సినిమాల్లో తన గ్లామర్‌ పవర్‌ చూపిస్తోన్న నటి అనికా సురేందర్‌. బాలా నటిగా రంగప్రవేశం చేసిన ఈ మలయాళ కుట్టి, ఆ తరువాత కోలీవుడ్‌, టాలీవుడ్‌ అంటూ తన స్థాయిని విస్తరించుకుంది. తమిళంలో అజిత్‌ హీరోగా నటించిన ఎనై అరిందాల్‌(తెలుగులో ఎంతవాడు కానీ) చిత్రంతో మంచి విజయాన్ని అందుకుంది. ఆ తరువాత నానుమ్‌ రౌడీదాన్‌ చిత్రంలో చిన్న నయనతారగా నటించింది. దీంతో అందరూ అనికా సురందర్‌ను చిన్న నయనతార అని కూడా పిలుస్తుంటారు. అదే విధంగా ఆ అరువాత అజిత్‌, నయనతార హీరోహీరోయిన్లుగా నటించిన విశ్వాసం చిత్రంలో వారి కూతురిగా నటించింది. ఆ చిత్రం మంచి విజయాన్ని అందుకుంది. చాలా మంది బాల తారల మాదిరిగానే ఈ అమ్మడు హీరోయిన్‌గా నటించే అవకాశాన్ని తెలుగు చిత్రం బుట్టబొమ్మతో అందుకుంది. అయితే ఆ చిత్రం ఆశించిన విజయాన్ని సాధించలేదు. దీంతో తదుపరి అవకాశం కోసం అనికా సురేంద్రన్ శక్తికి మంచి ప్రయత్నిస్తూనే ఉందని చెప్పవచ్చు.  అందుకు ఈ చిన్నది గ్లామర్‌పైనే ఆధారపడుతోంది. అలా ఎంత వరకూ చేరుకుందంటే ఇప్పుడు మరో సిల్క్‌ స్మిత అనిపించుకునే వరకూ. అవును ఆ రేంజ్‌కు అనికా సురేందర్‌ గ్లామరస్‌ ఫొటోలను ప్రత్యేకంగా తీయించుకుని సామాజిక మాధ్యమాల్లో విడుదల చేస్తోంది. కాగా తాజాగా నటుడు ధనుష్‌ కథానాయకుడిగా నటించి స్వీయ దర్శకత్వం వహించిన ఆయన 50వ చిత్రంలో అనికా సురేందర్‌ ఒక ముఖ్య భూమికను పోషించినట్లు ప్రచారం జరుగుతోంది. ఈ చిత్రం ఈమె కెరీర్‌కు ఉపయోగపడుతుందనే ఆశతో ఉంది. అయితే తన గ్లామరస్‌ ఫొటోలను విడుదల చేయడంలో మాత్రం తగ్గేదే లేదంటోందీ మలయాళ కుట్టి.  View this post on Instagram A post shared by Anikha surendran (@anikhasurendran) View this post on Instagram A post shared by Anikha surendran (@anikhasurendran) View this post on Instagram A post shared by Anikha surendran (@anikhasurendran)

టాలీవుడ్ స్టార్ హీరోయిన్ పూజా హెగ్డే అమ్మమ్మ రెండేళ్ల క్రితమే మరణించిన సంగతి తెలిసిందే. తాజాగా మరోసారి తను మరోసారి అమ్మమ్మను గుర్తు చేసుకుని ఎమోషనలైంది. ఈ మేరకు తన ఇన్‌స్టా స్టోరీస్‌లో పంచుకుంది. 'విల్‌ మిస్‌ యూ అజ్జి' అంటూ ఆమెతో ఉన్న ఫోటోను షేర్ చేసింది. కాగా.. ఇటీవలే బుట్టబొమ్మ తన చెల్లెలు భూమి పెళ్లిలో సందడి చేస్తూ కనిపించింది. గతంలో కూడా పూజా తన అమ్మమ్మతో ఉన్న ఫోటోలను సోషల్ మీడియాలో అభిమానులతో పంచుకుంది. కాగా.. గతేడాది బాలీవుడ్‌లో సల్మాన్ ఖాన్‌తో కిసీ కా భాయ్.. కిసి కీ జాన్ చిత్రంలో నటించింది. అయితే ఈ చిత్రం బాక్సాఫీస్ వ‍ద్ద అంతగా మెప్పించలేకపోయింది. టాలీవుడ్‌లో గుంటూరు కారం చిత్రంలో ఛాన్స్‌ కొట్టేసినప్పటికీ ఆ తర్వాత సినిమా నుంచి తప్పుకుంటున్నట్లు ప్రకటించింది. ప్రస్తుతం బుట్టబొమ్మ చేతిలో చిత్రాలేవీ లేవు. ప్రస్తుతం ముంబై భామకు అవకాశాలు తక్కువగానే వస్తున్నాయి. 

