2,301 మందికి గాయాలయ్యాయి. అంతకు ముందు ఏడాది ప్రమాదాల సంఖ్యతో పోలిస్తే ఈ సంఖ్య చాలా ఎక్కువ. దీంతో రవాణా శాఖ అధికారులు రహదారి భద్రతపై ప్రత్యేక దృష్టి సారించారు. గతేడాది నిబంధనలు అతిక్రమించిన వాహనాలపై 18234 కేసులు నమోదు చే సి రూ.10.72 కోట్లు వసూలు చేశారు. కఠినంగా ఉంటేనైనా వాహ
  నదారులు నిబంధనలు పాటిస్తారనే చిన్న ఆశ అధికారులది.
  
  ఇలా నిత్యం వాహన తనిఖీలు, అవగాహన కార్యక్రమాల్లో క్షణం తీరిక లేకుండా గడిపే కర్నూలు రవాణా శాఖ ఉప కమిషనర్(డీటీసీ) సీహెచ్. శివలింగయ్య తమ ప్రయత్నానికి తోడ్పాటునందిస్తున్న ‘సాక్షి’ తరఫున వీఐపీ రిపోర్టర్‌గా మారారు. వాహనదారులు, ప్రయాణికులు ఆచరిస్తున్న రహదారి భద్రత గురించి ఆరా తీశారు. అవగాహన లేని వారికి ‘ రహదారి భద్రత కేవలం నినాదం కాదు.. అది మన జీవన విధానం కావాలి ’ అని తెలియజేశారు. ఆటో, ప్రైవేటు బస్సు డ్రైవర్లు, ద్విచక్ర వాహనచోదకులతో మాట్లాడారు. వారికి పలు సూచనలిచ్చారు.
  
  
   ప్రజలు లేవనెత్తిన సమస్యలు
  కార్యాలయంలో ఏజెంట్ల వ్యవస్థను నిర్మూలించాలి.కాల్ సెంటర్‌ను పటిష్టం చేసి.. మెరుగైన సేవలు అందించేలా చర్యలు తీసుకోవాలి.ఆధార్ అనుసంధానంపై గ్రామీణ ప్రాంతాల్లో అవగాహన పెంచాలి.
  
  రోడ్డు ప్రమాదాల నివారణ కోసం తనిఖీలు విస్తృత చేయాలి.లెసైన్సు లేకుండా వాహనాలు నడుపుతున్న వారిపై కఠినంగా వ్యవహరించాలి.జాతీయ రహదారులపై మద్యం దుకాణాలు, డాబాలపై నిషేధం ఉన్నప్పటికీ అమలు కావడం లేదు.వాహనాలపై చాలా మంది వివిధ శాఖల పేర్లతో స్టిక్కర్లు అతికించుకుని తిరుగుతున్నారు. వారిపై చర్యలు తీసుకోవాలి? ముఖ్యంగా పోలీసు పిల్లలు తల్లిదండ్రుల వాహనాలతో బయట హల్‌చల్ చేస్తూ దౌర్జాన్యాలకు దిగుతున్నారు.
  
  డీటీసీ : మేడమ్, మీ కాలేజి బస్సు కండిషన్ ఎలా ఉంది? డ్రైవర్ అనుభవం ఉన్న వ్యక్తే ఉన్నాడా?
  ప్రవళ్లిక :  బస్సు కండిషన్ బాగానే ఉంది. రోడ్డు ప్రమాదాల నివారణ కోసం తరచూ అవగాహన సదస్సులు నిర్వహించాలి. మా బస్సుకు అనుభవం ఉన్న డ్రైవరే ఉన్నాడు.
  డీటీసీ : ఏమయ్యా.. ఎంత కాలంగా పనిచేస్తున్నావు?బస్సుకు సంబంధించిన అన్ని రికార్డులు ఉన్నాయా?
  షాలి బాషా(డ్రైవర్) : నేను 10 ఏళ్లుగా పనిచేస్తున్నాను. కొంతమంది డ్రైవర్లు మద్యం సేవించి, వాహనాలు నడుపుతూ ప్రమాదాలకు కారకులవుతున్నారు. వారి వల్ల డ్రైవర్లందరికీ చెడ్డ పేరు వస్తోంది. లెసైన్సు లేనివాళ్లు చాలామంది వాహనాలు నడుపుతున్నారు. వారిని కట్టడి చేస్తే ప్రమాదాలు తగ్గుతాయి.
  
