సాక్షి, హైదరాబాద్‌: డిగ్రీ కళాశాలల్లో ప్రవేశాలకు ప్రస్తుతమున్న ‘డిగ్రీ ఆన్‌లైన్‌ సర్వీసెస్‌– తెలంగాణ (దోస్త్‌)’ విధానాన్ని ఎత్తివేసేందుకు ప్రభుత్వం సిద్ధమైంది. డిగ్రీ ప్రవేశాలను పాత విధానంలోనే చేపట్టాలని సూత్రప్రాయంగా నిర్ణయించింది. దీంతో ప్రైవేటు డిగ్రీ కాలేజీలకు పూర్తి స్వేచ్ఛ లభించే వీలుంది. ఎవరికి సీటివ్వాలి? ఎవరికి ఇవ్వకూడదనేది కాలేజీలే నిర్ణయించేందుకు ఇది అవకాశం కల్పిస్తుంది. ఉన్నత విద్యామండలి దీనిపై ఇప్పటికే చేపట్టిన అధ్యయనం తుది దశకు చేరుకోగా, త్వరలో ప్రభుత్వానికి నివేదిక ఇచ్చేందుకు సిద్ధమవుతోంది. దీన్ని ఆమోదిస్తే, వచ్చే విద్యా సంవత్సరం (2025–26) నుంచి దోస్త్‌ను ఎత్తివేసినట్టేనని మండలి వర్గాలు చెబుతున్నాయి. ‘దోస్త్‌’ను కొన్ని కాలేజీలు కొన్నేళ్లుగా వ్యతిరేకిస్తున్నాయి. అవి ఇప్పటికీ దోస్త్‌ జాబితాలో చేరలేదు. ఆయా కాలేజీల ఒత్తిడి మేరకే దోస్త్‌కు స్వస్తి చెప్పబోతున్నట్లు విద్యాశాఖలో చర్చ జరుగుతోంది. దీనిపై అన్నివర్గాల నుంచి విమర్శలు వస్తున్నాయి. ఏమిటీ దోస్త్‌? రాష్ట్రవ్యాప్తంగా 1,055 ప్రభుత్వ, ప్రైవేటు డిగ్రీ కాలేజీలున్నాయి. గతంలో డిగ్రీ సీటు కోసం ప్రతీ కాలేజీలోనూ రుసుం చెల్లించి దరఖాస్తు చేయాల్సిన పరిస్థితి ఉండేది. సీటు ఎక్కడ వచి్చందో తెలుసుకునేందుకు ప్రతీ కాలేజీకి వెళ్లాల్సి వచ్చేది. సీటు రాకపోతే మరో కౌన్సెలింగ్‌ పెట్టే వరకూ అన్ని కాలేజీలూ తిరగాలి. విభిన్న కోర్సుల కోసం వివిధ దరఖాస్తులు చేయాల్సి వచ్చేది. ఈ విధానం వల్ల విద్యార్థులు వ్యయ ప్రయాసలకు గురయ్యేవాళ్లు. దీనిపై జాతీయస్థాయిలో విస్తృత చర్చ జరగ్గా, ఆన్‌లైన్‌లో ఏకీకృత ప్రవేశాలు ఉండాలంటూ యూనివర్సిటీ గ్రాంట్స్‌ కమిషన్‌ 2015లో ఆదేశాలు జారీ చేసింది. దీంతో రాష్ట్రంలో 2016 నుంచి దోస్త్‌ ద్వారా ప్రవేశాలు చేపడుతున్నారు. మారుమూల గ్రామాల్లో ఉన్న విద్యార్థి కూడా ఆన్‌లైన్‌లో అన్ని కాలేజీలకు, అన్ని కోర్సులకు దరఖాస్తు చేసే అవకాశం వచి్చంది. ఎక్కడికీ వెళ్లకుండానే సెల్‌ఫోన్‌లోనే ఎక్కడ? ఏ కోర్సులో? సీటు వచ్చిందనే సమాచారం వచ్చే వ్యవస్థ అందుబాటులోకి వచ్చింది. అభ్యంతరాలేంటి? దోస్త్‌ ద్వారా కొంతమంది విద్యార్థులకు నష్టం జరుగుతోందని ఉన్నత విద్యామండలి వర్గాలు అంటున్నాయి. ముఖ్యంగా ప్రభుత్వ కాలేజీల్లో విద్యార్థులకు స్థానికంగా కాకుండా, మెరిట్‌ ప్రకారం ఎక్కడో సీట్లు వస్తున్నాయనే ఆరోపణలు వస్తున్నాయి. దీనివల్ల ప్రభుత్వ కాలేజీల్లో సీట్లు వచ్చినా విద్యార్థులు చేరడం లేదని అధికారులు అంటున్నారు. మరోవైపు ప్రైవేటు కాలేజీలు దోస్త్‌లో విద్యార్థుల చేత ఆప్షన్లు ఇప్పించుకునేందుకు పోటీ పడుతున్నారని చెబుతున్నారు. దీనివల్ల కొన్ని ప్రాంతాల్లో దోస్త్‌ ప్రవేశాలు ఎక్కువగా ఉంటున్నాయని, కొన్నిచోట్ల తక్కువగా ఉంటున్నాయనే విమర్శలు వస్తున్నాయి. దోస్త్‌ పేరుతో మండలి ఆధిపత్యం చేస్తోందని, ఫలితంగా కాలేజీలు కొత్త కోర్సులతో విద్యార్థులను ఆకర్షించలేకపోతున్నాయని ఉన్నతాధికారులు భావిస్తున్నారు. పాత విధానం వల్ల కాలేజీలపై ప్రభుత్వ అజమాయిషీ తగ్గుతుందని, ఇష్టానుసారం ఫీజులు వసూలు చేసే అవకాశం వస్తుందని విద్యార్థి సంఘాలు అంటున్నాయి. లోపాలుంటే సరిచేయాలి తప్ప, వ్యవస్థనే రద్దు చేయడం ప్రైవేటు సంస్థలకు మేలు చేయడమేనని చెబుతున్నాయి. అధ్యయనం చేస్తున్నాందోస్త్‌పై భిన్నాభిప్రాయాలు వస్తున్నాయి. కొంతమంది ఉండాలంటున్నారు. కొంతమంది ఉపయోగం లేదంటున్నారు. అన్నివైపుల నుంచి పరిశీలన జరుపుతున్నాం. మార్పులు అనివార్యమనిపిస్తే తప్పకుండా చేస్తాం. – ప్రొ. వి.బాలకిష్టారెడ్డి(ఉన్నత విద్యామండలి చైర్మన్‌) దోస్త్‌ వల్లే పారదర్శకతసాంకేతికత అభివృద్ధి చెందిన ఈ కాలంలో దోస్త్‌ వల్ల ఎన్నో ప్రయోజనాలున్నాయి. పేద, ధనిక తారతమ్యం లేకుండా, వ్యయ ప్రయాసలు లేకుండా సీట్లు పొందుతున్నారు. ఇంట్లో కూర్చుని ఖర్చు లేకుండా ఎక్కడైనా సీటు వచ్చే పారదర్శకత దోస్త్‌ వల్లే సాధ్యం. దీన్ని ఎత్తివేస్తే విద్యార్థులకు ఇబ్బంది అవుతుంది. – ప్రొ. ఆర్‌.లింబాద్రి(ఉన్నత విద్యామండలి మాజీ చైర్మన్‌) కార్పొరేట్‌ కాలేజీల కొమ్ముగాస్తారా?దోస్త్‌ వల్లనే ప్రైవేటు కాలేజీల దోపిడీకి అడ్డుకట్ట పడుతోంది. ఇప్పుడు దాన్ని ఎత్తివేస్తే గతంలో మాదిరిగా ప్రైవేటు కాలేజీలు దోచుకుంటాయి. పేద వర్గాల ప్రయోజనాలను తాకట్టు పెట్టే ఇలాంటి చర్యలను ఆమోదించం. అవసరమైతే విద్యార్థి ఉద్యమాలకూ వెనుకాడం. – నాగరాజు(ఎస్‌ఎఫ్‌ఐ రాష్ట్ర కార్యదర్శి)ఆమోదయోగ్యం కాదు దోస్త్‌లో లోపాలుంటే సరిచేయాలి. ఎందుకు మార్పులు చేస్తున్నామో చెప్పాలి. అంతేతప్ప ప్రైవేటు కాలేజీల ఒత్తిడి మేరకు దోస్త్‌ను రద్దు చేస్తే విద్యార్థులకు నష్టం జరుగుతుంది. ఇది ఆమోదయోగ్యం కాదు. – చింతకాయల ఝాన్సీ రాణి(ఏబీవీపీ రాష్ట్ర కార్యదర్శి)

సాక్షి, హైదరాబాద్‌: డిగ్రీ కోర్సుల్లో ప్రవేశానికి నిర్వహించే దోస్త్‌ మూడో దశ కౌన్సెలింగ్‌ రిజిస్ట్రేషన్‌ గడువును ఈ నెల 23 వరకూ పొడిగించినట్లు ఉన్నత విద్య కమిషనర్‌ నవీన్‌ మిట్టల్‌ తెలిపారు. కొత్తగా బీఏ (ఆనర్స్‌) కోర్సును రెండు కాలేజీల్లో ప్రవేశపెట్టిన నేపథ్యంలో ఈ నిర్ణయం తీసుకున్నట్టు వెల్లడిం చారు. పొడిగించిన తేదీ వరకు అభ్యర్థులు వెబ్‌ ఆప్షన్స్‌ నమోదు చేసుకోవచ్చని, కొత్త కోర్సులను కూడా ఎంపిక చేసుకోవచ్చని ఆయన వివరించారు.   

