వాషింగ్టన్‌: తెలియని ప్రాంతంలో ఒక్క పూట గడపాలన్నా ఇబ్బందిగానే ఉంటుంది. అలాంటిది నర సంచారం లేని దీవిలో.. తిండి తిప్పలు లేకుండా నెల రోజులకు పైగా గడపడం అంటే మాటలు కాదు. ఇలాంటి భయంకర పరిస్థితి ఎదురయ్యింది ముగ్గురు వ్యక్తులకు. వీరంతా 33 రోజుల పాటు మనుషుల్లేని దీవిలో బందీలయ్యారు. నాలుగో మనిషి కనబడడు.. ఆహారం, నీరు లేదు. అదృష్టం కొద్ది అక్కడ కొబ్బరి చెట్లు ఉండటంతో.. ఇన్నాళ్లు బతికి బట్టకట్టగలిగారు. చివరకు 33 రోజుల తర్వాత ఆ దీవి నుంచి సురక్షితంగా బయట పడ్డారు. ఇంతకు వీరంతా ఆ దీవిలోకి ఎందుకు వెళ్లారు.. ఎలా బయటపడగలిగారు అనే విషయాలు తెలియాలంటే ఇది చదవాల్సిందే..  క్యూబాకు చెందిన ఓ మహిళ, ఇద్దరు పురుషులు.. పడవలో సముద్రంలోకి వెళ్లారు. అలల తాకిడి ఎక్కువ కావడం వల్ల వారు ప్రయాణిస్తున్న పడవ బొల్తా పడింది. ఊహించని ఈ ప్రమాదానికి వారు బిక్క చచ్చిపోయారు. ఎలానో ధైర్యం తెచ్చుకుని చేతికి అందిన వస్తువులను పట్టుకుని సమీపంలోని దీవి వరకు ఈదుకుంటూ వెళ్లిపోయారు. ఇక వారు చేరుకున్న దీవి నర సంచారం ఉండని బహమాన్ దీవుల్లోని అతి చిన్న ద్వీపం అంగుయిలా కే. ఒడ్డుకు అయితే చేరగలిగారు కానీ అక్కడి నుంచి బయటపడే మార్గ కనిపించలేదు. చేసేదేం లేక అటుగా ఏమైనా ఓడలు, విమానాలు వస్తే సాయం అడగవచ్చని భావించి.. కాలం గడపసాగారు. ఇలా ఓ మూడు రోజులు గడిచాయి. వారితో తెచ్చుకున్న ఆహారం మొత్తం అయిపోయింది. ఏం చేయాలో అర్థం కాలేదు. దీవిలో ఏమైనా పండ్ల చెట్ల లాంటివి ఉంటాయేమోనని వెతకడం ప్రారంభించారు. అదృష్టం కొద్ది వారికి కొబ్బరి చెట్లు కనిపించాయి. హమ్మయ్యా అని ఊపిరి పీల్చుకున్నారు. మొదట్లో కొబ్బరి బొండాల్లో నీరు తాగి, కొబ్బరిని తిని రోజులు వెళ్లదీశారు. కానీ ఎన్ని రోజులని ఇలా. సరైన ఆహారం లేక.. కేవలం కొబ్బరి మాత్రమే తీసుకుంటుండటంతో వారిలో నీరసం బాగా పెరిగిపోయింది. రోజులు గడుస్తున్న కొద్ది నీరసం పెరగుతోంది.. బతుకు మీద ఆశ తగ్గుతోంది. ఇక తామంతా ఆ దీవిలోనే ఆకలితో అలమటించి సజీవ సమాధి అవ్వక తప్పదని భావించారు. అలా 33 రోజుల గడిచిపోయాయి.  #UPDATE @USCG rescued the 3 Cuban nationals stranded on Anguilla Cay. A helicopter crew transferred the 2 men & 1 woman to Lower Keys Medical Center with no reported injuries. More details to follow.#D7 #USCG #Ready #Relevant #Responsive pic.twitter.com/4kX5WJJhs8 — USCGSoutheast (@USCGSoutheast) February 9, 2021 ఈ క్రమంలో ఫిబ్రవరి 8న అమెరికాకు చెందిన కోస్ట్ గార్డ్ ఎయిర్ క్రాఫ్ట్ ఒకటి అటుగా ఎగురుతూ వచ్చింది. ఆ శబ్దం వారిలో చనిపోయిన ఆశలను రేకేత్తించింది. బతికిపోయాం.. ఇక బయటపడతాం అని భావించారు. తమ దగ్గరున్న దుస్తులను జెండాలుగా ఊపుతూ.. తమ గురించి ఎయిర్‌ క్రాఫ్ట్‌లోని వారికి అర్థం అయ్యేలా చేశారు. ఇక విమానంలో ఉన్న వారికి కింద ఏవో జెండాలు కదులుతున్నట్లు తోచి.. కాస్త కిందకు వచ్చారు. అక్కడ ఈ ముగ్గురిని చూసి షాకయ్యారు. ఆ తర్వాత పైలెట్‌ వీరి గురించి అధికారులకు తెలియజేశాడు. దాంతో ఆ దీవి వద్దకు హెలికాప్టర్‌ను పంపి ఆ ముగ్గురికి నీళ్లు, ఆహారంతో పాటు వారితో మాట్లాడేందుకు వీలుగా ఓ రేడియో వాకీ టాకీని కూడా అందించారు.  అయితే, వాతావరణం అనుకూలంగా లేకపోవడంతో అదే రోజు వారిని రక్షించలేకపోయారు. దాంతో ఫిబ్రవరి 9న మరో రెస్క్యూ హెలికాప్టర్ అక్కడికి చేరుకుని ముగ్గురిని రక్షించింది. అనంతరం వారిని హాస్పిటల్‌కు తరలించారు. లక్కీగా వారిలో ఎవరికి ఎలాంటి గాయాలు కాలేదు.. నీరసం మినహా ఇతర అనారోగ్య సమస్యలు ఏం లేవని.. పూర్తి  ఆరోగ్యంగా ఉన్నారని వైద్యులు తెలిపారు. ఇక వీరిని కాపాడిన దృశ్యాలకు సంబంధించిన వీడియో ప్రస్తుతం తెగ వైరలవుతోంది. మీకింకా భూమ్మీద నూకలున్నాయి.. అందుకే బయటపడ్డారు.. మరో సారి ఇలాంటి పిచ్చి పిచ్చి పనులు చేయకండి అంటూ నెటిజనులు సూచిస్తున్నారు. చదవండి: ఆరోగ్యం... క్యూబా భాగ్యం!                  స్కూల్‌ ఫీజుకు బదులుగా కొబ్బరి బొండాలు..!