  డీటీసీ : ఇటీవల స్కూల్‌బస్సులు ఎక్కువగా ప్రమాదాలకు గురవుతున్నాయి. పిల్లలను సురక్షితంగా వారి ఇళ్లకు చేర్చాల్సిన బాధ్యత మీకు ఉంది. ఎప్పుడూ కండిషన్‌లో ఉంచుకోండి. ఆరు నెలలకు ఒకసారి మేము ఇచ్చే శిక్షణ తీసుకోండి.
  
  బస్ డ్రైవర్ : మీరు చెప్పిన సూచనలన్నీ తప్పకుండా పాటిస్తాం సార్, బస్సులో బోర్డు ఏర్పాటు చేసి పాఠశాల పేరు, టెలిఫోన్, మొబైల్ నంబర్‌తో సహా పూర్తి చిరునామా, బస్సు ఎడమ వైపు ముందు భాగంలో స్పష్టంగా ఏర్పాటు చేశాం.
  
  సామర్థ్యానికి మించి ప్రయాణికులతో వస్తున్న ఆటోను ఆపి డ్రైవర్‌తో
   మాట్లాడుతూ...
  డీటీసీ : నీ పేరేంటి? ఆటోరిక్షాల్లో ఓవర్ లోడింగ్ వేయడం తప్పు కదా?
  ఆటో డ్రైవర్ : నా పేరు శ్రీనివాసులు సార్, ఓవర్‌లోడింగ్ వేయడం తప్పే. తక్కువ పాసింజర్లతో ఆటో నడిపితే గిట్టుబాటు కాదు, డీజిల్ రేట్లు పెరిగాయి. కుటుంబాన్ని పోషించాలంటే ప్రయాణికులను ఎక్కువ మందిని ఎక్కించుకోక తప్పదు. ఫైనాన్స్ వాళ్లు బండ్లు తీసుకెళ్తున్నారు. రవాణా శాఖ, పోలీసులు కేసులు పెడుతున్నారు. సంపాదించిన సొమ్మంతా వాటికే సరిపోతుంది. కుటుంబాన్ని ఎలా బతికించుకోవాలి.
  
  డీటీసీ : పర్మిట్ సస్పెండ్ చేస్తున్నాం? అలాంటి చర్యలు వల్ల ఫలితం ఉంటుందని భావిస్తున్నారా?
  డ్రైవర్ : ఫలితం ఉంటుంది. కానీ కార్మికుల పట్ల కూడా అధికారులు దయతో వ్యవహరించాల్సి ఉంటుంది. డిగ్రీలు చదువుకున్న ఎంతో మంది ఉపాధి లేక ఆటోలు నడుపుతున్నారు. ప్రభుత్వం నిరుద్యోగ సమస్య తీరిస్తే ఇలాంటి సమస్యకు కూడా పరిష్కారం లభిస్తుంది.
  డీటీసీ : ప్రయాణికుల భద్రత కోసం రవాణా శాఖ ఇంకా ఎలాంటి చర్యలు తీసుకుంటే బాగుంటుందని భావిస్తున్నారు?
  రేష్మా(పుల్లారెడ్డి దంత వైద్యశాల విద్యార్థిని) : ప్రజల్లో అవగాహన పెరగాలి. అందుకోసం రవాణ శాఖ తరచూ అవగాహన సదస్సులు నిర్వహించాలి. పాశ్చాత్య దేశాల్లో రోడ్డు ప్రమాదాల నివారణ కోసం పక్కా ప్రణాళిక ఉంటుంది. మన దేశంలో కనీసం అంబులెన్సుకు కూడా దారి ఇవ్వని పరిస్థితి ఉంది. రైల్వే గేట్ల వద్ద బస్సులు దాటుతూ కూడా ప్రమాదాలు జరుగుతున్నాయి.
  
