సాక్షి, హైదరాబాద్‌: వివిధ ప్రభుత్వ, ప్రైవేటు సంస్థల అవసరాల నిమిత్తం 125 ఎకరాల ప్రభుత్వ భూములను కేటాయిస్తూ రాష్ట్ర ప్రభుత్వం శుక్రవారం ఉత్తర్వులు జారీ చేసింది. తెలంగాణ రాష్ట్ర భూమి నిర్వహణ అథారిటీ ఆమోదం మేరకు భూ ముల కేటాయింపు చేసినట్లు రెవెన్యూ శాఖ ముఖ్య కార్యదర్శి నవీన్‌ మిత్తల్‌ ఉత్తర్వుల్లో పేర్కొన్నారు. నల్లగొండ, యాదాద్రి జిల్లాల్లో ఇండస్ట్రియల్‌ పార్కులు, ఖమ్మం జిల్లాలో వైద్య కళాశాల, గురుకుల పాఠశాల, పలుచోట్ల ఎస్‌ఐబీ విభాగం కార్యాలయాలు, నివాస క్వార్టర్ల నిర్మాణం, కామారెడ్డిలో ట్రాఫిక్‌ శిక్షణా కేంద్రం ఏర్పాటు కోసం ఈ భూములను సర్కార్‌ కేటాయించింది. టీజీఐఐసీ, స్వామి నారాయణ గురుకుల పాఠశాల, ఎస్‌ఐబీకి ఇచి్చన భూములను మార్కెట్‌ విలువ ధర ప్రకారం కేటాయించగా పలు ప్రభుత్వ సంస్థలకు ఇచ్చిన భూములతోపాటు అంతర్జాతీయ క్రికెట్‌ క్రీడాకారుడు సిరాజ్‌కు ఉచితంగా కేటాయించింది. ఏ సంస్థకు ఎంత భూమి అంటే.. నల్లగొండ జిల్లా చిట్యాల మండలం వెలిమినేడులో తెలంగాణ పారిశ్రామిక మౌలి క సదుపాయాల కల్పనా సంస్థ (టీజీఐఐసీ)కు 61.18 ఎకరాలను కేటాయించింది. ఇందుకోసం ఎకరానికి రూ.6.4 లక్షల చొప్పున మొత్తం రూ. 3.93 కోట్లను ప్రభుత్వానికి టీజీఐఐసీ చెల్లించాల్సి ఉంటుంది. ఈ స్థలంలో పారిశ్రామిక పార్కు ఏర్పాటు కానుంది. అలాగే యాదాద్రి భువనగిరి జిల్లా చౌటుప్పల్‌ మండలంలోని దండు మల్కాపురంలో 6.23 ఎకరాలను కూడా ఈ సంస్థకు పారిశ్రామిక పార్కు కోసం ఇచి్చంది. ఈ స్థలం కోసం ఎకరం రూ. 20 లక్షల చొప్పున మార్కెట్‌ ధరను రాష్ట్ర ప్రభుత్వానికి టీజీఐఐసీ చెల్లించనుంది.మరోవైపు ఖమ్మం అర్బన్‌ మండలం బల్లేపల్లితోపాటు రఘునాథపాలెం మండల కేంద్రంలో మొత్తం 35.06 ఎకరాలను ప్రభుత్వ వైద్య కళాశాల ఏర్పాటు కోసం డైరెక్టర్‌ ఆఫ్‌ మెడికల్‌ ఎడ్యుకేషన్‌కు కేటాయించింది. అలాగే రఘునాథపాలెం మండల కేంద్రంలో 13.10 ఎకరాల భూమిని స్వామి నారాయణ గురుకుల అంతర్జాతీయ స్కూల్‌ ఏర్పాటు కోసం కేటాయించినట్లు ప్రభుత్వం తెలిపింది. అక్కడ ఎకరం మార్కెట్‌ విలువ సుమారు రూ. కోటి ఉన్నప్పటికీ రూ. 11.25 లక్షలకే ఆ సంస్థకు అప్పగించాలన్న ఖమ్మం జిల్లా కలెక్టర్‌ ప్రతిపాదన మేరకు ఆ భూమిని కేటాయించింది. ఇందుకుగాను ఈ పాఠశాలలోని 10 శాతం సీట్లను జిల్లా కలెక్టర్‌ విచక్షణ కోసం (ఉచిత విద్య కోసం) రిజర్వు చేయాలని ఉత్తర్వుల్లో పేర్కొంది. ఉచిత కేటాయింపులు ఇలా.. ⇒ నిర్మల్‌ జిల్లా సారంగపూర్‌ మండలంలోని చించోలి (బి) గ్రామంలో సాంఘిక సంక్షేమ మహిళా డిగ్రీ కళాశాల నిర్మాణం కోసం టీజీఎస్‌డబ్ల్యూఆర్‌ఈఐఎస్‌కు 6 ఎకరాలు. ⇒ కామారెడ్డి జిల్లా క్యాసంపల్లిలో ట్రాఫిక్‌ శిక్షణా కేంద్రం ఏర్పాటు కోసం హోంశాఖకు 3 ఎకరాలు. ⇒అంతర్జాతీయ క్రికెట్‌ క్రీడాకారుడు మహ్మద్‌ సిరాజ్‌కు హైదరాబాద్‌ జూబ్లీహిల్స్‌ రోడ్‌ నం.78 (షేక్‌పేట మండలం)లోని ప్రశాసన్‌నగర్‌లో 600 గజాల ఖాళీ స్థలం.

