ముంబై: మహరాష్ట్ర ప్రభుత్వం ఎన్నో ఏళ్లుగా రాకపోకలకు తీవ్ర ఇబ్బందులు ఎదుర్కొంటున్న గిరిజన గ్రామానికి ఒక శాశ్వత పరిష్కారాన్ని చూపింది. ఎన్నో ఏళ్లుగా ఎదురుచూస్తున్న వారి కల నేడు సాకారమైంది. మహరాష్ట్ర టూరిజం, పర్యావరణ శాఖ మంత్రి ఆదిత్యఠాక్రె శుక్రవారం నాసిక్​లోని మారుమూల గ్రామమైన షేండ్రిపాడలో నిర్మించిన వంతెనను శుక్రవారం ప్రారంభించారు. అంతకు ముందు ప్రజలు తమ ప్రాణాలను పణంగా పెట్టి వెదురుతో ఒక వంతెనను నిర్మించుకున్నారు. దీనిపై నుంచే తాగునీటి కోసం.. ఇతర పనుల కోసం రాకపోకలు చేసేవారు. ఈ క్రమంలో ఎందరో ఆ లోయలో పడి తమ ప్రాణాలను పోగొట్టుకున్నారు. ఈ నేపథ్యంలో గ్రామస్థుల  విన్నపం మేరకు, మహా సర్కారు తక్కువ సమయంలోనే వంతెనను నిర్మించి, శుక్రవారం ప్రారంభించింది. కాగా, వంతెన అందుబాటులోకి రావడంతో ఆ గ్రామస్థులు ఎంతగానో సంతోషం వ్యక్తం చేస్తున్నారు. అదే విధంగా గిరిజనులు నాయకులకు, అధికారులకు ధన్యవాదాలు తెలిపారు.   #WATCH | Maharashtra Minister Aaditya Thackeray inaugurated a bridge and interacted with locals in Shendripada, a remote tribal village in Nashik earlier today pic.twitter.com/aPdI2iYOkN — ANI (@ANI) January 28, 2022 చదవండి: బీజేపీని ఓడించడమే తమ ఉమ్మడి సంకల్పం: అఖిలేష్ యాదవ్


 సాక్షి, బెంగళూరు : బెంగళూరులోని మల్లేశ్వరంలో ఉన్న మంత్రి షాపింగ్ మాల్‌లోకి దేశంలోనే తొలిసారిగా మెట్రో రైలు కనెక్టింగ్ బ్రిడ్జ్ ఏర్పాటైంది. సంపిగె రోడ్డులోని మెట్రో స్టేషన్‌లో దిగగానే నేరుగా మంత్రి షాపింగ్‌మాల్‌లోకి ప్రవేశించే విధంగా బ్రిడ్జ్‌ను నిర్మించారు. ఈ కనెక్టింగ్ బ్రిడ్జ్‌ని మంత్రి డెవలపర్స్ మేనేజింగ్ డెరైక్టర్ సుశీల్ మంత్రి, బృహత్ బెంగళూరు మహానగర పాలికె (బీబీఎంపీ) మేయర్ కట్టె సత్యనారాయణ, బీఎంఆర్‌సీఎల్ ఎం.డి ప్రదీప్ సింగ్ కరోలా బుధవారం ప్రారంభించారు.
 
 ఈ సందర్భంగా ప్రదీప్ సింగ్ కరోలా మాట్లాడుతూ... పబ్లిక్ ప్రైవేట్ పార్టనర్‌షిప్(పీపీపీ) విధానంలో ఈ కనెక్టింగ్ బ్రిడ్జ్‌ని నిర్మించినట్లు చెప్పారు.  బీఎంఆర్‌సీఎల్ యంత్రాంగం కనెక్టింగ్ బ్రిడ్జ్ డిజైనింగ్‌ని రూపొందించగా, మంత్రి డెవలపర్స్ యాజమాన్యం ఈ బ్రిడ్జ్ నిర్మాణానికి అవసరమైన నిధులను సమకూర్చిందన్నారు. మెట్రో రైలు రెండో దశలో సైతం ఈ తరహా ప్రాజెక్టులను రూపొందించే ఆలోచనలో ఉన్నట్లు  వెల్లడించారు. అనంతరం సుశీల్ మంత్రి మాట్లాడుతూ... మోడ్రన్ బెంగళూరును నిర్మించడంలో ఇది ముందడుగని అన్నారు.