ప్రస్తుతం దేనికైనా పబ్లిసిటీ చాలా ముఖ్యం. సినిమా రంగంలోని వారికి ఇది బాగా తెలుసు. అందుకే స్టార్‌ హీరో హీరోయిన్ల నుంచి అప్‌‌కమింగ్‌ యాక్టర్స్ వరకు దీనికి తెగ ఇంట్రెస్ట్ చూపిస్తుంటారు. హీరోయిన్లు అయితే తమ గ్లామరస్‌ ఫొటోలని ట్విట్టర్‌, ఇన్‌‌స్టాలో పోస్ట్‌ చేస్తూ అందరినీ ఆకట్టుకునే ప్రయత్నం చేస్తున్నారు. కానీ యువ హీరోయిన్ అనిక సురేంద్రన్‌ ఈ విషయంలో హద్దులు దాటేస్తుందనే చెప్పాలి.  (ఇదీ చదవండి: మెగాస్టార్ చిరంజీవికి సర్జరీ జరిగిందా?) 2010లోనే బాలనటిగా ఇండస్ట్రీలోకి ఎంట్రీ ఇచ్చిన అనిక.. మాతృభాష మలయాళంతో పాటు తెలుగు, తమిళంలో నటించి గుర్తింపు తెచ్చుకుంది. తమిళంలో అజిత్‌ 'విశ్వాసం' సినిమాలో బాలనటిగా తెగ ఫేమస్ అయిపోయింది. అలాంటిది ఈ మధ్యే హీరోయిన్‌గా మారింది. తెలుగులో 'బుట్టబొమ్మ' చిత్రంలో కథానాయకిగా చేసింది. అయితే ఆ చిత్రం ఆశించిన విజయాన్ని సాధించకపోవడంతో అనికకు గుర్తింపు రాలేదు.  ఈ క్రమంలోనే పబ్లిసిటీపై దృష్టి పెట్టిన ఈ చిన్నది.. సోషల్ మీడియాని తెగ వాడే‍స్తోంది. శృతి మించిన అందాలని చూపిస్తూ దర్శక నిర్మాతల దృష్టిలో పడేందుకు ప్రయత్నిస్తోంది. అయినా ఫలితం దక్కట్లేదు. తమిళంలో హీరోయిన్‌గా ఇంకా బోణీ కొట్టలేదు. మలయాళంలో 'ఓ మై డార్లింగ్‌' చిత్రంలో నటించింది. ఇందులో లిప్‌లాక్‌ సీన్‌లో నటించి షాకిచ్చింది. కథ డిమాండ్‌ మేరకే అలా యాక్ట్ చేశానని సమర్థించుకుంటోంది. View this post on Instagram A post shared by Anikha surendran (@anikhasurendran) View this post on Instagram A post shared by Anikha surendran (@anikhasurendran) View this post on Instagram A post shared by Anikha surendran (@anikhasurendran) (ఇదీ చదవండి: ఉపాసన డైమండ్ గిఫ్ట్‌పై తమన్నా క్లారిటీ!)

