సాక్షి, అమరావతి: ఆంధ్రప్రదేశ్‌ రాష్ట్రవ్యాప్తంగా అవ్వా­తాత­లు, వితంతువులు, దివ్యాంగులు, ఒంటరి మ­హి­­ళలు, వివిధ చేతివృత్తిదారులు, దీర్ఘకాలిక వ్యాధిగ్రస్తులకు పింఛన్‌ డబ్బులు పంపిణీ రెండో రోజు శనివారం కూడా ముమ్మరంగా కొన­సాగింది. వలంటీర్లు శనివారం సాయంత్రం వరకు 60,03,709 మంది లబ్ధిదారుల ఇళ్లకు వెళ్లి రూ.1,654.61 కోట్లు పింఛన్‌ డబ్బులు పంపిణీ చేశారు. డిసెంబరు నెలలో మొత్తం 65,33,781 మందికి పింఛన్ల పంపిణీ కోసం రూ.1,800.96 కోట్లను ప్రభుత్వం విడు­దల చేసిన విషయం తెలిసిందే. మొత్తం లబ్ధి­దారుల్లో 91.89 శాతం మందికి పింఛన్ల పంపిణీ పూర్తిచేశారు. ఈ నెల 5వ తేదీ వరకు మి­గి­లిన లబ్ధిదారుల ఇళ్లకు వలంటీర్లు వెళ్లి పింఛన్లు అందజేస్తారని అధికారులు తెలిపారు. 

సాక్షి, అమరావతి: సెలవు రోజైనా ప్రభుత్వం ఠంఛన్‌గా అవ్వాతాతలకు పింఛన్లు పంపిణీ చేసింది. ఆదివారం తెల్లవారుజాము నుంచే వలంటీర్లు లబ్ధిదారుల ఇంటింటికి వెళ్లి రాష్ట్రవ్యాప్తంగా 51,37,566 మంది అవ్వాతాతలు, వితంతు, దివ్యాంగ, ఒంటరి మహిళ, వివిధ రకాల చేతివృత్తిదారులు, దీర్ఘకాలిక వ్యాధిగ్రస్తులకు రూ.1,415.64 కోట్ల మొత్తాన్ని అందజేశారు. అక్టోబరు ఒకటో తేదీ నుంచి పంపిణీకిగాను 65,78,854 మంది లబ్ధిదారుల కోసం ప్రభుత్వం మొత్తం రూ.1,813.60 కోట్ల విడుదల చేసింది. ఒకటో తేదీ ఆదివారం సెలవు అయినా.. సాయంత్రానికి 78.09 శాతం మంది లబ్ధిదారులకు పంపిణీ పూర్తయినట్టు ఉప ముఖ్యమంత్రి బూడి ముత్యాలనాయుడు చెప్పారు. మిగిలిన వారి కోసం ఐదోతేదీ వరకు వలంటీర్ల ఆధ్వర్యంలో పింఛన్ల పంపిణీ కొనసాగుతుందని తెలిపారు. 

సాక్షి, అమరావతి: అవ్వాతాతలు, వితంతు, దివ్యాంగులు, దీర్ఘకాలిక వ్యాధిగ్రస్తులు, వివిధ రకాల చేతి వృత్తిదారులకు సంబంధించి రాష్ట్రవ్యాప్తంగా మరో 1,93,680 మందికి వైఎస్సార్‌ సీపీ ప్రభుత్వం మంగళవారం కొత్తగా పింఛన్లు మంజూరు చేసింది. దీంతో రాష్ట్రంలో ప్రతి నెలా అందజేసే పింఛన్ల సంఖ్య రికార్డు స్థాయిలో 65,98,138కి చేరింది. కొత్తగా మంజూరైన వారికి ఈ నెల నుంచే ఫింఛన్‌ డబ్బులు పంపిణీ చేసేందుకు వీలుగా ఈ నెల పింఛన్ల పంపిణీ కార్యక్రమాన్ని 14వతేదీ వరకు పొడిగిస్తూ ప్రభుత్వం నిర్ణయం తీసుకున్నట్లు గ్రామీణ పేదరిక నిర్మూలన సంస్థ (సెర్ప్‌) సీఈవో ఏఎండీ ఇంతియాజ్‌ తెలిపారు. కొత్త పింఛన్ల మంజూరుకు అదనంగా అవసరమయ్యే నిధులను కూడా అన్ని గ్రామ, వార్డు సచివాలయాల బ్యాంకు ఖాతాల్లో ప్రభుత్వం జమ చేసిందని, చాలా చోట్ల మంగళవారం సాయంత్రం నుంచే కొత్త పింఛన్‌దారులకు నగదు పంపిణీ ప్రారంభమైనట్లు అధికారులు వెల్లడించారు. ఈ నెలలో కొత్తగా పింఛన్‌ మంజూరైన 1,93,680 మంది లబ్ధిదారులలో 95,653 మంది అవ్వాతాతల వృద్ధాప్య పింఛన్లున్నాయి. 