సాక్షి, అమరావతి: రాష్ట్రంలోని అన్ని యాజమాన్యాల పరిధిలోని డిగ్రీ కాలేజీల్లో వివిధ కోర్సులలో ప్రవేశానికి ఆన్‌లైన్‌ అడ్మిషన్ల ప్రక్రియ గురువారం నుంచి ప్రారంభం కానుంది. ఈ మేరకు ఉన్నత విద్యా మండలి కార్యదర్శి ప్రొఫెసర్‌ సుధీర్‌ ప్రేమ్‌ కుమార్‌ బుధవారం ఒక ప్రకటన విడుదల చేశారు. (చదవండి: సీఎం జగన్‌ లేఖపై తక్షణం స్పందించిన విదేశాంగ శాఖ)  షెడ్యూల్‌ ఇలా.. నోటిఫికేషన్‌ – సెప్టెంబర్‌ 16న విద్యార్థుల రిజిస్ట్రేషన్‌ – 17–22 వరకు వెబ్‌ ఆప్షన్ల నమోదు –  23–26 వరకు వెరిఫికేషన్‌–  23, 24 (స్పెషల్‌ కేటగిరి) సీట్ల కేటాయింపు–  29న  కాలేజీల్లో రిపోర్టింగ్‌– సెప్టెంబర్‌ 30, అక్టోబర్‌ 1 తరగతుల ప్రారంభం– అక్టోబర్‌ 1 నుంచి (స్పెషల్‌ కేటగిరీ వెరిఫికేషన్‌ ఎస్‌ఆర్‌ఆర్‌ కాలేజీ విజయవాడ, డా.వీఎస్‌ కృష్ణా కాలేజీ విశాఖపట్నం, ఎస్వీ వర్సిటీ తిరుపతిలో జరుగుతుంది.)  17, 18 తేదీల్లో ఏపీ ఐసెట్‌ ఏయూ క్యాంపస్‌ (విశాఖ తూర్పు):  రాష్ట్ర స్థాయిలో ఎంబీఏ, ఎంసీఏ కోర్సుల్లో ప్రవేశాలకు నిర్వహించే ఏపీ ఐసెట్‌–2021 ఈ నెల 17,18 తేదీల్లో నిర్వహించనున్నట్లు కన్వీనర్‌ ఆచార్య జి.శశిభూషణరావు ఓ ప్రకటనలో తెలిపారు. రాష్ట్రవ్యాప్తంగా, హైదరాబాద్‌లో పరీక్ష కేంద్రాలను ఏర్పా టు చేశామన్నారు. నిమిషం ఆలస్యమైనా  విద్యార్థులను పరీక్షకు అనుమతించబోమని తెలిపారు. చదవండి: జేసీ బ్రదర్స్‌కు టీడీపీ ఝలక్‌

సాక్షి, హైదరాబాద్‌: రాష్ట్రంలోని డిగ్రీ కళాశాలల్లో సీట్ల కేటాయింపునకు డిగ్రీ ఆన్‌లైన్‌ సర్వీసెస్‌ తెలంగాణ(దోస్త్‌) రెండో దశ ప్రవేశాల ప్రక్రియ ప్రారంభించింది. ఇప్పటికే మొదటి దశ సీట్ల కేటాయింపు పూర్తవడంతో తాజాగా తదుపరి దశల షెడ్యూల్‌ విడుదల చేసింది. దీని ప్రకారం రెండో దశలో ఆన్‌లైన్‌ ప్రవేశాల కోసం సోమవారం నుంచే రిజిస్ట్రేషన్ల ప్రక్రియ ప్రారంభించినట్లు దోస్త్‌ కన్వీనర్‌ ఆర్‌.లింబాద్రి తెలిపారు. ఇది ఈ నెల 25వరకు కొనసాగుతుందన్నారు. అలాగే ఈనెల 26 వరకు వెబ్‌ ఆప్షన్లు ఇచ్చుకో వచ్చని పేర్కొన్నారు. ఇక మొదటి దశలో సీట్లు పొందిన విద్యార్థులు సోమవారం నుంచే ఆన్‌లైన్‌ ద్వారా నిర్దేశిత కాలేజీ/సీటు రిజర్వేషన్‌ ఫీజు చెల్లించి ఆన్‌లైన్‌లో ఈ నెల 26వరకు సెల్ఫ్‌ రిపోర్టింగ్‌ చేయాలన్నారు. ప్రస్తుతం కాలేజీకి వెళ్లాల్సిన అవసరం లేదని, వీరికి తరగతులు ఎప్పుడు ప్రారంభించేదీ తరువాత తెలియజేస్తామని వెల్లడించారు.  ఇదీ రెండు, మూడు దశల ప్రవేశాల షెడ్యూలు.. 25–9–2020 వరకు: రెండో దశ రిజిస్ట్రేషన్లు 26–9–2020 వరకు: రెండో దశ వెబ్‌ ఆప్షన్లు 25–9–2020: స్పెషల్‌ కేటగిరీ వారికి వర్సిటీ హెల్ప్‌లైన్‌ కేంద్రాల్లో సర్టిఫికెట్ల వెరిఫికేషన్‌  1–10–2020: రెండో దశ సీట్లు కేటాయింపు 1–10–2020 నుంచి 6–10–2020 వరకు: ఆన్‌లైన్లో సెల్ఫ్‌ రిపోర్టింగ్‌ 1–10–2020 నుంచి 5–10–2020 వరకు: మూడో దశ రిజిస్ట్రేషన్లు 1–10–2020 నుంచి 6–10–2020 వరకు: మూడో దశ వెబ్‌ ఆప్షన్లు 5–10–2020: స్పెషల్‌ కేటగిరీ వారికి వర్సిటీ హెల్ప్‌లైన్‌ కేంద్రాల్లో సర్టిఫికెట్ల వెరిఫికేషన్‌ 10–10–2020: మూడో దశ సీట్లు కేటాయింపు 10–10–2020 నుంచి 15–10–2020 వరకు: ఆన్‌లైన్‌లో సెల్ఫ్‌ రిపోర్టింగ్, మూడు దశల్లో సీట్లు పొంది, సెల్ఫ్‌ రిపోర్టింగ్‌ చేసిన వారు కాలేజీల్లో రిపోర్టింగ్‌ చేయాలి.

సాక్షి, హైదరాబాద్‌: రాష్ట్రంలోని డిగ్రీ కళాశాలల్లో ప్రవేశాలకు నిర్వహించిన మొదటి దశ ఆన్‌లైన్‌ ప్రక్రియలో 1,41,340 మంది విద్యార్థులకు సీట్లు లభించాయి. ఈ మేరకు డిగ్రీ ఆన్‌లైన్‌ సర్వీసెస్‌ తెలంగాణ (దోస్త్‌) సోమవారం సీట్ల కేటాయింపును ప్రకటించింది. ఉన్నత విద్యా మండలి చైర్మన్‌ ప్రొఫెసర్‌ తుమ్మల పాపిరెడ్డి, కళాశాల విద్యా కమిషనర్‌ నవీన్‌ మిట్టల్, దోస్త్‌ కన్వీనర్, మండలి వైస్‌ చైర్మన్‌ ప్రొఫెసర్‌ ఆర్‌.లింబాద్రి, సీజీజీ డీజీ రాజేంద్ర నిమ్జే, కళాశాల విద్య ఏజీవో బాలభాస్కర్‌ తదితరులు వివరాలు వెల్లడించారు. మొదటి దశలో 1,71,275 మంది విద్యార్థులు రిజిస్ట్రేషన్‌ చేసుకోగా, 1,53,323 మంది ఆప్షన్లు ఇచ్చుకున్నారు. వీరిలో 1,41,340 మందికి సీట్లు లభించాయి. ఈసారి సీట్లు పొందిన వారిలో బాలికలే అత్యధికం. మొదటి ఆప్షన్‌ కాలేజీల్లోనే అధిక శాతం మందికి.. ఈసారి తక్కువ వెబ్‌ ఆప్షన్లు ఇచ్చినందున 11,983 మందికి సీట్లు లభించలేదు. విద్యార్థులు ఎంచుకున్న జిల్లా, కోర్సు, ప్రభుత్వ కాలేజీలో సీట్లు పొందిన వారు 282 మంది ఉన్నారు. ఈసారి కొత్తగా ప్రవేశపెట్టిన బీఎస్సీ డేటా సైన్స్‌ కోర్సులో మొత్తం 6,780 సీట్లు అందుబాటులో ఉండగా, 2,598 మందికి సీట్లు లభించాయి. సీట్లు పొందిన మొత్తం విద్యార్థుల్లో 65,167 మంది (46.10శాతం) బాలురు, 76,173 మంది (53.90 శాతం) బాలికలు ఉన్నారు. రాష్ట్రంలో మొత్తం 982 కాలేజీల్లో 4,07,390 సీట్లు ఉండగా, మొదటి దశ సీట్ల కేటాయింపు 1,41,340 (34.69 శాతం) తరువాత ఇంకా 2,66,050 సీట్లు ఖాళీగా ఉన్నాయి. చాయిస్‌ బేస్డ్‌ క్రెడిట్‌ సిస్టం వల్ల ఈసారి విద్యార్థులు కొత్త కాంబినేషన్లు ఎంచుకున్నారు. గతేడాది 174 రకాల కాంబినేషన్లతో కోర్సులు ఉంటే ఈసారి 501 రకాల కాంబినేషన్లతో కోర్సులు అందుబాటులోకి తెచ్చారు. ఇక ఇంటర్‌లో అత్యధిక మార్కులు సాధించిన విద్యార్థుల్లో ఎక్కువగా బాలికలే ఉన్నారు. వారిలో అధికశాతం మందికి యూనివర్సిటీ కాలేజీలు, నిజాం కాలేజీల్లో సీట్లు లభించాయి.  ఈ జాగ్రత్తలు తప్పనిసరి.. మొదటి దశ కౌన్సెలింగ్‌లో సీట్లు పొందిన విద్యార్థులు కచ్చితంగా మొదట ఫీజు చెల్లించి సీటు కన్‌ఫర్మ్‌ చేసుకోవాలని, అలా చేయకపోతే ఈ సీటు ఉండదని దోస్త్‌ కన్వీనర్‌ ప్రొఫెసర్‌ ఆర్‌.లింబాద్రి పేర్కొన్నారు. ‘విద్యార్థులు సీటు కన్‌ఫర్మ్‌ చేసుకున్న తరువాత రెండో దశ, మూడో దశ కౌన్సెలింగ్‌లో పాల్గొనవచ్చు. ఇపుడు నచ్చిన కాలేజీలోనే సీటు వచ్చిందనుకుంటే రెండు, మూడు దశల కౌన్సెలింగ్‌లో పాల్గొనవద్దు. ప్రస్తుత కాలేజీ నచ్చకపోతేనే రెండో దశ కౌన్సెలింగ్‌లో ఇంతకంటే నచ్చిన కాలేజీల్లో మాత్రమే ఆప్షన్లు ఇచ్చుకోవాలి. అపుడు ఆ కాలేజీలో సీటు వస్తే సరే. లేదంటే ఇపుడున్న సీటు అలాగే ఉంటుంది. ఒకవేళ రెండు మూడు దశల్లో ఇపుడు సీటు వచ్చిన కాలేజీ కంటే సాధారణ కాలేజీలకు ఆప్షన్‌ ఇస్తే, వాటిల్లో ఏదేని కాలేజీల్లో సీటు లభిస్తే ఇపుడు వచ్చిన సీటు ఆటోమెటిక్‌గా రద్దు అవుతుంది. కాబట్టి తమకు బెటర్‌ అనుకున్న దానికే ఆప్షన్‌ ఇవ్వాలి. ఇపుడు చెల్లించిన ఫీజు విషయంలో ఎలాంటి ఆందోళన అక్కర్లేదు. రెండు, మూడు దశలో సీటు వచ్చినా ఆ కాలేజీ ఫీజు ప్రకారమే ఇపుడు చెల్లించిన మొత్తాన్ని సర్దుబాటు చేస్తారు. సీట్లు పొందిన విద్యార్థులకు ఎస్‌ఎంఎస్‌ ద్వారా మొబైల్‌కు వస్తాయి. దోస్త్‌ వెబ్‌సైట్‌లో విద్యార్థులు లాగిన్‌ అయి సీటు కేటా యింపు ఫీజు రూ. 500/రూ.1000 చెల్లించి ఈనెల 26లోగా సెల్ఫ్‌ రిపోర్టింగ్‌ ద్వారా సీటు కన్‌ఫర్మ్‌ చేసుకోవాలి’అని సూచించారు. 