ఓటీటీలు వచ్చాక సినీ ప్రియులు పండగ చేసుకుంటున్నారు. తమకు నచ్చిన సినిమాను ఎప్పుడంటే అప్పుడు ఇంట్లోనే హాయిగా చూసేస్తున్నారు. థియేటర్లో కొత్త కొత్త సినిమాలు సందడి చేస్తుంటే.. మరొపక్క ఓటీటీలు ప్రతివారం సరికొత్త కంటెంట్‌తో సినీ ప్రియులకు వినోదం అందించేందుకు రెడీ అవుతున్నాయి.  ఈ నేపథ్యంలో ఈ మార్చి మొదటి వారంలో కూడా పలు కొత్త సినిమాలు, హిట్‌ మూవీస్‌తో పలు ఒటీటీ ప్లాట్‌ఫాంస్‌ సిద్ధమయ్యాయి. రేపు ఒక్కరోజే ఓటీటీలోకి దాదాపు 10 సినిమాలు అందుబాటులోకి రాబోతున్నాయి. అందులో బుట్టబొమ్మ వంటి ఫీల్‌గుడ్‌ లవ్‌స్టోరీతో పాటు ‘ద గ్రేట్ ఇండియా కిచెన్‌’, ‘అలోన్’ లాంటి డబ్బింగ్ సినిమాలు ఉన్నాయి.  నెట్ ఫ్లిక్స్: బుట్టబొమ్మ- తెలుగు సినిమా(మార్చి 4) ఇరట్టా – మలయాళ మూవీ లవ్ ఎట్ ఫస్ట్ కిస్ – హిందీ సినిమా తలైకూతల్ – తమిళ సినిమా డివోర్స్ అటార్నీ సిన్ – కొరియన్ సిరీస్ (మార్చి 4) డిస్నీ ప్లస్‌ హాట్‌స్టార్‌: అలోన్ – తెలుగు డబ్బింగ్ మూవీ గుల్ మోహర్ – హిందీ మూవీ జీ5: ద గ్రేట్ ఇండియా కిచెన్ – తెలుగు మూవీ ఆహా: తెలుగు ఇండియన్ ఐడల్ సీజన్ 2 – సింగింగ్ ప్రోగ్రాం సోనీ లివ్: ద క్రంచిరోల్ ఎనిమీ అవార్డ్స్ 2023 – ఇంగ్లీష్ మూవీ (మార్చి 4)

చైల్డ్‌ ఆర్టిస్ట్‌గా ఎన్నో అవార్డులు అందుకున్న నటి అనిఖా సురేంద్రన్‌ తెలుగులో హీరోయిన్‌గా నటించిన చిత్రం బుట్టబొమ్మ. ఫార్చ్యూన్ ఫోర్ సినిమాస్.. సితార ఎంటర్టైన్మెంట్ బ్యానర్స్‌ సంయుక్తంగా నిర్మించిన ఈ సినిమాలో  అర్జున్ దాస్, సూర్య వశిష్టలు ప్రధాన పాత్రలు పోషించారు. మలయాళంలో సూపర్ హిట్‌ చిత్రం కప్పేలాకు ఇది రీమేక్‌. శౌరీ చంద్రశేఖర్‌ దర్శకత్వం వహించిన ఈ సినిమా ఫిబ్రవరి 4న తెలుగు ప్రేక్షకుల ముందుకు వచ్చింది. చదవండి: పెళ్లయిన కొంతకాలానికే భర్త చనిపోయాడు, జీవితం తలకిందులైంది: సీనియర్‌ నటి మలయాళంలో బ్లాక్‌బస్టర్‌గా నిలిచిన ఈ సినిమా తెలుగులో పెద్దగా ఆకట్టుకోలేకపోయింది. ఇప్పుడు ఈ మూవీ డిజిటల్‌ వేదికపై సందడి చేసేందుకు రెడీ అయినట్లు తెలుస్తోంది. ఈ తాజా బజ్‌ ప్రకారం బుట్టబొమ్మ త్వరలోనే ఓటీటీలోకి అందుబాటులోకి రానుంది. ఈ సినిమా డిజిటల్ స్ట్రీమింగ్ హక్కులను నెట్‌ఫ్లిక్స్‌ సంస్థ సొంతం చేసుకుందట. కాగా మార్చి 4 నుండి తెలుగుతో పాటు తమిళ, కన్నడ, మలయాళం భాషలలో స్ట్రీమింగ్ కాబోతున్నట్లు సమాచారం. త్వరలోనే దీనిపై అధికారిక ప్రకటన కూడా రానుంది.  