40,058 మంది వితంతువులు, 29,858 మంది దివ్యాంగులు, 6,861 మంది డప్పు కళాకారులు, 4,763 మంది మత్య్సకారులు, 2,844 మంది కల్లుగీత కార్మికులు, 4 వేల మంది హెచ్‌ఐవీ బాధితులు కాగా మిగిలినవి ఇతర పింఛన్లు ఉన్నట్లు అధికారులు తెలిపారు.   ఈ నెలలో కొత్తగా 3,42,452 మందికి పింఛన్లు...  ఎప్పటిమాదిరిగానే ఈ నెల ఒకటో తేదీనే ప్రభుత్వం పింఛన్ల పంపిణీ ప్రారంభించే సమయంలో 1,48,772 మందికి కొత్తగా పింఛన్లు మంజూరు చేసింది. అప్పటికే పింఛన్ల పొందుతున్న వారితో కలిపి సెప్టెంబరు ఒకటో తేదీన ప్రభుత్వం మొత్తం 64,04,458 మంది లబ్ధిదారులకు పింఛన్ల మొత్తాన్ని విడుదల చేసింది. తాజాగా రెండో విడతగా మంగళవారం మంజూరు చేసిన 1,93,680 మంది కొత్త లబ్ధిదారులతో కలిపి ఈ నెలలో రెండు విడతల్లో మొత్తం 3,42,452 మందికి ప్రభుత్వం కొత్త పింఛన్లను మంజూరు చేయడం గమనార్హం.   ఒక్క నెలలో పింఛన్లకు రూ.1,819.02 కోట్లు..  సెప్టెంబరు ఒకటో తేదీన మొత్తం 64,04,458 మందికి పింఛను డబ్బుల పంపిణీకి రూ.1,764.83 కోట్లను ప్రభుత్వం విడుదల చేసింది. తాజాగా కొత్తగా మంజూరు చేసిన వారితో కలిపి ఈ నెలలో మొత్తం 65,98,138 మంది లబ్ధిదారులకు పంపిణీ చేసేందుకు ప్రభుత్వం మొత్తం రూ.1,819.02 కోట్లను సెప్టెంబర్‌లో విడుదల చేసింది. ఈ నెలలో రెండు విడతలతో పాటు కొత్తగా పింఛన్లు మంజూరు చేసిన 3,42,452 మంది లబ్ధిదారుల కోసం ప్రభుత్వం ప్రతి నెలా రూ.96.12 కోట్ల చొప్పున అదనంగా ఖర్చు చేసేందుకు ముందుకొచ్చినట్లు అధికారులు వెల్లడించారు.    నాలుగేళ్లలో 28.26 లక్షల కొత్త పింఛన్లు రాష్ట్రంలో ప్రస్తుతం పింఛన్లు పొందుతున్న  ప్రతి పది మందిలో నలుగురుకి వైఎస్‌ జగన్‌మోహన్‌రెడ్డి సీఎం అయిన తరువాతే కొత్తగా పింఛన్లు మంజూరయ్యాయని అధికారులు తెలి­పా­రు. జగన్‌ సీఎం అయ్యాక 28,26,884 మందికి ప్రభు­త్వం కొత్తగా పింఛన్లు మంజూరు చేసినట్లు గ్రామీణ పేదరిక నిర్మూలన సంస్థ (సెర్ప్‌) అధికారులు గణాంకాలతో వెల్లడిస్తు­న్నారు. గత ప్రభు­త్వం ప్రతి నెలా పింఛన్ల కోసం సరాసరిన రూ.400 కోట్లు మాత్రమే ఖర్చు చేయ­గా ఇప్పుడు సీఎం జగన్‌ ప్రభుత్వం సెప్టెంబరు నెలలో ఏకంగా రూ.1,819 కోట్లు వెచ్చించడం గమనార్హం. సీఎంగా వైఎస్‌ జగన్‌మోహన్‌రెడ్డి బాధ్యతలు చేపట్టిన తర్వాత గత నాలుగేళ్లుగా లంచాలు, వివక్షకు తావు లేకుండా అర్హతే ప్రామాణికంగా సంతృప్త స్థాయిలో కొత్త పింఛన్లు మంజూరు చేస్తున్న విషయం తెలిసిందే. అవ్వాతాతలతో పాటు దివ్యాంగులకు ఏ చిన్న కష్టం లేకుండా ప్రతి నెలా ఒకటో తేదీనే వలంటీర్లు లబ్ధిదారుల ఇళ్ల వద్దకు వెళ్లి పింఛన్ల సొమ్మును అందజేస్తున్నారు.

