ఏలూరు: పశ్చిమగోదావరి జిల్లాలోని ఏలూరు సాంఘీక సంక్షేమ హాస్టల్‌లో సోమవారం సిలిండర్లు పేలాయి. అయితే ఈ ఘటన జరిగిన సమయంలో విద్యార్థులు ఎవరూ లేకపోవడంతో ప్రాణాపాయం తప్పింది. కాకపోతే రూ. 2 లక్షల వరకు ఆస్తినష్టం వాటిల్లినట్టు తెలిసింది. షార్ట్‌ సర్య్కూట్‌ వల్లే ఈ ప్రమాదం జరిగి ఉంటుందని పోలీసులు అనుమానిస్తున్నారు. పూర్తి వివరాలు తెలియాల్సి ఉంది.


 ఏలూరు: పశ్చిమగోదావరి జిల్లా కొయ్యలగూడెంలోని ఓ హోటల్లో మంగళవారం తెల్లవారుజామున గ్యాస్ సిలిండర్లు పేలి అగ్నిప్రమాదం సంభవించింది. దాంతో భారీగా మంటలు ఎగసిపడుతున్నాయి. స్థానికులు వెంటనే స్పందించి అగ్నిమాపక సిబ్బందికి సమాచారం అందించారు. అగ్నిమాపక సిబ్బంది ఫైరింజన్లతో హుటాహుటిన సంఘటన స్థలానికి చేరుకుని మంటలార్పుతున్నారు. అయితే హోటల్ పక్కనే ఉన్న ఐదు దుకాణాలు కూడా ఆ అగ్నికి ఆహుతి అయ్యాయి. దాంతో భారీగా ఆస్తి నష్టం సంభవించింది.