రోమ్: టెన్నిస్‌ వరల్డ్‌ నెంబర్‌ 1 నోవాక్‌ జకోవిచ్‌ రోమ్‌ మాస్టర్స్‌ టెన్నిస్‌ టోర్నీలో సెమీఫైనల్‌లో ప్రవేశించాడు. శుక్రవారం రోమ్‌లో జరిగిన క్వార్టర్‌ ఫైనల్‌ మ్యాచ్‌లో మాజీ యూఎస్‌ చాంపియన్‌ అర్జెంటినా ఆటగాడు డెల్‌ పోట్రోపై 4-6,7-6(8-6),6-4 తేడాతో చెమటోడ్చి గెలిచాడు. మోకాలి గాయంతో గత కొంత కాలంగా టెన్నిస్‌కు దూరంగా ఉన్న పోట్రో ఆట ఆరంభం నుంచే దూకుడును ప్రదర్శించాడు. 12 ఏస్‌లతో జోకర్‌ను బెంబేలెత్తించాడు. ఓటమి నుంచి గెలుపు దిశగా.. మొదటి సెట్‌ గెలిచిన పోట్రో రెండో సెట్‌లోనూ దూకుడును ప్రదర్శించాడు. బేస్‌లైన్‌ షాట్స్‌ ఆడుతూ జోకర్‌కు చుక్కలు చూపించాడు. అయితే రెండు మ్యాచ్‌ పాయింట్లను కాపాడుకున్న జకోవిచ్‌ మ్యాచ్‌ను టై బ్రేక్‌కు తీసుకెళ్లాడు. టై బ్రేక్‌లో 8-6తో గెలిచి రెండో సెట్‌ను తన ఖాతాలో వేసుకున్నాడు. మూడో సెట్‌ను గెలిచి సెమీఫైనల్‌లో ప్రవేశించాడు. సెమీఫైనల్‌లో మరో అర్జెంటీనా ఆటగాడు డియాగో ష్వార్జ్జ్టమాన్‌తో తలపడనున్నాడు. అదృష్టంతో గట్టెక్కా.. ‘‘ సరైన సమయంలో నాకు అదృష్టం తోడైంది. మొదటి సెట్‌లో పోట్రో అద్భుతంగా ఆడాడు. రెండో సెట్‌లో నేను రెండు మ్యాచ్‌ పాయింట్లను కాపాడుకోవడం నాలో ఆత్మవిశ్వాసాన్ని కలిగించింది. ఆస్ట్రేలియన్‌ ఓపెన్‌ తర్వాత నా ఆటతీరు కాస్త గాడి తప్పింది. అయితే ఈ మ్యాచ్‌ ద్వారా తిరిగి నా పూర్వపు ఫామ్‌ను అందుకున్నానని ఆశిస్తున్నాను ’’ -జకోవిచ్‌

న్యూయార్క్‌: ప్రతిష్టాత్మక యూఎస్‌ ఓపెన్‌ గ్రాండ్‌ స్లామ్‌ టోర్నీలో డిఫెండింగ్‌ చాంపియన్‌గా బరిలోకి దిగిన వరల్డ్‌ నంబర్‌వన్‌ ఆటగాడు రఫెల్‌ నాదల్‌ కథ ముగిసింది. అర్జెంటీనా ఆటగాడు డెల్‌ పోట్రోతో జరిగిన సెమీ ఫైనల్‌ మ్యాచ్‌లో నాదల్‌ గాయం కారణంగా టోర్నీ నుంచి వైదొలిగాడు. ఆట మధ్యలో మోకాలి గాయంతో బాధపడ్డ నాదల్‌.. తొలి రెండు సెట్లను కోల్పోయిన తర్వాత టోర్నీ నుంచి తప్పుకుంటున్నట్లు ప్రకటించాడు. తొలి సెట్‌ను 6-7(3/7) చేజార్చుకున్న నాదల్‌.. రెండో సెట్‌ను 2-6తో కోల్పోయాడు. అటు తర్వాత నాదల్‌ మోకాలి గాయం మరింత ఇబ్బంది పెట్టడంతో టోర్నీ నుంచి అర్థాంతరంగా తప్పుకున్నాడు. దాంతో డెల్‌ పోట్రో ఫైనల్‌ బెర్తును ఖాయం చేసుకున్నాడు. 2009లో తొలిసారి యూఎస్‌ ఓపెన్‌ గెలిచిన డెల్‌ పోట్రో.. మరోసారి టైటిల్‌ పోరుకు సిద్దమయ్యాడు. ఆదివారం జరిగే తుది పోరులో నొవాక్‌ జొకోవిచ్‌తో పాట్రో అమీతుమీ తేల్చుకోనున్నాడు. ఇలా నాదల్‌ ఈ ఏడాది  ఒక గ్రాండ్‌ స్లామ్‌ టోర్నీ నుంచి తప్పుకోవడం రెండోసారి. అంతకుముందు ఆస్ట్రేలియా ఓపెన్‌ నుంచి  నాదల్‌ ఇలానే వైదొలిగాడు.