సాక్షి, హైదరాబాద్‌: ‘తాత ముత్తాతలు, అమ్మమ్మ నానమ్మలు.. తమ మనవళ్లు, మనవరాళ్లను కలవకుండా ఉండలేరు. పిల్లలంటే తల్లిదండ్రులకే కాదు.. నానమ్మ, అమ్మమ్మ, తాతయ్యలకు కూడా ప్రేమ, అభిమానం, వాత్సల్యం ఉంటుంది. పిల్లల ఎదుగుదలలో తాతముత్తాతల పాత్ర కూడా ముఖ్యమైనదే. పిల్లల సంరక్షణ అంటే ఒక్క డబ్బుతో ముడిపడిందే కాదు.. పలు దృక్కోణాల్లో చూడాలి. తండ్రి/తల్లి బిడ్డను జాగ్రత్తగా చూసుకోగలిగినంత మాత్రాన అది పూర్తిగా పరిగణించబడదు. జీవితంలో దగ్గరి వ్యక్తుల, తమకు ఇష్టమైన వారి జీవన విధానాన్ని అనుసరిస్తూ చిన్నారులు వ్యక్తిగా ఎదుగుతారు. ప్రతి బిడ్డ సంతోషకరమైన బాల్యానికి అర్హులు. తాత–తల్లిదండ్రుల ఉనికి నుంచి మనుమలు పొందే ప్రేమ, ఆప్యాయత, భద్రత నిస్సందేహంగా ముఖ్యమైనవి. వీటిని కూడా పరిగణనలోకి తీసుకోవాలి’అని ఓ కేసు విచారణ సందర్భంగా హైకోర్టు కీలక వ్యాఖ్యలు చేసింది. మొదటి భార్య(ఓ చిన్నారి తల్లి) మరణించడంతో నల్లగొండకు చెందిన ఓ వ్యక్తి రెండో వివాహం చేసుకున్నాడు. ఆ చిన్నారి ప్రస్తుతం తండ్రి వద్దే ఉంటోంది. చిన్నారిని తన సంరక్షణకు ఇవ్వాలంటూ నల్లగొండకు చెందిన 56 ఏళ్ల మహిళ(చిన్నారి అమ్మమ్మ) జిల్లా కోర్టులో పిటిషన్‌ వేసింది. కేసు విచారణ కొనసాగుతోంది. ఇదిలా ఉండగా, మనవరాలిని చూసేందుకు తనకు అనుమతి ఇవ్వడం లేదని, ఇచ్చేలా ఆమె తండ్రిని ఆదేశించాలని కోరుతూ ఆ మహిళ హైకోర్టును ఆశ్రయించింది. ఈ సివిల్‌ రివిజన్‌ పిటిషన్‌పై న్యాయమూర్తి జస్టిస్‌ కన్నెగంటి లలిత విచారణ చేపట్టారు. పిటిషనర్‌ తరఫున కె.సీతారాం, ప్రతివాది తరఫున పి.విజయ్‌కుమార్‌ వాదనలు వినిపించారు. వాదనలు విన్న న్యాయమూర్తి అనుబంధాలపై పలు కీలక వ్యాఖ్యలు చేశారు. ‘ఈ కేసులో అత్త, అల్లుడి వివాదాలను కోర్టు పరిగణనలోకి తీసుకోవడంలేదు.వారి వివాదాలు పిల్లల మానసిక ఎదుగుదలపై ప్రభావం చూపకూడదు. అమ్మమ్మ తాతయ్యల పట్ల ద్వేషంతో పెంచితే పాప కచ్చితంగా మంచి మనిషిగా పరిణామం చెందదు. ఇది జీవితకాల ప్రతికూల ప్రభావాన్ని చూపుతుంది అనడంలో సందేహం లేదు. ఈ అంశాలను పరిగణనలోకి తీసుకున్న తర్వాత అమ్మమ్మ తన మనవరాలిని వారానికి ఒకసారి కలవడానికి అనుమతి ఇస్తున్నాం’అని ఆదేశించింది.   చదవండి: Mukarram Jha: నిజాం రాజు ముకరం జాకు సీఎం కేసీఆర్‌ నివాళులు..