సాక్షి, హైదరాబాద్‌: రాష్ట్రంలో డిగ్రీ ఆన్‌లైన్ అడ్మిషన్స్(దోస్త్) మొదటి విడత సీట్లను కేటాయించినట్లు ‘దోస్త్’ కన్వీనర్ ప్రొఫెసర్ లింబాద్రి సోమవారం వెల్లడించారు. కాగా మొత్తం1,71,275 మంది విద్యార్థులు దరఖాస్తు చేసుకోగా, 1,53,323 మంది విద్యార్థులు ఆప్షన్స్‌‌ను ఎంచుకున్నారు. వీరిలో 1,41,340 మందికి డిగ్రీ సీట్లు కేటాయించినట్లు లింబాద్రి పేర్కొన్నారు. కేటాయింపులు పూర్తయిన అనంతరం 2,66,050 సీట్లు మిగిలిపోయాయని చెప్పారు. తొలి విడతలో సీట్లు పొందిన విద్యార్థులు ఈ నెల 26 వ తేదీ వరకు దోస్త్ వెబ్‌సైట్ ద్వారా సెల్ఫ్ రిపోర్టింగ్ చేయాలని ఆయన సూచించారు.  ఆ తర్వాత రెండో విడతలో వెబ్ ఆప్షన్లు ఇవ్వొచ్చని తెలిపారు. మరోవైపు రెండో విడత రిజిస్ర్టేషన్లు, వెబ్ ఆప్షన్ల ప్రక్రియ సోమవారం(నేటి) నుంచి మొదలైందని లింబాద్రి పేర్కొన్నారు.

సాక్షి, హైదరాబాద్‌: డిగ్రీ ఆన్‌లైన్‌ ప్రవేశాల్లో భాగంగా మొదటి దశ సీట్ల కేటాయింపు డిగ్రీ ఆన్‌లైన్‌ సర్వీసెస్, తెలంగాణ (దోస్త్‌) ప్రకటించింది. డిగ్రీలో ప్రవేశాల కోసం రాష్ట్రవ్యాప్తంగా 1,21,363 మంది విద్యార్థులు రిజిస్టర్‌ చేసుకోగా 1,11,429 మంది వెబ్‌ ఆప్షన్లు ఇచ్చుకున్నారు. అందులో మొదటి దశలో 1,05,433 మంది దోస్త్‌ సీట్లను కేటాయించింది. 5,996 మంది విద్యార్థులు సరిపడా ఆప్షన్లు ఇచ్చుకోని కారణంగా ఏ కాలేజీలోనూ వారికి సీట్లు లభించలేదని పేర్కొంది. ఉన్నత విద్యా మండలి కార్యాలయంలో మండలి చైర్మన్‌ ప్రొఫెసర్‌ తుమ్మల పాపిరెడ్డి అధ్యక్షతన జరిగిన సమావేశంలో కళాశాల విద్యా శాఖ కమిషనర్‌ నవీన్‌ మిట్టల్‌తో కలిసి దోస్త్‌ కన్వీనర్‌ ప్రొఫెసర్‌ ఆర్‌.లింబాద్రి వివరాలు ప్రకటించారు.  మొదటి పది సీట్లు అమ్మాయిలకే..  ఇంటర్మీడియట్‌లో అత్యధిక మార్కులతో మొదటి 10 సీట్లు అమ్మాయిలు సాధించారు. మొత్తం 75,184 మంది విద్యార్థులు తాము ఇచ్చుకున్న మొదటి ఆప్షన్‌ ప్రకారమే సీట్లు లభించాయి. మరో 30,459 మంది విద్యార్థులకు రెండో ఆప్షన్‌ ప్రకారం సీట్లు కేటాయించారు. సొంత జిల్లాల్లోని కాలేజీల్లో ప్రవేశాల కోసం ఆప్షన్లు ఇచ్చుకున్న 424 మందికి సీట్లు లభించాయి. మొత్తంగా సీట్లు పొందిన విద్యార్థుల్లో 40,375 మంది (38.3 శాతం) బాలురు ఉండగా, 65,058 మంది బాలికలు ఉన్నారు.  15లోగా వెబ్‌ ఆప్షన్లు  డిగ్రీ ఆన్‌లైన్‌ ప్రవేశాల్లో భాగంగా రెండో దశ కౌన్సెలింగ్‌లో వెబ్‌ ఆప్షన్ల ప్రక్రియను కూడా సోమవారం నుంచే దోస్త్‌ ప్రారంభించింది. విద్యార్థులు ఈ నెల 15లోగా వెబ్‌ ఆప్షన్లు ఇచ్చుకునేలా ఏర్పాట్లు చేసింది. ఇంతకుముందు రిజిస్టర్‌ చేసుకోని విద్యార్థులు రూ.400 చెల్లించి రిజిస్ట్రేషన్‌ చేసుకొని 15లోగా వెబ్‌ ఆప్షన్లు ఇచ్చుకోవాలని సూచించింది. వారికి ఈనెల 20న రెండో దశ సీట్లు కేటాయిస్తామని వెల్లడించింది.  ఎంసెట్‌ తరహాలో సెల్ఫ్‌ రిపోర్టింగ్‌: మిట్టల్‌  ఎంసెట్, ఈసెట్‌ తరహాలోనే డిగ్రీలోనూ సెల్ఫ్‌ రిపోర్టింగ్‌ విధానాన్ని ఈ సారి అమల్లోకి తెచ్చినట్లు కళాశాల విద్యా కమిషనర్‌ నవీన్‌ మిట్టల్‌ వెల్లడించారు. విద్యార్థులు కాలేజీలకు వెళ్లాల్సిన అవసరం లేదని, ఆన్‌లైన్‌లోనే సెల్ఫ్‌ రిపోర్ట్‌ చేయాలని సూచించారు. కాలేజీల్లో ఇప్పుడు ఒరిజినల్‌ సర్టిఫికెట్లు కూడా ఇవ్వొద్దని స్పష్టం చేశారు. తర్వాత కూడా టీసీ మినహా ఏ ఒరిజినల్‌ సర్టిఫికెట్‌ కూడా కాలేజీల్లో ఇవ్వాల్సిన అవసరం లేదన్నారు. తమకు లభించిన కాలేజీలో చేరాలనుకుంటే జూలై 1 నాటికి కాలేజీలో చేరాలని సూచించారు. అదే రోజు నుంచి తరగతులు ప్రారంభం అవుతాయని వివరించారు.  దోస్త్‌ పరిధిలోని కాలేజీల్లో చేరితే నో ఫీజు: పాపిరెడ్డి  దోస్త్‌ పరిధిలో లేకుండా, కోర్టును ఆశ్రయించిన సొంతంగా ప్రవేశాలు చేపట్టే కాలేజీల్లో విద్యార్థులు చేరితే వారికి ఫీజు రీయింబర్స్‌మెంట్‌ వర్తించదని పాపిరెడ్డి స్పష్టం చేశారు. ఈ మేరకు ప్రభుత్వం ఉత్తర్వులు జారీ చేసిందన్నారు. దోస్త్‌ కన్వీనర్‌ ద్వారా చేపట్టే ప్రవేశాలకే ఫీజు రీయింబర్స్‌మెంట్‌ వస్తుందన్నారు. అయితే మైనారిటీ కాలేజీలను మాత్రం ప్రభుత్వమే దోస్త్‌ నుంచి మినహాయించిందన్నారు. కౌన్సెలింగ్‌ తర్వాత మిగిలే సీట్లను స్పాట్‌ అడ్మిషన్లుగా యాజమాన్యా లు భర్తీ చేసుకునే అంశం ప్రభు త్వం పరిశీలనలో ఉందన్నారు.  15 వరకు సెల్ఫ్‌ రిపోర్టింగ్‌ సీట్లు లభించిన విద్యార్థులు తమ దోస్త్‌ వెబ్‌సైట్‌ ద్వారా (ఆన్‌లైన్‌లో) ఈనెల 15లోగా సెల్ఫ్‌ రిపోర్టి ంగ్‌ చేయాలని దోస్త్‌ కన్వీనర్‌ ఆర్‌.లింబాద్రి పేర్కొన్నారు. లేకపోతే ఆ సీటు రద్దు అవుతుందన్నారు. సెల్ఫ్‌ రిపోర్టింగ్‌ చేసే సమయంలో ప్రభుత్వ కాలేజీల్లో సీటు వచ్చి ఫీజు రీయింబర్స్‌మెంట్‌కు అర్హత కలిగిన వారు ఎలాంటి ఫీజు చెల్లించాల్సిన అవసరం లేదన్నారు. ప్రభుత్వ కాలేజీల్లో సీటు వచ్చి ఫీజు రీయింబర్స్‌మెంట్‌ రాని వారు రూ.వెయ్యి చెల్లించాలని సూచించారు. ప్రైవేటు కాలేజీల్లో సీట్లు వచ్చి ఫీజు రీయింబర్స్‌మెంట్‌కు అర్హులైన వారు రూ.500, ఫీజు రీయింబర్స్‌మెంట్‌కు అర్హులు కాని వారు రూ.1,000 చెల్లించాల్సి ఉంటుందని వివరించారు. సెల్ఫ్‌ రిపోర్టింగ్‌ చేసిన విద్యార్థులు ఆ కాలేజీ వద్దనుకుంటే, వేరే కాలేజీకి వెళ్లాలనుకుంటే రెండో దశ కౌన్సెలింగ్‌లో అంతకంటే మెరుగైన కాలేజీలకు మాత్రమే ఆప్షన్లు ఇచ్చుకోవాలని సూచించారు. మొదటి దశలో వెబ్‌ ఆప్షన్లు ఇచ్చినా సీటు లభించని వారూ రెండో దశలో వెబ్‌ ఆప్షన్లు ఇచ్చుకోవచ్చని వివరించారు. 