సౌత్‌ సినిమా ఇండస్ట్రీ నుంచి బాగా ఫేమస్‌ అవుతున్న నటుల్లో అర్జున్‌ దాస్‌ ఒకడు.  ఖైదీ సినిమాతో అతనికి మంచి గుర్తింపు వచ్చింది. ఆ సినిమాలో నెగటివ్ రోల్ అయినా సరే అర్జున్ దాస్ నటన చాలా బాగా ఆకట్టుకుంది. ముఖ్యంగా అర్జున్‌ దాస్‌ వాయిస్‌కి అటు కోలీవుడ్‌, ఇటు టాలీవుడ్‌ ప్రేక్షకులు ఫిదా అయ్యారు.  ఇప్పటికీ యూట్యూబ్ లో అతని వీడియో లు బాగా వైరల్ అవుతూ ఉంటాయి. ‘మాస్టర్’, ‘విక్రమ్‌’ తర్వాత అర్జున్‌ దాస్‌కి వరుస అవకాశాలు వచ్చాయి. అయితే ఆయన ఇప్పటి వరకు నటించిన చిత్రాలన్నింటిలోనూ నెగెటివ్‌ రోల్స్‌ చేశాడు. కానీ తొలిసారి ‘బుట్ట బొమ్మ’ చిత్రంలో పాజిటివ్ రోల్ పోషించి, తనదైన నటనతో మెప్పించాడు. అనిఖా సింగ్, సూర్య వశిష్ట, అర్జున్ దాస్ ప్రధాన పాత్రల్లో నటించిన ఈ చిత్రం శనివారం(ఫిబ్రవరి 4) విడుదలై మంచి టాక్‌ని సంపాదించుకుంది. ఈ చిత్రంతో ఆర్కేగా అర్జున్‌ దాస్‌ అదరగొట్టేశాడు. ఈ పాత్రలో అర్జున్‌ని తప్ప మరే నటుడిని ఊహించుకోలేం. ఇంటర్వెల్‌కి ముందు అతని పాత్ర పరిచయం అవుతుంది. ఇక సెకండాఫ్‌ మొత్తం అర్జున్‌ దాస్‌ చుట్టు కథ తిరుగుతుంది. ‘బుట్ట బొమ్మ’  విజయంలో  అర్జున్‌ దాస్‌ కీలక పాత్ర పోషించడమే కాదు.. తనలో మరో యాంగిల్‌ ఉందని కూడా ప్రేక్షకులు చూపించాడు.  కేవలం విలన్‌ పాత్రలే కాదు.. హీరోగానూ రాణించగలడనే విషయం బుట్టబొమ్మ ద్వారా తెలిసింది. మంచి కథతో సినిమా చేస్తే..అర్జున్‌ దాస్‌ హీరోగా రాణించే అవకాశాలు మెండుగా ఉన్నాయి. మరి మన దర్శక నిర్మాతలు అర్జున్‌ దాస్‌ని ఎలా వాడుకుంటారో చూడాలి. 

టైటిల్‌ : బుట్టబొమ్మ నటీనటులు : అనిఖా సురేంద్రన్, అర్జున్ దాస్, సూర్య వశిష్ఠ, ప్రేమ్ సాగర్, నవ్యా స్వామి తదితరులు నిర్మాణ సంస్థ:  సితార ఎంటర్టైన్మెంట్స్ నిర్మాతలు: ఎస్ నాగవంశీ, సాయి సౌజన్య స్క్రీన్ ప్లే, మాటలు : గణేష్ కుమార్ రావూరి దర్శకత్వం: శౌరి చంద్రశేఖర్ రమేష్ సంగీతం:  గోపీసుందర్, స్వీకర్ అగస్తి సినిమాటోగ్రఫీ: వంశీ పచ్చిపులుసు ఎడిటర్: నవీన్ నూలి కథేంటంటే.. అరకులోని దూది కొండ గ్రామం నేపథ్యంలో సాగే కథ ఇది. సత్య(అనికా సురేంద్రన్‌)ఓ మధ్యతరగతి కుటుంబానికి చెందిన యువతి.  తల్లి టైలరింగ్‌ చేస్తే.. తండ్రి రైసు మిల్లులో పని చేస్తుంటాడు. సత్య స్నేహితురాలు లక్ష్మి  ప్రతి రోజు ఫోన్‌లో తన లవర్‌తో మాట్లాడడం చూసి..తనకు కూడా ఒకడు ఉంటే బాగుండు అనుకుంటుంది. దాని కంటే ముందు ఒక కెమెరా ఫోన్‌ కొని రీల్స్‌ చేసి ఫేమస్‌ అయిపోవాలనుకుంటుంది. అలాంటి సమయంలో తనకు ఒక రాంగ్‌ కాల్‌ ద్వారా ఆటో డ్రైవర్‌ మురళి(సూర్య వశిష్ట) పరిచయం అవుతాడు. ఒకరినొకరు చూసుకోకుండానే ప్రేమలో పడతారు. అదే సమయంలో సత్యను ఇష్టపడే జమిందారు చిన్ని..