ప్రభుత్వోద్యోగిగా రిటైరైన ఎఎస్‌రావు నగర్‌ వాసి ప్రహ్లాదరావు, కొన్నాళ్ల క్రితం భార్యను కోల్పోయారు. ఆ తర్వాత ఆయన ఆరోగ్యం దెబ్బతిని డయాబెటిస్, బీపీ వగైరాలు చుట్టుముట్టాయి. ఇటీవల ఆయన తన వయసుకు తగ్గ తోడును వెదుక్కుని మళ్లీ ఓ జంటవారయ్యారు. కొన్ని నెలల్లోనే ఆయన ఆరోగ్య సమస్యలూ నియంత్రణలోకి వచ్చాయి.   పిల్లలంతా వేర్వేరు చోట్ల స్థిరపడిపోవడంతో ఒంటరిగా ఉంటున్న శైలజ (55) ఇటీవలే తనలాగే ఒంటరిగా ఉంటున్న స్నేహితుడితో కలిసి జీవించడం ప్రారంభించారు. విచిత్రంగా ఆమెను  వేధించిన డిప్రెషన్, నిద్రలేమి తదితర సమస్యలన్నీ మాయమయ్యాయి. ‘ఏ వయసులోనైనా తోడు అనేది ఒక తప్పనిసరి. అది మనిషిని మానసికంగా సేదతీర్చి అనేక ఆరోగ్య సమస్యలకు చికిత్సలా పనిచేస్తుంది’ అని నగరానికి చెందిన ఫిజిషియన్‌ డా.శంకర్‌ చెప్పారు.   సాక్షి, హైదరాబాద్‌ :  ఒంటరి జీవితం ఏ వయసులోనైనా దుర్భరమే అయినప్పటికీ.. మరే రకమైన వ్యాపకం లేని వృద్ధులకు అది మరింత తీవ్రమైన సమస్యగా మారుతుంది. ఈ పరిస్థితిలోనే  అనేక రకాల శారీరక, మానసిక అనారోగ్యాలకు వారు గురవుతారు. అప్పటిదాకా లేని జబ్బులు వారిని చుట్టుముడతాయి. ‘‘మానసిక వేదన, నిరాశా నిస్పృహలు, తాము అప్ర«దాన వ్యక్తులుగా మారామనే భావన...రోగ నిరోధకశక్తిని తీవ్రంగా దెబ్బతీస్తాయి. దాగి ఉన్న వ్యాధులు విజృంభించేలా చేస్తాయి’’ అని సైకాలజిస్ట్‌ ప్రవీణ్‌ చెప్పారు   నిద్రలేమి, బీపీ తగ్గాయి..  ఒంటరిగా ఉన్నప్పుడు రక్తపోటు, చక్కెర వ్యాధి, నిద్రలేమి వంటి సమస్యలు వేధించేవి. నిత్యం మందులు వాడాల్సి వచ్చేది. ఈ పరిస్థితిలో టైమ్‌కి మందులవీ ఇచ్చి నా బాగోగులు చూసుకునేందుకు ఒకరు ఉంటే బాగుండని రాజేశ్వరిని పెళ్లి చేసుకుంటే... తనే నా పాలిట మెడిసిన్‌గా మారింది. ఇప్పుడు నిద్రలేమి పోయింది.. మందుల అవసరం తగ్గిపోయింది.      –కోటేశ్వరరావు  ఆ‘పరేషాన్‌’ తీరింది...  వ్యక్తిగతంగా నేనూ 60ఏళ్ల వయసులో పునర్వివాహం చేసుకున్నాను. ఆ పెళ్లి నాతో పాటు నా భర్త ఆరోగ్యాన్ని కూడా చాలా మెరుగయ్యేలా చేసింది. తోడు నీడ స్థాపించడానికి అదో కారణం. మా సంస్థ ద్వారా కొన్ని వందల మంది సీనియర్‌ సిటిజన్స్‌ని పెళ్లిళ్లు/లివిన్‌ రిలేషన్‌ షిప్స్‌ ల ద్వారా జంటలుగా మార్చాం. అది అనేకమందికి అప్పటికే ఉన్న అనారోగ్య సమస్యలకు  పరిష్కారం చూపింది. ఒంటరిగా ఉన్న ఓ పెద్దావిడ ఎప్పటి నుంచో వాయిదా వేస్తూ వచ్చిన మోకాలి చిప్ప ఆపరేషన్‌ ను పెళ్లయిన వెంటనే చేయించుకోగలిగారనేది దానికో చిన్న ఉదాహరణ మాత్రమే.   –రాజేశ్వరి, నిర్వాహకులు తోడు నీడ సీనియర్‌ సిటిజన్స్‌ సంక్షేమ సంఘం    (చదవండి: ‘లింక్‌’ ప్యాకేజ్‌... అనుసంధాన రోడ్లకు రూ.2410 కోట్లు)

ఫిదా సినిమాతో తెలుగు ప్రేక్షకులను దగ్గరైంది త‌మిళ భామ సాయి ప‌ల్లవి నేచురల్‌ బ్యూటీగా పేరు తెచ్చుకుంది. త‌న అందం, అభిన‌యంతో కుర్రకారును ఆక‌ట్టుకుంటూ తెలుగు, త‌మిళ భాష‌ల్లో బిజీ హీరోయిన్‌గా మారిపోయింది. సినిమాలతో పాటు సమయం చిక్కినప్పుడల్లా కుటుంబంతో గడిపేందుకు రెడీగా ఉంటుంది. తాజాగా సాయి పల్లవి తన తాతయ్య 85వ పుట్టినరోజు వేడుకల్లో సంప్రదాయ చీరకట్టులో కనిపించి నిజంగానే అందరినీ ఫిదా చేసింది. నీలిరంగు పట్టు చీరలో అందంగా, ముద్దుగా మెరిసిపోతుంది. ముఖంపై ఏ మాత్రం మేకప్‌ లేకున్నా కుందనపు బొమ్మలా కనిపిస్తోంది. తాతయ్య, అమ్మమ్మ, చెల్లెలితో కలిసి ఫోజులిస్తూ దిగిన ఫోటోలో ముఖం నిండా చిరునవ్వు.. అమితమైన సంతోషం కనిపిస్తోంది. ‘మూలాలు(రూట్స్‌).. తాత 85వ పుట్టినరోజు’ అంటూ వేడుకకు సంబంధించిన ఫోటోలను తన ఇన్‌స్టాగ్రామ్‌లో షేర్‌ చేసింది. ప్రస్తుతం ఇవి నెట్టింట్లో వైరల్‌గా మారాయి. దీనిపై సెలబ్రిటీలు, అభిమానులు స్పందిస్తున్నారు. నటి రాశీఖన్నా ‘బ్యూటీ’ అంటూ కామెంట్‌ చేసింది. ‘ప్లాస్టిక్‌ బ్యూటీ ఇండస్ట్రీలో సాయి పల్లవి నేచురల్‌ బ్యూటీ. నేచురల్‌ బ్యూటీ క్వీన్‌. బ్యూటీఫుల్‌’ అంటూ ఓ నెటిజన్లు కామెంట్‌ చేస్తున్నారు. ఇక సాయి పల్లవి ప్రస్తుతం శేఖర్ కమ్ముల దర్శకత్వంలో తెరకెక్కుతోన్న లవ్ స్టోరీలో చేస్తుంది. నాగచైతన్య హీరోగా నటిస్తున్న ఈ సినిమా త్వరలోనే ఈ ప్రేక్షకుల ముందుకు రానుంది. అదే విధంగా రానా ప్రధాన పాత్రలో రూపొందుతున్న విరాట పర్వం సినిమాలో హీరోయిన్‌గా నటిస్తుంది. నేచురల్ స్టార్ నాని హీరోగా వస్తున్న శ్యామ్ సింగరాయ్ సినిమాలో కూడా ఈ హీరోయిన్‌‌‌గా చేస్తుంది. View this post on Instagram A post shared by Sai Pallavi (@saipallavi.senthamarai)

