గాలేలో శ్రీలంకతో జరుగుతున్న మొదటి టెస్టులో ఆస్ట్రేలియాకు తొలి ఇన్నింగ్స్‌ ఆధిక్యం లభించింది. రెండో రోజు గురువారం ఆట ముగిసే సమయానికి ఆసీస్‌ 8 వికెట్ల నష్టానికి 313 పరుగులు చేసింది. కామెరాన్‌ గ్రీన్‌ (77), ఉస్మాన్‌ ఖాజా (71) అర్ధసెంచరీలు సాధించగా, అలెక్స్‌ క్యారీ (45) రాణించాడు. రమేశ్‌ మెండిస్‌ 4 వికెట్లు పడగొట్టగా, ఆస్ట్రేలియా ప్రస్తుతం 101 పరుగులు ముందంజలో ఉంది. చదవండి: SL-W vs IND-W: శ్రీలంకతో భారత్‌ తొలి పోరు..

ఆర్ధిక మాంద్యంలో కూరుకుపోయి కొట్టిమిట్టాడుతున్న  ద్వీప దేశం శ్రీలంకపై ప్రకృతి సైతం పగబట్టింది. ఇవాళ (జూన్‌ 30) ఉదయం కురిసిన భారీ వర్షం దెబ్బకు లంకలోని చాలా ప్రాంతాలు పూర్తిగా జలమయమయ్యాయి. వర్ష బీభత్సం ధాటికి కొన్ని ప్రాంతాల్లో భారీ ఆస్తి నష్టం సంభవించింది. వర్ష ప్రభావం శ్రీలంక-ఆస్ట్రేలియా జట్ల మధ్య జరుగుతున్న టెస్ట్‌ మ్యాచ్‌పై కూడా చూపింది.  There's more cleaning up to do off the field than on it this morning... if anyone can get this ground ready for play it's the Galle team #SLvAUSpic.twitter.com/iklKta7xfM— 🏏Flashscore Cricket Commentators (@FlashCric) June 30, 2022 వర్షం ధాటికి ఈ మ్యాచ్‌కు వేదిక అయిన గాలే స్టేడియం అతలాకుతలమైంది. తొలి టెస్ట్‌ రెండో రోజు ఆట ప్రారంభానికి రెండు గంటల ముందు ప్రారంభమైన గాలివాన దెబ్బకు ఓ స్టాండ్‌ రూఫ్‌ కూలిపోవడంతో పాటు స్టేడియం మొత్తం చిత్తడిచిత్తడిగా మారిపోయింది. ఫలితంగా రెండో రోజు ఆట దాదాపు రెండున్నర గంటలు ఆలస్యంగా ప్రారంభమైంది. ఈదురుగాలుల ధాటికి రూఫ్‌ కూలిన సమయంలో ఎవరూ లేకపోవడంతో పెను ప్రమాదం తప్పింది.  ఇదిలా ఉంటే, వర్షం పూర్తిగా ఆగిపోయాక లంచ్‌ తర్వాత  ఆట ప్రారంభమైంది. 98/3 ఓవర్‌నైట్‌ స్కోర్‌ వద్ద ప్రారంభమైన రెండు రోజు ఆటలో ఆసీస్‌ ఆధిపత్యం చలాయించింది. రెండు రోజు ఆట ముగిసే సమయానికి 8 వికెట్ల నష్టానికి 313 పరుగులు చేసి 101 పరుగుల లీడ్‌లో కొనసాగుతుంది.  ఓవర్‌నైట్‌ బ్యాటర్‌ ఉస్మాన్‌ ఖ్వాజా (71), కెమరూన్‌ గ్రీన్‌ (77)  అర్ధసెంచరీతో రాణించారు. అలెక్స్‌ క్యారీ (45) పర్వాలేదనిపించాడు. కమిన్స్‌ (26), లయన్‌ (8) క్రీజ్‌లో ఉన్నారు. అంతకుముందు శ్రీలంక తొలి ఇన్నింగ్స్‌లో 212 పరుగులకు ఆలౌటైంది. నాథన్‌ లయన్‌ 5 వికెట్లతో చెలరేగాడు.  చదవండి: IND Vs ENG: ఇంగ్లండ్‌తో పోరుకు టీమిండియా సై! ప్రాక్టీసు వీడియో!


 గాలె: మొదటి టెస్టులో టీమిండియాకు  శ్రీలంక 176 పరుగుల టార్గెట్ నిర్దేశించింది. రెండో ఇన్నింగ్స్ లో శ్రీలంక 367 పరుగులకు ఆలౌటైంది. 5/2 ఓవర్ నైట్ స్కోరుతో మూడో రోజు ఆట ప్రారంభించిన శ్రీలంక 362 పరుగులు జోడించి మిగతా వికెట్లు నష్టపోయింది.
 