రాప్తాడు నియోజకవర్గం ప్రసన్నాయపల్లి పంచాయతీలోని రూ.100 కోట్లకు పైగా విలువైన ప్రభుత్వ భూమిని టీడీపీ నాయకులు కాజేశారు. అప్పటి మంత్రి పరిటాల సునీత అనుచరుడు పంజగల శ్రీనివాసులు ఈ ఆక్రమణల పర్వానికి ముఖ్య సూత్రధారిగా వ్యవహరించాడు. ఎకరా రూ.4 కోట్లకు పైగా విలువ చేసే ఈ భూమిని నిబంధనలకు విరుద్ధంగా ఇతరులకు విక్రయించి భారీఎత్తున సొమ్ము చేసుకున్నాడు. నిషేధిత జాబితాలో ఉన్నప్పటికీ రిజిస్టేషన్‌ అధికారులు కళ్లు మూసుకుని రిజిష్టర్‌ చేసి అక్రమార్కులకు సహకరించారు. సాక్షి ప్రతినిధి, అనంతపురం :  రియల్‌ ఎస్టేట్‌ వ్యాపారం జోరందుకోవడంతో రాప్తాడు మండలం ప్రసన్నాయపల్లి పంచాయతీలో భూముల ధరలకు రెక్కలొచ్చాయి. దీంతో కొందరు టీడీపీ నేతల కన్ను సర్వే నంబరు 123లోని ప్రభుత్వ భూమిపై పడింది. ఈ సర్వే నంబరులో మొత్తం 34.41 ఎకరాలు ఉండగా.. ఇందులో నాలుగు ఎకరాలను మాజీ మిలటరీ ఉద్యోగికి ప్రభుత్వం కేటాయించింది. మిగిలిన 30.41 ఎకరాల్లో వంక, శ్మశానం, ప్రభుత్వ భూమి కలిపి 5.92 ఎకరాలు పోను మిగిలిన 24.49 ఎకరాలు అన్యాక్రాంతమైంది. ఇక్కడ ఎకరా రూ.4 కోట్లకు పైగా పలుకుతోంది. దీంతో టీడీపీ నేతలు అధికారులను నయానో.. భయానో లోబర్చుకుని రూ.100 కోట్లకు పైగా విలువైన ప్రభుత్వ భూమిని వెబ్‌ల్యాండ్‌లో నమోదు చేయించారు.   పరిటాల అనుచరుడి భార్య పేరిట ఐదెకరాలు  24.49 ఎకరాల్లో  ఐదెకరాల భూమిని మాజీ మంత్రి పరిటాల సునీత అనుచరుడు పంజగల శ్రీనివాసులు భార్య పంజగల ప్రసన్న పేరుతో  సర్వే నంబర్‌ 123–2 కింద 2015లో వెబ్‌ల్యాండ్‌లో నమోదు చేశారు. పట్టాదారు పాసు పుస్తకం కూడా జారీ చేశారు. అనువంశికం కింద ఆమెకు హక్కులు కలి్పంచారు. ప్రస్తుతం అడంగల్, 1–బీ లాంటి రెవెన్యూ రికార్డుల్లో ఆమె పేరే కనిపిస్తోంది. ఈ అక్రమ వ్యవహారంలో కొందరు రెవెన్యూ అధికారులు సహకరించినట్లు స్పష్టమవుతోంది.  4.17 ఎకరాల విక్రయం  ప్రసన్న పేరిట రెవెన్యూ రికార్డుల్లో అక్రమంగా నమోదైన ఐదు ఎకరాల భూమి నుంచి ఇటీవల 4.17 ఎకరాలను ఇతరుల పేరిట రిజిష్టర్‌ చేశారు. దీని విలువ రూ.16 కోట్ల పైమాటే. ఈ భూమి నిషేధిత జాబితాలో ఉన్నప్పటికీ ఈ ఏడాది జూలై 15న అనంతపురం రూరల్‌ సబ్‌రిజిస్టార్‌ సురేష్‌ ఆచారి నార్పల మండలం బొందలవాడ గ్రామానికి చెందిన జంపుగుంపుల వెంకటప్ప, అనంతపురం శారదానగర్‌కు చెందిన బోయపాటి కిరణ్‌బాబు పేరిట రిజిష్టర్‌ చేశారు. తొలుత పెండింగ్‌ నంబరు 1004 కింద రిజి్రస్టేషన్‌ చేసి.. తర్వాత ఐదు రోజులకే (జూలై 20) రెగ్యులర్‌ నంబరు 7835 కేటాయించారు. ఇందుకు గానూ సబ్‌ రిజి్రస్టార్‌కు రూ.20 లక్షల ముడుపులు ముట్టినట్లు ఆరోపణలు ఉన్నాయి.   