సాక్షి, ముంబయి: ఇండియన్ కోస్ట్ గార్డ్‌కు చెందిన హెలికాప్టర్ కూలిపోయింది. ఈ ఘటన మహారాష్ట్రలోని రాయగఢ్ జిల్లా మురుద్ సమీపంలో శనివారం చోటు చేసుకుంది. అయితే హెలికాప్టర్‌లోని వారంతా క్షేమంగా ఉన్నారు. ప్రమాద సమయంలో హెలికాప్టర్‌లో నలుగురు ఉన్నట్లు అధికారులు వెల్లడించారు. అందులో ముగ్గురు సురక్షితంగా బయట పడ్డారని, ఓ మహిళకు మాత్రం గాయాలైనట్లు తెలిపారు. హెలికాప్టర్‌ ల్యాండ్‌ అవుతుండగా ప్రమాదం జరినట్లు తెలుస్తోంది. అది గాల్లో ఉన్నప్పుడే సాంకేతిక లోపం ప్రమాదం సంబవించినట్లు సమాచారం.  సంఘటనపై పూర్తి వివరాలు అందాల్సి ఉంది.


  చెన్నై, సాక్షి ప్రతినిధి:గత నెల 8వ తేదీన కూలిపోయిన కోస్ట్‌గార్డ్ విమానంలో ప్రయాణించిన ముగ్గురు అధికారుల కుటుంబసభ్యుల నుంచి గురువారం రాత్రి డీఎన్‌ఏ సేకరించారు. కోస్టగార్డ్ విమానం గాలింపు ఇటీవలే పూర్తికాగా, విమాన శకలాలతోపాటు అందులో ప్రయాణించిన వారివిగా భావిస్తున్న ఎముకలు, ఒక చేతి గడియారం లభ్యమైనాయి. అయితే ఆ ఎముకలు అధికారులవే అని నిర్ధారించేందుకు డీఎన్‌ఏ పరీక్షలు చేయాలని ఇండియన్ కోస్ట్‌గార్డ్ (తూర్పు) ఉన్నతాధికారులు నిర్ణయించారు. ఈ మేరకు ప్రమాదం జరిగిన సమయంలో విమానంలో ప్రయాణిస్తున్న పెలైట్ విద్యాసాగర్ తండ్రి సన్యాసీరావ్, సహాయ పెలైట్ సుభాష్ సురేష్ తండ్రి సురేష్, తల్లి పద్మ, భార్య దీపలక్ష్మి, అసిస్టెంట్ కమాండర్ ఎంకే సోని తండ్రి ఆర్‌ఎస్ సోని గురువారం రాత్రి చెన్నైలోని ప్రభుత్వ ఆసుపత్రికి చేరుకుని డీఎన్‌ఏ పరీక్షల కోసం రక్తం నమూనాలు ఇచ్చారు. ఈ సందర్భంగా ఆర్‌ఎస్ సోని మీడియాతో మాట్లాడుతూ గాలింపు చర్యల్లో లభ్యమైన చేతి గడియారం తన కుమారునిదేనని, అతను చనిపోయినట్లు నిర్ధారించుకున్నానని ఆవేదనతో అన్నారు. అయితే ప్రభుత్వ లాంఛనాల ప్రకారం డీఎన్‌ఏ పరీక్షలు చేయాలి కాబట్టి ఇక్కడకు వచ్చానని అన్నారు. గాలింపు చర్యల్లో ఎటువంటి లోటు లేదని, సంతృప్తికరంగా సాగాయని అన్నారు. ఏదేమైనా విమానం కూలడం దురదృష్టకర సంఘటన అని కన్నీళ్లు పెట్టుకున్నారు.