సాక్షి, హైదరాబాద్‌: రాష్ట్రంలోని డిగ్రీ కాలేజీల్లో ఆన్‌లైన్‌ ప్రవేశాలకు ఈ నెల 9న నోటిఫికేషన్‌ విడుదల చేయనున్నట్లు ఉన్నత విద్యామండలి వైస్‌ చైర్మన్‌ ప్రొఫెసర్‌ ఆర్‌.లింబాద్రి వెల్లడించారు. ఈ నెల 10 నుంచి 27 వరకు ఆన్‌లైన్‌లో దరఖాస్తులను స్వీకరించనున్నట్లు పేర్కొన్నారు. ప్రస్తుతం ఇంటర్‌ ఉత్తీర్ణులై డిగ్రీలో చేరాలనుకునే విద్యార్థులు దరఖాస్తు చేసుకునేలా చర్యలు చేపట్టినట్లు తెలిపా రు. ఇంటర్‌ అడ్వాన్స్‌డ్‌ సప్లిమెంటరీ పరీక్షలు పూర్తయి ఫలితాలు వెల్లడించాక వారి ప్రవేశాలకు అవకాశం కల్పిస్తామని వివరించారు. గత మూడేళ్లుగా ఆన్‌లైన్‌లో ప్రవేశాలను విజయవంతంగా నిర్వహిస్తున్నట్లు వెల్లడించారు. ఆన్‌లైన్‌ ప్రవేశాల వల్ల హైదరాబాద్‌లోని టాప్‌ కాలేజీల్లో కూడా అన్ని జిల్లాలకు చెందిన గ్రామీణ విద్యార్థులకు సీట్లు లభించినట్లు తెలిపారు. డిగ్రీలో ప్రవేశాల కోసం మొదట ఈ–సేవా కేంద్రాల ద్వారానే రిజిస్ట్రేషన్‌ చేసుకునే అవకాశం కల్పించామన్నారు. అయితే గతేడాది నుంచి ఈ–సేవతోపాటు ఆధార్‌ ఆధారిత మొబైల్‌ ద్వారా కూడా రిజిస్ట్రేషన్‌ చేసుకునే అవకాశం కల్పించామని తెలిపారు. ఈసారి ఆ రెండు సదుపాయాలతోపాటు అన్ని జిల్లాల్లోని 76 హెల్ప్‌లైన్‌ కేంద్రాల్లోనూ రిజిస్ట్రేషన్‌ చేయించుకునే సదుపాయం ఉన్నట్లు పేర్కొన్నారు.   స్పెషల్‌ హెల్ప్‌లైన్‌ కేంద్రాలు: విద్యార్థులు తమ మొబైల్‌ నంబరు మార్చుకోవడంతోపాటు ఇతర మార్పు లు చేసుకునేందుకు పది పాత జిల్లా కేంద్రాల్లో స్పెషల్‌ హెల్ప్‌లైన్‌ కేంద్రాలను ఏర్పాటు చేయనున్నట్లు తెలిపారు. డిగ్రీలో ప్రస్తుతం కొన్ని వర్సిటీల్లో వేర్వేరు గ్రేడ్‌ పాయింట్లు ఉన్నందున వాటిని మార్పు చేసి, అన్ని వర్సిటీల్లో ఒకే గ్రేడింగ్‌ విధానాన్ని వచ్చే విద్యా సంవత్సరంలో అమల్లోకి తేనున్నట్లు తెలిపారు. అలాగే ఒకే రకమైన మూల్యాంకన విధానాలు, స్కిల్‌ డెవలప్‌మెంట్, కమ్యూనికేషన్‌ స్కిల్స్‌ పెంపొందించేలా ఒకే రకమైన కోర్, ఎల క్టివ్‌ పేపర్ల అమలు వంటి చర్యలు చేపడతామన్నారు.  

సాక్షి, హైదరాబాద్‌: డిగ్రీ ఆన్‌లైన్‌ ప్రవేశాల్లో భాగంగా జూలై 5 నుంచి 7 వరకు స్పెషల్‌ రౌండ్‌ కౌన్సెలింగ్‌ నిర్వహించనున్నట్లు డిగ్రీ ఆన్‌లైన్‌ సర్వీసెస్‌ తెలంగాణ (దోస్త్‌) కన్వీనర్‌ ప్రొఫెసర్‌ లింబాద్రి వెల్లడించారు. మూడో దశ కౌన్సెలింగ్‌లో వెబ్‌ ఆప్షన్లు ఇచ్చుకున్న వారికి శనివారం సీట్లను కేటాయించారు. అనంతరం ఆయన మాట్లాడుతూ, ఈసారి ప్రత్యేకంగా స్లైడింగ్‌ ఉండదని, స్పెషల్‌ రౌండ్‌ కౌన్సెలింగ్‌ నిర్వహిస్తామన్నారు. ఇప్పటివరకు రిజిస్టర్‌ చేసుకోని విద్యార్థులు రిజిస్టర్‌ చేసుకొని వెబ్‌ ఆప్షన్లు ఇచ్చుకోవాలని సూచించారు. ఇదివరకు తక్కువ ఆప్షన్లు ఇచ్చుకోవడం వల్ల సీట్లు రాని వారు, సీట్లు వచ్చినా కాలేజీల్లో రిపోర్టు చేయని వారు కూడా ఈ స్పెషల్‌ రౌండ్‌ కౌన్సెలింగ్‌లో ఆప్షన్లు ఇచ్చుకోవచ్చని వివరించారు. ఇదివరకే సీటు వచ్చి, మళ్లీ వెబ్‌ ఆప్షన్లు ఇచ్చుకుంటే ముందుగా వారికే సీట్లు కేటాయిస్తామన్నారు. ఆ తర్వాత కొత్తగా ఆప్షన్లు ఇచ్చుకున్న వారికి, కాలేజీల్లో సీట్లు వచ్చినా చేరని వారికి, గతంలో సీట్లు రాని వారికి సీట్లను కేటాయిస్తామని తెలిపారు. ఈ సీట్ల కేటాయింపును వచ్చేనెల 10న ప్రకటిస్తామని, విద్యార్థులు జూలై 11 నుంచి 13లోగా సంబంధిత కాలేజీల్లో చేరాలని సూచించారు. మరోవైపు మూడో దశలో 59,234 మంది వెబ్‌ ఆప్షన్లు ఇచ్చుకోగా 57,294 మందికి సీట్లను కేటాయించినట్లు ఆయన వెల్లడించారు. మరో 2 వేల మంది తక్కువ కాలేజీలకు ఆప్షన్లు ఇచ్చినందునా వారికి సీట్లు లభించలేదన్నారు. సీట్లు లభించిన విద్యార్థులంతా జూలై 4లోగా కాలేజీల్లో ఓటీపీ అందజేసి, సీట్‌ కన్‌ఫర్మ్‌ చేసుకోవాలన్నారు. జూలై 2న తరగతులు ప్రారంభం అవుతాయని చెప్పారు. మొబైల్‌ నంబర్‌ మార్పు చేసుకోవాలనుకునే వారు హెల్ప్‌లైన్‌ కేంద్రాలకు వెళ్లి బయోమెట్రిక్‌ అథెంటికేషన్‌తో మార్పు చేసుకోవాలని చెప్పారు. సమావేశంలో ఉన్నత విద్యా మండలి కార్యదర్శి శ్రీనివాసరావు, ఉన్నత విద్యాశాఖ, సీజీజీ అధికారులు పాల్గొన్నారు.  మొత్తంగా 1.84 లక్షల మందికి సీట్లు..  మూడు దశల కౌన్సెలింగ్‌లలో మొత్తంగా 1,84,157 మందికి సీట్లను కేటాయించినట్లు దోస్త్‌ కన్వీనర్‌ ప్రొఫెసర్‌ లింబాద్రి వెల్లడించారు. అందులో బాలురు 1,00,743 మంది ఉండగా, బాలికలు 83,414 మంది ఉన్నట్లు తెలిపారు. దోస్త్‌ పరిధిలోని 1,045 కాలేజీల్లో 4,03,069 సీట్లు అందుబాటులో ఉన్నాయన్నారు. 21 మైనారిటీ కాలేజీలు, 29 కాలేజీలు కోర్టును ఆశ్రయించి సొంతంగా ప్రవేశాలు చేపడుతున్నాయని పేర్కొన్నారు. మొదటి రెండు దశల్లో 1.51 లక్షల మందికి సీట్లను కేటాయిస్తే 1,26,863 మంది కాలేజీల్లో చేరారన్నారు.   ఒక్క విద్యార్థి చేరని కాలేజీలు 43..  డిగ్రీ ప్రవేశాల్లో భాగంగా 43 కాలేజీల్లో ఒక్క విద్యార్థి కూడా చేరలేదు. ఇక 25 మందిలోపు చేరినవి 88, 50 మందిలోపు చేరినవి 101, వందలోపు విద్యార్థులు చేరినవి 234 కాలేజీలున్నాయి. ప్రభుత్వ కాలేజీల్లో 54,375 సీట్లు భర్తీ అయ్యాయి.  సగానికిపైగా బీసీలే..  డిగ్రీ కాలేజీల్లో చేరేందుకు దరఖాస్తు చేసిన వారు, సీట్లు పొందిన వారు సగానికి పైగా బీసీలే ఉన్నారు. సీట్లు పొందిన వారిలో 1,07,676 మంది బీసీలు. ఓసీలు 31,515 మంది ఉండగా, ఎస్సీలు 29,285, ఎస్టీలు 15,681 మంది ఉన్నారు.