అక్రమంగా రిజిస్టేషన్లు సాధారణంగా ఏదైనా స్థలాన్ని గానీ, భూమిని ఈగానీ రిజి్రస్టేషన్‌ చేయాలంటే సర్వే నంబరును పరిశీలిస్తారు. ఆ సర్వే నంబరు నిషేధిత జాబితాలో ఉంటే రిజిస్ట్రేషన్‌ చేయకూడదు. ఈ నిబంధన అందరికీ వర్తిస్తుంది. అయితే  అనంతపురం రూరల్, యాడికి సబ్‌రిజి్రస్టార్‌ కార్యాలయాల్లో పనిచేసిన కొందరు సబ్‌ రిజి్రస్టార్లు నిషేధిత భూములను సైతం రిజిష్టర్‌ చేశారు. ప్రసన్నాయపల్లి పంచాయతీకి చెందిన సర్వే నంబరు 123లోని భూమిని నిషేధిత జాబితాలో ఉంచామని రెవెన్యూ అధికారులు అధికారికంగా రిజిస్ట్రేషన్‌ శాఖ అధికారులకు తెలిపినా ఉపయోగం లేకుండా పోయింది. ఇందులో చాలా వరకు భూమిని ప్లాట్లుగా విభజించి విక్రయించేశారు. 90 శాతం వరకు ప్లాట్లను యాడికి సబ్‌రిజి్రస్టార్‌ కార్యాలయంలో ‘ఏనీవేర్‌ రిజిస్ట్రేషన్‌’ కింద రిజిష్టర్‌ చేయడం గమనార్హం. సమగ్ర దర్యాప్తు జరుపుతున్నాం  నిషేధిత జాబితాలో ఉన్న ప్రభుత్వ భూములపై ప్రైవేటు వ్యక్తులకు హక్కులు కల్పించడం నేరం. సర్వే నంబరు 123–2లోని ఐదెకరాల  భూమిని 2015లో టీడీపీ నేత పి.శ్రీనివాసులు భార్య పి.ప్రసన్న పేరిట వెబ్‌ల్యాండ్‌లో నమోదు చేయించినట్లు రికార్డులు చెబుతున్నాయి. అప్పట్లో ఈ వ్యవహారంలో ఎవరెవరి పాత్ర ఉందనే విషయంలో సమగ్ర దర్యాప్తు జరుపుతున్నాం. దోషులపై కఠిన చర్యలు తీసుకుంటాం. ఈ భూమి నిషేధిత జాబితాలో     ఉందన్న విషయాన్ని ఇప్పటికే రిజిస్ట్రేషన్‌ శాఖ అధికారుల దృష్టికి తీసుకెళ్లాం.   –బి.ఈరమ్మ, తహసీల్దార్, రాప్తాడు  అలా చేయడం తప్పు  ప్రభుత్వ భూముల పరిరక్షణ బాధ్యత రిజిస్ట్రేషన్‌ అధికారులపై ఉంది. నిషేధిత  జాబితాలో ఉన్న ప్రభుత్వ భూములను ఎట్టి పరిస్థితుల్లోనూ రిజిష్టర్‌ చేయరాదు. సర్వే నంబరు 123–2లో జరిగిన రిజి్రస్టేషన్లను పరిశీలిస్తా. సబ్‌రిజి్రస్టార్‌ నిబంధనలను ఉల్లంఘించినట్లు తేలితే చర్యలు తీసుకోవాలని ఉన్నతాధికారులకు సిఫారసు చేస్తా.    – హరివర్మ, జిల్లా రిజి్రస్టార్, అనంతపురం చదవండి:  కృష్ణా బోర్డు పరిధిలోకి ‘వెలిగొండ’ను తేవాలి 