  డీటీసీ : మీరు చెప్పమ్మా? ప్రమాదాలు తగ్గాలంటే ఏం చేయాలి?
  మౌనిక : యువతీయువకుల్లో మార్పు రావలి. ప్రమాదాలు తగ్గాలంటే ముఖ్యంగా రోడ్లు బాగుండాలి. కొంత మంది ఇయర్‌ఫోన్లు పెట్టుకుని డ్రైవింగ్ చేస్తున్నారు. ఫ్యాషన్ మోజులో యువకులు ద్విచక్రవాహనాల్లో ప్రమాదాలకు గురవుతున్నారు.
  
  డీటీసీ : మహిళలు ఆటోల్లో ఒంటరిగా వెళితే ఇబ్బందులు తలెత్తుతున్నాయి? ఏమ్మా.. ఆటోల్లో ప్రయాణిస్తున్నప్పుడు తీసుకోవాల్సిన జాగ్రతలేమిటో మీకు తెలుసా? ఇబ్బందులేమైనా ఉన్నాయా?
  ప్రయాణికులు మేరి, జ్యోతి : ఇటీవల కాలంలో నగరంలో చాలా సంఘటనలు జరిగినట్లు పేపరులో చూశాం. డ్రైవర్ల ముసుగులో కొంత మంది ఆరాచకాలకు పాల్పడుతున్నారు. వారిపై పోలీసులు నిఘా ఉంచాలి. రాత్రి వేళల్లో తనిఖీలు ముమ్మరం చేసి మహిళలకు భద్రత కల్పించాలి. మేము ఆటో ప్రయాణించేటప్పుడు ఆటో నంబరు గుర్తుపెట్టుకుంటున్నాం.
  
  డీటీసీ: మీ పేరేంటి? ఆధార్ అనుసంధానం రవాణా శాఖలో కూడా అమలు చేస్తున్నాం? మీకు ఆ విషయం తెలుసా? మీరు ఆధార్ అనుసంధానం చేశారా?
  వాహనదారుడు : సార్, నా పేరు ప్రదీప్‌కుమార్. రవాణా శాఖలో ఆధార్ అనుసంధానం చేస్తున్న విషయం తెలుసు. అయితే ఈ వాహనం మా తండ్రి పేరుతో ఉంది. ఆయన ఆధార్ సీడింగ్ చేయించుకున్నాడు.
  
  డీటీసీ: ఆధార్ నమోదు గురించి రవాణా శాఖ విస్తృత స్థాయిలో అవగాహన కల్పిస్తున్నప్పటికీ జిల్లాలో ఇప్పటి వరకు కేవలం 30 శాతం మందే ఆధార్ అనుసంధానం చేయించారు. ఇంకా ఏం చేస్తే బాగుంటుంది?
  ప్రదీప్‌కుమార్: గ్రామీణ ప్రాంతాల్లో ప్రధానంగా అవగాహన పెంచాలి. ఆధార్ అనుసంధానంపై ప్రజల్లో అపోహలు ఉన్నాయి. బియ్యం కార్డు, పింఛను పోతాయన్న అనుమానాలున్నాయి? వాటిని నివృత్తి చేస్తే ప్రజలు ముందుకొస్తారు. అయినా ఫలితం కనిపించకపోతే చివరిగా ఆధార్ అనుసంధానం చేయించుకోకపోతే వారికి కార్యాలయాల్లో సేవలు నిలిపివేయాలి.
  లర్నింగ్ లెసైన్స్ కోసం క్యూలో నిలచివున్న వారినుద్దేశించి మాట్లాడుతూ..
  డీటీసీ : మీ పేరేంటి ఎందుకొచ్చారు..?
  వినియోగదారుడు వెంకటేశ్వర్లు : ఎల్‌ఎల్‌ఆర్ కోసం వచ్చాను. నిబంధనల ప్రకారం లెసైన్స్‌ను ఇస్తున్నారు.
  