సాక్షి, హైదరాబాద్‌: డిగ్రీ ఆన్‌లైన్‌ ప్రవేశాల్లో భాగంగా రెండో దశ కౌన్సెలింగ్‌లో 70,925 మంది విద్యార్థులకు సీట్లను కేటాయించినట్లు ఉన్నత విద్యా మండలి చైర్మన్‌ ప్రొఫెసర్‌ తుమ్మల పాపిరెడ్డి తెలిపారు. మొదటి విడత కౌన్సెలింగ్‌లో 1.21 లక్షల మంది విద్యార్థులకు సీట్లను కేటాయించగా, 80,678 మంది కాలేజీల్లో రిపోర్టు చేశారని పేర్కొన్నారు. మంగళవారం ఉన్నత విద్యా మండలి కార్యాలయంలో డిగ్రీ రెండో విడత సీట్ల కేటాయింపును ప్రకటించారు. ఈ సందర్భంగా ఆయన మాట్లాడుతూ సీట్లు పొందిన విద్యార్థులు ఈ నెల 26 లోగా కాలేజీల్లో రిపోర్టు చేయాలన్నారు. డిగ్రీ ప్రవేశాల కోసం ఇప్పటివరకు రిజిస్ట్రేషన్‌ చేసుకోని విద్యార్థులు ఈ నెల 20 నుంచి 25 వరకు కొత్తగా రిజిస్టర్‌ చేసుకుని వెబ్‌ ఆప్షన్లు ఇచ్చుకోవాలన్నారు. మొదటి, రెండో విడతలో మొత్తం 1,51,603 మందికి సీట్లను కేటాయించగా, ఇంగ్లిష్‌ మీడియంలో 1,25,885 మందికి, తెలుగు మీడియంలో 24,766 మందికి, అరబిక్‌లో ఒకరికి, ఉర్దూలో 937 మందికి, హిందీలో 14 మందికి సీట్లను కేటాయించినట్లు తెలిపారు. కళాశాల విద్యా కమిషనర్‌ నవీన్‌ మిట్టల్‌ మాట్లాడుతూ ఎంసెట్‌ తరహాలో వచ్చే ఏడాది ఆన్‌లైన్‌ రిపోర్టింగ్‌ విధానం అమల్లోకి తెస్తామన్నారు. ఈసారి మొదటి దశలో మొదటి ఆప్షన్‌తో సీట్లు పొందిన వారికి మళ్లీ అవకాశం ఇచ్చేది లేదన్నారు. 44 డిగ్రీ కాలేజీల్లో ఒక్క విద్యార్థి కూడా చేరలేదని, 188 కాలేజీల్లో 25 మందిలోపే విద్యార్థులు చేరారని పేర్కొన్నారు. 386 కాలేజీల్లో 50 మందిలోపు, 584 కాలేజీల్లో 100 మందిలోపు విద్యార్థులు చేరారన్నారు. కాలేజీల్లో చేరిన వారికి వచ్చే నెల 2 నుంచి తరగతులు నిర్వహిస్తామన్నారు. ప్రభుత్వ డిగ్రీ కాలేజీల్లో మొదటి విడతలో 17,445 సీట్లు, రెండో విడతలో 19,046 సీట్లు కేటాయించామన్నారు. కరీంనగర్, సిద్దిపేట, ఖమ్మం, నల్గొండ, హైదరాబాద్‌లలో ప్రభుత్వ కాలేజీలకు విపరీతమైన డిమాండ్‌ ఉందన్నారు. డిగ్రీ ఆన్‌లైన్‌ ప్రవేశాల కన్వీనర్‌ ప్రొఫెసర్‌ లింబాద్రి మాట్లాడుతూ ఆన్‌లైన్‌ ప్రవేశాల నుంచి ఎవరైనా ఎగ్జిట్‌ అయితే స్లైడింగ్‌కోసం చెల్లించిన ఫీజును తిరిగి వారికి ఇస్తామన్నారు.   

ఈ ఫొటోలో కనిపిస్తున్న విద్యార్థులు జిల్లాకేంద్రంలోని ఎన్‌టీఆర్, ఎంవీఎస్‌ కళాశాలల్లో డిగ్రీ కోర్సుల్లో సీట్లు పొందారు. ‘దోస్ట్‌’ ద్వారా ప్రభుత్వ కళాశాలల్లో సీటు వచ్చిన తర్వాత చేరాలంటే ఖచ్చితంగా ఫీజు చెల్లించాలని కళాశాలల అధికారులు చెప్పడంతో ఇలా బ్యాంకు ముందు బారులు తీరారు. ప్రవేశం పొందేందుకు బుధవారం ఆఖరి తేదీ కావడంతో పెద్దసంఖ్యలో విద్యార్థులు రావడంతో బ్యాంకు అధికారులు బయట నిలబెట్టి ఒక్కొక్కరిని లోపలకు పంపించారు. సాక్షి, మహబూబ్‌నగర్‌ ఎడ్యుకేషన్‌ : ఇంటర్‌ పూర్తి చేసిన విద్యార్థులకు డిగ్రీ కళాశాలల్లో ప్రవేశాలు కల్పించేందుకు ప్రభుత్వం ఏర్పాటు చేసిన దోస్త్‌(డిగ్రీ ఆన్‌లైన్‌ సర్వీస్‌ తెలంగాణ) కారణంగా ఇబ్బందులు ఎదురవుతున్నాయనే విమర్శలు వస్తున్నాయి. ప్రవేశాల సమయంలో ఇచ్చిన సమాచారం.. ఇప్పుడు చెబుతున్న మాటలకుపొంతన లేకుండా పోవడంతో విద్యార్థులు అవస్థలు ఎదుర్కొంటున్నారు. ఇదేకాకుండా ప్రభుత్వ కళాశాలల్లో ప్రవేశాలు తీసుకునే విద్యార్థులు ఫీజులు చెల్లించాలన్న అపోహపై ఎవరూ స్పష్టత ఇవ్వకపోవడంతో విద్యార్థులను కలవరానికి గురి చేస్తోంది. ఫలితంగా తొలి దశ సీట్ల కేటాయింపు పూర్తయినా ఇంకా పలువురు విద్యా ర్థులు రిపోర్ట్‌ చేయకపోగా.. ప్రభుత్వ కళాశాలలో చేరేం దుకు ఫీజు చెల్లించాలన్న ప్రచారంతో బ్యాంకుల వద్ద బారులు తీరి కనిపిస్తుండడం గమనార్హం. మొత్తం 90 కళాశాలలు పాలమూరు యూనివర్సిటీ పరిధిలో ఉమ్మడి మహబూబ్‌నగర్‌ జిల్లా వ్యాప్తంగా 90 డిగ్రీ కళాశాలలు ఉన్నాయి. వీటన్నింటల్లో కలిపి 34,555 సీట్లు ఉండగా, మొదటి దశ కింద ‘దోస్త్‌’ ద్వారా దరఖాస్తు చేసుకున్న విద్యార్థుల్లో 8,128 మందికి సీట్లు కేటాయించారు. అయితే, ఇందులో ఇప్పటివరకు కేవలం 5,636 మందే సీటు వచ్చిన కళాశాలల్లో రిపోర్టు చేశారు. రిపోర్టు చేసే గడువు ముగిసినా ఇంకా 2,492 మంది విద్యార్థులు చేరలేదు. వీరికి కళాశాల మార్చుకునేందుకు కానీ రెండో కౌన్సిలింగ్‌ సీటు కేటాయించే పరిస్థితి కానీ లేదు. ఖచ్చితంగా సీటు కేటాయించిన కళాశాలలోనే ప్రవేశం పొందాల్సి ఉన్నా గడువు ముగిసినా స్పందన రాలేదు. అయితే, చాలా మంది విద్యార్థులు ఉమ్మడి జిల్లా వ్యాప్తంగా ఉన్న 21 ప్రభుత్వ డిగ్రీ కళాశాలల్లో ప్రవేశాల కోసం దరఖాస్తు చేసుకోగా సీటు వచ్చిన వారు కళాశాలలో చేరే రోజే ఫీజు చెల్లించాలన్న నిబంధన ఉన్నట్లు చెబుతున్నారు. దీంతో పలువురు అప్పు చేసి మరీ ప్రవేశాలు పొందగా.. మరికొందరు దూరంగా ఉండిపోయారు. ప్రభుత్వ కళాశాలల్లో ఫీజులా ? జిల్లా వ్యాప్తంగా ప్రభుత్వ డిగ్రీ కళాశాలలు 21 ఉండగా సాదారణంగా చాలా మంది ప్రభుత్వ కళాశాలల్లో సీటు కోరుకుంటారు. ఇదేవిధంగా ఆప్షన్లు ఇచ్చే సమయంలో ప్రభుత్వ కళాశాల అంటే ఫీజు చెల్లించాల్సిన అవసరముండదని భావించారు. కానీ సీట్లు వచ్చిన విద్యార్థులు సాధారణ కోర్సులైతే రూ.2,500, సెల్ప్‌ పైనాన్స్‌ కోర్సులైతే రూ.4,875 ఖచ్చితంగా చెల్లించాలని ప్రభుత్వ కళాశాలల అధికారులు హుకూం జారీ చేస్తున్నారు. అయితే, దోస్త్‌ ద్వారా దరఖాస్తు చేసుకునే సమయంలో వెబ్‌సైట్‌లో ఈ నిబంధన లేకపోగా ఇప్పుడూ లేదని కొందరు చెబుతున్నారు. కానీ కొన్ని కళాశాలల ఉద్యోగులు ఫీజు తప్పనిసరి అని చెబుతుండడంతో విద్యార్థుల్లో ఆందోళన మొదలైంది. చాలామంది విద్యార్థులు అప్పు చేసి ఫీజు కట్టగా.. మరికొందరు ప్రవేశాలకు దూరంగా ఉండిపోయారు. మొదటి దశలో ప్రభుత్వ కళాశాల్లోనే అధికంగా సీట్లు కేటాయించినా 2,492 మంది కళాశాలల్లో చేరకపోవడానికి ఇదే కారణమని తెలుస్తోంది. కాగా, యూనివర్సిటీల పరిధిలో ఉన్న కళాశాలల్లో ఎన్ని కోర్సులు ఉన్నాయి.. అందులో ఎందరు విద్యార్థులకు సీట్లు కేటాయించాలి.. ఎంత ఫీజు నిర్ధారించాలనే అంశాలను ప్రభుత్వం యూనివర్సిటీల పరిధి నుండి తొలగించింది. ఈక్రమంలో చాలా వరకు కోర్సులు, ఫీజుల వివరాలు తప్పుగా కనిపిస్తున్నాయి. దరఖాస్తుకు రూ.600 దోస్ట్‌ ద్వారా దరఖాస్తులో భాగంగా రిజిస్ట్రేషన్‌కు రూ.200 గా నిర్ణయించిన ప్రభుత్వం, రెండో దశలో దాన్ని రూ.400 కు పెంచింది. రిజిస్ట్రేషన్‌ ఫీజుతో పాటు మీ సేవ సెంటర్లకు రూ.20 చెల్లించాల్సి ఉంటుంది. ఇక జిరాక్స్‌లు, ఇతరత్రా ఖర్చులకు కలిపి ఇది రూ.600 కు చేరుతోంది. తద్వారా విద్యార్థులకు దరఖాస్తు దశ నుంచే ఆర్థిక భారం వెంటాడుతుండగా.. ఇప్పుడు ప్రవేశాల సమయంలో ఫీజు కట్టాలన్న ప్రచారం వారిని ఆవేదనకు గురి చేస్తోంది. కళాశాల్లో చేరాల్సిందే... మొదటి దశలో దరఖాస్తు చేసుకున్న వారికి కేటాయించిన కళాశాలల్లో ఖచ్చితంగా చేరాలన్న నిబంధన ఉంది. అయితే ఏవైనా ఇబ్బందులు కారణంగా మొదటి దశలో ప్రవేశం పొందకపోతే ఇతర కళాశాలల్లో ప్రవేశాలు పొందే అవకాశం లేకుండా పోయింది. దరఖాస్తు సమయంలో ఐదు నుండి పది కళాశాలను ఎంపిక చేసుకోగా దూరంగా ఉన్న కళాశాలలో సీటు వస్తే.. ఇతర కళాశాలకు మార్చుకునే అవకాశం కూడా లేకపోవడం గమనార్హం. తద్వారా విద్యార్థులు కేటాయించిన కళాశాలల్లోనే ప్రవేశం పొందాల్సిన పరిస్థితి నెలకొంది. మొదటి ప్రాధాన్యత కింద ఏదైనా ప్రైవేట్‌ కళాశాలలో సీటు కోరుకున్నా... దూరంగా ఉన్న ప్రైవేట్‌ కళాశాలల్లోనే సీటు వచ్చిందని పలువురు వాపోతున్నారు.  