 వికెట్ కీపర్ దినేశ్ చండీమల్ ఒంటరి పోరాటంతో జట్టును ఆదుకున్నాడు. అజేయ సెంచరీతో వీరోచితంగా పోరాడి జట్టును ఇన్నింగ్స్ ఓటమి నుంచి తప్పించాడు. 169 బంతుల్లో 19 ఫోర్లు, 4 సిక్సర్లతో 162 పరుగులు చేశాడు. టెస్టుల్లో అతడికిదే అత్యధిక వ్యక్తిగత స్కోరు కావడం విశేషం. ముబారక్ 49, సంగక్కర 40, మాథ్యాస్ 39, తిమిమన్నె 44 పరుగులు చేసి అవుటయ్యారు.
 
 భారత బౌలర్లలో అశ్విన్ 4, అమిత్ మిశ్రా 3 వికెట్లు పడగొట్టారు. హర్భజన్ సింగ్, ఇషాంత్ శర్మ, ఆరోన్ తలో వికెట్ తీశారు. రెండు ఇన్నింగ్స్ లో కలిపి అశ్విన్ 10 వికెట్లు పడగొట్టాడు. తొలి ఇన్నింగ్స్ లో శ్రీలంక 183, భారత్ 375 పరుగులు చేశాయి.


 గాలె: ధావన్, కోహ్లి సెంచరీలకు తోడు సాహా హాఫ్ సెంచరీ సాధించడంతో టీమిండియా పటిష్ట స్థితిలో నిలిచింది. శ్రీలంకతో జరుగుతున్న మొదటి టెస్టు తొలి ఇన్నింగ్స్ లో భారత్ 375 పరుగులకు ఆలౌటైంది. లంకపై కోహ్లి సేన 192 పరుగుల ఆధిక్యం సాధించింది. 128/2 ఓవర్ నైట్ స్కోరుతో రెండో ఆట ప్రారంభించిన టీమిండియా 247 పరుగులు జోడించి మిగతా 8 వికెట్లు కోల్పోయింది.
 
 ధావన్(134), కోహ్లి(103) సెంచరీలు కొట్టారు. సాహా(60) అర్ధసెంచరీ కొట్టాడు. రాహుల్ 7, రోహిత్ శర్మ 9, అశ్విన్ 7, హర్భజన్ 14, అమిత్ మిశ్రా 10, ఆరోన్ 4 పరుగులు చేశారు. శ్రీలంక బౌలర్లలో కౌశల్ 5 వికెట్లు పడగొట్టాడు. ప్రదీప్ 3 వికెట్లు తీశాడు . ప్రసాద్, మాథ్యూస్ చెరో వికెట్ దక్కించుకున్నారు. తొలి ఇన్నింగ్స్ లో శ్రీలంక 183 పరుగులకు ఆలౌటైంది.
 
 రెండో ఇన్నింగ్స్ ఆరంభించిన శ్రీలంకకు ప్రారంభంలోనే ఎదురుదెబ్బ తగిలింది. ఒక్క పరుగుకే 2 వికెట్లు నష్టపోయింది. ఓపెనర్లు డకౌట్ అయ్యారు. కరుణ్ రత్నేను అశ్విన్, సిల్వను అమిత్ మిశ్రా క్లీన్ బౌల్డ్ చేశారు. రెండో రోజు ఆట ముగిసే సమయానికి లంక 2 వికెట్లు నష్టపోయి 5 పరుగులు చేసింది.


 గాలె: శ్రీలంకతో జరుగుతున్న మొదటి టెస్టు తొలి ఇన్నింగ్స్ లో భారత్ ఆధిక్యం కనబరుస్తోంది. రెండో రోజు టీ విరామ సమయానికి టీమిండియా 6 వికెట్లు కోల్పోయి 304 పరుగులు చేసింది.
 
 ధావన్(134), కోహ్లి(103) సెంచరీలు సాధించి అవుటయ్యారు. సాహా(7), హర్భజన్(4) క్రీజులో ఉన్నారు. భారత ఆటగాళ్లలో నలుగురు ఎల్బీడబ్యూగా అవుట్ కావడం గమనార్హం. మరో ఇద్దరు ప్రదీప్ బౌలింగ్ లో క్లీన్ బౌల్డ్ అయ్యారు. తొలి ఇన్నింగ్స్ లో శ్రీలంక 183 పరుగులకు ఆలౌటైంది.