ఇంట్లో వాళ్లతో మాట్లాడి పెళ్లికి ఒప్పిస్తాడు.  ఇంట్లో పెళ్లి సంబంధం ఖాయంతో చేయడంతో మురళిని చూడటం కోసం సత్య విశాఖ వెళుతుంది. ఆ తర్వాత ఏమైంది. తనను తను మురళీగా పరిచయం చేసుకున్న ఆర్కే(అర్జున్‌ దాస్‌) తర్వాత ఏం చేశాడు? మురళీకి ఆర్కేకి ఎందుకు గొడవైంది? చివరకు సత్య జీవితం ఏమైంది? అనేదే మిగతా కథ.  ఎలా ఉందంటే.. మలయాళ సూపర్‌ హిట్‌ ‘కప్పేలా’ తెలుగు రీమేకే ‘బుట్టబొమ్మ’. ఇదొక సింపుల్‌ కథ. కేవలం రెండు ట్విస్టులను బేస్‌ చేసుకొని సినిమాను తెరకెక్కించారు. అయితే కప్పేలా సినిమా చూసిన వారికి ఆ ట్విస్టులు కూడా తెలిసిపోతాయి కాబట్టి.. బుట్టబొమ్మపై ఆసక్తి ఉండదు. కానీ కప్పేలా చూడని వారికి మాత్రం ట్విస్టులు ఆకట్టుకుంటాయి. అలాగే తెలుగులో కొన్ని చిన్న చిన్న మార్పులు చేశారు. సత్య కుటుంబ నేపథ్యాన్ని పరిచయం చేస్తూ.. కథను ప్రారంభించాడు దర్శకుడు. స్నేహితురాలిని చూసి తనకు కూడా ఒక బాయ్‌ఫ్రెండ్‌ ఉండాలనుకోవడం.. ఫోన్‌లో పరిచయం అయిన వ్యక్తితో చాటింగ్‌.. ఆ తర్వాత అతన్ని కలిసేందుకు విశాఖ వెళ్లడం..ఇలా ఫస్టాఫ్‌ అంతా ఓ పల్లెటూరి ప్రేమకథగా సాగుతుంది. కానీ ఇంటర్వెల్‌ ట్విస్ట్‌ తర్వాత కథ యూటర్న్‌ తీసుకొని థ్రిల్లర్‌గా కొనసాగుతుంది. ఇక క్లైమాక్స్‌లో వచ్చే ట్విస్ట్‌తో ఇది లవ్‌స్టోరీ కాదు.. వేరే కథ అని అర్థమవుతుంది. ప్రస్తుసం సమాజంలో జరుగుతున్న ఓ మోసాన్ని చూపిస్తూ.. యువతకు మంచి సందేశాన్ని అందించారు. అయితే కేవలం రెండు ట్విస్టుల కోసం అదికూడా ఇంటర్వెల్‌ ముందు.. క్లైమాక్స్‌లో వచ్చేవి తప్పా.. మిగత కథనం అంతా రొటీన్‌గా.. సింపుల్‌గా సాగుతుంది. మురళీ, సత్యల ప్రేమాయణం కూడా ఆసక్తికరంగా సాగలేదు. కప్పేలా చూడని వారికి ఈ సినిమాలోని ట్విస్టులు నచ్చుతాయి. ఎవరెలా చేశారంటే..  బాలనటిగా పలు చిత్రాల్లో నటించిన అనిఖా సురేంద్రన్‌ ఈ చిత్రంలో హీరోయిన్‌గా నటించింది.  సత్య పాత్రలో ఆమె ఒదిగిపోయింది. ఈ సినిమా కథంతా ఆమె పాత్ర చుట్టే తిరుగుతుంది.తొలి సినిమాతోనే హీరోయిన్‌గా తనదైన నటనతో మెప్పించింది. ఇక ఆటోడ్రైవర్‌ మురళీ పాత్రకుసూర్య వశిష్ట న్యాయం చేశాడు. ఆర్కేగా అర్జున్‌ దాస్‌ అదరగొట్టేశాడు. అతని వాయిస్‌ గురించి ప్రత్యేకంగా చెప్పనక్కర్లేదు. నవ్యస్వామి, ప్రేమ్ సాగర్ తదితరులు తమ పాత్రల పరిధిమేర నటించారు.  గోపీసుందర్, స్వీకర్ అగస్తి సంగీతం జస్ట్‌ ఒకే. సినిమాటోగ్రఫీ బాగుంది. సితార ఎంటర్టైన్మెంట్స్ నిర్మాణ విలువలు సినిమా స్థాయికి తగ్గట్లు ఉన్నతంగా ఉన్నాయి. 

లాక్ డౌన్ సమయంలో మలయాళ కప్పేల చిత్రాన్ని చూశాను. కథలో ఉన్న బలం, కథనం నన్ను బాగా ఆకట్టుకుంది. అందుకే ఈ చిత్రాన్ని తెలుగులో రీమేక్‌ చేశాను. మెయిన్ పాయింట్ ని తీసుకొని మన తెలుగు నేటివిటీకి తగ్గట్లు చాలా మార్పులు చేసి ‘బుట్ట బొమ్మ’ తెరకెక్కించామని దర్శకుడు శౌరి చంద్రశేఖర్‌ రమేష్‌ అన్నారు.  సూర్య వశిష్ఠ, అర్జున్‌ దాస్‌, అనికా సురేంద్రన్ ప్రధాన పాత్రల్లో శౌరి చంద్రశేఖర్‌ రమేష్‌ దర్శకత్వంలో తెరకెక్కిన చిత్రం ‘బుట్టబొమ్మ’. ఎస్‌.నాగవంశీ, సాయిసౌజన్య నిర్మించిన ఈ సినిమా ఫిబ్రవరి 4న ప్రేక్షకుల ముందుకు రానుంది. ఈ నేపథ్యంలో తాజాగా చిత్ర దర్శకుడు శౌరి చంద్రశేఖర్‌ రమేష్‌ మీడియాతో ముచ్చటించారు. ఆ విశేషాలు..  ► మాది గుంటూరు. కానీ పుట్టి పెరిగింది అంతా హైదరాబాద్ లోనే. మాది సినిమా నేపథ్యమున్న కుటుంబం కాదు. కానీ నాకు ముందు నుంచి సినిమాలంటే చాలా ఇష్టం. కుటుంబ సభ్యుల సూచన మేరకు ముందు పీజీ పూర్తి చేసి ఆ తరువాత సినిమాల్లోకి వచ్చాను. ► ముందుగా రామ్ గోపాల్ వర్మ గారికి చెందిన వర్మ కార్పొరేషన్ లో పనిచేశాను. ఆయన నిర్మించిన శూల్ అనే హిందీ ఫిల్మ్ చేశాను. ఆ చిత్రానికి ఈశ్వర్ నివాస్ దర్శకుడు. ఆయన దగ్గరే వరుసగా నాలుగు హిందీ సినిమాలకు వర్క్ చేశాను. ఆ తరువాత మా నాన్నగారు మరణించడంతో హైదరాబాద్ వచ్చేశాను. కొంతకాలానికి ఒక స్నేహితుడి ద్వారా సుకుమార్ గారు పరిచయమయ్యారు. ఆయన దగ్గర జగడం నుంచి పుష్ప సినిమా వరకు పని చేశాను. ► కొన్ని చిత్రాలను రీమేక్ చేయగలం, కొన్ని చిత్రాలు చేయలేం. బుట్ట బొమ్మ పూర్తిగా స్క్రిప్ట్ మీద ఆధారపడిన సినిమా. దీనిని మన అభిరుచికి తగ్గట్లుగా మార్పులు చేసి, రీమేక్ చేస్తే బాగుంటుందనే నమ్మకం కలిగింది. అప్పటికే ఈ మూవీ రీమేక్ హక్కులను సితార సంస్థ తీసుకుందని తెలిసి.. నేనే వారిని సంప్రదించాను. కొన్ని చర్చల తర్వాత నేను చేయగలనని నమ్మి, వారు నాకు ఈ అవకాశం ఇచ్చారు. ► మెయిన్ పాయింట్ ని తీసుకొని మన తెలుగు నేటివిటీకి తగ్గట్లు చాలా మార్పులు చేశాం. ముఖ్యంగా ఫస్టాఫ్ లో కీలక మార్పులు చేయడం జరిగింది. కామెడీ, ఎమోషన్స్ మన అభిరుచికి తగ్గట్లుగా మార్పులు చేశాం. ఫస్టాఫ్ లో కథనం పరంగా ఒక పెద్ద మార్పు కూడా చేశాం. ► బుట్టబొమ్మ సినిమాలో ఒక కాన్సెప్ట్ రన్ అవుతుంది. అది మీకు సినిమా చూస్తే అర్థమవుతుంది. అది అనుకున్నప్పుడు అప్పటికే 'బుట్టబొమ్మ' సాంగ్ బాగా పాపులర్ కావడంతో అదే టైటిల్ పెడితే బాగుంటుందని వంశీ గారు సూచించారు. అలా ఈ టైటిల్ ఖరారైంది. ► ఈ సినిమాలో సంగీతానికి చాలా ప్రాధాన్యముంది. పాటలు, నేపథ్య సంగీతం అద్భుతంగా వచ్చాయి. గోపీసుందర్ గారు ఒక పాట, నేపథ్య సంగీతం అందించారు. స్వీకర్‌ అగస్తి  రెండు పాటలు స్వరపరిచారు. ఇప్పటికే విడుదల చేసిన పాటకు ప్రేక్షకుల నుంచి మంచి స్పందన లభించింది. ► త్రివిక్రమ్, చినబాబు ఈ చిత్రాన్ని చూసి నన్ను ఎంతో మెచ్చుకున్నారు. వారిచ్చిన ప్రశంసలు మాటల్లో చెప్పలేను.  ► తదుపరి సినిమా యాక్షన్ జోనర్ లో చేయాలని ఉంది.  కొన్ని కథలు సిద్ధంగా ఉన్నాయి. త‍్వరలోనే కొత్త సినిమా అప్‌డేట్స్‌ ఇస్తాను. 