  డీటీసీ : ఏజెంట్ల ద్వారా వెళితేనే పనులవుతాయన్న ఫిర్యాదులున్నాయి..మీరేమంటారు ?
  వెంకటేశ్వర్లు : ఏజెంట్ల ద్వారా కాకుండా నేరుగా వచ్చిన వారికి కూడా పనులు చేస్తున్నారు. అయితే కౌంటర్ దగ్గర క్యూ లైన్ పాటించకపోవడం వల్ల కొంత మంది దౌర్జన్యంగా పనులు చేయించుకుంటున్నారు. కంప్యూటర్ టెస్ట్‌లో నిరక్షరాస్యులు ఇబ్బందు లు పడుతున్నారు. ఎల్‌ఎల్‌ఆర్, లెసైన్స్ మంజూరు పారదర్శకంగానే జరుగుతోంది.
  డీటీసీ : ప్రమాదాల నివారణకు రవాణా శాఖ ఇంకా ఎలాంటి చర్యలు చేపట్టాలని భావిస్తున్నారు.
  
  వినియోగదారుడు రాజశేఖర్ : డ్రైవర్ల నిర్లక్ష్యంతోనే ఎక్కువ ప్రమాదాలు చోటు చేసుకుంటున్నాయి. ఇంటి వద్ద కుటుంబం ఎదురు చూస్తుందన్న విషయాన్ని దృష్టిలో పెట్టుకుని వాహనాలు నడిపితే ప్రమాదాలు తగ్గుతాయి. నిరంతరం తనిఖీలు చేపట్టడం ద్వారా డ్రైవర్లలో కూడా మార్పు వస్తుంది. రోడ్లు శిథిలావస్థలో ఉండటం కూడా ప్రమాదాలకు కారణాలవుతున్నాయి. సిగ్నల్స్ పై కూడా వాహన వినియోగదారులకు అవగాహన కల్పించాల్సిన అవసరం ఉంది.
  ఐవీ శేఖర్‌రెడ్డి : సర్, నేను సీనియర్ సిటిజన్. మీతో మాట్లాడాలి.
  
  డీటీసీ : చెప్పండి. రవాణా శాఖ కార్యాలయంలో ప్రజలకు మెరుగైన సేవలు అందుతున్నాయా?
  శేఖర్‌రెడ్డి : కార్యాలయం మొత్తం అవినీతిమయమైంది. నేరుగా వెళ్లిన వారికి పనులు చేయడం లేదు. ఏజెంటు ద్వారా వెళితేనే కార్యాలయంలో పనులు జరుగుతున్నాయి. దళారుల వ్యవస్థను రూపుమాపుతామని ప్రతీ అధికారి చెబుతున్నప్పటికీ ఫలితం కనిపించడం లేదు. నాలుగు నెలల క్రితం నా ఆర్‌సీ బుక్ పోయింది. డూప్లికేటు పత్రం కోసం వెళితే.. వివిధ సాకులు చూపుతూ తిప్పుకుంటున్నారు. కార్యాలయం దూరంగా ఉన్నందు వల్ల వ్యయప్రయాలతో చాలా మంది ఇబ్బందులు పడుతున్నారు. లెసైన్ను రెన్యువల్ కూడా ఏజెంట్ల ద్వారా చేయించుకోవాల్సిన పరిస్థితి ఏర్పండి. కార్యాలయంలో ఏర్పాటు చేసిన సరిగా పనిచేయట్లేదు. పనిచేసినా.. స్పందన సరిగా లేదు.
  
  డీటీసీ: కాల్ సెంటర్‌ను పటష్టం చేస్తాం. కార్యాలయంలో నేరుగా వచ్చిన వారికి పనులు జరిగే విధంగా చర్యలు తీసుకుంటాం. ప్రజలు కూడా ఏజెంట్లను ఆశ్రయించవద్దు.
  డీటీసీ: అమ్మా మీ కళాశాల బస్సు కండిషన్‌లో ఉందా? డ్రైవర్ జాగ్రత్తగా మీమ్మల్ని గమ్యస్థానాలకు చేరుస్తున్నాడా?
  భావన : ఏవీఆర్ అండ్ ఎస్‌వీఆర్ క ళాశాలలో నేను పనిచేస్తున్నా సర్, రోజూ మా కళాశాల బస్సులోనే నేను ఉద్యోగానికి వెళ్తాను. కళాశాల బస్సు మంచి కండిషన్‌లో ఉంది. డ్రైవర్ కూడా నిత్యం బస్సు కండిషన్‌ను గమనిస్తుంటాడు. ఏ చిన్న రిపేరి వచ్చినా.. వెంటనే వాటిని మరమ్మతు చేయిస్తాడు.