 న్యూయార్క్: ఇటీవల జరిగిన రియో ఒలింపిక్స్ పురుషుల టెన్నిస్లో వరల్డ్ నంబర్ వన్ నొవాక్ జొకోవిచ్ను, స్పెయిల్ బుల్ రఫెల్ నాదల్ ను ఓడించిన అర్జెంటీనా ఆటగాడు డెల్ పాట్రో.. తాజాగా జరుగుతున్న యూఎస్ ఓపెన్లో ప్రి క్వార్టర్ ఫైనల్లోకి ప్రవేశించాడు. పురుషుల సింగిల్స్లో భాగంగా మూడో రౌండ్లో పాట్రో 7-6(7/3), 6-2, 6-3 తేడాతో స్పెయిన్ ఆటగాడు, పదకొండో సీడ్ రోజర్ ఫెర్రర్పై విజయం సాధించాడు. తన ప్రస్తుత ఫామ్పై సంతృప్తి వ్యక్తం చేస్తున్న పాట్రో... తాను ఆడే క్రమంలో గెలిచామా? ఓడామా? అనే విషయాన్ని ఎప్పుడూ లేకచేయనని, కేవలం తన సహజసిద్ధమైన గేమ్ను ఆడటానికే ఎక్కువ ప్రాధాన్యత ఇస్తానని తెలిపాడు.
  
 2009 యూఎస్ ఓపెన్లో చాంపియన్గా నిలిచిన పాట్రో.. మరోసారి అదే రిపీట్ అయినా ఆశ్చర్యపోనక్కర్లేదని తెలిపాడు. గతంలో తాను ఆడిన ఫోర్ హ్యాండ్ షాట్లను మరోసారి ఆడితే మాత్రం యూఎస్ గ్రాండ్ స్లామ్ను రెండోసారి కైవసం చేసుకోవడం ఏమాత్రం కష్టం కాదన్నాడు.
 
 గత ఏడు సంవత్సరాల క్రితం జరిగిన యూఎస్ ఓపెన్ ఫైనల్లో రోజర్ ఫెదరర్ను ఓడించి సంచలన సృష్టించిన డెల్ పాట్రో తన కెరీర్లో తొలి గ్రాండ్ స్లామ్ అందుకున్నాడు. ఆ తరువాత తరచు మణికట్టు గాయం బారిన పడ్డ పాట్రో పెద్దగా ఆకట్టుకోలేదు. అయితే రియోలో రన్నరప్గా నిలిచి రజత పతకం సాధించాడు. ఈ నేపథ్యంలో యూఎస్ ఓపెన్లో పాట్రో ప్రధాన ఆకర్షణగా నిలిచాడు.


 రియో డీ జనీరో: రియో ఒలింపిక్స్లో అద్భుతమైన ఫామ్తో చెలరేగిపోతున్న అర్జెంటీనా స్టార్ టెన్నిస్ ఆటగాడు పసిడిపై గురి పెట్టాడు. శనివారం అర్థరాత్రి జరిగిన సెమీ ఫైనల్లో డెల్ పాట్రో సంచలన విజయం నమోదు చేసి ఫైనల్కు చేరాడు. పురుషుల సింగిల్స్ లో భాగంగా  స్పెయిన్ బుల్, మూడో సీడ్ రఫెల్ నాదల్ ను బోల్తా కొట్టించిన  డెల్ పాట్రో తుది పోరుకు అర్హత సాధించాడు. హోరాహోరీగా మూడు గంటలకు పైగా సాగిన మ్యాచ్లో పాట్రో 5-7, 6-4, 7-6(7/5) తేడాతో నాదల్ను ఓడించి పసిడి పోరుకు సిద్ధమయ్యాడు.
 
 తొలి సెట్ను కోల్పోయిన పాట్రో.. ఆ తరువాత ఏమాత్రం బెదరకుండా నాదల్ను  ఇంటికి పంపించాడు. అత్యంత ఉత్కంఠభరితంగా  సాగిన పోరులో డెల్ పాట్రో ఒత్తిడిని జయించి ఫైనల్ కు చేరగా, నాదల్ మాత్రం  తీవ్రమైన ఒత్తిడిలోనై ఓటమి పాలయ్యాడు. ప్రధానంగా టై బ్రేక్ కు దారి తీసిన మూడో సెట్ లో డెల్ పాట్రో అద్భుతమైన ఏస్ లతో ఆకట్టుకున్నాడు.
 