సాక్షి, న్యూఢిల్లీ : ఆధునిక సమాజంలో ప్రపంచవ్యాప్తంగా గ్రాండ్‌ పేరెంట్స్‌ (తాతలు, అమ్మమ్మలు లేదా బాపమ్మలు) నిర్వహిస్తున్న పాత్ర అంతా ఇంతా కాదు. పిల్లల సంరక్షణ నుంచి వారి పెళ్లిళ్ల వరకు వారు నిర్వహిస్తున్న పాత్ర అమోఘమైనది. పిల్లల సంరక్షణతోపాటు వారికి సామాజిక మార్గనిర్దేశంలో వారి పాత్ర మరువ లేనిది. కుటుంబ పోషణలో కూడా వారి పాత్ర ముఖ్యమైనదే. గ్రాండ్‌ పేరెంట్స్‌ పిల్లలను సంరక్షిస్తున్న కారణంగా ఒక్క బ్రిటన్‌ కుటుంబానికి ఏడాదికి ఏడు వేల కోట్ల డాలర్లు ఆదా అవుతాయంటే ఆశ్చర్యం వేస్తోంది. ఎందుకంటే ఆ దేశంలో పిల్లల సంరక్షణ చాలా ఖరీదు. అయితే ఆస్ట్రేలియాలోనైతే 200 కోట్ల డాలర్లను ఓ కుటుంబం ఏడాదికి ఆదా చేయవచ్చు. నేడు ప్రపంచ జనాభా 760 కోట్లుకాగా, వారిలో 18 శాతం అంటే, 140 కోట్ల మంది గ్రాండ్‌ పేరెంట్స్‌ ఉన్నారు. అయితే వారి సంఖ్య ఒక్కో దేశంలో ఒక్కో విధంగా ఉంది. పెళ్లిళ్ల వయస్సు, తల్లిదండ్రుల్లో సంతానోత్పత్తి శక్తి, ప్రజల ఆయుషు ప్రమాణం అంశాలపై ఆధారపడి వారి సంఖ్య ఉంటుంది. వారి సంఖ్య ఇథియోపియా, కెన్యా, నైజీరియా, పాకిస్థాన్‌ దేశాల్లో అతి తక్కువగా 15 శాతం ఉండగా, కోస్టారికా, జపాన్, రష్యా, ఉక్రెయిన్‌లో 25 శాతం ఎక్కువగా ఉంది. ప్రపంచవ్యాప్తంగా గ్రాండ్‌ పేరెంట్స్‌లో మహిళల సంఖ్యనే ఎక్కువ. ప్రపంచవ్యాప్తంగా 80 కోట్ల మంది అవ్వలు ఉండగా, 58 కోట్ల మంది తాతలు ఉన్నారు. ఇక పిల్లలే లేని వద్ధులు 60 లక్షల మంది ఉన్నారు. భారత్, పాకిస్థాన్, ఇండోనేసియా, టర్కీ లాంటి వర్ధమాన దేశాల్లో 40 ఏళ్లకు పైబడి పిల్లలు లేని వారి సంఖ్య ఐదు శాతానికన్నా తక్కువగా ఉంది.  అదే అభివద్ధి చెందిన ఆస్ట్రేలియా, కెనడా, ఫిన్లాండ్, అమెరికా, బ్రిటన్‌ లాంటి దేశాల్లో 40 ఏళ్లకు పైబడి పిల్లలులేని తల్లుల సంఖ్య పది శాతానికిపైగా ఉండగా 50 ఏళ్లకు పైబడి పిల్లలులేని తల్లుల సంఖ్య 20 శాతానికిపైగా ఉండడం ఆశ్చర్యం. ఓ కుటుంబంలోని భార్యాభర్తలు ఎప్పుడు గ్రాంట్‌ పేరెంట్స్‌గా మారుతారన్న విశయం సాధారణంగా మొదటి సంతానం ఎప్పుడయింది అన్నదానిపైనే ఎక్కువగా ఆధారపడి ఉంటుంది. కెనడా, జర్మనీ, ఇటలీ, నెదర్‌లాండ్స్, స్విట్జర్‌లాండ్‌ లాంటి అభివద్ధి చెందిన దేశాల్లో ఓ మహిళకు తన 30వ ఏటా మొదటి సంతానం కలుగుతుంది. అంటే వారు గ్రాండ్‌ మదర్‌ అయ్యే వయస్సు దాదాపు 60 ఏళ్లు. బంగ్లాదేశ్, చాడ్, మాలి, నైగర్, జాంబియాలాంటి దేశాల్లో 20 ఏళ్లలోపే మహిళలకు మొదటి సంతానం కలుగుతుంది. అంటే వారు 40 ఏళ్ల నాటికి గ్రాండ్‌ మదర్స్‌ అవుతారు. ఎక్కువ సంతానోత్పత్తి కలిగిన ఉగాండ, కెన్యా, నైజీరియా లాంటి దేశాల్లో 50 ఏళ్లు మించిన వారి సంఖ్య వారి దేశ జనాభాలో పది శాతం కాగా, జర్మనీ, ఇటలీ, జపాన్‌ లాంటి దేశాల్లో 50 ఏళ్లు పైబడిన వారు వారి జనాభాలో దాదాపు 40 శాతం కావడం విశేషం. ఓ కుటుంబంలో గ్రాండ్‌ పేరెంట్స్‌ ఎంతకాలం జీవించి ఉంటారనే అంశం వారి పెళ్లీడు వయస్సు, అక్కడి జీవన ప్రమాణాలపై ఆధారపడి ఉంటుంది. 20వ శాతాబ్దం ప్రారంభంలో అమెరికాలో మనిషి ఆయుష్సు ప్రమాణం 47 ఏళ్లుకాగా, గ్రాంట్‌ పేరెంట్స్‌గా 30 ఏళ్లు బతికిన వాళ్లు 20 శాతంకాగా, 77 ఏళ్ల ఆయుష్సు ప్రమాణం కలిగిన నేటి తరంలో గ్రాంట్‌ పేరెంట్స్‌గా 30 ఏళ్లు బతికే వాళ్లు దాదాపు 80 శాతం ఉంటున్నారు. గ్రాంట్‌ పేరెంట్స్‌లో కూడా ఎక్కువ కాలం బతుకుతున్న వాళ్లు మహిళలే ఎక్కువ. ప్రపంచవ్యాప్తంగా నేడు బతికున్న శాతాధిక వద్ధుల్లో 80 శాతం మంది మహిళలే ఉన్నారు. వీరి సంఖ్య 21వ శాతాబ్దంలో మూడు రెట్లు పెరిగింది.  ప్రపంచవ్యాప్తంగా శతాధిక వద్ధుల సంఖ్య నేడు 50 లక్షలుకాగా, వీరి సంఖ్య 2030 నాటికి బాగా పెరగనుందని అంచనా వేస్తున్నారు. ప్రస్తుతం అమెరికాలోని ఎనిమిదేళ్ల పిల్లల్లో 70 శాతం మంది గ్రేట్‌ గ్రాండ్‌ పేరంట్స్‌ (ముత్తాతలు, ముత్తవ్వలు) అయ్యే అవకాశం ఉందని అంచనాలు తెలియజేస్తున్నాయి. ఆధునిక సమాజంలో గ్రాండ్‌ పేరెంట్స్‌ పాత్ర విశేషంగా పెరిగింది. భార్యాభర్తల్లో ఇద్దరు ఉద్యోగస్థులైతే పిల్లలను పూర్తిగా గ్రాండ్‌ పేరెంట్లే చూసుకోవాల్సి వస్తోంది. ఒంటిరి తల్లి లేదా ఒంటరి తండ్రున్న కుటుంబాల్లో కూడా పిల్లల పెంపకం బాధ్యత గ్రాండ్‌ పేరెంట్స్‌పైనే పడుతోంది. ఇక ఉద్యోగార్థం విదేశాలకు వలసపోయిన కుటుంబాల్లో వీరి పాత్ర మరీ ముఖ్యంగా తయారయింది. చాలా కుటుంబాల్లో గ్రాండ్‌ పేరంట్స్‌ పిల్లల పోషణతోపాటు ఆర్థికంగా కూడా అండగా ఉంటుందన్నారు. ఇంత పాత్రను పోషించే గ్రాంట్‌ పేరెంట్స్‌ గౌరవార్థం నేడు ప్రపంచంలోని ఎక్కువ దేశాలు ప్రతి ఏటా సెప్టెంబర్‌ 9వ తేదీన వారి దినోత్సవాన్ని జరుపుతున్నాయి. ఈ సారి కూడా ఆస్ట్రేలియా, కెనడా, ఫ్రాన్స్, ఎస్టోనియా, జర్మనీ, ఇటలీ, మెక్సికో, పోలండ్, సింగపూర్, స్పెయిన్, బ్రిటన్‌ దేశాలు జరుపుకోగా అమెరికా ఈ రోజు అంటే సెప్టెంబర్‌ 10వ తేదీన జరుపుకుంటోంది. భారత్‌లో ఇది అంతగా ప్రాచుర్యంలోకి రాలేదు. 