సాక్షి, సిటీబ్యూరో : డిగ్రీ ఆన్‌లైన్‌ ప్రవేశాలకు సంబంధించిన డిగ్రీ ఆన్‌లైన్‌ సర్వీసెస్‌ తెలంగాణ (దోస్త్‌)–2018 రిజిస్ట్రేషన్ల ప్రక్రియ ఓ ప్రహసనంగా మారింది. కాలేజీ, కోర్సుల ఎంపిక కోసం ఆన్‌లైన్‌లో ఫోన్‌ నంబర్‌ సహా ఆధార్‌ నంబర్‌ ఎంట్రీ చేయాల్సి ఉంది. చాలా మంది అభ్యర్థులు తమ ఫోన్‌ నంబర్‌తో ఆధార్‌ లింక్‌ చేయలేదు. దీంతో ఆ రిజిస్ట్రేన్లను సిస్టం యాక్సెప్ట్‌ చేయడం లేదు. ఏం చేయాలో తెలియక ప్రొవైడర్లు చేతులెత్తేస్తున్నారు. తమ భవితవ్యం ఏమిటో అర్థం కాక అభ్యర్థులు ఆందోళన చెందుతున్నారు.   తరచూ సర్వర్‌ డౌన్‌..  చేతులెత్తేస్తున్న ప్రొవైడర్లు  ఉస్మానియా, పాలమూరు, మహాత్మాగాంధీ, కాకతీయ, శాతవాహన, తెలంగాణ వర్సిటీల పరిధిలో 1,173 డిగ్రీ కాలేజీలు ఉన్నాయి. వీటి పరిధిలో మూడేళ్ల కోర్సుల్లో నాలుగు లక్షలకుపైగా సీట్లు ఉన్నాయి. వీటి భర్తీ కోసం మొత్తం 74 హెల్ప్‌లైన్‌ కేంద్రాలు ఏర్పాటు చేయగా, ఆధార్‌ నంబర్‌లేని అభ్యర్థుల కోసం ఖైరతాబాద్‌ డిగ్రీ కాలేజీలో ప్రత్యేక కేంద్రాన్ని ఏర్పాటు చేసిన విషయం తెలిసిందే. తెలంగాణ వ్యాప్తంగా హెల్ప్‌లైన్‌ కేంద్రాల్లోని ప్రొవైడర్లు సహా ఇతర ఆన్‌లైన్‌ సెంటర్లన్నీ ఒకే సమయంలో వెబ్‌సైట్‌ లాగిన్‌ చేస్తుండటంతో తరచూ సర్వర్‌డౌన్‌ అవుతోంది. లాగిన్‌ చేసిన వెంటనే సైట్‌ ఓపెన్‌ కాకపోవడం వల్ల రిజిస్ట్రేషన్ల ప్రక్రియలో తీవ్ర జాప్యం చోటు చేసుకుంటోంది. కంప్యూటర్లు తరచూ మొరాయిస్తుండటం, సర్వర్‌ డౌన్‌ అవుతుండటంతో ఒక్కో అభ్యర్థికి 20 నుంచి 30 నిమిషాల సమయం పడుతోంది. ఆధార్‌తో ఫోన్‌ నంబర్‌ లింకు కాని అభ్యర్థుల బయోమెట్రిక్‌ తీసుకుని రిజిస్ట్రేషన్‌ చేయన్నుట్లు అధికారులు ప్రకటించారు. అయితే తరచూ సర్వర్లు డౌన్‌ అవుతుండటం, కంప్యూటర్లు మెరాయిస్తుండటంతో రిజిస్ట్రేషన్ల ప్రక్రియలో జాప్యం ఏర్పడుతోంది. ఇకపై ఈ సేవలు అందించలేమంటూ ప్రొవైడర్లు చేతులెత్తేస్తున్నారు.   సమీపిస్తున్న తుది గడువు.. ఆందోళనలో అభ్యర్థులు  ఈ నెల పది నుంచి ఆన్‌లైన్‌ రిజిస్ట్రేషన్లు, వెబ్‌ ఆప్షన్ల ప్రక్రియ మొదలైంది. 26తో ఇందుకు సంబంధించిన గడువు ముగియనుంది. ఇప్పటి వరకు 60 వేల మందే తమ పేర్లు నమోదు చేసుకున్నట్లు సమాచారం. రూ.400 అపరాధ రుసుంతో 29 వరకు ఈ ప్రక్రియకు అవకాశం ఇచ్చింది. హెల్ప్‌లైన్‌ కేంద్రాల్లో రిజిస్ట్రేషన్లలో తీవ్ర జాప్యం జరుగుతోంది. దీంతో అభ్యర్థులు గంటల తరబడి క్యూలైన్‌లో నిలబడాల్సివస్తోంది. రోజంతా క్యూలైన్‌లో నిలబడినప్పటికీ.. తీరా సర్వర్‌డౌన్‌ అవడంతో ఆయా అభ్యర్థులంతా నిరాశతో వెనుతిరగాల్సివస్తోంది. ఇక ఆధార్‌ నంబర్‌ లేని అభ్యర్థుల పరిస్థితి మరింత అధ్వానంగా ఉంది. ఆన్‌లైన్‌లో అడిగిన వివరాలన్నీ నమోదు చేసినా అప్‌లోడ్‌ కావడం లేదు. ఇలా ఒకే అభ్యర్థి వివరాలను రెండు మూడుసార్లు నమోదు చేయాల్సి వస్తుండటంతో ఇబ్బందులు తలెత్తుతున్నట్లు ప్రొవైడర్లు ఆవేదన వ్యక్తంచేస్తున్నారు.  


