న్యూఢిల్లీ: కేంద్ర ప్రభుత్వం కాల్‌ డ్రాప్స్‌కు ఒక టోల్‌ఫ్రీ నంబర్‌ను ఏర్పాటు చేయాలని భావిస్తోంది. కాల్‌ డ్రాప్స్‌కు ‘1955’ నంబర్‌ కేటాయించినట్లు అధికారిక సమాచారం. ఈ నంబర్‌ ద్వారా టెలికం సబ్‌స్క్రైబర్ల కాల్‌ డ్రాప్స్‌పైఫీడ్‌బ్యాక్‌ ఇవ్వొచ్చు. ‘1955’ నంబర్‌ కేటాయింపు అన్ని టెల్కోలకు తప్పనిసరి. ఈ నంబర్‌ ఎస్‌టీడీ, లోకల్‌ కాలింగ్‌కు అందుబాటులో ఉంటుంది. ప్రభుత్వ రంగ ఎంటీఎన్‌ఎల్‌ ఈ నంబర్‌ అమలు, నిర్వహణ బాధ్యతలనుచూసుకోనుంది. దీని నుంచి టెల్కోలు ఎలాంటి ఫీజులను వసూలు చేయకూడదు. ఇక టెలికం మంత్రి మనోజ్‌ సిన్హా ఈ నంబర్‌ను ప్రారంభిస్తారని సమాచారం.