సాక్షి, మాడుగులపల్లి (నల్లగొండ) : అధికారుల  అలసత్వం, ప్రజాప్రతినిధుల నిర్లక్ష్యం కారణంగా ప్రభుత్వ క్వార్టర్స్‌ కబ్జాకు గురవుతున్నాయి. దాదాపు పాతికేళ్ల కిత్రం ప్రభుత్వం కట్టించిన క్వార్టర్స్‌ భూములు, భవనాలను  భూకబ్జదారులు ఆక్రమించుకుంటున్నారు. నిరుపయోగంగా ఉన్న క్వార్టర్స్‌ను పూర్తి స్థాయిలో కబ్జా చేసేందుకు కొంత మంది పావులు కదుపుతున్నారు. ఇది మాడ్గులపల్లి మండలంలోని కుక్కడం గ్రామంలో నిరుపయోగంగా ఉన్న ఎస్‌ఎల్‌బీసీ క్వార్టర్స్‌కు రక్షణ కరువైంది. వివరాల్లోకి వెళితే 1984 సంవత్సరంలో అప్పటి ముఖ్యమంత్రి ఎన్‌టీ రామారావు ప్రభుత్వం మొదటిసారి అధికారంలోకి వచ్చిన తర్వాత నక్కలగండి రిజర్వార్‌ ద్వారా చెరువులు, కుంటలు, నల్లగొండలోని ఉదయ సముద్రం నింపెందుకు ప్రణాళికలు చేపట్టారు. ఈ నేపథ్యంలో నల్లగొండ జిల్లా వెనుకబడటంతో కుక్కడం,తిప్పర్తి గ్రామాల్లో చెరువులను,కాలవలను అధికారులు పర్యవేక్షించేందుకు కూలీల కోసం అయా గ్రామాల్లో ప్రభుత్వం కొంత భూమిని తీసుకుని ఎస్‌ఎల్‌బీసీ క్వార్టర్స్‌ పేరుతో భవనాలను నిర్మించింది. కుక్కడం గ్రామంలో సర్వే నంబర్‌ 145,146  సుమారు 6 ఎకరాల భూమిని తీసుకొని క్వార్టర్స్‌ నిర్మాణం చేసింది. కొన్నేళ్ల వరకు పనులు జరిగిన తర్వాత క్వార్టర్స్‌ను అధికారులు వదిలి వెళ్లారు. కాలక్రమంలో ఈ క్వార్టర్స్‌ను గ్రామ పంచాయతీ సిబ్బంది వాడుకున్నారు.ఇటీవల కాలంలో గ్రామానికి చెందిన కొంత మంది అ క్వార్టర్స్‌  భూముల్లో  గడ్డివాములు, ముగజీవాలకు నిలపడం, వ్యవసాయ  యంత్రాలు ట్రాక్టర్లును సైతం నిలుపుతూ హద్దులను పెట్టుకునేందుకు రంగం సిద్ధం చేస్తున్నారని సమాచారం. గత సంవత్సరం అధికారులు హరితహారంలో భాగంగా మొక్కలు నాటిన ప్రస్తుతం అక్కడ అవి కనిపించడం లేదు. అధికారులకు గ్రామస్తులు సమాచారం ఇచ్చినా ఎలాంటి స్పందన లేదని వాపోతున్నారు.  డబుల్‌బెడ్‌రూం ఇళ్ల నిర్మాణానికి ఇస్తే ప్రయోజనం కుక్కడంలో ఎస్‌ఎల్‌బీసీ క్వార్టర్స్‌ భూములు ప్రస్తుతం నిరుపయోంగా ఉన్నాయి. అవి ఆక్రమణకు గురికాకముందే ప్రభుత్వం ఆదీనంలోకి తీసుకొని పేదలు ఎక్కువగా ఉన్నటువంటి కుక్కడం గ్రామంలో డబుల్‌ బెడ్‌ రూం ఇళ్ల స్థలాలకు కేటాయించాలని గ్రామస్తులు కోరుతున్నారు. ఇళ్లు ఇవ్వకపోయిన స్థలం ఇచ్చిన అందులో ఇల్లు కట్టుకునేందుకు ఇవ్వాలనీ కోరుతున్నారు. క్వార్టర్స్‌ ఆస్తులు రక్షించాలి కుక్కడం గ్రామంలో సుమారు 6ఎకరాల ప్రభుత్వ క్వార్టర్స్‌ భుములు ఉన్నాయి.ప్రస్తుతం అవి నిరుపయోగంగా మారాయి. కొంత ఇప్పటికే అందులో గడ్డివాములు,తదితర సామగ్రిని నిలిపారు.కొంత మంది హద్దులు పెట్టుకునేందుకు ప్రయత్నం చేస్తున్నారు. ఉన్నతాధికారులు తక్షణమే స్పందించి ప్రభుత్వ క్వార్టర్స్‌ భూములు రక్షించాలి. – ఊరిబిండి శ్రీనివాస్, కుక్కడం మా దృష్టికి రాలేదు  కుక్కడం గ్రామంలో ఎస్‌ఎల్‌బీఈ  క్వార్టర్స్‌ భూములు కబ్జాకు గురవుతున్నాయనన్న విషయం ఇప్పటి వరకు మా దృష్టికి రాలేదు. కుక్కడంలో గ్రామంలో క్వార్టర్స్‌ను భూములు పరిశీలించి అధికారులతో సర్వే చేయించి ,ఎవరైన ఆక్రమించుకుంటే వారిపై చట్టపరమైన చర్యలు తీసుకుంటాం. – చంద్రశేఖర్‌ , తహసీల్దార్‌ మాడ్గులపల్లి  