 విద్యార్థులకు అన్యాయం జరగకుండా చర్యలు: కడియం 
  
 సాక్షి, హైదరాబాద్‌: డిగ్రీ ఆన్‌లైన్‌ ప్రవేశాల మూడో దశ సీట్ల కేటా యింపులో నెలకొన్న గందరగోళంపై భారీగా ఫిర్యాదులు వచ్చాయి. విద్యార్థులు ఫిర్యాదులు చేస్తున్న నేపథ్యంలో హెల్ప్‌డెస్క్‌ను ఉన్నత విద్యామండలి ఏర్పాటు చేసింది. సోమవారం వరకు వచ్చిన ఫిర్యాదులపై డిప్యూటీ సీఎం కడియం శ్రీహరి సమీక్షించారు. విద్యార్థులకు అన్యాయం జరగకుండా చర్యలు తీసుకోవాలన్నారు. మూడో దశ కౌన్సెలింగ్‌లో ఈ నెల 17న రివైజ్డ్‌ సీట్ల కేటాయింపులో సీట్లు పొందిన వారు ఈనెల 23లోగా కాలేజీల్లో చేరే అవకాశముంది. 
  
 రేపు తుది నిర్ణయం..: సీట్లు పొందిన విద్యార్థులు కాలేజీల్లో చేరిన వారు పోగా, మిగతా వారి కోసం మరో విడత కౌన్సెలింగ్‌ నిర్వహించాలని భావిస్తోంది. లేదా ఆయా కాలేజీల్లో సీట్లు ఖాళీగా ఉంటే విద్యార్థుల ఆప్షన్ల ప్రకారం సీట్లు కేటాయించాలని యోచనలో ఉంది. దీనిపై 24న తుది నిర్ణయం తీసుకోవాలని నిర్ణయించింది.  


 ► ఈ నెల 24 వరకు కాలేజీల్లో చేరే అవకాశం
 ► నేటి నుంచి జరగాల్సిన వెబ్‌ ఆప్షన్లు వాయిదా
 సాక్షి, హైదరాబాద్‌: డిగ్రీ ఆన్‌లైన్‌ ప్రవేశాల్లో తలెత్తిన సాంకేతిక సమస్యల కారణంగా విద్యార్థులకు సమా చారం అందకపోవడంతో వారు కాలేజీల్లో చేరే (రిపో ర్టింగ్‌) గడువును ఉన్నత విద్యా మండలి పొడిగిం చింది. వాస్తవానికి విద్యార్థులు కాలేజీల్లో చేరే గడువు మంగళవారంతో ముగిసింది. అయితే సాంకేతిక సమ స్యతో ఆన్‌లైన్‌లో సీట్లు పొందిన విద్యార్థులందరూ కాలేజీల్లో రిపోర్టు చేయలేకపోయారు.
 
 దీంతో ఈ గడు వును ఈ నెల 24 వరకు పొడిగించినట్లు ఉన్నత విద్యా మండలి చైర్మన్‌ పాపిరెడ్డి, డిగ్రీ ఆన్‌లైన్‌ ప్రవేశాల (దోస్త్‌) కన్వీనర్‌ వెంకటాచలం, కో–కన్వీనర్‌ మల్లేశ్‌ వెల్లడించారు. డిగ్రీలో లభించిన 1.41 లక్షల మంది విద్యార్థుల్లో సోమవారం నాటికి 83 వేల మంది అలా ట్‌మెంట్‌ లెటర్లు డౌన్‌లోడ్‌ చేసుకున్నారు. అందులో 40 వేల మంది మాత్రమే కాలేజీల్లో రిపోర్టు చేసి, ప్రవేశాలను ఆన్‌లైన్‌లో కన్ఫర్మ్‌ చేసుకున్నారు. దీంతో అధికారులు పరిస్థితిని సమీక్షించి సాంకేతిక సమస్యల వల్లే ఇలా జరిగిందని గుర్తించారు. దీంతో ప్రవేశాల గడువును పొడిగించారు. మంగళవారానికి సీట్లు పొందిన వారిలో 97 వేల మంది విద్యార్థులు అలాట్‌ మెంట్‌ లెటర్లను డౌన్‌లోడ్‌ చేసు కున్నారు. అందులో 60 వేల మంది విద్యార్థులు కాలేజీల్లో రిపోర్టు చేశారు.
 
 ఇప్పుడే ఒరిజినల్‌ సర్టిఫికెట్లు ఇవ్వొద్దు
 మొదటి దశ కౌన్సెలింగ్‌లో సీట్లు పొందిన విద్యార్థులు ఆయా కాలేజీల్లోకి వెళ్లి సర్టిఫికెట్ల వెరిఫికేషన్‌ చేయిం చుకోవాలని, ప్రిన్సిపాళ్లను సంప్రదించి ఆన్‌ౖ లెన్లో సీటు కన్ఫర్మేషన్‌ చేసుకోవాలని ఉన్నత విద్యా మండలి సూచించింది. చివరి దశ కౌన్సెలింగ్‌ పూర్తి అయ్యే వర కు కాలేజీల్లో ఒరిజినల్‌ సర్టిఫికెట్లు ఇవ్వొద్దని, జిరాక్స్‌ కాపీలే ఇవ్వాలని పేర్కొంది.
 
 ఫీజులను కూడా చివరి దశ కౌన్సెలింగ్‌ పూర్తయ్యే వరకు చెల్లించొద్దని వెల్ల డించింది. ముందుగా సీటు వచ్చిన కాలేజీలో ఒరిజి నల్‌ సర్టిఫికెట్లు ఇచ్చినా, ఫీజు చెల్లించినా రెండు, మూడు దశ కౌన్సెలింగ్‌లో స్లైడింగ్‌ ద్వారా మరో కాలే జీకి వెళ్లే వీలుండదని తెలిపింది. ఫీజు రీయింబర్స్‌ మెంట్‌ వర్తించే విద్యార్థుల నుంచి కూడా కొన్ని కాలేజీ లు ఫీజులు చెల్లించాలని ఒత్తిడి తెస్తున్నట్లు తమ దృష్టికి వచ్చిందని, అలా ఫీజులను వసూలు చేస్తే ఆయా కాలేజీలపై కఠిన చర్యలు చేపడతామని, అవసరమైతే గుర్తింపు రద్దు చేస్తామని హెచ్చరించింది.
 
 రెండో దశ షెడ్యూలు వాయిదా..
 ముందస్తు షెడ్యూలు ప్రకారం రెండో దశ కౌన్సెలింగ్‌లో భాగంగా ఇంటర్‌ అడ్వాన్స్‌డ్‌ సప్లిమెంటరీ పరీక్షల్లో ఉత్తీర్ణులైన వారు డిగ్రీలో చేరేందుకు చర్యలు చేపట్టింది. ఈ నెల 17 నుంచి 20 వరకు విద్యార్థులు మీ సేవ కేంద్రాల్లో ఆధార్, బయోమెట్రిక్‌ అథెంటికేషన్‌కు అవకాశం కల్పించింది. ఈ నెల 24 నుంచి ఆన్‌లైన్‌లో రిజిస్ట్రేషన్, వెబ్‌ ఆప్షన్లు ఇచ్చుకోవచ్చని ప్రకటించింది.
 
 అయితే ప్రస్తుతం మొదటి దశలో సీట్లు పొందిన విద్యార్థులకు కాలేజీల్లో చేరే గడువు పొడిగించినందున రెండో దశ షెడ్యూలు మొత్తాన్ని వాయిదా వేసింది. అయితే మంగళవారంతో అథెంటికేషన్‌ ముగిసినప్పటికీ ఇంకా మిగిలిపోయిన విద్యార్థులు ఈ నెల 24 వరకు మీసేవా కేంద్రాల్లో ఆధార్, బయోమెట్రిక్‌ అథెంటికేషన్‌ చేయించుకోవచ్చని వెల్లడించింది. రెండో దశలో రిజిస్ట్రేషన్, వెబ్‌ ఆప్షన్ల ప్రక్రియ తేదీలను తర్వాత ప్రకటిస్తామని తెలిపింది.


 - దరఖాస్తు చేసుకున్న విద్యార్థులకు రాని ఓటీపీ
 - 1.40 లక్షల మందికి సీట్లు కేటాయిస్తే 40 వేల మందికే కన్ఫర్మేషన్‌
 
 సాక్షి, హైదరాబాద్‌: డిగ్రీ ఆన్‌లైన్‌ ప్రవేశాలు గందరగోళంగా తయారయ్యాయి. సాంకేతిక సమస్యలతో విద్యార్థులు ఇబ్బందులు పడాల్సి వస్తోంది. మొదటి విడత కౌన్సెలింగ్‌లో భాగంగా సీట్లు పొందిన 1,40,067 మంది విద్యార్థుల్లో 83,249 మంది విద్యార్థులు మాత్రమే అలాట్‌మెంట్‌ లెటర్లను డౌన్‌లోడ్‌ చేసుకున్నారు. వారిలోనూ సగం మంది కూడా సోమవారం వరకు కాలేజీల్లో చేరలేదు. కాలేజీల్లో చేరేందుకు వెళ్లిన వారికి వన్‌టైం పాస్‌వర్డ్‌ అందకపోవడంతో కాలేజీల్లో సీటు కన్ఫర్మ్‌ చేసుకోలేకపోయామని విద్యార్థులు వాపోతున్నారు. మరోవైపు కాలేజీల్లో చేరే గడువు ఈ నెల 20తో ముగియనుంది. దీంతో 43 వేల మంది విద్యార్థుల చేతుల్లో సీటు అలాట్‌మెంట్‌ లెటర్లు ఉన్నా కాలేజీల్లో సీట్లు పొందలేని పరిస్థితి నెలకొంది.
 