చైల్డ్‌ ఆర్టిస్ట్‌గా ఎన్నో అవార్డులు అందుకున్న అనిఖ సురేంద్రన్‌ తెలుగులో హీరోయిన్‌గా నటిస్తున్న చిత్రం బుట్టబొమ్మ. ఫార్చ్యూన్ ఫోర్ సినిమాస్.. సితార ఎంటర్టైన్మెంట్ బ్యానర్స్‌ సంయుక్తంగా నిర్మిస్తున్న ఈ సినిమాలో  అర్జున్ దాస్, సూర్య వశిష్ట ప్రధాన పాత్రలు పోషిస్తున్నారు. శౌరీ చంద్రశేఖర్ రమేష్ ఈ సినిమాతో దర్శకుడిగా పరిచయం కానున్నారు. ఫిబ్రబరి4న ఈ చిత్రం విడుదల కానుంది. ఈ నేపథ్యంలో తాజాగా మాస్‌ కా దాస్‌ విశ్వక్‌సేన్‌ ఈ మూవీ ట్రైలర్‌ను రిలీజ్‌ చేశారు. విలేజ్‌ లవ్‌స్టోరీగా విజువల్స్‌ ఆకట్టుకుంటున్నాయి. 

అనిఖా సురేంద్రన్, సూర్య వశిష్ఠ, అర్జున్ దాస్ ప్రధాన పాత్రల్లో నటించిన చిత్రం ‘బుట్ట బొమ్మ’. ఎస్.నాగవం శీ, సాయిసౌజన్య నిర్మిం చిన ఈ చిత్రంతో  శౌరి చంద్రశేఖర్ రమేష్ దర్శకుడిగా పరచయమవుతున్నారు. ఈ చిత్రం జనవరి 26న విడుదల కావాల్సింది. కానీ చివరి నిమిషంలో వాయిదా పడింది. ఈ చిత్రాన్ని ఫిబ్రవరి 4న విడుదల చేస్తున్నట్లు తాజాగా మేకర్స్ ప్రకటించారు. ఈ మేరకు చిత్ర బృందం అధికారికంగా ప్రచార చిత్రాన్ని కూడా విడుదల చేసింది. కాస్త ఆలస్యంగా వచ్చినా ఆ ఆలస్యాన్ని మరిపించేలా వినోదాన్ని అందిస్తామని, అన్ని వర్గాల ప్రేక్షకులను మెప్పించేలా 'బుట్టబొమ్మ' సినిమా ఉంటుందని చిత్ర నిర్మాతలు నమ్మకంగా చెబుతున్నారు. 