 * మా జోలికి రావద్దు
 * బాబు మాటలు నమ్మలేం..
 * ప్రభుత్వ భూముల్లో రాజధాని నిర్మించుకోండి
 * అన్నదాత కన్నెర్ర జేస్తే పతనం తప్పదు
 * ‘రాజధాని-రైతు’ సదస్సులో స్పష్టం చేసిన రైతులు
 బంగారం పండే జరీబు భూములను ఎట్టి పరిస్థితుల్లోను వదులుకోబోమని రైతులు తేల్చి చెప్పారు. ఖాళీగా ఉన్న ప్రభుత్వ భూముల్లో రాజధాని నిర్మించుకోమని ప్రభుత్వానికి సూచించారు. ఇచ్చిన మాట నిలబెట్టుకున్న చరిత్రేలేని చంద్రబాబు మాటలు నమ్మలేమని, బలవంతంగా భూములు లాక్కోవాలని చూస్తే సహించబోమని హెచ్చరించారు.
 
 అన్నదాత కన్నెర జేస్తే ప్రభుత్వాల పతనం తప్పదన్నారు. హైదరాబాద్‌కు చెందిన ఫ్యాక్ట్ స్వచ్ఛంద సంస్థ ఆధ్వర్యంలో గురువారం ‘రాజధాని-రైతు’ అంశంపై చర్చావేదిక నిర్వహించారు. గుంటూరు నగరంలోని వైన్ డీలర్స్ అసోసియేషన్ భవనంలో నిర్వహించిన ఈ కార్యక్రమంలో రాజధాని ప్రాంత గ్రామాల ప్రజలు తమ అభిప్రాయాలు వ్యక్తం చేశారు. మెజారిటీ సంఖ్యలో రైతులు భూములిచ్చేందుకు నిరాకరించగా కొద్దిమంది సుముఖత వ్యక్తం చేశారు.
  - అరండల్‌పేట (గుంటూరు)
  