 దీంతో రెండో ఒలింపిక్ స్వర్ణాన్ని సాధించాలన్న నాదల్ ఆశలకు బ్రేక్ పడింది.2008 బీజింగ్ ఒలింపిక్స్‌లో తొలిసారి చాంపియన్‌గా నిలిచిన నాదల్.. 2012 లండన్ ఒలింపిక్స్‌కు మాత్రం గాయంతో దూరమయ్యాడు.కాగా, రియో ద్వారా రెండో సింగిల్స్ ఒలింపిక్ పసిడిని సాధించి మరోసారి పూర్వవైభవాన్ని చాటుకోవాలని నాదల్ యత్నించినా, డెల్ పాట్రో లాంటి పటిష్టమైన ప్రత్యర్థి ముందు తలవంచక తప్పలేదు.
 
 రియో ఒలింపిక్స్లో తొలి రౌండ్లోనే వరల్డ్ నంబర్ వన్, సెర్బియా స్టార్ నొవాక్ జొకొవిచ్ను ఇంటికి పంపిన డెల్ పాట్రో మరోసారి అదే తరహా ఆట తీరుతో నాదల్కు చుక్కలు చూపించాడు.  దీంతో మరో సెమీ ఫైనల్లో జపాన్ ఆటగాడు నిషాకోరిపై విజయం సాధించిన ఆండీ ముర్రేతో అమీతుమీ తేల్చుకునేందుకు పాట్రో సిద్ధమయ్యాడు. అయితే గత నెల్లో వింబుల్డన్ గ్రాండ్ స్లామ్ గెలిచి మంచి ఊపుమీద ఉన్న ముర్రేను పాట్రో ఎంతవరకూ నిలువరిస్తాడని అర్జెంటీనా అభిమానులు ఆసక్తిగా ఎదురుచూస్తున్నారు. ఇదిలా ఉండగా, లండన్ ఒలింపిక్స్ లో స్వర్ణాన్ని సాధించిన ముర్రే... అదే ఫలితాన్ని రియోలో కూడా పునరావృతం చేయాలని భావిస్తున్నాడు.


 బ్యూనస్ ఎయిర్స్ : అర్జెంటీనా టెన్నిస్ కెరటం, ప్రపంచ ఐదో నెంబర్ ఆటగాడైన   జువాన్ మార్టిన్ డెల్ పోట్రో (27)  తన మణి కట్టు గాయాల నుంచి ఇపుడిపుడే కోలుకుంటున్నాడట.   ఈ విషయాన్ని  సోషల్ మీడియాలో  స్వయంగా డెల్ అభిమానులతో పంచుకున్నాడు. మంచి స్నేహితులు,  పాజిటివ్ ఆలోచనలతో  టెన్నిస్ ప్రాక్టీస్ చేయడం ఎపుడూ మంచిదే అంటూ ట్విట్ చేశాడు. ప్రాక్టీస్ మొదలుపెట్టానంటూ, అభిమానులకు ఆటోగ్రాఫ్ లు ఇస్తున్న ఫోటోలను ట్విట్టర్,  ఫేస్ బుక్ లో పోస్ట్ చేశాడు.  2012  లండన్ ఒలంపిక్స్  క్రీడల్లో  బ్రాంజ్  మెడల్  గెల్చుకున్న  తొలి అర్జెంటీనా   టెన్సిస్ క్రీడాకారుడు డెల్ మళ్లీ తను టెన్సిస్ బరిలోకి దిగేందుకు రెడీ అంటూ సానుకూల సంకేతాలను అందించాడు.
 
 2005, 2008 లో ప్రొఫెషనల్  టెన్నిస్ ప్లేయర్ గా కెరీర్ ప్రారంభించిన డెల్ ..ఏటీపీ టెన్నిస్ టోర్నమెంట్‌ను వరుసగా నాలుగు సార్లు గెల్చుకుని రికార్డు  సృష్టించాడు. అనంతరం 2010లో యూఎస్ ఓపెన్ టైటిల్  సాధించి  ప్రపంచ అయిదవ ర్యాంకును సొంతం చేసుకున్నాడు.  ఆ సమయంలో మొదటిసారి ఎడమ చేతి మణికట్టు గాయంతో బాధపడ్డాడు.  తరువాత 2012లో లండన్ ఒలంపిక్స్ లో  సెర్బియన్ వండర్ నోవాక్  జోకోవిచ్ ను ఓడించి, విజేత గా నిలిచాడు.   కాగా వరుస గాయాలతో గత పద్దెనిమిది నెలలుగా  మూడు  ఆపరేషన్ల తరువాత  కోలుకొని డెల్ మళ్లీ ప్రాక్టీస్ మొదలు పెట్టాడు.  భుజం గాయం బాధిస్తుండటంతో గత రెండు సంవత్సరాలుగా కొన్ని టోర్నీల నుంచి తప్పుకున్న సంగతి తెలిసిందే.