ఎన్నో ఏళ్లుగా బాల నటిగా పలు సినిమాల్లో నటించాను. కానీ హీరోయిన్‌గా నాకిదే(బుట్ట బొమ్మ) తొలి సినిమా. హీరోయిన్‌గా నటించేటప్పుడు ఎంతో కొంత ఒత్తిడి ఉండడం సహజం. పైగా ఈ సినిమాలో నాది ప్రధాన పాత్ర. అయితే మా మూవీ టీమ్‌ మద్దతుతో ఎలాంటి ఒత్తిడి లేకుండా సినిమాను పూర్తి చేశాం’ అని హీరోయిన్‌ అనిక సురేంద్రన్‌ అన్నారు. సూర్య వశిష్ఠ, అర్జున్‌ దాస్‌, అనికా సురేంద్రన్ ప్రధాన పాత్రల్లో శౌరి చంద్రశేఖర్‌ రమేష్‌ దర్శకత్వంలో తెరకెక్కిన చిత్రం ‘బుట్టబొమ్మ’. ఎస్‌.నాగవంశీ, సాయిసౌజన్య నిర్మించిన ఈ సినిమా ఈ నెల 26న విడుదలకానుంది. ఈ సందర్భంగా హీరోయిన్‌ అనిక సురేంద్రన్‌ మీడియాతో ముచ్చటించారు. ఆ విశేషాలు..  ►మలయాళ మూవీ కప్పేల తెలుగు రీమేకే బుట్టబొమ్మ. మూల కథ అలాగే ఉంటుంది. కానీ తెలుగు ప్రేక్షకుల అభిరుచికి తగ్గట్టుగా కొన్ని మార్పులు చేశారు. ఒరిజినల్ ఫిల్మ్ కంటే కూడా ఇది ఇంకా కలర్ ఫుల్ గా ఆకట్టుకునేలా ఉంటుంది.  ►కప్పేల మూవీని చూశాను. నాకు బాగా నచ్చింది. అలాంటి మంచి సినిమా రీమేక్ లో హీరోయిన్ గా నటించే అవకాశం రావడం, పైగా సితార వంటి ప్రముఖ నిర్మాణ సంస్థ ఈ చిత్రాన్ని నిర్మించడంతో.. ఏమాత్రం ఆలోచించకుండా వెంటనే అంగీకరించాను. ►తెలుగులో నాకు సంభాషణలకు అర్థం తెలీదు. కానీ సన్నివేశాలను అర్థం చేసుకొని నటించాను. దర్శకుడు రమేష్ ఆ సన్నివేశాల తాలూకు ఎమోషన్స్ ని వివరించి నటన రాబట్టుకున్నారు. ►నేను ఇప్పటిదాకా పని చేసిన ఉత్తమ నిర్మాణ సంస్థల్లో సితార ఒకటి. వంశీ గారు నన్ను ఈ చిత్రం కోసం ఎంపిక చేసినందుకు ధన్యవాదాలు. సితార లాంటి పెద్ద సంస్థలో హీరోయిన్ గా మొదటి సినిమా చేయడం చాలా ఆనందంగా ఉంది. ఈ సినిమా విడుదలకు ముందే తెలుగులో అవకాశాలు వస్తున్నాయి.  ►ప్రస్తుతం మలయాళంలో 'ఓ మై డార్లింగ్' అనే మూవీలో హీరోయిన్ గా నటిస్తున్నాను. తమిళ్ లో ఒక మూవీ చేస్తున్నాను. అలాగే కొన్ని తెలుగు సినిమాలు చర్చల దశలో ఉన్నాయి.

‘‘బుట్టబొమ్మ’ తమిళ్‌ రీమేక్‌ అయినా తెలుగుకి తగ్గట్టు మార్పులు చేశారు. తెలుగు ప్రేక్షకులకు కూడా ఈ సినిమా కొత్త అనుభూతిని ఇస్తుందని నాగవంశీగారు నమ్మారు’’ అని నటుడు అర్జున్‌ దాస్‌ అన్నారు. అనికా సురేంద్రన్, సూర్య వశిష్ఠ, అర్జున్‌ దాస్‌ ప్రధాన పాత్రల్లో శౌరి చంద్రశేఖర్‌ రమేష్‌ దర్శకత్వంలో తెరకెక్కిన చిత్రం ‘బుట్టబొమ్మ’. ఎస్‌.నాగవంశీ, సాయిసౌజన్య నిర్మించిన ఈ సినిమా ఈ నెల 26న విడుదలకానుంది. అర్జున్‌ దాస్‌ మాట్లాడుతూ– ‘‘ఖైదీ, అంధకారం, మాస్టర్‌’ సినిమాల వల్లే నాకు ఇంత మంచి గుర్తింపు వచ్చింది. అందరూ నా వాయిస్‌ గురించి మాట్లాడుతుంటారు. అలాగే నా నటనను కూడా ఇష్టపడుతున్నారని ఆశిస్తున్నాము. బుట్టబొమ్మ కోసం మొదటిసారి తెలుగులో డబ్బింగ్ చెబుతున్నాను. నేను ఈ సినిమా ఒప్పుకునే ముందే నిర్మాత వంశీ గారు సొంతంగా డబ్బింగ్ చెప్పాలని షరతు పెట్టారు.మా నిర్మాతలు సినిమాకు కావాల్సినవన్నీ సమకూర్చారు. దర్శకుడు రమేష్ మీద నమ్మకం ఉంచి, ఆయనకు పూర్తి స్వేచ్ఛను ఇచ్చారు’ అన్నారు.