  రైతు జోలికొస్తే మట్టికరవాల్సిందే!
  రైతేరాజు అన్న చంద్రబాబు పచ్చని పంట పొలాలను లాక్కోవడం సమంజసం కాదు. పంటలు పండించి, అన్నం పెట్టే రైతుల జోలికి వస్తే ఎంతటివారైనా మట్టికరవక తప్పదు. తుళ్ళూరు రాజధాని అయితే ఉగ్రవాదులు దాడులు చేసే ప్రమాదం కూడా ఉంది. పచ్చని పొలాలపై చెయ్యి వేస్తే ఏం జరుగుతుందో చరిత్ర చెబుతుంది.
  -ప్రసాదరావు
  
 కంటి  మీద కునుకు లేదు..
 రాజధాని తమ భూముల్లో నిర్మిస్తామని చెప్పిన నాటి నుంచి కంటిమీద కనుకు లేదు. అసలు ప్రభుత్వం ఒక విధివిదానం అంటూ ప్రకటించలేదు. రైతులకు ఎన్ని గజాలు భూమి ఇస్తారు, ఎక్కడ ఇస్తారు, ఎప్పుడు రిజిస్ట్రేషన్ చేస్తారు, చట్టబద్ధత ఎప్పుడు కల్పిస్తారు అన్నదానిపై స్పష్టత లేదు. అన్నీ తెలిసిన చంద్రబాబు ఈ విషయంలో రహస్యం ఎందుకు పాటిస్తున్నారో అర్ధం కావడం లేదు.
  - కోట శ్రీనివాసరావు, యర్రబాలెం
  
 30 వేల ఎకరాలు ఎందుకో..?
 రాజధాని నిర్మాణానికి 30వేల ఎకరాలు ఎందుకో చంద్రబాబు సమాధానం చెప్పాలి. విజయవాడ, గుంటూరు మధ్యలో మంగళగిరిలో అనేక ప్రభుత్వ అటవీ భూములు ఉన్నాయి. అక్కడ రాజధాని నిర్మిస్తే నేషనల్ హైవేకు రైలు మార్గం, అన్ని ఉంటాయి.  సింగపూర్‌కి.. ఇక్కడ పరిస్థితులకు భౌగోళికంగా ఎంతో తేడా ఉంది. పది రకాల కూరగాయలు పండించే తమకు భూములు ఇవ్వడం ఇష్టం లేదు.
  - శంకర్‌రెడ్డి, ఉండవల్లి
  