 బెంగళూరు: మోడల్‌ అయి ఉండి ఓ యువతి మతిస్థిమితం లేని అమ్మాయిలా దుశ్చర్యకు పాల్పడింది. తన తాతాబామ్మలు డబ్బులు ఇవ్వలేదనే కోపంతో వారిని ఇంట్లో వేసి తాళం వేసి అనంతరం నిప్పుపెట్టి తగులబెట్టింది. ఈ క్రమంలో ఆ వృద్ధ దంపతులు స్వల్పంగా గాయపడ్డారు. సర్వం కోల్పోయారు. ఈ చర్యకు దిగిన ఆ యువతి అనంతరం పారిపోయింది. ప్రస్తుతం పోలీసులు ఆమెకోసం గాలిస్తున్నారు. పూర్తి వివరాల్లోకి వెళితే.. మైసూర్‌లో ప్రియా(22) అనే ఓ యువతి తన తాతాబామ్మలతో కలిసి ఉంటోంది. తల్లిదండ్రులు లేరు. ఆమె తల్లి బతికుండగానే తండ్రి మరో వివాహం చేసుకున్నాడు.
 
 ఆ తర్వాత కొద్ది రోజులకే తల్లి చనిపోవడంతో ప్రస్తుతం తాతయ్యవాళ్లతో ఉంటోంది. ఆమెకు సిగరెట్లు తాగడం, మద్యం సేవించడంవంటి దుర్వ్యసనాలు కూడా అలవాటైనట్లు తెలుస్తోంది. ఈ నేపథ్యంలోనే అప్పుడప్పుడు మోడలింగ్‌కు వెళుతున్న ప్రియా తనకు కొంత డబ్బు కావాలని అడుగగా వారు నిరాకరించారు. దీంతో ఆగ్రహం వ్యక్తం చేస్తూ వారిని ఇంట్లో పడేసి తలుపులేసి నిప్పంటించి పారిపోయింది. వారి అరుపులు విని చుట్టుపక్కలవారు వచ్చి ప్రాణాలతో రక్షించారు. అగ్నిమాపక యంత్రాలు వచ్చి మంటలు ఆర్పేశాయి. కాగా, తమ మనుమరాలిపై కేసు పెట్టేందుకు నిరాకరించారు. ఆమె తిరిగి తమ ఇంటికి రావాలని కోరుకుంటున్నారు.
 


 ముంబయి: పుట్టిన రోజు వేడుకలంటే.. సాధారణంగా పండుగ వాతావరణంతో నిండిఉంటాయి. సరదాలుసంతోషాలు ఆ రోజు ఇంట్లో వెళ్లి విరుస్తాయి. ముఖ్యంగా ఆ పుట్టిన రోజు జరుపుకుంటున్న వ్యక్తి ముఖం ఆ రోజంతా నిండా విచ్చుకున్న తామరలా ఉంటుంది. కానీ, ప్రముఖ బాలీవుడ్ నటి అలియా భట్ మాత్రం తన పుట్టిన రోజు ఏడ్చేసింది.
 
 అయితే అదేదో బాధతో కాదు. ఆనంద పరవశంతో.. కళ్లతో కాదు హృదయంతో.. బహుషా ఏ స్నేహితుల మధ్య గడిపినా దక్కని ఆనందం.. లక్షలు ఖర్చుపెట్టి ఏ లగ్జరీ హోటల్లో పుట్టిన రోజు జరుపుకున్నా దొరకని సంతోషం అలియా సొంతమైంది. ఆమె తాతబామ్మలు స్వయంగా పుట్టిన రోజు గీతాన్ని సంగీత రూపంలో వాయిస్తూ ఆమెకు విషెస్ చెప్పడంతో ఆ దృశ్యాన్ని తన మొబైల్ ఫోన్లో బందిస్తూ హృదయం ఉప్పొంగి ఏడ్చేసింది. అది కూడా అలియా ఎనిమిదేళ్ల ప్రాయంలో ఉండగా. ఈ మెమొరబుల్ వీడియోను పుజాభట్ ఇన్స్టాగ్రమ్ ద్వారా పంచుకుంది.