 రాష్ట్రంలోని 1,088 డిగ్రీ కాలేజీల్లోని 4,08,377 సీట్ల భర్తీ కోసం ఉన్నత విద్యా మండలి ప్రవేశాల కౌన్సెలింగ్‌ నిర్వహించింది. మొదటి విడత కౌన్సెలింగ్‌లో పాల్గొన్న విద్యార్థుల్లో 1,40,067 మందికి ఈ నెల 15న సీట్లు కేటాయించింది. వారంతా ఈ నెల 20లోగా కాలేజీల్లో రిపోర్టు చేయాలని పేర్కొంది. అయితే సీట్లు పొందిన విద్యార్థులంతా మొదటి విడతలో సీటు వచ్చిన కాలేజీల్లో చేరేందుకు ఇష్టపడట్లేదు. 83,749 మంది విద్యార్థులే ఆయా కాలేజీల్లో చేరేందుకు అంగీకరించారు. సాంకేతిక సమస్యల కారణంగా వారంతా కాలేజీల్లో చేరే సమయంలో తమ రిజిస్టర్డ్‌ మొబైల్‌ నంబర్‌కు వచ్చే ఓటీపీ సాయంతో ఆన్‌లైన్‌లో సీటు కన్‌ఫర్మ్‌ చేసుకోవాల్సి ఉంటుంది. అయితే ఆ ఓటీపీ అందరికీ రాలేదు.  ఓటీపీ అందని విద్యార్థులు ఆందోళనలో పడ్డారు. ఈ పరిస్థితుల్లో కాలేజీల్లో రిపోర్టు చేసే గడువును  పొడిగించాలని ప్రవేశాల కన్వీనర్‌ వెంకటాచలానికి డిగ్రీ కాలేజీ యాజమాన్యాల సంఘం విజ్ఞప్తి చేసింది.


 - విద్యార్థులకు వెసులుబాటు కల్పించిన ఉన్నత విద్యామండలి
 - వివరాల నమోదు మాత్రం ఈ–సేవా/మీ–సేవా కేంద్రాల్లోనే
 - అడ్వాన్స్‌డ్‌ సప్లిమెంటరీ విద్యార్థులకు చివరి దశలో అవకాశం  
 
 సాక్షి, హైదరాబాద్‌: ఈ నెల 18 నుంచి ప్రారంభంకానున్న డిగ్రీ ఆన్‌లైన్‌ ప్రవేశాల్లో భాగంగా విద్యార్థులు ఇంటి నుంచి, ఇంటర్నెట్‌ కేంద్రాలు, కాలేజీలు, యూనివర్సిటీల్లో ఏర్పాటు చేసే హెల్ప్‌లైన్‌ కేంద్రాల ద్వారా వెబ్‌ ఆప్షన్లు ఇచ్చుకోవచ్చని ఉన్నత విద్యామండలి స్పష్టం చేసింది. డిగ్రీ ప్రవేశాలు పొందాలనుకునే విద్యార్థుల సంఖ్య దాదాపు 2 లక్షలకు పైగా ఉండనున్న నేపథ్యంలో వెబ్‌ ఆప్షన్లు ఎక్కడి నుంచైనా ఇచ్చుకునేలా వెసులుబాటు కల్పించింది. అయితే డిగ్రీలో ప్రవేశాలకు మాత్రం ఈ–సేవా/మీ–సేవా కేంద్రాలకు విద్యార్థులు స్వయంగా వెళ్లి తమ వివరాలు నమోదు చేయించుకుని వేలి ముద్రలు ఇవ్వాలని డిగ్రీ ఆన్‌లైన్‌ ప్రవేశాల కన్వీనర్‌ ప్రొఫెసర్‌ వెంకటాచలం, ఉన్నత విద్యామండలి వైస్‌ చైర్మన్‌ ప్రొఫెసర్‌ మల్లేశ్‌ వివరించారు.
 
 అలాగే విద్యార్థులు తమ ఆధార్, ఇంటర్మీడియెట్‌ హాల్‌టికెట్, ఫోన్‌ నంబర్లను ఈ–సేవా/మీ–సేవా కేంద్రాల్లో ఇవ్వాలని తెలిపారు. ప్రైవేటు కాలేజీలు విద్యార్థులను ప్రలోభపెట్టకుండా ఇది ఉపయోగపడుతుందని చెప్పారు. అనంతరం ఈ–సేవా/మీ–సేవా కేంద్రం ఇచ్చే యూనిక్‌ ఐడీ/టోకెన్‌ నంబరు సహాయంతో డిగ్రీ ఆన్‌లైన్‌ ప్రవేశాల వెబ్‌సైట్‌లోకి వెళ్లి ఆ వివరాలతో తమ దరఖాస్తు ఫారాన్ని పూర్తి చేయాలని సూచించారు. ఇందుకోసం రూ. 100 ఫీజు చెల్లించాలని, ఆ మొత్తాన్ని ఆన్‌లైన్‌ ద్వారా క్రెడిట్‌ కార్డు, డెబిట్‌ కార్డు ద్వారా చెల్లించవచ్చని తెలిపారు. తర్వాత విద్యార్థులు వెబ్‌ ఆప్షన్లు ఇచ్చుకోవచ్చని, వీలైనన్ని ఎక్కువ ఆప్షన్లు (కాలేజీలను ఎంచుకోవాలని) ఇచ్చుకోవాలని పేర్కొన్నారు. రిజర్వేషన్‌ కేటగిరీల వారు 2017 మార్చి తర్వాత జారీ చేసిన కుల, ఆదాయ ధ్రువీకరణ పత్రాలను సిద్ధం చేసుకోవాలని వెల్లడించారు. ప్రస్తుతం ఇంటర్మీడియెట్‌ అడ్వాన్స్‌డ్‌ సప్లిమెంటరీ పరీక్షలకు హాజరవుతున్న విద్యార్థులకు చివరి దశ కౌన్సెలింగ్‌లో ప్రవేశాలకు అవకాశం కల్పిస్తామని అన్నారు. వారి ఫలితాలు వచ్చాక, ఆలస్య రుసుము లేకుండానే వారు రిజిస్ట్రేషన్‌ చేసుకోవచ్చని చెప్పారు. దీనికి సంబంధించిన షెడ్యూల్‌ను తర్వాత జారీ చేస్తామని తెలిపారు.


 డిగ్రీ ఆన్‌లైన్ ప్రవేశాల తీరిది
 * తొలి దశ కౌన్సెలింగ్‌లో సీట్లు పొందినా చేరని 58,280 మంది విద్యార్థులు
 * రెండో దశలోనూ చేరింది తక్కువే
 * రేపట్నుంచి 12 వరకు చివరిదశ వెబ్ ఆప్షన్లు
 * 14న సీట్ల కేటాయింపు
 సాక్షి, హైదరాబాద్: రాష్ట్రంలో డిగ్రీ ఆన్‌లైన్ ప్రవేశాలు గందరగోళంగా తయారయ్యాయి. లక్షల మందికి సీట్లు కేటాయించినా కాలేజీల్లో చేరిన విద్యార్థుల సంఖ్య వేలల్లోనే ఉంది.
 
 కోర్టును ఆశ్రయించి ఆన్‌లైన్ ప్రవేశాల నుంచి మినహాయింపు పొందిన 13 కాలేజీల యాజ మాన్యాలు తొలి దశ కౌన్సెలింగ్‌లో సీట్లు లభిం చిన విద్యార్థులను చేర్చుకునేందుకు నిరాకరించగా.. మరోవైపు సీటు లభించిన కాలేజీల్లో చేరేందుకు ఇష్టంలేక మరికొందరు విద్యార్థులు కాలేజీల్లో చేరడం లేదు. ఇంకొందరికి ఎక్కువ సంఖ్యలో వెబ్ ఆప్షన్లు ఇవ్వకపోవడంతో సీట్లు లభించలేదు. దీంతో విద్యార్థులు ఎక్కువగా ఉన్నా భర్తీ అయిన సీట్లు తక్కువగా ఉన్నాయి.
 
 ఈ నేపథ్యంలో శుక్రవారం నుంచి 12వ తేదీ వరకు చివరి దశ వెబ్ ఆప్షన్ల ప్రక్రియ ప్రారం భం కానుంది. ఇందుకోసం కళాశాల విద్యాశాఖ చర్యలు చేపట్టింది. విద్యార్థులకు ఈ నెల 14న సీట్లు కేటాయిస్తామని, 18వ తేదీలోగా వారంతా కాలేజీల్లో చేరాలని స్పష్టం చేసింది. తొలి దశలో సీట్లు పొందిన విద్యార్థులకు తరగతులను ఈ నెల 4 నుంచి ప్రారంభించింది.
  
 1.47 లక్షలకు చేరింది 89,327 మందే..
 డిగ్రీ ఆన్‌లైన్ ప్రవేశాల్లో భాగంగా 3,97,430 సీట్ల భర్తీకి కళాశాల విద్యాశాఖ చర్యలు చేపట్టింది. తొలి దశ ప్రవేశాల్లో భాగంగా కాలేజీల్లో చేరేందుకు 1,74,744 మంది రిజిస్ట్రేషన్ చేసుకున్నారు.  అందులో 1,71,900 మందే గత నెలలో వెబ్ ఆప్షన్లు ఇచ్చుకున్నారు. వారిలోనూ 1,47,607 మందికి  సీట్లు కేటాయించగా 1,28,453 మందే అలాట్‌మెంట్ లెటర్లను డౌన్‌లోడ్ చేసుకున్నారు. వారిలో 89,327 మందే కాలేజీల్లో చేరారు. అంటే సీట్లు పొందిన విద్యార్థుల్లో 58,280 మంది కాలేజీల్లోనే చేరలేదు. ఇక గత నెల 29 నుంచి ఈ నెల 1 వరకు చేపట్టిన రెండోదశ కౌన్సెలింగ్‌లో 68,337 మంది రిజిస్ట్రేషన్ చేయించుకోగా (ఇంటర్ అడ్వాన్స్‌డ్ సప్లిమెంటరీ పరీక్షల్లో ఉత్తీర్ణులైన విద్యార్థులు, గతంలో రిజిస్టర్ చేసుకోని విద్యార్థులు) 65,726 మంది వెబ్ ఆప్షన్లు ఇచ్చుకున్నారు. ఇందులోనూ సీట్లు లభించిన వారిలో అధికశాతం విద్యార్థులు చేరలేదు.