 ప్రభుత్వంపై నమ్మకం లేదు..
 రాజధానికి భూములు ఇవ్వమని కోరడంతో ఇక్కడి రైతులు తీవ్ర మనోవేదనకు గురవుతున్నారు. తరతరాలుగా భూములతో ఇక్కడి రైతులు అనుబంధాలు పెంచుకున్నారు. ప్రభుత్వంపై నమ్మకం లేక, రుణమాఫీ అమలు చేయకపోవడంతో భయపడి రైతులు ఇప్పటి వరకు 3,500 ఎకరాలు అమ్మారు. ల్యాండ్ పూలింగ్ అంటే ఏమిటో ఇక్కడి రైతులకు తెలియదు. రైతులు, రైతు కూలీలు, కౌలు రైతులు, కార్మికులు తీవ్రంగా నష్టపోయే ప్రమాదం ఉంది.
 - గాంధీ, లింగాయపాలెం, రైతు
  
 మాట్లాడే అవకాశం ఇవ్వలేదు..
 నేను టీడీపీ కార్యకర్తను. రాజధానికి భూములు ఇచ్చేందుకు 99 శాతం రైతులు సముఖంగా ఉన్నారని కేవలం ఎమ్మెల్యేలు, మంత్రులే ప్రకటించారు. మమ్మల్ని చంద్రబాబు వద్దకు తీసుకువెళ్లారు. అయినా అక్కడ ఆయన మాట్లాడే అవకాశమే ఇవ్వలేదు. మాకు ఏం చేస్తారో కూడా స్పష్టంగా చెప్పలేదు. మా గ్రామానికి చెందిన ఒక్క రైతు కూడా మాట్లాడలేదు. కేవలం ఎమ్మెల్యే చెప్పిన వారికే అవకాశం ఇచ్చారు.
 - మధుబాబు, పెనుమాక
  
 రైతును రైతులా ఉంచండి..
 ఆంధ్రప్రదేశ్ రాజధాని సింగపూర్‌లా అవసరం లేదు. అక్కడ కాఫీ రూ.300, క్రాఫ్ చేయించుకోవాలంటే రూ.వెయ్యి అవుతుంది. అంత ఖర్చు చేయలేం. హైదరాబాద్‌లా చారు. రెండు సమోసాలు, ఒక టీ రూ.50తో అయిపోతుంది. రైతులను పారిశ్రామిక వేత్తలను చేయనవసరం లేదు. రైతును రైతులా ఉంచితే చాలు. కార్పొరేట్ సంస్థలకు కట్టబెట్టేందుకే ఇంత భూమి సేకరణ చేస్తున్నారు. మంగళగిరి వద్ద ఖాళీగా ఉన్న భూముల్లో రాజధాని నిర్మించుకోవాలి.
 - చలమారెడ్డి
  
 బాబు హామీల్ని ఎలా నమ్మాలి?
 రైతుల్లో చాలా మందికి అప్పులు ఉన్నాయి. ఇప్పుడు ఉన్న భూములు ఇచ్చి ఏం చేయాలి. అలాగే రైతు రుణమాఫీ అన్న చంద్రబాబు హామీని నిలబెట్టుకోలేదు. ఇప్పుడు చంద్రబాబు, ప్రభుత్వంపై నమ్మకం లేదు. మనం కొనుక్కునే ఇసుకకు ముందే డబ్బులు చెల్లించాలి. కాని రైతులు ఇచ్చే భూములకు ముందు డబ్బులు చెల్లించరా.. అసలు భూములు ఇచ్చే ప్రసక్తే లేదు.
  -కోటిరెడ్డి, పెనుమాక
  
 ఇలాగే బతకనివ్వండి..
 మాది సస్యశ్యామలమైన గ్రామం. మల్లెలు, జాజులు, కూరగాయలు పంటలు పండిస్తున్నాం. మా భూములు రాజధానికి ఇచ్చే ప్రసక్తే లేదు. మాకు సింగపూర్ సిటీలు వద్దు. మాకు ఇక్కడ మూడు పంటలు పండుతాయి. హాయిగా ఉన్నాం. మమ్మల్ని ఇలాగే ఉండనివ్వండి          - అంజమ్మ, నిడమర్రు
  
 భూములిస్తే ఎలా బతకాలి?
 ఐదువేల ఎకరాల్లోనే రాజధాని నిర్మించుకోవచ్చని కృష్ణా జిల్లాకు చెందిన టీడీపీ నాయకులే చెబుతున్నారు. మంగళగిరి వద్ద ఉన్న ప్రభుత్వ భూముల్లో రాజధాని నిర్మించుకోవాలి. భూములు ఇచ్చిన రైతు ఎలా బతకాలి. పదేళ్లలో రేట్లు పెరగవచ్చు. అప్పుడు రైతు ఎలా జీవనం సాగించాలి. రైతుల నుంచి బలవంతంగా భూములు లాక్కోవడం సరికాదు.
 -సింహాద్రి లక్ష్మారెడ్డి, కాజ, రైతుకూలీ సంఘం
  
 బలవంత పెట్టొద్దు..
  ప్రభుత్వం ల్యాండ్ పూలింగ్‌పై తీసుకువచ్చే ఆర్డినెన్స్ లేదా చట్టంలో భూములు ఇవ్వని వారి నుంచి బలవంతంగా తీసుకోము అన్న అంశం చేర్చాలి. మేము ఇక్కడ చాలా అభివృద్ధి చెంది ఉన్నాం. ఇక్కడ పండే పంటలతో మా కుటుంబాలను పోషించుకుంటాం. మాది అభివృద్ధి చెందిన ప్రాంతం. సీఎం ఇచ్చే వెయ్యి గజాల స్థలం మాకు వద్దు. మా భూముల జోలికి రావద్దు.
 - నరేష్‌రెడ్డి, ఉండవల్లి
  
 ఎకరం భూమి అమ్ముకున్నా..
 నాకు పది ఎకరాల భూమి ఉంది. రాజధాని ప్రకటించక ముందు ఇక్కడ ఎకరా రూ.10 లక్షల నుంచి రూ.15 లక్షలు ధర ఉంది. ఇప్పుడు ఎకరా 1.40 కోట్లు. దీంతో నేను ఎకరం భూమి అమ్ముకున్నాను. గత ఏడాది పంట నష్టం వచ్చి అప్పుల పాలయ్యాను. రాజధానికి భూములు ఇచ్చేందుకు నేను సిద్ధం.
 -కోట అప్పారావు, తుళ్లూరు
  
 పరిహారం సరిపోదు..
 రైతు సమస్యలపై విస్తృతంగా చర్చించాలి. రైతులకు మేలు జరిగేలా చర్యలు తీసుకోవాలి. రాజధానికి భూములు ఇచ్చే రైతుల హక్కులను కాపాడాలి. ప్రభుత్వం ఇచ్చే పరిహారం సరిపోదు. సరైన నిబంధనలను ప్రకటిస్తే భూములు ఇస్తాం.
 -చనుమోలు రమేష్, తుళ్లూరు
  
 పచ్చని పంటలు పాడుచేయొద్దు..
 హుదూద్ తుపాను ప్రభావంతో పచ్చదనం మొత్తం పోయింది. ఇప్పుడు రాజధాని పేరుతో ఇప్పుడు పచ్చని పంట పొలాలను నాశ నం చేయవద్దు. మనిషి తన అభివృద్ధి కోసం, రాజధాని పేరుతో గ్రీనరీని పాడుచేయవద్దు. రాజధాని కోసం భూములు బలవంతంగా సేకరించడం సమర్ధనీయం కాదు.
 - చిన్నపరెడ్డి, వుయ్‌కేర్ వెల్ఫేర్ అసోసియేషన్  ప్రతినిధి
  
 భూమి లాక్కుంటే సహించం..
 రాజధాని కోసం 29 గ్రామాల్లో భూ సమీకరణ చేయాలని ప్రభుత్వం ప్రకటించింది. ఇష్టం ఉన్న రైతులు భూములను ఇవ్వవచ్చు. ఇష్టం లేని వారి నుంచి బలవంతంగా భూములు లాక్కుంటే సహించేది లేదు. రాజధానికి భూముల అవసరం చంద్రబాబుకు ఉంది. ఆయన వద్దకు రైతులు వెళ్లి చులకన అయ్యారు. రైతులు వెళ్లకుండా ఉండాల్సి ఉంది.
  -మేరిగ విజయలక్ష్మి, గుంటూరు